Mateo 19
19
Warminpita mana rakikäyänanpaq Jesús yachatsikunqan
Marcos 10.1-12
1Tsaynö yachatsikuyta ushaskirmi Galileapita Judeaman chänanpaq Jordán mayu tsimpanpa Jesús tumamurqan. 2Paypa qepantam atskaq runakuna aywayarqan. Tsaychömi qeshyaqyashakunatapis kutikätsirqan.
3 Fariseukunapis tsayman aywarmi llutanta parlatsiyänan rayku Jesústa tapuyarqan: <<¿Ima achäquillapis warminpita ollqu rakikanmanku o manaku?>>
4Jesúsnam nirqan: <<¿Manaku liyiyashkanki Dios Yayapa palabranta? Tsaychömi nin ollqutapis warmitapis Dios Yaya kamanqanta.#Gén. 1.27; 5.2. 5Tsaynö kamaskirmi Dios Yaya nirqan: <Mamanpita y taytanpitam ollqu yarqun warminwan mana rakikar täkunanpaq. Tsaynö täkurmi ishkanpis jukllayllanö kayanqa>.#Gén. 2.24. 6Tsaynö nikaptinqa mananam ishkaqnatsu kayan, sinöqa jukllayllanönam. Tsaymi Dios Yaya juntanqantaqa ni pipis rakinmantsu>>.
7Fariseukunanam tapuyarqan: <<Tsaypunqa ¿imanirtan Moisés qellqanqanchö nin warminpita rakikarqa divorciu papelta firmapuskir qarqunanpaq?>>#Deut. 24.1-4; Mat. 5.31.
8Jesúsnam nirqan: <<Ollqukuna warminpita rakikäyänanpaq Moisés permïtirqan chukru shonqu kayaptinmi. Peru manam tsaypaqtsu Dios Yaya kamarqan. 9Tsaymi niyaq: Mayqan runapis warmin jukwan mana kaykaptin juk warmiwan täkurqa adulteriu jutsatam ruraykan. [Tsaynöllam ollqunpita rakikashqa warmiwan täkuq runapis adulteriu jutsata ruraykan]>>.#Mat. 5.32; 1Cor. 7.10-11.
10Discïpulunkunanam niyarqan: <<Tsaypunqa mas allim kanman warminnaqlla kakuptin>>.
11Jesúsnam nirqan: <<Manam llapantsu warminnaq kawayta puëdiyan, sinöqa Dios Yaya permïtinqan kaqllam. 12Wakinqa warminnaq kayänanpaqmi yuriyan. Wakinmi capashqa kar warmita ashiyantsu. Wakin kaqnam Dios Yayapa mandakuynin rayku warmiwan churakäyantsu. Pipis warminnaq täkuyta munarqa japallan kakutsun>>.
Wamrakunapaq Dios Yayata Jesús mañakunqan
Marcos 10.13-16; Lucas 18.15-17
13Tsaypitanam wamrakunata Jesúsman apayarqan umankunaman makinta churar Dios Yayata mañakunanpaq. Wamrakunata apaykäyaqta rikarmi discïpulunkuna amatsayarqan. 14Jesúsnam discïpulunkunata nirqan: <<Wamrakunata apayämunanta ama amatsayaytsu. Wamranö kaqkunapaqmi Dios Yayapa mandakuyninqa>>.
15Tsaypitam wamrakunapa umanman makinta churaykur Dios Yayata mañakurqan. Tsaypitanam aywakurqan.
Rïcu runa ajataraq salvakänanpaq kanqan
Marcos 10.17-31; Lucas 18.18-30
16Juk kutim Jesúsman juk jöven chaykur nirqan: <<Rabí, [alli runam kanki]. ¿Ima allitatan ruräman mana ushakaq kawayta tarinäpaq?>>
17Jesúsnam nirqan: <<¿Imanirtan alli ruraypaq tapumanki? Jukllayllam alli ruraqqa.#19.17 Wakin qepa kaq griego copiakunachömi nin: ¿Imanirtan alli runa nimanki? Dios Yayallam alliqa. Tsaynöllam nin Mar. 10.18 y Luc. 18.19 versïculukunachöpis. Mana ushakaq kawayta tariyta munarqa paypa mandamientunkunata cäsuy>>.
18Tsay jövinnam yapay tapurqan: <<¿Mayqan mandamientukunatatan cumplïman?>>
Jesúsnam nirqan: <<Ama runa majikita wañutsinkitsu.#Éxo. 20.13; Deut. 5.17. Ama majayuq kaykar jukwan purikunkitsu.#Éxo. 20.14; Deut. 5.18. Ama suwakunkitsu.#Éxo. 20.15; Deut. 5.19. Ama manakaqkunata pitapis tumpankitsu.#Éxo. 20.16; Deut. 5.20. 19Mamaykita y taytaykita respitanki.#Éxo. 20.12; Deut. 5.16. Tsaynölla kikiki kuyakunqaykinö runa majikita kuyanki>>.#Lev. 19.18.
20Jövinnam nirqan: <<Tsaykunataqa [wamra kanqäpitanam] llapanta cumplishkä. ¿Imatan mas faltäman cumplinäpaq?>>
21Jesúsnam nirqan: <<Dios Yaya munanqannö kawayta munarqa llapan imaykaykikunata rantikuskir tsay qellayta waktsakunata qaray. Tsaynö ruraptikiqa ciëluchömi riquëzayki kanqa. Tsaypita qatimay>>.
22Tsaynö niptinmi alläpa rïcu kar llakishqa aywakurqan. 23Tsaypitanam discïpulunkunata Jesús nirqan: <<Rasun kaqtam niyaq: ¡Alläpa ajam rïcu runakuna Dios Yayapa mandakuyninman yaykuyänanpaq! 24Yapaymi niyaq: Rïcu runa Dios Yayapa mandakuyninman yaykunqanpitaqa mas fäcilmi camëllupis awjapa uchkunpa päsanman>>.
25Tsayta wiyaykurmi discïpulunkuna alläpa mantsakashqa niyarqan: <<Tsaynö kaptinqa ¿piraq salvakanman?>>
26Paykunata rikaykurmi Jesús nirqan: <<Runakuna salvakänanpaqqa alläpa ajam. Peru Dios Yayapaqmi sïqa imapis ajatsu>>.
27Pedrunam nirqan: <<Taytay, noqakunaqa llapan imaykäkunatapis jaqiskirmi qamta qatiräyaq. Tsaynö kaykäyaptïqa noqakunapaq ¿imatan kanqa?>>
28Jesúsnam nirqan: <<Rasun kaqtam niyaq: Mushuq patsachö Runapa Tsurin chipakyaq trönunman jamaykuptinmi#Mat. 25.31. qamkunapis qatiyämanqaykipita chunka ishkay trönukunachö jamayanki. Tsaypitam chunka ishkay trïbu Israel runakunata juzgayanki.#Luc. 22.30.
29<<Pipis noqa rayku wajinta, wawqinkunata, paninkunata, mamanta, taytanta, [warminta,] tsurinkunata y chakrankunatapis jaqiq kaqqa pachak (100) kuti mastam chaskinqa. Wañurpis mana ushakaq kawaytam tarinqa. 30Atskaqmi respitashqa kaykaqkuna manakaqman churashqa kayanqa. Manakaqman churashqa kaqkunanam respitashqa kayanqa>>.#Mat. 20.16; Luc. 13.30.
Currently Selected:
Mateo 19: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Mateo 19
19
Warminpita mana rakikäyänanpaq Jesús yachatsikunqan
Marcos 10.1-12
1Tsaynö yachatsikuyta ushaskirmi Galileapita Judeaman chänanpaq Jordán mayu tsimpanpa Jesús tumamurqan. 2Paypa qepantam atskaq runakuna aywayarqan. Tsaychömi qeshyaqyashakunatapis kutikätsirqan.
3 Fariseukunapis tsayman aywarmi llutanta parlatsiyänan rayku Jesústa tapuyarqan: <<¿Ima achäquillapis warminpita ollqu rakikanmanku o manaku?>>
4Jesúsnam nirqan: <<¿Manaku liyiyashkanki Dios Yayapa palabranta? Tsaychömi nin ollqutapis warmitapis Dios Yaya kamanqanta.#Gén. 1.27; 5.2. 5Tsaynö kamaskirmi Dios Yaya nirqan: <Mamanpita y taytanpitam ollqu yarqun warminwan mana rakikar täkunanpaq. Tsaynö täkurmi ishkanpis jukllayllanö kayanqa>.#Gén. 2.24. 6Tsaynö nikaptinqa mananam ishkaqnatsu kayan, sinöqa jukllayllanönam. Tsaymi Dios Yaya juntanqantaqa ni pipis rakinmantsu>>.
7Fariseukunanam tapuyarqan: <<Tsaypunqa ¿imanirtan Moisés qellqanqanchö nin warminpita rakikarqa divorciu papelta firmapuskir qarqunanpaq?>>#Deut. 24.1-4; Mat. 5.31.
8Jesúsnam nirqan: <<Ollqukuna warminpita rakikäyänanpaq Moisés permïtirqan chukru shonqu kayaptinmi. Peru manam tsaypaqtsu Dios Yaya kamarqan. 9Tsaymi niyaq: Mayqan runapis warmin jukwan mana kaykaptin juk warmiwan täkurqa adulteriu jutsatam ruraykan. [Tsaynöllam ollqunpita rakikashqa warmiwan täkuq runapis adulteriu jutsata ruraykan]>>.#Mat. 5.32; 1Cor. 7.10-11.
10Discïpulunkunanam niyarqan: <<Tsaypunqa mas allim kanman warminnaqlla kakuptin>>.
11Jesúsnam nirqan: <<Manam llapantsu warminnaq kawayta puëdiyan, sinöqa Dios Yaya permïtinqan kaqllam. 12Wakinqa warminnaq kayänanpaqmi yuriyan. Wakinmi capashqa kar warmita ashiyantsu. Wakin kaqnam Dios Yayapa mandakuynin rayku warmiwan churakäyantsu. Pipis warminnaq täkuyta munarqa japallan kakutsun>>.
Wamrakunapaq Dios Yayata Jesús mañakunqan
Marcos 10.13-16; Lucas 18.15-17
13Tsaypitanam wamrakunata Jesúsman apayarqan umankunaman makinta churar Dios Yayata mañakunanpaq. Wamrakunata apaykäyaqta rikarmi discïpulunkuna amatsayarqan. 14Jesúsnam discïpulunkunata nirqan: <<Wamrakunata apayämunanta ama amatsayaytsu. Wamranö kaqkunapaqmi Dios Yayapa mandakuyninqa>>.
15Tsaypitam wamrakunapa umanman makinta churaykur Dios Yayata mañakurqan. Tsaypitanam aywakurqan.
Rïcu runa ajataraq salvakänanpaq kanqan
Marcos 10.17-31; Lucas 18.18-30
16Juk kutim Jesúsman juk jöven chaykur nirqan: <<Rabí, [alli runam kanki]. ¿Ima allitatan ruräman mana ushakaq kawayta tarinäpaq?>>
17Jesúsnam nirqan: <<¿Imanirtan alli ruraypaq tapumanki? Jukllayllam alli ruraqqa.#19.17 Wakin qepa kaq griego copiakunachömi nin: ¿Imanirtan alli runa nimanki? Dios Yayallam alliqa. Tsaynöllam nin Mar. 10.18 y Luc. 18.19 versïculukunachöpis. Mana ushakaq kawayta tariyta munarqa paypa mandamientunkunata cäsuy>>.
18Tsay jövinnam yapay tapurqan: <<¿Mayqan mandamientukunatatan cumplïman?>>
Jesúsnam nirqan: <<Ama runa majikita wañutsinkitsu.#Éxo. 20.13; Deut. 5.17. Ama majayuq kaykar jukwan purikunkitsu.#Éxo. 20.14; Deut. 5.18. Ama suwakunkitsu.#Éxo. 20.15; Deut. 5.19. Ama manakaqkunata pitapis tumpankitsu.#Éxo. 20.16; Deut. 5.20. 19Mamaykita y taytaykita respitanki.#Éxo. 20.12; Deut. 5.16. Tsaynölla kikiki kuyakunqaykinö runa majikita kuyanki>>.#Lev. 19.18.
20Jövinnam nirqan: <<Tsaykunataqa [wamra kanqäpitanam] llapanta cumplishkä. ¿Imatan mas faltäman cumplinäpaq?>>
21Jesúsnam nirqan: <<Dios Yaya munanqannö kawayta munarqa llapan imaykaykikunata rantikuskir tsay qellayta waktsakunata qaray. Tsaynö ruraptikiqa ciëluchömi riquëzayki kanqa. Tsaypita qatimay>>.
22Tsaynö niptinmi alläpa rïcu kar llakishqa aywakurqan. 23Tsaypitanam discïpulunkunata Jesús nirqan: <<Rasun kaqtam niyaq: ¡Alläpa ajam rïcu runakuna Dios Yayapa mandakuyninman yaykuyänanpaq! 24Yapaymi niyaq: Rïcu runa Dios Yayapa mandakuyninman yaykunqanpitaqa mas fäcilmi camëllupis awjapa uchkunpa päsanman>>.
25Tsayta wiyaykurmi discïpulunkuna alläpa mantsakashqa niyarqan: <<Tsaynö kaptinqa ¿piraq salvakanman?>>
26Paykunata rikaykurmi Jesús nirqan: <<Runakuna salvakänanpaqqa alläpa ajam. Peru Dios Yayapaqmi sïqa imapis ajatsu>>.
27Pedrunam nirqan: <<Taytay, noqakunaqa llapan imaykäkunatapis jaqiskirmi qamta qatiräyaq. Tsaynö kaykäyaptïqa noqakunapaq ¿imatan kanqa?>>
28Jesúsnam nirqan: <<Rasun kaqtam niyaq: Mushuq patsachö Runapa Tsurin chipakyaq trönunman jamaykuptinmi#Mat. 25.31. qamkunapis qatiyämanqaykipita chunka ishkay trönukunachö jamayanki. Tsaypitam chunka ishkay trïbu Israel runakunata juzgayanki.#Luc. 22.30.
29<<Pipis noqa rayku wajinta, wawqinkunata, paninkunata, mamanta, taytanta, [warminta,] tsurinkunata y chakrankunatapis jaqiq kaqqa pachak (100) kuti mastam chaskinqa. Wañurpis mana ushakaq kawaytam tarinqa. 30Atskaqmi respitashqa kaykaqkuna manakaqman churashqa kayanqa. Manakaqman churashqa kaqkunanam respitashqa kayanqa>>.#Mat. 20.16; Luc. 13.30.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.