Jeremías 9
9
1 1 (8.23) ¡Imanöllaraq weqï yakunö kanman!
¡Ñawïpis pukyunö kanman!
Tsaynö kaptinqa marka majïkunata wañutsiyanqanpitam paqasta junaqta llakikur waqäman.#Lam. 3.48-51.
2 2 (1) ¡Pillaraq tsunyachö tsukllallatapis ruraykamunman!
Markäpita aywakurmi tsaychö täküman.
Marka majïkunaqa Dios Yayata manam cäsuyantsu ni äniyanqantapis cumpliyantsu.
Judá nacionta ushakätsiyänanpaq willakunqan
3 3 (2) Dios Yayam nin:
<<Kay nacionchö flëchata llutalla flëchaqnömi llutalla llullakuyan.
Waran waranmi mas peor jutsata rurayan.
<Dios Yayatam reqï> nirpis manam rasunpatsu reqiyäman.
4 4 (3) <<Paykunaqa manam runa majinman ni wawqinmanpis creyiyantsu.
Amïgunwanpis llullakurmi tumpanakuyan.
Tsay wawqilla kaykarmi engañanakuyan.
5 5 (4) Juknin jukninmi llullatsinakuyan.
Rasun kaqtaqa manam imaypis parlayantsu.
Jutsallaman umankuna churashqam kayan.
6 6 (5) Llullatsinakur kawarmi reqiyämaytapis munayantsu.
Noqa Dios Yayam nï>>.
7 7 (6) Tsaymi llapanta mandaq Dios Yaya nin:
<<Taqran yarqunanpaq qorita tsullutsiqnömi kuyanqä runakunata corrigishaq.
Tsaynö mana corrigirqa ¿imataraq mas ruräman?
8 8 (7) Paykuna parlayanqanmi alli afilashqa flëchanöraq kaykan.
Imaykatapis rasuntanöraqmi pitapis creyitsiyan.
Alli shimillankunapa amïgunkunata parlaparpis shonqullanchöqa rabyapaykäyanmi.
9 9 (8) Tsaynö kayanqanta rikaykar ¿manatsuraq castigäman?
Tsaynö runakunam makïta tariyanqa.
Noqa Dios Yayam nï>>.
10 10 (9) ¡Jirkakunapaqmi qayaraykachar waqashaq!
¡Chakrachö qewakunapaqmi llakinaypaqta cantashaq!
Jankat rupashqa kaptinmi tsaykunapa pipis purinqanatsu.
Törukuna müyayanqanpis mananam wiyakanqanatsu.
Pishqukuna y chucaru wätakunapis qeshpirmi aywakuyanqa.
11 11 (10) Dios Yayam nin:
<<Jankat ushakätsiptïmi Jerusalén marka raqällana kanqa.
Chacalkunallam tsaychö pärayanqa.
Judá nacionchö wakin kaq markakunatapis chipyatmi ushakätsishaq.
Manam ni pipis tsay markakunachö täkuyanqanatsu>>.
Judá nacionta imanir ushakätsinanpaq kanqan
12 12 (11) ¿Imanirtan kay nación ushakashqa? ¿Imanirtan tsunyaman tikrashqa? ¿Pitan yachayyuq kaykan imanir tsaynö päsanqantapis musyananpaq? ¿Pitatan Dios Yaya tantiyatsishqa tsayta willananpaq?
13 13 (12) Dios Yayam nin: <<Tsaynömi llapan päsanqa leynïkunata mana cumplir ninqäkunata mana cäsukuyanqanpita y yätsinqänö mana kawayanqanpita. 14 14 (13) Cäsuyämanqanpa rantinmi shonqunkuna yarpanqallanta rurar unay castankunanölla Baal dioskunata adorayashqa>>.
15 15 (14) Tsaymi Israel runakunata kuyaq y llapanta mandaq Dios Yaya nin: <<Alläpa ayaq mikuyta mikutsiqnö y venenashqa yakuta upyatsiqnömi kay runakunata castigashaq.#Jer. 23.15. 16 16 (15) Unay castankuna ni kikinkuna mana reqiyanqan nacionkunamanmi paykunata qarqushaq. Paykunamanmi soldädukunata kachashaq espädawan wañutsiyaptin llapan ushakäyänanpaq>>.
Jerusalénchö alläpa waqayänanpaq ninqan
17 17 (16) Llapanta mandaq Dios Yayam nin:
<<Imanir castigayänaqpaq kanqanta tantiyakuyay.
Wañupukuychö waqapakuq warmikunata qayatsiyämuy.
Shumaq waqay yachaqkunata ashiyämuy.
18 18 (17) Saslla shamur nacionnikipaq llakikur waqayätsun.
Alläpa waqayaptin qepishankunapapis weqinkuna shututsun.
19 19 (18) Siónpitam wiyakämunqa llakikur waqayanqan.
Alläpa waqarmi niyanqa:
<¡Jankat ushakashqam kaykantsik!
¡Alläpa penqakuypaqmi kaykantsik!
¡Wajintsiktapis juchutsirmi ushayashqa!
¡Nacionnintsiktapis jaqishkantsiknam!> >>
20 20 (19) Warmikuna, Dios Yaya ninqanta shumaq tantiyayay.
Warmi wawaykikunata waqapukuq kayta yachatsiyay.
Yanasaykikunatapis wañupukuy cantukunata yachatsiyay.
21 21 (20) Wajintsikkunamanmi wañuy chämushqa.
Palaciuntsikkunamanmi wañuy yaykamushqa.
Cällikunachöpis wamrakunatam wañutsiyan.
Pläzakunachöpis jövinkunatam wañutsiyan.
22 22 (21) Dios Yayam nin:
<<Wañushqa runakunam wätakunapa wanunnö mashtaräyanqa.
Trïgu manöjukunata pipis mana qoriptin jitaraqnömi jitaräyanqa>>.
Dios Yaya imapita kushikunqan
23 23 (22) Dios Yayam nin:
<<Yachayyuq runa yachayyuq kanqanman ama aläbakutsuntsu.
Poderyuq runapis poderyuq kanqanpita ama allish tukutsuntsu.
Rïcu runapis rïcu kanqanman ama confiakutsuntsu.
24 24 (23) Tsaypa rantin kushikuyätsun noqata reqiyämar Dios Yaya kanqäta tantiyayanqanpita.#1Cor. 1.31; 2Cor. 10.17.
Noqaqa kuyapäkuq y kay patsachö allillata ruraqmi kä.
Tsaynö reqiyämar tantiyayaptinmi kushikü.
Noqa Dios Yayam nï>>.
Israel runakunapa shonqunkuna señalanni kanqan
25 25 (24) Dios Yayam nin: <<Cuerpun señalakuqkunata y mana señalakuqkunatapis castiganäpaq tiempu chaykämunnam. 26 26 (25) Noqam castigashaq Egipto runakunata, Judá runakunata, edomita runakunata, amonita runakunata y moabita runakunatapis. Tsaynöllam castigashaq llapllanta rutukur desiertuchö täkuqkunatapis.#9.26a Tsay witsay desiertuchö täkuq wakin kaq runakunam ïdulukunata adorayänanpaq llapllankunata rutukuyaq. Llapllanta tsaynö mana rutuyänanpaq Dios Yaya ninqanta musyanaykipaq liyinki Lev. 19.27. Tsay llapan runakunam señalanninö kayan. Israel runakunapis cuerpunkunachö señalashqa karpis shonqunkunaqa señalannim kaykan>>.#9.26b Cuerpunta señalarmi penqayninpa punta qaranta roqur jipiyaq. Tsaynöllam shonqunkunata señalarqa jutsankunata dëjayan.#Hech. 7.51; Rom. 2.25-29.
Currently Selected:
Jeremías 9: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
