Mateo 22
22
Casaray fiestaman iwalatsiypa Jesús yachatsikunqan
Lucas 14.15-24
1Mastam iwalatsiypa yachatsir Jesús nirqan: 2<<Dios Yayapa mandakuyninqa casaray fiestanömi. Juk mandakuq reyshi ollqu tsurin casaraptin fiestata ruranaq. 3Tsayshi serviqninkunata kachanaq invitanqan runakunata qayayämunanpaq. Qayatsiptinpis manash aywayta munayänaqtsu. 4Tsaypitanash wakin serviqninkunatana mandar ninaq: <Mallwa törükunata y wera kaq törukunata pishtaskatsirmi mikuyta kusinatsishkäna. Llapanpis alistashqanam kaykan. Invitanqä runakuna shayämutsunna>. 5Tsaynö qayatsiptinpis manash mayqanpis casaray fiestaman aywayänaqtsu. Wakin kaqshi chakranpa aruq aywayänaq. Wakin kaqshi negociun rantikuq aywayänaq. 6Wakin kaqnash reypa serviqninkunata maqar wañutsiyänaq.
7<<Tsayshi reyqa alläpa rabyar soldädunkunata kachanaq. Chaykurnash serviqninkuna wañutsiq runakunata wañuskatsir markankunatapis waykayänaq. 8Tsaypitanash serviqninkunata ninaq: <Tsurï casarananpaq llapan alistashqanam kaykan. Peru tsaynö kaptinpis invitanqä runakunam manakaqman churayämar shayämushqatsu. 9Kananqa nänikunapa aywar tariyanqayki runakunata invitayämuy casaray fiestaman shayämunanpaq>.
10<<Tsaynö niptinshi serviqninkuna nänikunapa aywar llapan tariyanqan runakunata invitayänaq. Tsayshi alli y mana alli runapis waji junta casaray fiestaman chäyänaq. 11Invitanqan runakunata rikaq yaykurshi tsay rey tarinaq juk runa cambiakunni kaykaqta. 12Tsayshi tsay runata tapunaq: <Amïgu, casaray fiestaman invitaykaptiqqa ¿imanirtan mana cambiakur shamushkanki?> Tsaynö tapuptinshi tsay runa ima niytapis puëdinaqtsu. 13Tsayshi serviqninkunata rey ninaq: <Kay runata chakinta makinta wataskir mantsaypaq tutapayman jitarpuyay. Tsaychömi alläpa waqar kiruntapis requchyätsirraq ñakanqa> >>.#Mat. 8.12; 25.30; Luc. 13.28.
14Tsaypitanam Jesús nirqan: <<Atskaqtam Dios Yaya qayashqa. Peru wallkaqllatam akrashqa>>.
Impuestuta pägayänanpaq Jesústa tapuyanqan
Marcos 12.13-17; Lucas 20.20-26
15Tsaypitanam fariseukuna templupita yarquskir imaykanöpapis Jesústa llutanta parlatsiyänanpaq willanakuyarqan. 16Tsaymi alli yachaykatsir fariseukuna kachayarqan discïpulunkunata y Herodespa favornin shäriqkunata. Paykunam Jesústa niyarqan: <<Rabí, musyayämi rasun kaqllata yachatsikunqaykita. Manam runakuna aläbayäshunaykipaqtsu yachatsikunki, sinöqa Dios Yaya munanqannöllam. 17Kanan mä niyämay. Romachö mandakuq Césarpaq ¿impuestuta pägashwanku o manaku?>>#22.17 Israel runakunam yarpäyarqan Romapaq impuestuta pägar Dios Yayapa contran kayanqanta. Tsaymi: <<Impuestuta pägashun>> niptinqa Diospa contran Jesús parlanqanta niyanman karqan. <<Ama pägashuntsu>> niptinqa Roma autoridäkuna rabyayanman karqan.
18Llutanta parlatsiyänan rayku tapuyanqanta musyarmi Jesús nirqan: <<¡Allish tukuq runakuna! ¿Imanirtan llutanta parlatsiyämayta munayanki? 19Mä impuestu pägana qellayta rikätsiyämay>>.
Tsaynö niptinmi katsiyanqan qellayta Jesústa aptarkatsiyarqan. 20Tsayta rikaykurmi Jesús tapurqan: <<Kay qellaychö ¿pipa reträtuntan kaykan? Tsaynölla ¿pipa shutintan qellqashqa kaykan?>>
21Paykunanam niyarqan: <<Mandakuq Césarpam>>.
Tsaymi Jesús nirqan: <<Césarpa kaqtaqa Césarta entregayay. Dios Yayapa kaqtaqa Dios Yayata entregayay>>.#22.21 Dios Yayapa kaqmi kawaynintsik kaykan.
22Tsaynö niptinmi tsay runakuna mantsakashqa aywakuyarqan.
Wañushqakuna kawayämunanpaq kanqanta Jesústa tapuyanqan
Marcos 12.18-27; Lucas 20.27-40
23Tsay junaqllam saduceukuna Jesústa tapuq aywayarqan. Paykunaqa manam creyiyantsu wañuqkuna kawayämunanpaq kanqanta.#Hech. 23.8. 24Tsaymi Jesústa tapuyarqan: <<Rabí, Moisés qellqanqanchömi nin: <Warmiyuq runa tsurinnaq wañuptin wawqinmi llumtsuynin viüdawan churakanqa. Tsaynöpam wamrankuna kaptin tsay wañuq wawqinpa tsurinkunanö kayanqa>.#Deut. 25.5. 25Kanan niyäshayki. Juk kutish qanchis wawqikuna kayänaq. Mayor kaqshi warmiwan churakänaq. Peru manaraq tsurin kaptinshi wañuskinaq. Tsayshi qepan kaq wawqinna tsay viüdawan churakänaq. 26Paypis tsurin manaraq kaptinshi wañuskinaq. Tsaypita mas qepan kaqnash tsay viüdawan churakänaq. Paypis tsurin manaraq kaptinshi wañuskinaq. Tsaynöllash llapan wawqikuna tsay viüdallawan churakäyänaq. Tsurinkuna manaraq kaptinshi llapanpis wañuskiyänaq. 27Tsaypitanash tsay viüdapis wañuskinaq. 28Wañushqakuna kawayämunqan junaqqa ¿mayqanpa warminraq kanqa, qanchis wawqiwan churakashqa kaykaptinqa?>>
29Jesúsnam nirqan: <<Qamkunam llutanta yarpäyanki. Manam Dios Yayapa palabranta ni Dios Yaya poderyuq kanqantapis tantiyayankitsu. 30Kawaskamurqa mananam ni pipis churakanqanatsu, sinöqa ciëluchö [Dios Yayapa] angelninkunanöllanam kayanqa. 31Wañushqakuna kawayämunanpaq kanqanta ¿manaku Dios Yaya niyäshunqaykita liyiyashkanki? Palabranchömi nin: 32<Noqaqa Abrahampa, Isaacpa y Jacobpa Diosninmi kä>.#Éxo. 3.6. Dios Yayaqa manam wañushqakunapa Diosnintsu, sinöqa kawaqkunapa Diosninmi>>.
33Tsaynö yachatsikunqanta wiyaykurmi runakuna alläpa kushikuyarqan.
Mas cäsunapaq kaq mandamientu
Marcos 12.28-34; Lucas 10.25-28
34 Saduceukunata upällatsinqanta musyaskirmi fariseukuna Jesús kaqman qorikäyarqan. 35Tsaychömi ley yachatsikuq juk fariseo runa Jesús yachanqanta o mana yachanqantapis musyayta munar tapurqan: 36<<Rabí, ¿mayqan mandamientutatan mas cäsushwan?>>
37Jesúsnam nirqan: << <Dios Yayata kuyayanki llapan shonquykikunawan, llapan voluntänikikunawan y llapan yarpaynikikunawan>.#Deut. 6.5. 38Kay mandamientum llapan mandamientupitapis mas cäsunapaq kaykan. 39Tsaynöllam jukaq mandamientupis nin: <Kikiki kuyakunqaykinö runa majikita kuyanki>.#Lev. 19.18. 40Tsay ishkan mandamientuta cumplirqa Moisés qellqanqan llapan mandamientukunata y profëtakuna willakuyanqantam cumpliykäyanki>>.#Luc. 10.25-28.
Davidpitapis Cristo mas poderyuq kanqan
Marcos 12.35-37; Lucas 20.41-44
41 Fariseukuna tsaychö qorikashqa kaykäyaptinmi Jesús tapurqan: 42<<Cristo ¿pï kanqantatan yarpäyanki? ¿Pay pipa Tsurintan?>>
Tsaynö tapuptinmi niyarqan: <<Taytay, Davidpa Tsurinmi>>.#22.42 Cristupaqqa David casta kaptinmi runakuna niyarqan Davidpa Tsurin kanqanta. Tsaynö niyarqan rey Davidpita miraq imayyaqpis mandakuq kananpaq Dios Yaya prometishqa kaptinmi. Tsaypaq masta musyanaykipaq liyinki 2Sam. 7.10-16; Sal. 89.1-4, 19-37; 132.11-12.
43Jesúsnam nirqan: <<Davidpa Tsurin kaykaptinqa ¿imanirtan Espíritu Santu tantiyatsiptin kikin Davidpis mandaqnin rey kanqanta nirqan? Paymi nirqan:
44<< <Mandamaqnïtam Dios Yaya nirqan:
<<Derëcha kaq lädüman jamakamuy llapan chikishuqnikikunata podernikiman churamunqäyaq>> >.#Sal. 110.1.
45Kikin Davidpis mandaqnin rey kanqanta nikaptinqa ¿imanöpatan Cristuqa Davidpa Tsurin kanman?>>#22.45 Jesucristuqa manam David casta kanqanta nëgarqantsu, sinöqa Davidpita mas poderyuq kanqantam nirqan.
46Tsaynö niptin manam ni pipis contestayta puëdirqantsu. Tsay junaqpita manam ni pipis Jesústa tapuyta valorarqannatsu.
Currently Selected:
Mateo 22: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Mateo 22
22
Casaray fiestaman iwalatsiypa Jesús yachatsikunqan
Lucas 14.15-24
1Mastam iwalatsiypa yachatsir Jesús nirqan: 2<<Dios Yayapa mandakuyninqa casaray fiestanömi. Juk mandakuq reyshi ollqu tsurin casaraptin fiestata ruranaq. 3Tsayshi serviqninkunata kachanaq invitanqan runakunata qayayämunanpaq. Qayatsiptinpis manash aywayta munayänaqtsu. 4Tsaypitanash wakin serviqninkunatana mandar ninaq: <Mallwa törükunata y wera kaq törukunata pishtaskatsirmi mikuyta kusinatsishkäna. Llapanpis alistashqanam kaykan. Invitanqä runakuna shayämutsunna>. 5Tsaynö qayatsiptinpis manash mayqanpis casaray fiestaman aywayänaqtsu. Wakin kaqshi chakranpa aruq aywayänaq. Wakin kaqshi negociun rantikuq aywayänaq. 6Wakin kaqnash reypa serviqninkunata maqar wañutsiyänaq.
7<<Tsayshi reyqa alläpa rabyar soldädunkunata kachanaq. Chaykurnash serviqninkuna wañutsiq runakunata wañuskatsir markankunatapis waykayänaq. 8Tsaypitanash serviqninkunata ninaq: <Tsurï casarananpaq llapan alistashqanam kaykan. Peru tsaynö kaptinpis invitanqä runakunam manakaqman churayämar shayämushqatsu. 9Kananqa nänikunapa aywar tariyanqayki runakunata invitayämuy casaray fiestaman shayämunanpaq>.
10<<Tsaynö niptinshi serviqninkuna nänikunapa aywar llapan tariyanqan runakunata invitayänaq. Tsayshi alli y mana alli runapis waji junta casaray fiestaman chäyänaq. 11Invitanqan runakunata rikaq yaykurshi tsay rey tarinaq juk runa cambiakunni kaykaqta. 12Tsayshi tsay runata tapunaq: <Amïgu, casaray fiestaman invitaykaptiqqa ¿imanirtan mana cambiakur shamushkanki?> Tsaynö tapuptinshi tsay runa ima niytapis puëdinaqtsu. 13Tsayshi serviqninkunata rey ninaq: <Kay runata chakinta makinta wataskir mantsaypaq tutapayman jitarpuyay. Tsaychömi alläpa waqar kiruntapis requchyätsirraq ñakanqa> >>.#Mat. 8.12; 25.30; Luc. 13.28.
14Tsaypitanam Jesús nirqan: <<Atskaqtam Dios Yaya qayashqa. Peru wallkaqllatam akrashqa>>.
Impuestuta pägayänanpaq Jesústa tapuyanqan
Marcos 12.13-17; Lucas 20.20-26
15Tsaypitanam fariseukuna templupita yarquskir imaykanöpapis Jesústa llutanta parlatsiyänanpaq willanakuyarqan. 16Tsaymi alli yachaykatsir fariseukuna kachayarqan discïpulunkunata y Herodespa favornin shäriqkunata. Paykunam Jesústa niyarqan: <<Rabí, musyayämi rasun kaqllata yachatsikunqaykita. Manam runakuna aläbayäshunaykipaqtsu yachatsikunki, sinöqa Dios Yaya munanqannöllam. 17Kanan mä niyämay. Romachö mandakuq Césarpaq ¿impuestuta pägashwanku o manaku?>>#22.17 Israel runakunam yarpäyarqan Romapaq impuestuta pägar Dios Yayapa contran kayanqanta. Tsaymi: <<Impuestuta pägashun>> niptinqa Diospa contran Jesús parlanqanta niyanman karqan. <<Ama pägashuntsu>> niptinqa Roma autoridäkuna rabyayanman karqan.
18Llutanta parlatsiyänan rayku tapuyanqanta musyarmi Jesús nirqan: <<¡Allish tukuq runakuna! ¿Imanirtan llutanta parlatsiyämayta munayanki? 19Mä impuestu pägana qellayta rikätsiyämay>>.
Tsaynö niptinmi katsiyanqan qellayta Jesústa aptarkatsiyarqan. 20Tsayta rikaykurmi Jesús tapurqan: <<Kay qellaychö ¿pipa reträtuntan kaykan? Tsaynölla ¿pipa shutintan qellqashqa kaykan?>>
21Paykunanam niyarqan: <<Mandakuq Césarpam>>.
Tsaymi Jesús nirqan: <<Césarpa kaqtaqa Césarta entregayay. Dios Yayapa kaqtaqa Dios Yayata entregayay>>.#22.21 Dios Yayapa kaqmi kawaynintsik kaykan.
22Tsaynö niptinmi tsay runakuna mantsakashqa aywakuyarqan.
Wañushqakuna kawayämunanpaq kanqanta Jesústa tapuyanqan
Marcos 12.18-27; Lucas 20.27-40
23Tsay junaqllam saduceukuna Jesústa tapuq aywayarqan. Paykunaqa manam creyiyantsu wañuqkuna kawayämunanpaq kanqanta.#Hech. 23.8. 24Tsaymi Jesústa tapuyarqan: <<Rabí, Moisés qellqanqanchömi nin: <Warmiyuq runa tsurinnaq wañuptin wawqinmi llumtsuynin viüdawan churakanqa. Tsaynöpam wamrankuna kaptin tsay wañuq wawqinpa tsurinkunanö kayanqa>.#Deut. 25.5. 25Kanan niyäshayki. Juk kutish qanchis wawqikuna kayänaq. Mayor kaqshi warmiwan churakänaq. Peru manaraq tsurin kaptinshi wañuskinaq. Tsayshi qepan kaq wawqinna tsay viüdawan churakänaq. 26Paypis tsurin manaraq kaptinshi wañuskinaq. Tsaypita mas qepan kaqnash tsay viüdawan churakänaq. Paypis tsurin manaraq kaptinshi wañuskinaq. Tsaynöllash llapan wawqikuna tsay viüdallawan churakäyänaq. Tsurinkuna manaraq kaptinshi llapanpis wañuskiyänaq. 27Tsaypitanash tsay viüdapis wañuskinaq. 28Wañushqakuna kawayämunqan junaqqa ¿mayqanpa warminraq kanqa, qanchis wawqiwan churakashqa kaykaptinqa?>>
29Jesúsnam nirqan: <<Qamkunam llutanta yarpäyanki. Manam Dios Yayapa palabranta ni Dios Yaya poderyuq kanqantapis tantiyayankitsu. 30Kawaskamurqa mananam ni pipis churakanqanatsu, sinöqa ciëluchö [Dios Yayapa] angelninkunanöllanam kayanqa. 31Wañushqakuna kawayämunanpaq kanqanta ¿manaku Dios Yaya niyäshunqaykita liyiyashkanki? Palabranchömi nin: 32<Noqaqa Abrahampa, Isaacpa y Jacobpa Diosninmi kä>.#Éxo. 3.6. Dios Yayaqa manam wañushqakunapa Diosnintsu, sinöqa kawaqkunapa Diosninmi>>.
33Tsaynö yachatsikunqanta wiyaykurmi runakuna alläpa kushikuyarqan.
Mas cäsunapaq kaq mandamientu
Marcos 12.28-34; Lucas 10.25-28
34 Saduceukunata upällatsinqanta musyaskirmi fariseukuna Jesús kaqman qorikäyarqan. 35Tsaychömi ley yachatsikuq juk fariseo runa Jesús yachanqanta o mana yachanqantapis musyayta munar tapurqan: 36<<Rabí, ¿mayqan mandamientutatan mas cäsushwan?>>
37Jesúsnam nirqan: << <Dios Yayata kuyayanki llapan shonquykikunawan, llapan voluntänikikunawan y llapan yarpaynikikunawan>.#Deut. 6.5. 38Kay mandamientum llapan mandamientupitapis mas cäsunapaq kaykan. 39Tsaynöllam jukaq mandamientupis nin: <Kikiki kuyakunqaykinö runa majikita kuyanki>.#Lev. 19.18. 40Tsay ishkan mandamientuta cumplirqa Moisés qellqanqan llapan mandamientukunata y profëtakuna willakuyanqantam cumpliykäyanki>>.#Luc. 10.25-28.
Davidpitapis Cristo mas poderyuq kanqan
Marcos 12.35-37; Lucas 20.41-44
41 Fariseukuna tsaychö qorikashqa kaykäyaptinmi Jesús tapurqan: 42<<Cristo ¿pï kanqantatan yarpäyanki? ¿Pay pipa Tsurintan?>>
Tsaynö tapuptinmi niyarqan: <<Taytay, Davidpa Tsurinmi>>.#22.42 Cristupaqqa David casta kaptinmi runakuna niyarqan Davidpa Tsurin kanqanta. Tsaynö niyarqan rey Davidpita miraq imayyaqpis mandakuq kananpaq Dios Yaya prometishqa kaptinmi. Tsaypaq masta musyanaykipaq liyinki 2Sam. 7.10-16; Sal. 89.1-4, 19-37; 132.11-12.
43Jesúsnam nirqan: <<Davidpa Tsurin kaykaptinqa ¿imanirtan Espíritu Santu tantiyatsiptin kikin Davidpis mandaqnin rey kanqanta nirqan? Paymi nirqan:
44<< <Mandamaqnïtam Dios Yaya nirqan:
<<Derëcha kaq lädüman jamakamuy llapan chikishuqnikikunata podernikiman churamunqäyaq>> >.#Sal. 110.1.
45Kikin Davidpis mandaqnin rey kanqanta nikaptinqa ¿imanöpatan Cristuqa Davidpa Tsurin kanman?>>#22.45 Jesucristuqa manam David casta kanqanta nëgarqantsu, sinöqa Davidpita mas poderyuq kanqantam nirqan.
46Tsaynö niptin manam ni pipis contestayta puëdirqantsu. Tsay junaqpita manam ni pipis Jesústa tapuyta valorarqannatsu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.