Mateo 17
17
Jesús chipakyaqman tikranqan
Marcos 9.2-13; Lucas 9.28-36
1Tsaypita soqta junaqtanam Pedruta, Santiaguta y Santiagupa wawqin Juanta pusharkur Jesús witsarqan juk jirkaman. 2Tsaychömi rikaraykäyaptin Jesús jukläyaman tikrarqan. Tsaymi qaqllanpis rupaynöraq chipakyarqan y llatapanpis alläpa yuraqman tikrar ñawitapis chiyätsirqan. 3Tsaychömi rikäyarqan Moiséswan Elías yuriskir Jesúswan parlaykäyaqta.
4Pedrunam Jesústa nirqan: <<Taytay, allipaqmi kaychö kaykäyä. Munaptikiqa kimsa tsukllata rurayämushaq: jukta qampaq, jukta Moiséspaq y juktana Elíaspaq>>.
5Pedro tsaynö ninqan höram chipakyaq pukutay paykunata tsapaskirqan. Pukutaypitanam Dios Yaya nimurqan: <<Paymi kuyay Tsurï. Paypitam kushikü.#Sal. 2.7; Isa. 42.1; Mat. 3.17; 12.18; Mar. 1.11; Luc. 3.22. Pay niyäshunqaykita cäsuyay>>.#Deut. 18.15; 2Ped. 1.17-18.
6Tsaynö nimuqta wiyaykurmi discïpulunkuna alläpa mantsakar patsaman pelatakuykuyarqan. 7Tsaynö pelataraykäyaptinmi yataykur Jesús nirqan: <<Ama mantsakäyaytsu. Shäriyämuy>>.
8Tsaynö niptin rikaskiyänanpaqqa Jesúsllanam ichiraykänaq.
9Jirkapita uraykäyämuptinmi Jesús nirqan: <<Jirkachö rikäyanqaykita ama pitapis willayankitsu. Runapa Tsurin wañunqanpita kawaskamuptinraqmi willakuyanki>>.
10Discïpulunkunanam Jesústa tapuyarqan: <<Runapa Tsurin wañunanpaq kaykaptinqa ¿imanirtan ley yachatsikuqkuna niyan puntata Elíasraq shamunanpaq kanqanta?>>#Mal. 4.5.
11Jesúsnam nirqan: <<Rasunpam Elías puntata shamunqa llapanta alistananpaq. 12Peru Elíasqa maynam shamushqa.#Mat. 11.14. Paytaqa pï kanqanta mana reqirmi wañutsiyarqan. Tsaynöllam Runapa Tsurintapis wañutsiyanqa>>.
13Jesús tsaynö niptinmi discïpulunkuna tantiyayarqan Elíaspaq parlar Bautizaq Juanpaq parlaykanqanta.
Juk jövinta Jesús kutikätsinqan
Marcos 9.14-29; Lucas 9.37-43a
14Runakuna qorikäyanqanman Jesús chaykuptinmi puntanman qonqurikuykur juk runa rugakur nirqan: 15<<Taytay, tsurïta llakipaykullay. Atäqui tsariptinmi alläpa ñakan. Atska kutim ninamanpis yakumanpis jeqan. 16Discïpuluykikunaman apamuptïpis manam kutikätsiyta puëdiyashqatsu>>.
17Jesúsnam nirqan: <<¡Mana creyikuq jutsasapa runakuna! ¡Imayyaqraq qamkunawan kaykäshaq! ¡Imayyaqraq qamkunata awantayäshayki! Mä tsay jövinta apayämuy>>.
18Puntanman chaykatsiyaptinmi jövinta ñakatsiq supayta Jesús piñaparqan. Tsaymi jina höra jövinpita yarquskir supay aywakurqan. Tsay jövinnam sänuna tikraskirqan.
19Tsaypitanam kikillankuna kaykar discïpulunkuna Jesústa tapuyarqan: <<Noqakunaqa ¿imanirtan tsay supayta qarquyta puëdiyashkätsu?>>
20Jesúsnam nirqan: <<Mana firmi creyikamurmi qarquyta puëdiyashkankitsu. Rasun kaqtam niyaq: Mostäzapa murunnö ichikllapis creyikuynikikuna kaptinqa taqay jirkata witikuy niyaptikipis witikunmanmi.#Mat. 21.21; Mar. 11.23; 1Cor. 13.2. Manam ni imapis alläpa ajatsu qamkunapaq kanman. 21[Peru tsaynö kaptinpis kaynö supaykunataqa qarquyanki ayunarnin Dios Yayata mañakurraqmi]>>.
Wañunanpaq kanqanta Jesús yapay willakunqan
Marcos 9.30-32; Lucas 9.43b-45
22Galileachö puriykarmi discïpulunkunata Jesús nirqan: <<Runapa Tsurintam chikiqninkunapa makinman entreganqa. 23Peru wañuskatsiyaptinmi kimsa junaqta kawamunqa>>.
Tsaynö niptinmi discïpulunkuna alläpa llakikuyarqan.
Templupaq impuestuta Pedro päganqan
24Tsaypitanam Capernaúmman discïpulunkunawan Jesús chäyarqan. Tsaychömi templupaq impuestu cobraqkuna#Éxo. 30.13; 38.26. Pedruta tapuyarqan: <<Maestruykiqa ¿manaku templupaq impuestuta pägan?>>
25Pedrunam nirqan: <<Awmi, päganmi>>.
Tsaypita wajiman Pedro yaykuskir imatapis manaraq niptinmi Jesús nirqan: <<Simón, ¿ima ninkitan? Mandakuq reykuna ¿pitatan impuestuta cobrayan? ¿Marka majinkunataku o juklä runakunataku?>>
26Pedrunam nirqan: <<Taytay, juklä runakunatam>>.
Jesúsnam nirqan: <<Tsaynö kaptinqa tsurinkuna manam pägayantsu. 27Peru cobraqkuna mana piñakuyänanpaq qochaman aywar anzuëlawan pescäduta achkumuy. Punta kaq pescäduta achkumunqaykipa shiminchömi qellay kanqa. Tsay qellaywan ishkantsikpaq impuestuta pägakuy>>.
Currently Selected:
Mateo 17: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Mateo 17
17
Jesús chipakyaqman tikranqan
Marcos 9.2-13; Lucas 9.28-36
1Tsaypita soqta junaqtanam Pedruta, Santiaguta y Santiagupa wawqin Juanta pusharkur Jesús witsarqan juk jirkaman. 2Tsaychömi rikaraykäyaptin Jesús jukläyaman tikrarqan. Tsaymi qaqllanpis rupaynöraq chipakyarqan y llatapanpis alläpa yuraqman tikrar ñawitapis chiyätsirqan. 3Tsaychömi rikäyarqan Moiséswan Elías yuriskir Jesúswan parlaykäyaqta.
4Pedrunam Jesústa nirqan: <<Taytay, allipaqmi kaychö kaykäyä. Munaptikiqa kimsa tsukllata rurayämushaq: jukta qampaq, jukta Moiséspaq y juktana Elíaspaq>>.
5Pedro tsaynö ninqan höram chipakyaq pukutay paykunata tsapaskirqan. Pukutaypitanam Dios Yaya nimurqan: <<Paymi kuyay Tsurï. Paypitam kushikü.#Sal. 2.7; Isa. 42.1; Mat. 3.17; 12.18; Mar. 1.11; Luc. 3.22. Pay niyäshunqaykita cäsuyay>>.#Deut. 18.15; 2Ped. 1.17-18.
6Tsaynö nimuqta wiyaykurmi discïpulunkuna alläpa mantsakar patsaman pelatakuykuyarqan. 7Tsaynö pelataraykäyaptinmi yataykur Jesús nirqan: <<Ama mantsakäyaytsu. Shäriyämuy>>.
8Tsaynö niptin rikaskiyänanpaqqa Jesúsllanam ichiraykänaq.
9Jirkapita uraykäyämuptinmi Jesús nirqan: <<Jirkachö rikäyanqaykita ama pitapis willayankitsu. Runapa Tsurin wañunqanpita kawaskamuptinraqmi willakuyanki>>.
10Discïpulunkunanam Jesústa tapuyarqan: <<Runapa Tsurin wañunanpaq kaykaptinqa ¿imanirtan ley yachatsikuqkuna niyan puntata Elíasraq shamunanpaq kanqanta?>>#Mal. 4.5.
11Jesúsnam nirqan: <<Rasunpam Elías puntata shamunqa llapanta alistananpaq. 12Peru Elíasqa maynam shamushqa.#Mat. 11.14. Paytaqa pï kanqanta mana reqirmi wañutsiyarqan. Tsaynöllam Runapa Tsurintapis wañutsiyanqa>>.
13Jesús tsaynö niptinmi discïpulunkuna tantiyayarqan Elíaspaq parlar Bautizaq Juanpaq parlaykanqanta.
Juk jövinta Jesús kutikätsinqan
Marcos 9.14-29; Lucas 9.37-43a
14Runakuna qorikäyanqanman Jesús chaykuptinmi puntanman qonqurikuykur juk runa rugakur nirqan: 15<<Taytay, tsurïta llakipaykullay. Atäqui tsariptinmi alläpa ñakan. Atska kutim ninamanpis yakumanpis jeqan. 16Discïpuluykikunaman apamuptïpis manam kutikätsiyta puëdiyashqatsu>>.
17Jesúsnam nirqan: <<¡Mana creyikuq jutsasapa runakuna! ¡Imayyaqraq qamkunawan kaykäshaq! ¡Imayyaqraq qamkunata awantayäshayki! Mä tsay jövinta apayämuy>>.
18Puntanman chaykatsiyaptinmi jövinta ñakatsiq supayta Jesús piñaparqan. Tsaymi jina höra jövinpita yarquskir supay aywakurqan. Tsay jövinnam sänuna tikraskirqan.
19Tsaypitanam kikillankuna kaykar discïpulunkuna Jesústa tapuyarqan: <<Noqakunaqa ¿imanirtan tsay supayta qarquyta puëdiyashkätsu?>>
20Jesúsnam nirqan: <<Mana firmi creyikamurmi qarquyta puëdiyashkankitsu. Rasun kaqtam niyaq: Mostäzapa murunnö ichikllapis creyikuynikikuna kaptinqa taqay jirkata witikuy niyaptikipis witikunmanmi.#Mat. 21.21; Mar. 11.23; 1Cor. 13.2. Manam ni imapis alläpa ajatsu qamkunapaq kanman. 21[Peru tsaynö kaptinpis kaynö supaykunataqa qarquyanki ayunarnin Dios Yayata mañakurraqmi]>>.
Wañunanpaq kanqanta Jesús yapay willakunqan
Marcos 9.30-32; Lucas 9.43b-45
22Galileachö puriykarmi discïpulunkunata Jesús nirqan: <<Runapa Tsurintam chikiqninkunapa makinman entreganqa. 23Peru wañuskatsiyaptinmi kimsa junaqta kawamunqa>>.
Tsaynö niptinmi discïpulunkuna alläpa llakikuyarqan.
Templupaq impuestuta Pedro päganqan
24Tsaypitanam Capernaúmman discïpulunkunawan Jesús chäyarqan. Tsaychömi templupaq impuestu cobraqkuna#Éxo. 30.13; 38.26. Pedruta tapuyarqan: <<Maestruykiqa ¿manaku templupaq impuestuta pägan?>>
25Pedrunam nirqan: <<Awmi, päganmi>>.
Tsaypita wajiman Pedro yaykuskir imatapis manaraq niptinmi Jesús nirqan: <<Simón, ¿ima ninkitan? Mandakuq reykuna ¿pitatan impuestuta cobrayan? ¿Marka majinkunataku o juklä runakunataku?>>
26Pedrunam nirqan: <<Taytay, juklä runakunatam>>.
Jesúsnam nirqan: <<Tsaynö kaptinqa tsurinkuna manam pägayantsu. 27Peru cobraqkuna mana piñakuyänanpaq qochaman aywar anzuëlawan pescäduta achkumuy. Punta kaq pescäduta achkumunqaykipa shiminchömi qellay kanqa. Tsay qellaywan ishkantsikpaq impuestuta pägakuy>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.