Mateo 21
21
Jerusalénman Jesús yaykunqan
Marcos 11.1-11; Lucas 19.28-38; Juan 12.12-19
1Jerusalénman Jesús aywarmi Olivos lömachö Betfagé markaman chäyarqan. Tsaypitam ishkaq discïpulunkunata mandar 2nirqan: <<Taqay markaman aywayay. Chaykurmi mallwa wawayuq ashnu wataraykaqta tariyanki. Tsay ashnuta paskaskir apayämuy. 3Pipis tapuyäshuptiki niyanki: <Señor Jesúsmi wanan. Sasllam kutitsiyämunqa> >>.
4Tsaynöpam Dios Yayapa profëtan qellqanqanta cumplirqan. Tsay qellqanqanchömi nin:
5<<Sión runakunata willay:
<Rikäyay mandaqniki rey shamuykaqta.
Qollmi shonqu karmi ashnun montashqa shamuykan.
Mallwa ashnun montashqam shamuykan> >>.#Zac. 9.9.
6Discïpulunkuna aywarmi Jesús ninqannölla rurayarqan. 7Mamantinta apaykur punchunkunata karunarkuyaptinmi mallwa ashnun montashqa Jesús aywarqan. 8Tsaynö aywaptinmi maytsikaq runakuna kushikur punchunkunata näniman mashtayarqan. Tsaynöllam wakin kaqkunapis palmakunapa rämankunata pakiskir näniman mashtayarqan. 9Tsaymi puntanta y qepanta aywaqkuna kushikur niyarqan: <<¡Hosana!#21.9 Israel runakunam Hosana niyarqan Dios Yayata alabar. ¡Davidpa Tsurin alabashqa kaykullätsun! ¡Dios Yayapa shutinchö shamuq runa alabashqa kaykullätsun! ¡Ciëluchöpis alabashqa kaykullätsun!>>#Sal. 118.25-26.
10Jerusalénman Jesús yaykuptinmi tsaychö llapan runakuna juknin juknin tapunakuyarqan: <<¿Piraq kay runa?>>
11Jesúswan aywaq runakunanam niyarqan: <<Paymi Galileachö Nazaretpita shamuq profëta Jesús>>.
Templuchö rantikuqkunata qarqunqan
Marcos 11.15-19; Lucas 19.45-48; Juan 2.13-22
12Templupa patiunman yaykuskirnam rantikuqkunata y rantipakuqkunatapis Jesús qarqurqan. Tsaynöllam qellay trukatsiqkunapa mësankunatapis#21.12 Jesús kawanqan witsaymi Roma runakunapa qellayninta Israel runakuna üsayaq imatapis rantipakuyänanpaq. Tsaymi Dios Yayapaq ofrendata apayänanpaqqa templuman apayänanpaq kaq qellaytaraq rantiyaq. y paluma rantikuqkunapa sillëtankunatapis wikapakurqan. 13Qarqurmi nirqan: <<Dios Yayapa palabranmi nin: <Wajïqa runakuna mañakayämänanpaqmi kanqa>.#Isa. 56.7. Tsaynö nikaptinmi qamkunaqa suwakunapa machayninman tikratsiyashkanki>>.#Jer. 7.11.
14Templupa patiunchö kaykaptinmi qaprakuna y ratakunapis Jesús kaqman witiyarqan. Paykunatam llapanta kutikätsirqan. 15Tsaychömi wamrakunapis payta alabar niyarqan: <<¡Hosana! ¡Davidpa Tsurinta alabashun!>>
Runakunata Jesús kutikätsiqta rikar y wamrakuna alabayaqta wiyarmi mandakuq sacerdötikuna y ley yachatsikuqkuna alläpa rabyayarqan. 16Tsaynam Jesústa niyarqan: <<¿Wiyankiku kay wamrakuna niyanqanta?>>
Jesúsnam nirqan: <<Aw, wiyämi. ¿Manaku liyiyashkanki Diospa palabranchö qellqashqa kanqanta? Tsaychömi nin: <Pishi wamrakunawan chuchuykaq wamrakunapis alabayäshunkim> >>.#Sal. 8.2.
17Tsaynö niskirmi paykunata jaqiskir Betania markaman kutikurqan tsaychö patsakunanpaq.
Hïguspa yuran tsakinanpaq Jesús ninqan
Marcos 11.12-14, 20-24
18Waränin alliq Jerusalénman Jesús kutiykarmi mallaqarqan. 19Tsaymi näni lädunchö hïguspa yuranta rikaykur wayuyninta ashiq aywarqan. Raprallanta tariskirmi nirqan: <<¡Kananpitaqa manam ni imaypis wayunkinatsu!>>
Tsaynö niptinmi jina höra hïguspa yuran tsakiskirqan.#21.19 Tsaynömi Jesús tantiyatsirqan runakunapis Dios Yaya munanqannö mana kawarqa wayuyninnaq hïgusnö kayanqanta. Tsaymi tsay hïgusta Jesús tsakitsinqannö Dios Yaya runakunatapis juzganqa. 20Tsayta rikarmi discïpulunkuna mantsakashqa ninakuyarqan: <<¿Imanötan hïguspa yuran jina höra tsakishqa?>>
21Jesúsnam nirqan: <<Rasun kaqtam niyaq: Llapan shonquykikunawan Dios Yayaman creyikurqa manam kay hïguspa yuranta tsakitsinqänöllatsu rurayanki, sinöqa taqay jirkata: <Kaypita lamarman ayway> niyaptikipis aywanqam.#Mat. 17.20; 1Cor. 13.2. 22Llapan shonquykiwan creyikur imatapis Dios Yayata mañakurqa chaskiyankim>>.
Jesústa sacerdötikuna tapuyanqan
Marcos 11.27-33; Lucas 20.1-8
23Tsaypita templupa patiunman yaykuskir yachaykätsiptinnam mandakuq sacerdötikuna y Israel mayor runakuna Jesústa tapuyarqan: <<Qamqa ¿pipa poderninwantan rantikuqkunata qarqushkanki? ¿Pitan tsaynö qarqunaykipaq nishushkanki?>>
24Jesúsnam nirqan: <<Qamkunatapis mä tapuyäshayki. Tapuyanqaqta niyämaptikiqa noqapis willayäshaykim pipa poderninwan qarqunqäta. 25¿Pitan Juanta kachamushqa bautizananpaq? ¿Dios Yayaku o runakunallaku?>>
Tsaynö tapuptinmi kikinkunapura ninakuyarqan: << <Dios Yayam kachamushqa> nishqaqa: <¿Imanirtan creyiyashkankitsu?> nimäshunmi. 26<Runakunam kachayämushqa> nishqaqa contrantsikmi runakuna shäriyanqa. Juan profëta kanqantam llapan yarpäyan>>.
27Tsaymi Jesústa niyarqan: <<Manam musyayätsu pï kachamunqantapis>>.
Jesúsnam nirqan: <<Noqapis manam willayäshaykitsu pipa poderninwan rantikuqkunata qarqunqäta>>.
Juk runapa ishkay tsurinkunaman Jesús iwalatsinqan
28<<¿Ima niyankitan? Juk runapash ishkay tsurinkuna kanaq. Mayor kaq tsurintash ninaq: <Hïju, kanan junaq üva chakrächö arüsiykamay>. 29Tsaynö rugaptinpis manash äninaqtsu. Peru mana äniykarpis yarpachakuskirshi arüsiqnin aywanaq. 30Mayor tsurinta ruganqannöllash qepa kaq tsurintapis ruganaq. Tsayshi qepa kaq tsurin ninaq: <Taytay, arüsishaykim>. Tsaynö äniskirpis manash aywanaqtsu.
31<<Kanan mä niyämay. ¿Mayqantan taytan munanqanta rurashqa?>>
Tsaynö niptinmi niyarqan: <<Mayor kaq tsurinmi>>.
Tsaymi Jesús nirqan: <<Rasun kaqtam niyaq: Tsay mayor kaq tsurin kanqannömi Romapaq impuestu cobraqkuna y prostitüta warmikunapis kaykäyan. Paykunam qamkunapita mas puntata Dios Yayapa mandakuyninman yaykuykäyan. 32Dios Yaya munanqannö kawakuyänaykipaq Bautizaq Juan yachatsiyäshuptikipis manam cäsuyashkankitsu. Peru impuestu cobraqkunawan prostitüta warmikunam sïqa willakunqanta chaskiyashqa.#Luc. 3.12; 7.29-30. Tsayta rikaykarpis qamkunaqa willakunqanta manam chaskiyashkankitsu ni jutsaykikunapita arrepentikuyashkankitsu>>.
Chakra arrendaq runakunaman iwalatsiypa Jesús yachatsikunqan
Marcos 12.1-12; Lucas 20.9-19
33<<Juk mastam iwalatsiypa yachatsiyäshayki: Juk runash chakranman üvata plantaskatsir#Isa. 5.1-2. entëru kuchunpa perqatsinaq. Üvata jaruyänanpaqshi pözuta ruratsinaq. Chakranta täpananpaqshi törritapis shäratsinaq. Llapanta ruraskatsirnash chakranta arrendakuskir juklä markapa aywakunaq.
34<<Cosëcha qallaykuptinnash üva chakra arriendunpita cobrayämunanpaq serviqninkunata kachanaq. 35Chäriyaptinnash chakra arrendaqkunaqa tsay serviqkunata jukaqta maqayänaq, jukaqtana wañuskatsiyänaq y jukaqtanash saqmar ushayänaq. 36Tsayshi chakrayuq runa puntata kachanqanpita mas atskaqtana serviqninkunata kachanaq. Paykunatapis tsaynöllash rurayänaq.
37<<Tsaypitanash kikinpa tsurintana kachanaq <tsurïtaqa respitayanqam> nir. 38Tsayshi tsurin aywaykaqta rikaskir chakra arrendaqkuna yachatsinakuyänaq: <Taqaymi kay chakrawan quëdanqa. Chakranwan quëdanapaq wañuskatsishun>. 39Chaykuptinnash willanakuyanqannölla üva chakrapita jukläman apaykur wañuskatsiyänaq>>.
40Tsaynö willakuskirnam Jesús nirqan: <<Tsay üva chakrayuq kutiykur ¿imatatan tsay runakunata ruranqa?>>
41Tsaymi niyarqan: <<Tsay mana alli runakunataqa mana llakipaypam wañutsinqa. Tsaypitanam cada cosëchachö pägaq kaqkunatana chakranta arrendakunqa>>.
42Jesúsnam nirqan: <<¿Manaku liyiyashkanki Dios Yayapa palabranta? Tsaychömi nin:
<< <Waji shäritsiqkuna <<kay rumi manam allitsu>> nir jitariyanqanmi maestru rumiman tikrashqa.
Tsaynö kananpaqmi Dios Yaya permïtishqa.
Tsaypitam mantsakashqa kaykantsik>.#21.42 Tsay rumimanmi Jesucristo iwalatsikurqan. Tsaynömi tantiyatsirqan chikiyaptinpis Dios Yaya llapanpita mas poderyuq kananpaq churanqanta.#Sal. 118.22-23.
43<<Tsaymi niyaq: Mandakuyninta qechuskiyarnikim cäsukuq runakunatana Dios Yaya entreganqa. 44Pipis tsay rumiman ishkirqa ushakanqam. Tsaynöllam pipa jananmanpis tsay rumi shikwarqa ushakätsinqa>>.
45Tsaynö iwalatsiypa yachatsiptinmi mandakuq sacerdötikuna y fariseukuna tantiyayarqan paykunapa contran parlaykanqanta.#21.45 Tsay iwalatsikuyqa kaynömi: Chakrayuqqa Dios Yayam. Chakrayuq mandanqan serviqninkunanam Dios Yayapa profëtankuna. Chakrayuqpa tsurinnam Jesucristo. Chakra arrendaq mana alli runakunanam Jesucristupa contrankuna. 46Tsaymi prësu achkutsiyta munarpis profëta kanqanta runakuna parlayaptin paykunapita mantsakur achkutsiyarqantsu.
Currently Selected:
Mateo 21: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Mateo 21
21
Jerusalénman Jesús yaykunqan
Marcos 11.1-11; Lucas 19.28-38; Juan 12.12-19
1Jerusalénman Jesús aywarmi Olivos lömachö Betfagé markaman chäyarqan. Tsaypitam ishkaq discïpulunkunata mandar 2nirqan: <<Taqay markaman aywayay. Chaykurmi mallwa wawayuq ashnu wataraykaqta tariyanki. Tsay ashnuta paskaskir apayämuy. 3Pipis tapuyäshuptiki niyanki: <Señor Jesúsmi wanan. Sasllam kutitsiyämunqa> >>.
4Tsaynöpam Dios Yayapa profëtan qellqanqanta cumplirqan. Tsay qellqanqanchömi nin:
5<<Sión runakunata willay:
<Rikäyay mandaqniki rey shamuykaqta.
Qollmi shonqu karmi ashnun montashqa shamuykan.
Mallwa ashnun montashqam shamuykan> >>.#Zac. 9.9.
6Discïpulunkuna aywarmi Jesús ninqannölla rurayarqan. 7Mamantinta apaykur punchunkunata karunarkuyaptinmi mallwa ashnun montashqa Jesús aywarqan. 8Tsaynö aywaptinmi maytsikaq runakuna kushikur punchunkunata näniman mashtayarqan. Tsaynöllam wakin kaqkunapis palmakunapa rämankunata pakiskir näniman mashtayarqan. 9Tsaymi puntanta y qepanta aywaqkuna kushikur niyarqan: <<¡Hosana!#21.9 Israel runakunam Hosana niyarqan Dios Yayata alabar. ¡Davidpa Tsurin alabashqa kaykullätsun! ¡Dios Yayapa shutinchö shamuq runa alabashqa kaykullätsun! ¡Ciëluchöpis alabashqa kaykullätsun!>>#Sal. 118.25-26.
10Jerusalénman Jesús yaykuptinmi tsaychö llapan runakuna juknin juknin tapunakuyarqan: <<¿Piraq kay runa?>>
11Jesúswan aywaq runakunanam niyarqan: <<Paymi Galileachö Nazaretpita shamuq profëta Jesús>>.
Templuchö rantikuqkunata qarqunqan
Marcos 11.15-19; Lucas 19.45-48; Juan 2.13-22
12Templupa patiunman yaykuskirnam rantikuqkunata y rantipakuqkunatapis Jesús qarqurqan. Tsaynöllam qellay trukatsiqkunapa mësankunatapis#21.12 Jesús kawanqan witsaymi Roma runakunapa qellayninta Israel runakuna üsayaq imatapis rantipakuyänanpaq. Tsaymi Dios Yayapaq ofrendata apayänanpaqqa templuman apayänanpaq kaq qellaytaraq rantiyaq. y paluma rantikuqkunapa sillëtankunatapis wikapakurqan. 13Qarqurmi nirqan: <<Dios Yayapa palabranmi nin: <Wajïqa runakuna mañakayämänanpaqmi kanqa>.#Isa. 56.7. Tsaynö nikaptinmi qamkunaqa suwakunapa machayninman tikratsiyashkanki>>.#Jer. 7.11.
14Templupa patiunchö kaykaptinmi qaprakuna y ratakunapis Jesús kaqman witiyarqan. Paykunatam llapanta kutikätsirqan. 15Tsaychömi wamrakunapis payta alabar niyarqan: <<¡Hosana! ¡Davidpa Tsurinta alabashun!>>
Runakunata Jesús kutikätsiqta rikar y wamrakuna alabayaqta wiyarmi mandakuq sacerdötikuna y ley yachatsikuqkuna alläpa rabyayarqan. 16Tsaynam Jesústa niyarqan: <<¿Wiyankiku kay wamrakuna niyanqanta?>>
Jesúsnam nirqan: <<Aw, wiyämi. ¿Manaku liyiyashkanki Diospa palabranchö qellqashqa kanqanta? Tsaychömi nin: <Pishi wamrakunawan chuchuykaq wamrakunapis alabayäshunkim> >>.#Sal. 8.2.
17Tsaynö niskirmi paykunata jaqiskir Betania markaman kutikurqan tsaychö patsakunanpaq.
Hïguspa yuran tsakinanpaq Jesús ninqan
Marcos 11.12-14, 20-24
18Waränin alliq Jerusalénman Jesús kutiykarmi mallaqarqan. 19Tsaymi näni lädunchö hïguspa yuranta rikaykur wayuyninta ashiq aywarqan. Raprallanta tariskirmi nirqan: <<¡Kananpitaqa manam ni imaypis wayunkinatsu!>>
Tsaynö niptinmi jina höra hïguspa yuran tsakiskirqan.#21.19 Tsaynömi Jesús tantiyatsirqan runakunapis Dios Yaya munanqannö mana kawarqa wayuyninnaq hïgusnö kayanqanta. Tsaymi tsay hïgusta Jesús tsakitsinqannö Dios Yaya runakunatapis juzganqa. 20Tsayta rikarmi discïpulunkuna mantsakashqa ninakuyarqan: <<¿Imanötan hïguspa yuran jina höra tsakishqa?>>
21Jesúsnam nirqan: <<Rasun kaqtam niyaq: Llapan shonquykikunawan Dios Yayaman creyikurqa manam kay hïguspa yuranta tsakitsinqänöllatsu rurayanki, sinöqa taqay jirkata: <Kaypita lamarman ayway> niyaptikipis aywanqam.#Mat. 17.20; 1Cor. 13.2. 22Llapan shonquykiwan creyikur imatapis Dios Yayata mañakurqa chaskiyankim>>.
Jesústa sacerdötikuna tapuyanqan
Marcos 11.27-33; Lucas 20.1-8
23Tsaypita templupa patiunman yaykuskir yachaykätsiptinnam mandakuq sacerdötikuna y Israel mayor runakuna Jesústa tapuyarqan: <<Qamqa ¿pipa poderninwantan rantikuqkunata qarqushkanki? ¿Pitan tsaynö qarqunaykipaq nishushkanki?>>
24Jesúsnam nirqan: <<Qamkunatapis mä tapuyäshayki. Tapuyanqaqta niyämaptikiqa noqapis willayäshaykim pipa poderninwan qarqunqäta. 25¿Pitan Juanta kachamushqa bautizananpaq? ¿Dios Yayaku o runakunallaku?>>
Tsaynö tapuptinmi kikinkunapura ninakuyarqan: << <Dios Yayam kachamushqa> nishqaqa: <¿Imanirtan creyiyashkankitsu?> nimäshunmi. 26<Runakunam kachayämushqa> nishqaqa contrantsikmi runakuna shäriyanqa. Juan profëta kanqantam llapan yarpäyan>>.
27Tsaymi Jesústa niyarqan: <<Manam musyayätsu pï kachamunqantapis>>.
Jesúsnam nirqan: <<Noqapis manam willayäshaykitsu pipa poderninwan rantikuqkunata qarqunqäta>>.
Juk runapa ishkay tsurinkunaman Jesús iwalatsinqan
28<<¿Ima niyankitan? Juk runapash ishkay tsurinkuna kanaq. Mayor kaq tsurintash ninaq: <Hïju, kanan junaq üva chakrächö arüsiykamay>. 29Tsaynö rugaptinpis manash äninaqtsu. Peru mana äniykarpis yarpachakuskirshi arüsiqnin aywanaq. 30Mayor tsurinta ruganqannöllash qepa kaq tsurintapis ruganaq. Tsayshi qepa kaq tsurin ninaq: <Taytay, arüsishaykim>. Tsaynö äniskirpis manash aywanaqtsu.
31<<Kanan mä niyämay. ¿Mayqantan taytan munanqanta rurashqa?>>
Tsaynö niptinmi niyarqan: <<Mayor kaq tsurinmi>>.
Tsaymi Jesús nirqan: <<Rasun kaqtam niyaq: Tsay mayor kaq tsurin kanqannömi Romapaq impuestu cobraqkuna y prostitüta warmikunapis kaykäyan. Paykunam qamkunapita mas puntata Dios Yayapa mandakuyninman yaykuykäyan. 32Dios Yaya munanqannö kawakuyänaykipaq Bautizaq Juan yachatsiyäshuptikipis manam cäsuyashkankitsu. Peru impuestu cobraqkunawan prostitüta warmikunam sïqa willakunqanta chaskiyashqa.#Luc. 3.12; 7.29-30. Tsayta rikaykarpis qamkunaqa willakunqanta manam chaskiyashkankitsu ni jutsaykikunapita arrepentikuyashkankitsu>>.
Chakra arrendaq runakunaman iwalatsiypa Jesús yachatsikunqan
Marcos 12.1-12; Lucas 20.9-19
33<<Juk mastam iwalatsiypa yachatsiyäshayki: Juk runash chakranman üvata plantaskatsir#Isa. 5.1-2. entëru kuchunpa perqatsinaq. Üvata jaruyänanpaqshi pözuta ruratsinaq. Chakranta täpananpaqshi törritapis shäratsinaq. Llapanta ruraskatsirnash chakranta arrendakuskir juklä markapa aywakunaq.
34<<Cosëcha qallaykuptinnash üva chakra arriendunpita cobrayämunanpaq serviqninkunata kachanaq. 35Chäriyaptinnash chakra arrendaqkunaqa tsay serviqkunata jukaqta maqayänaq, jukaqtana wañuskatsiyänaq y jukaqtanash saqmar ushayänaq. 36Tsayshi chakrayuq runa puntata kachanqanpita mas atskaqtana serviqninkunata kachanaq. Paykunatapis tsaynöllash rurayänaq.
37<<Tsaypitanash kikinpa tsurintana kachanaq <tsurïtaqa respitayanqam> nir. 38Tsayshi tsurin aywaykaqta rikaskir chakra arrendaqkuna yachatsinakuyänaq: <Taqaymi kay chakrawan quëdanqa. Chakranwan quëdanapaq wañuskatsishun>. 39Chaykuptinnash willanakuyanqannölla üva chakrapita jukläman apaykur wañuskatsiyänaq>>.
40Tsaynö willakuskirnam Jesús nirqan: <<Tsay üva chakrayuq kutiykur ¿imatatan tsay runakunata ruranqa?>>
41Tsaymi niyarqan: <<Tsay mana alli runakunataqa mana llakipaypam wañutsinqa. Tsaypitanam cada cosëchachö pägaq kaqkunatana chakranta arrendakunqa>>.
42Jesúsnam nirqan: <<¿Manaku liyiyashkanki Dios Yayapa palabranta? Tsaychömi nin:
<< <Waji shäritsiqkuna <<kay rumi manam allitsu>> nir jitariyanqanmi maestru rumiman tikrashqa.
Tsaynö kananpaqmi Dios Yaya permïtishqa.
Tsaypitam mantsakashqa kaykantsik>.#21.42 Tsay rumimanmi Jesucristo iwalatsikurqan. Tsaynömi tantiyatsirqan chikiyaptinpis Dios Yaya llapanpita mas poderyuq kananpaq churanqanta.#Sal. 118.22-23.
43<<Tsaymi niyaq: Mandakuyninta qechuskiyarnikim cäsukuq runakunatana Dios Yaya entreganqa. 44Pipis tsay rumiman ishkirqa ushakanqam. Tsaynöllam pipa jananmanpis tsay rumi shikwarqa ushakätsinqa>>.
45Tsaynö iwalatsiypa yachatsiptinmi mandakuq sacerdötikuna y fariseukuna tantiyayarqan paykunapa contran parlaykanqanta.#21.45 Tsay iwalatsikuyqa kaynömi: Chakrayuqqa Dios Yayam. Chakrayuq mandanqan serviqninkunanam Dios Yayapa profëtankuna. Chakrayuqpa tsurinnam Jesucristo. Chakra arrendaq mana alli runakunanam Jesucristupa contrankuna. 46Tsaymi prësu achkutsiyta munarpis profëta kanqanta runakuna parlayaptin paykunapita mantsakur achkutsiyarqantsu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.