Mateo 20
20
Peonkunaman iwalatsiypa Jesús yachatsikunqan
1<<Kananmi Dios Yayapa mandakuynin imanö kanqanta tantiyatsiyäshayki. Juk runash üva chakranchö arutsikunanpaq atsik atsiklla peonkuna ashiq aywanaq. 2Peonta tariskirshi juk jornalta pägananpaq parlaskir üva chakranman aruq kachanaq.
3<<Tsaypita las nuëvinö pläzapa yapay aywarshi runakuna aruyninnaq kaykäyaqta tarinaq. 4Paykunatash ninaq: <Qamkunapis üva chakrächö aruyänaykipaq aywayay. Aruyanqaykipitam pägayäshayki>. Tsaynö niptinshi paykunapis aywayänaq.
5<<Pullan junaqpis y tardi las trespis yapayshi peón ashiq aywanaq. Tariskirshi wakintanölla chakranman kachanaq.
6<<Tsaypita peonkuna yarquyänanpaq juk höranöllana faltaykaptinshi yapay aywar runakuna aruyninnaq kaykäyaqta tarinaq. Tsayshi ninaq: <¿Imanirtan qoyatna imallatapis mana rurar kaykäyanki?>
7<<Paykunanash niyänaq: <Taytay, manam ni pipis aruypaq ashiyämashqatsu>.
<<Tsayshi ninaq: <Qamkunapis chakräman aruq aywayay>.
8<<Patsa tutapaykaptinnash capatazninta ninaq: <Aruqkunata qayaskamur llapanta juk jornalta pägay.#Lev. 19.13; Deut. 24.15. Tardiraq yaykuqkunata puntata päganki y alliqpita aruqkunataqa qepataraq päganki>. 9Tsay ninqannöllash tardiraq aruq yaykuqkunata juk jornal complëtuta päganaq. 10Tsayta rikarshi alliqpita aruqkunaqa yarpäyänaq mas atskata chaskiyänanpaq kanqanta. Tsaynö yarparpis juk jornalllatash paykunapis chaskiyänaq. 11Tsayshi chakrayuqta reclamar 12niyänaq: <Tardiraq yaykamuqkuna juk hörallana aruykäyaptinqa ¿imanirtan noqakunataqa tsayläya achaychö aruykäyaptï paykunatanölla pägaykäyämanki?>
13<<Chakrayuqnash ninaq: <Amïgu, parlanqantsiknömi pägaykäyaq. Manam engañaykäyaqtsu. 14Päguykikunata chaskishqana kaykarqa upälla aywakuyay. Tardi yaykamuqkunatapis qamkunatanöllam pägaykä. 15Qamkunaqa aykata pägaptïpis ¿ima cuentayuqtan kayanki? ¿Alli runa kanqäpitaku rabyayanki?> >>
16Tsaypitanam Jesús nirqan: <<Tsaynöllam qepa kaqkuna puntachö kayanqa. Punta kaqkunanam qepachö kayanqa.#20.16 Tsay yachatsinqanpaqmi Jesús nirqan: Tsaynö arupukuq puntata yaykuqwan qepa yaykuqpis iwallla päguta chaskinqannömi Diospa willakuyninta puntata chaskikuqkuna y qepantaraq chaskikuqkunapis ciëluman chäyanqa. [Atskaqta qayarpis wallkaqllatam Dios Yaya akranqa]>>.#Mat. 19.30; Mar. 10.31; Luc. 13.30.
Wañutsiyänanpaq kanqanta Jesús yapay willakunqan
Marcos 10.32-34; Lucas 18.31-34
17Jerusalénman aywaykäyanqanchömi chunka ishkay discïpulunkunata jukläman qayaskir Jesús nirqan: 18<<Musyayankim Jerusalénman aywanqantsikta. Tsaychömi Runapa Tsurinta prësu achkuskir mandakuq sacerdötikunaman y ley yachatsikuqkunaman apayanqa. Paykunam wañutsiyänanpaq condenayanqa. 19Mana Israel autoridäkunaman entregayaptinmi asipäyanqa, astayanqa y crucificäyanqa. Peru kimsa junaqtam kawamunqa>>.
Santiagupa y Juanpa maman rugakunqan
Marcos 10.35-45
20Tsaypitanam Zebedeupa warmin wawankunata pusharkur Jesús kaqman chäyarqan. Jesúspa puntanman qonqurikuykurmi nirqan: <<Taytay, rugakulläshayki>>.
21Jesúsnam nirqan: <<¿Imallataraq?>>
Tsay warminam nirqan: <<Taytay, mandakuynikichö kaykar kay ishkan wawäkunata churaykullanki mandakäsiyäshunaykipaq. Jukaqta jamaykatsinki derëchaykiman y jukaqtana itsuqnikiman>>.
22Jesúsnam nirqan: <<Manam imata mañakayämanqaykita musyayankitsu. ¿Noqa upyanäpaq kaq cöpata#20.22a Cöpapaq parlarqa Dios Yaya rabyar jutsa ruraqkunata castigananpaq kanqantam nirqan. Tsaypaq masta musyanaykipaq liyinki Sal. 75.8; Isa. 51.17; Jer. 25.15-29; Hab. 2.16. upyayankimantsuraq? [¿Awantayankimantsuraq bautizayämänanpaq kanqannö bautizayäshuptiki?]>>#20.22b Bautizayämänanpaq kanqannö bautizayäshuptiki nirqa wañutsiyämänanpaq kanqannö wañutsiyäshuptiki nirqanmi.
Paykunanam niyarqan: <<Awmi, taytay>>.
23Jesúsnam nirqan: <<Rasunpam noqa upyanäpaq kaq cöpata upyayanki [y bautizayämänanpaq kanqannömi bautizayäshunki]. Peru derëcha kaq lädüman ni itsuq kaq lädüman <jamakamuy> ninäpaqqa manam noqapitatsu. Tsaymanqa jamayanqa Taytä dispöninqan kaqkunallam>>.
24Tsaynö rugakuyanqanta wiyaykurmi wakin discïpulunkuna Juantawan Santiaguta rabyapäyarqan. 25Tsaymi discïpulunkunata qayaskir Jesús nirqan: <<Musyayanqaykinöpis nacionchö mandakuqkunaqa runakunata munayanqantam ruratsiyan. 26Peru qamkunachöqa manam tsaynö kanmantsu.#Luc. 22.25-26. Mayqaykipis mandakuq kayta munarqa servikuqnölla runa majikikunata yanapayay. 27Alli rikashqa kayta munarqa servikuqnölla runa majikikunatam yanapayay.#Mat. 23.11; Mar. 9.35; Luc. 22.26. 28Runapa Tsurinpis manam servishqa kananpaqtsu shamushqa, sinöqa servinanpaq y runakuna rayku wañur atskaqta salvananpaqmi>>.#Luc. 22.27; Juan 13.12-15.
Ishkay qaprakunata Jesús kutikätsinqan
Marcos 10.46-52; Lucas 18.35-43
29Jericó markapita discïpulunkunawan Jesús aywakuptinmi atskaq runakuna qatiyarqan. 30Tsay nänichömi ishkay qaprakuna jamaykäyarqan. Paykunam Jesús päsaykanqanta musyaskir qayaykachar niyarqan: <<¡Davidpa Tsurin Tayta Jesús, llakipaykayällämay!>>
31Runakunanam upälla kayänanpaq ollqutupäyarqan. Peru qaprakunaqa masraqmi qayaykachar niyarqan: <<¡Davidpa Tsurin Jesús, llakipaykayällämay!>>
32Jesúsnam tsay qaprakunata qayaykur tapurqan: <<¿Imachö yanapanaqtatan munayanki?>>
33Qaprakunanam niyarqan: <<Taytay, ñawïkuna rikänantam munayällä>>.
34Tsaymi llakipar ñawinkunata yataykuptin jina höra kutikaskiyarqan. Kutikaskirnam Jesúspa qepanta aywayarqan.
Currently Selected:
Mateo 20: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Mateo 20
20
Peonkunaman iwalatsiypa Jesús yachatsikunqan
1<<Kananmi Dios Yayapa mandakuynin imanö kanqanta tantiyatsiyäshayki. Juk runash üva chakranchö arutsikunanpaq atsik atsiklla peonkuna ashiq aywanaq. 2Peonta tariskirshi juk jornalta pägananpaq parlaskir üva chakranman aruq kachanaq.
3<<Tsaypita las nuëvinö pläzapa yapay aywarshi runakuna aruyninnaq kaykäyaqta tarinaq. 4Paykunatash ninaq: <Qamkunapis üva chakrächö aruyänaykipaq aywayay. Aruyanqaykipitam pägayäshayki>. Tsaynö niptinshi paykunapis aywayänaq.
5<<Pullan junaqpis y tardi las trespis yapayshi peón ashiq aywanaq. Tariskirshi wakintanölla chakranman kachanaq.
6<<Tsaypita peonkuna yarquyänanpaq juk höranöllana faltaykaptinshi yapay aywar runakuna aruyninnaq kaykäyaqta tarinaq. Tsayshi ninaq: <¿Imanirtan qoyatna imallatapis mana rurar kaykäyanki?>
7<<Paykunanash niyänaq: <Taytay, manam ni pipis aruypaq ashiyämashqatsu>.
<<Tsayshi ninaq: <Qamkunapis chakräman aruq aywayay>.
8<<Patsa tutapaykaptinnash capatazninta ninaq: <Aruqkunata qayaskamur llapanta juk jornalta pägay.#Lev. 19.13; Deut. 24.15. Tardiraq yaykuqkunata puntata päganki y alliqpita aruqkunataqa qepataraq päganki>. 9Tsay ninqannöllash tardiraq aruq yaykuqkunata juk jornal complëtuta päganaq. 10Tsayta rikarshi alliqpita aruqkunaqa yarpäyänaq mas atskata chaskiyänanpaq kanqanta. Tsaynö yarparpis juk jornalllatash paykunapis chaskiyänaq. 11Tsayshi chakrayuqta reclamar 12niyänaq: <Tardiraq yaykamuqkuna juk hörallana aruykäyaptinqa ¿imanirtan noqakunataqa tsayläya achaychö aruykäyaptï paykunatanölla pägaykäyämanki?>
13<<Chakrayuqnash ninaq: <Amïgu, parlanqantsiknömi pägaykäyaq. Manam engañaykäyaqtsu. 14Päguykikunata chaskishqana kaykarqa upälla aywakuyay. Tardi yaykamuqkunatapis qamkunatanöllam pägaykä. 15Qamkunaqa aykata pägaptïpis ¿ima cuentayuqtan kayanki? ¿Alli runa kanqäpitaku rabyayanki?> >>
16Tsaypitanam Jesús nirqan: <<Tsaynöllam qepa kaqkuna puntachö kayanqa. Punta kaqkunanam qepachö kayanqa.#20.16 Tsay yachatsinqanpaqmi Jesús nirqan: Tsaynö arupukuq puntata yaykuqwan qepa yaykuqpis iwallla päguta chaskinqannömi Diospa willakuyninta puntata chaskikuqkuna y qepantaraq chaskikuqkunapis ciëluman chäyanqa. [Atskaqta qayarpis wallkaqllatam Dios Yaya akranqa]>>.#Mat. 19.30; Mar. 10.31; Luc. 13.30.
Wañutsiyänanpaq kanqanta Jesús yapay willakunqan
Marcos 10.32-34; Lucas 18.31-34
17Jerusalénman aywaykäyanqanchömi chunka ishkay discïpulunkunata jukläman qayaskir Jesús nirqan: 18<<Musyayankim Jerusalénman aywanqantsikta. Tsaychömi Runapa Tsurinta prësu achkuskir mandakuq sacerdötikunaman y ley yachatsikuqkunaman apayanqa. Paykunam wañutsiyänanpaq condenayanqa. 19Mana Israel autoridäkunaman entregayaptinmi asipäyanqa, astayanqa y crucificäyanqa. Peru kimsa junaqtam kawamunqa>>.
Santiagupa y Juanpa maman rugakunqan
Marcos 10.35-45
20Tsaypitanam Zebedeupa warmin wawankunata pusharkur Jesús kaqman chäyarqan. Jesúspa puntanman qonqurikuykurmi nirqan: <<Taytay, rugakulläshayki>>.
21Jesúsnam nirqan: <<¿Imallataraq?>>
Tsay warminam nirqan: <<Taytay, mandakuynikichö kaykar kay ishkan wawäkunata churaykullanki mandakäsiyäshunaykipaq. Jukaqta jamaykatsinki derëchaykiman y jukaqtana itsuqnikiman>>.
22Jesúsnam nirqan: <<Manam imata mañakayämanqaykita musyayankitsu. ¿Noqa upyanäpaq kaq cöpata#20.22a Cöpapaq parlarqa Dios Yaya rabyar jutsa ruraqkunata castigananpaq kanqantam nirqan. Tsaypaq masta musyanaykipaq liyinki Sal. 75.8; Isa. 51.17; Jer. 25.15-29; Hab. 2.16. upyayankimantsuraq? [¿Awantayankimantsuraq bautizayämänanpaq kanqannö bautizayäshuptiki?]>>#20.22b Bautizayämänanpaq kanqannö bautizayäshuptiki nirqa wañutsiyämänanpaq kanqannö wañutsiyäshuptiki nirqanmi.
Paykunanam niyarqan: <<Awmi, taytay>>.
23Jesúsnam nirqan: <<Rasunpam noqa upyanäpaq kaq cöpata upyayanki [y bautizayämänanpaq kanqannömi bautizayäshunki]. Peru derëcha kaq lädüman ni itsuq kaq lädüman <jamakamuy> ninäpaqqa manam noqapitatsu. Tsaymanqa jamayanqa Taytä dispöninqan kaqkunallam>>.
24Tsaynö rugakuyanqanta wiyaykurmi wakin discïpulunkuna Juantawan Santiaguta rabyapäyarqan. 25Tsaymi discïpulunkunata qayaskir Jesús nirqan: <<Musyayanqaykinöpis nacionchö mandakuqkunaqa runakunata munayanqantam ruratsiyan. 26Peru qamkunachöqa manam tsaynö kanmantsu.#Luc. 22.25-26. Mayqaykipis mandakuq kayta munarqa servikuqnölla runa majikikunata yanapayay. 27Alli rikashqa kayta munarqa servikuqnölla runa majikikunatam yanapayay.#Mat. 23.11; Mar. 9.35; Luc. 22.26. 28Runapa Tsurinpis manam servishqa kananpaqtsu shamushqa, sinöqa servinanpaq y runakuna rayku wañur atskaqta salvananpaqmi>>.#Luc. 22.27; Juan 13.12-15.
Ishkay qaprakunata Jesús kutikätsinqan
Marcos 10.46-52; Lucas 18.35-43
29Jericó markapita discïpulunkunawan Jesús aywakuptinmi atskaq runakuna qatiyarqan. 30Tsay nänichömi ishkay qaprakuna jamaykäyarqan. Paykunam Jesús päsaykanqanta musyaskir qayaykachar niyarqan: <<¡Davidpa Tsurin Tayta Jesús, llakipaykayällämay!>>
31Runakunanam upälla kayänanpaq ollqutupäyarqan. Peru qaprakunaqa masraqmi qayaykachar niyarqan: <<¡Davidpa Tsurin Jesús, llakipaykayällämay!>>
32Jesúsnam tsay qaprakunata qayaykur tapurqan: <<¿Imachö yanapanaqtatan munayanki?>>
33Qaprakunanam niyarqan: <<Taytay, ñawïkuna rikänantam munayällä>>.
34Tsaymi llakipar ñawinkunata yataykuptin jina höra kutikaskiyarqan. Kutikaskirnam Jesúspa qepanta aywayarqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.