Mateo 18
18
Wamranö kanapaq Jesús tantiyatsinqan
Marcos 9.33-37; Lucas 9.46-48
1Juk kutim discïpulunkuna Jesústa tapuyarqan: <<Dios Yayapa mandakuyninchö ¿pitan mas respitashqa kanqa?>>#Luc. 22.24.
2Tsaymi juk wamrata puntanman Jesús qayaskir 3nirqan: <<Rasun kaqtam niyaq: Wamranö mana karqa manam ni imaypis Dios Yayapa mandakuyninman yaykuyankitsu.#Mar. 10.15; Luc. 18.17. 4Pipis kay wamranö qollmi shonqu kaqmi Dios Yayapa mandakuyninchö mas respitashqa kanqa. 5Tsaynöllam kay wamranö kaqkunata shutïchö pipis chaskirqa noqatapis chaskiyäman.
Jutsaman mana ishkitsinapaq Jesús tantiyatsinqan
Marcos 9.42-48; Lucas 17.1-2
6<<Pipis noqaman creyikamuq juk wamrallatapis jutsaman ishkitsiptinqa mas allim kanman mulinu rumita kunkanman watarkur lamarman jitarpuyaptin. 7¡Allaw, imanöraq kayanqa pitapis jutsa ruratsiq runakuna! Tsaynö runakunam kay patsachö imaypis kayanqa. Peru paykunaqa mana llakipaypa castigashqam kayanqa.
8<<Tsaymi makiki o chakiki jutsata ruratsiyäshuptikiqa roquskir jitaskiyay. Imaypis mana wañuq ninaman ishkan chakiyuq o ishkan makiyuq jitarpushqa kayanqaykipa rantin mas allim kanman juk chakiyuqlla o juk makiyuqlla Dios Yayapa puntanman chäyaptiki.#Mat. 5.30. 9Tsaynölla ñawikipis jutsata ruratsiyäshuptikiqa jipiskir jitaskiyay. Infiernuman ishkan ñawiyuq jitarpushqa kayanqaykipa rantin mas allim kanman jukaq ñawikillawanpis Dios Yayapa puntanman chäyaptiki.#Mat. 5.29.
10<<Noqam niyaq: Kay wamrakunapa angelninkunam ciëluchö Taytäpa puntanchö imaypis kaykäyan. Tsaynö kaykaptinqa kay wamrakunata manakaqman ama churayaytsu. 11[Runapa Tsurinmi shamushqa oqrakashqakunata salvananpaq.]#Luc. 19.10.
Oqrakashqa üshaman iwalatsiypa Jesús yachatsikunqan
Lucas 15.3-7
12<<Pipis pachak (100) üshankunapita jukta oqraskir ¿manaku wakin kaqta jaqiykur sas ashiq aywan? 13Tariskirmi isqun chunka isqun (99) üshankunapaq kushikunqanpitapis masraq kushikun. 14Tsaynöllam ciëluchö Taytäpis munantsu juk wamrallapis oqrakänanta.
Creyikuq majintsikta corriginapaq Jesús tantiyatsikunqan
Lucas 17.3
15<<Creyikuq majiki piñatsishuptikiqa tantiyatsinaykipaq japallanwan parlanki. Wiyakuptinqa perdonar amistanki.#Luc. 17.3. 16Mana wiyakuptinqa yapay tantiyatsinaykipaq juk ishkay creyikuq majikikunata pushanki. Tsaynöpam imata ninqaykitapis mana nëgananpaq ishkay o kimsa testïgu kayanqa.#Deut. 19.15. 17Paykuna tantiyatsiyaptinpis mana wiyakuptinqa creyikuq majikikuna qorikäyanqanchö tantiyatsiyänanpaq willayanki. Paykuna niyanqantapis mana wiyakuptinqa tsay piñatsishuqnikiwan amana qorikäyankinatsu. Tsaypa rantin mana Israel runatanö y impuestu cobraq runatanö rikäyanki.
18<<Rasun kaqtam niyaq: Kay patsachö watäyanqaykim ciëluchöpis watashqa kanqa. Kay patsachö paskayanqaykim ciëluchöpis paskashqa kanqa.#18.18 Apostolkuna watäyanqanpaq parlarmi mana cäsukuqkunata corrigiyänanpaq Jesucristo parlarqan. Apostolkuna paskayanqanpaq parlarqa tsay mana cäsukuq runa tantiyakuptin perdonayänanpaqmi parlarqan. Tsaynö parlarmi Jesucristo nirqan: Mana cäsukuqkunata corrigiyänaykipaq poderyuqmi kayanki.#Mat. 16.19; Juan 20.23. 19Qamkunatam yapay niyaq: Ishkaqllapis juk yarpaylla mañakuyaptikiqa ciëluchö Taytämi yanapayäshunki. 20Juk ishkaqllapis shutïchö qorikäyaptikiqa qamkunawanmi kaykäshaq>>.
Perdonanakur kawanapaq Jesús ninqan
21Tsaynö yachatsikuptinmi Jesúsman witiykur Pedro tapurqan: <<Taytay, creyikuq majï llutanta rurar piñatsimaptin ¿ayka kutitan perdonäman? ¿Qanchis kutitsuraq?>>
22Jesúsnam nirqan: <<Manam qanchis kutillatsu perdonankiman, sinöqa qanchis chunka (70) kuti qanchispis perdonanki>>.#Luc. 17.3-4.
23Tsaypitanam Jesús nirqan: <<Dios Yayapa mandakuynin imanö kanqanta willashayki. Juk reyshi serviqninkunata ninaq dëbiqninkuna pägayänanpaq. 24Dëbinqanta pägayänanpaqshi juk serviqninta reyman pushayänaq. Tsay servikuqqa chunka waranqa (10,000) talentush#18.24 Juk talentum karqan juk runa ishkay chunka (20) wata arur gänanqannö. dëbikunaq. 25Dëbikunqanta pägananpaq mana paqtäpukuptinshi yanapaqninkunata tsay rey ninaq: <Dëbimanqanta mana perdinäpaq kay runata, warminta, tsurinkunata y imaykankunatapis rantikuyay>.
26<<Tsaynö niptinshi serviqninqa puntanman qonqurikuykur rugakunaq: <Taytay, shuyaykallämay. Dëbinqaqtaqa llapantam pägalläshayki>.
27<<Tsaynö rugakuptinshi tsay reyqa llakiparnin llapan dëbinqanta perdonar rantikunaqnatsu.
28<<Perdonaskiptin aywaykanqanchöshi dëbiqnin servikuq majinwan tinkuskinaq. Tsay servikuq majinqa pachak (100) denariullash#18.28 Juk denariuqa juk junaq arur gänanqanmi karqan. dëbinaq. Tsaynash kunkapita achkuskir ninaq: <¡Dëbimanqaykita pägamay!>
29<<Tsaynö ruraptinshi qonqurikuykur rugakunaq: <Taytay, shuyaykallämay. Dëbinqaqtaqa llapantam pägalläshayki>. 30Peru tsaynö rugakuptinpis manash perdonayta munanaqtsu. Tsaypa rantinshi dëbinqanta päganqanyaq carcelman qaykatsinaq.
31<<Tsaynö ruranqanta rikarshi wakin servikuqkuna carcelman apatsinqan runata llakiparnin reyman aywaykur ima päsanqantapis willayänaq. 32Tsaynash tsay runata qayaskatsir rey ninaq: <¡Mana llakipäkuq runa! Alläpa dëbiykämaptikipis rugakamaptikim llapanta perdonashkaq. 33¿Imanirtan qamta llakipanqaqnö servikuq majikita llakipashkankitsu?> 34Tsaynö nirshi alläpa rabyar kikintapis carcelman qaykatsinaq. Tsaychöshi wardiakuna castigayänaq reyta llapan dëbinqanta pägakunqanyaq>>.
35Tsaynö willaykuskirmi Jesús nirqan: <<Creyikuq majikikunata llapan shonquykikunawan mana perdonayaptikiqa tsaynöllam qamkunatapis ciëluchö Taytä rurayäshunki>>.
Currently Selected:
Mateo 18: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Mateo 18
18
Wamranö kanapaq Jesús tantiyatsinqan
Marcos 9.33-37; Lucas 9.46-48
1Juk kutim discïpulunkuna Jesústa tapuyarqan: <<Dios Yayapa mandakuyninchö ¿pitan mas respitashqa kanqa?>>#Luc. 22.24.
2Tsaymi juk wamrata puntanman Jesús qayaskir 3nirqan: <<Rasun kaqtam niyaq: Wamranö mana karqa manam ni imaypis Dios Yayapa mandakuyninman yaykuyankitsu.#Mar. 10.15; Luc. 18.17. 4Pipis kay wamranö qollmi shonqu kaqmi Dios Yayapa mandakuyninchö mas respitashqa kanqa. 5Tsaynöllam kay wamranö kaqkunata shutïchö pipis chaskirqa noqatapis chaskiyäman.
Jutsaman mana ishkitsinapaq Jesús tantiyatsinqan
Marcos 9.42-48; Lucas 17.1-2
6<<Pipis noqaman creyikamuq juk wamrallatapis jutsaman ishkitsiptinqa mas allim kanman mulinu rumita kunkanman watarkur lamarman jitarpuyaptin. 7¡Allaw, imanöraq kayanqa pitapis jutsa ruratsiq runakuna! Tsaynö runakunam kay patsachö imaypis kayanqa. Peru paykunaqa mana llakipaypa castigashqam kayanqa.
8<<Tsaymi makiki o chakiki jutsata ruratsiyäshuptikiqa roquskir jitaskiyay. Imaypis mana wañuq ninaman ishkan chakiyuq o ishkan makiyuq jitarpushqa kayanqaykipa rantin mas allim kanman juk chakiyuqlla o juk makiyuqlla Dios Yayapa puntanman chäyaptiki.#Mat. 5.30. 9Tsaynölla ñawikipis jutsata ruratsiyäshuptikiqa jipiskir jitaskiyay. Infiernuman ishkan ñawiyuq jitarpushqa kayanqaykipa rantin mas allim kanman jukaq ñawikillawanpis Dios Yayapa puntanman chäyaptiki.#Mat. 5.29.
10<<Noqam niyaq: Kay wamrakunapa angelninkunam ciëluchö Taytäpa puntanchö imaypis kaykäyan. Tsaynö kaykaptinqa kay wamrakunata manakaqman ama churayaytsu. 11[Runapa Tsurinmi shamushqa oqrakashqakunata salvananpaq.]#Luc. 19.10.
Oqrakashqa üshaman iwalatsiypa Jesús yachatsikunqan
Lucas 15.3-7
12<<Pipis pachak (100) üshankunapita jukta oqraskir ¿manaku wakin kaqta jaqiykur sas ashiq aywan? 13Tariskirmi isqun chunka isqun (99) üshankunapaq kushikunqanpitapis masraq kushikun. 14Tsaynöllam ciëluchö Taytäpis munantsu juk wamrallapis oqrakänanta.
Creyikuq majintsikta corriginapaq Jesús tantiyatsikunqan
Lucas 17.3
15<<Creyikuq majiki piñatsishuptikiqa tantiyatsinaykipaq japallanwan parlanki. Wiyakuptinqa perdonar amistanki.#Luc. 17.3. 16Mana wiyakuptinqa yapay tantiyatsinaykipaq juk ishkay creyikuq majikikunata pushanki. Tsaynöpam imata ninqaykitapis mana nëgananpaq ishkay o kimsa testïgu kayanqa.#Deut. 19.15. 17Paykuna tantiyatsiyaptinpis mana wiyakuptinqa creyikuq majikikuna qorikäyanqanchö tantiyatsiyänanpaq willayanki. Paykuna niyanqantapis mana wiyakuptinqa tsay piñatsishuqnikiwan amana qorikäyankinatsu. Tsaypa rantin mana Israel runatanö y impuestu cobraq runatanö rikäyanki.
18<<Rasun kaqtam niyaq: Kay patsachö watäyanqaykim ciëluchöpis watashqa kanqa. Kay patsachö paskayanqaykim ciëluchöpis paskashqa kanqa.#18.18 Apostolkuna watäyanqanpaq parlarmi mana cäsukuqkunata corrigiyänanpaq Jesucristo parlarqan. Apostolkuna paskayanqanpaq parlarqa tsay mana cäsukuq runa tantiyakuptin perdonayänanpaqmi parlarqan. Tsaynö parlarmi Jesucristo nirqan: Mana cäsukuqkunata corrigiyänaykipaq poderyuqmi kayanki.#Mat. 16.19; Juan 20.23. 19Qamkunatam yapay niyaq: Ishkaqllapis juk yarpaylla mañakuyaptikiqa ciëluchö Taytämi yanapayäshunki. 20Juk ishkaqllapis shutïchö qorikäyaptikiqa qamkunawanmi kaykäshaq>>.
Perdonanakur kawanapaq Jesús ninqan
21Tsaynö yachatsikuptinmi Jesúsman witiykur Pedro tapurqan: <<Taytay, creyikuq majï llutanta rurar piñatsimaptin ¿ayka kutitan perdonäman? ¿Qanchis kutitsuraq?>>
22Jesúsnam nirqan: <<Manam qanchis kutillatsu perdonankiman, sinöqa qanchis chunka (70) kuti qanchispis perdonanki>>.#Luc. 17.3-4.
23Tsaypitanam Jesús nirqan: <<Dios Yayapa mandakuynin imanö kanqanta willashayki. Juk reyshi serviqninkunata ninaq dëbiqninkuna pägayänanpaq. 24Dëbinqanta pägayänanpaqshi juk serviqninta reyman pushayänaq. Tsay servikuqqa chunka waranqa (10,000) talentush#18.24 Juk talentum karqan juk runa ishkay chunka (20) wata arur gänanqannö. dëbikunaq. 25Dëbikunqanta pägananpaq mana paqtäpukuptinshi yanapaqninkunata tsay rey ninaq: <Dëbimanqanta mana perdinäpaq kay runata, warminta, tsurinkunata y imaykankunatapis rantikuyay>.
26<<Tsaynö niptinshi serviqninqa puntanman qonqurikuykur rugakunaq: <Taytay, shuyaykallämay. Dëbinqaqtaqa llapantam pägalläshayki>.
27<<Tsaynö rugakuptinshi tsay reyqa llakiparnin llapan dëbinqanta perdonar rantikunaqnatsu.
28<<Perdonaskiptin aywaykanqanchöshi dëbiqnin servikuq majinwan tinkuskinaq. Tsay servikuq majinqa pachak (100) denariullash#18.28 Juk denariuqa juk junaq arur gänanqanmi karqan. dëbinaq. Tsaynash kunkapita achkuskir ninaq: <¡Dëbimanqaykita pägamay!>
29<<Tsaynö ruraptinshi qonqurikuykur rugakunaq: <Taytay, shuyaykallämay. Dëbinqaqtaqa llapantam pägalläshayki>. 30Peru tsaynö rugakuptinpis manash perdonayta munanaqtsu. Tsaypa rantinshi dëbinqanta päganqanyaq carcelman qaykatsinaq.
31<<Tsaynö ruranqanta rikarshi wakin servikuqkuna carcelman apatsinqan runata llakiparnin reyman aywaykur ima päsanqantapis willayänaq. 32Tsaynash tsay runata qayaskatsir rey ninaq: <¡Mana llakipäkuq runa! Alläpa dëbiykämaptikipis rugakamaptikim llapanta perdonashkaq. 33¿Imanirtan qamta llakipanqaqnö servikuq majikita llakipashkankitsu?> 34Tsaynö nirshi alläpa rabyar kikintapis carcelman qaykatsinaq. Tsaychöshi wardiakuna castigayänaq reyta llapan dëbinqanta pägakunqanyaq>>.
35Tsaynö willaykuskirmi Jesús nirqan: <<Creyikuq majikikunata llapan shonquykikunawan mana perdonayaptikiqa tsaynöllam qamkunatapis ciëluchö Taytä rurayäshunki>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.