Jeremías 7
7
Templu punkuchö Jeremías willakunqan
1Jeremíastam Dios Yaya nirqan: 2<<Templu punkuman aywaykur willakunki: <Kay punkupa yaykur Dios Yayata adoraq Judá runakuna, Dios Yaya ninqanta wiyayay. 3Israel runakunata kuyaq y llapanta mandaq Dios Yayam nin: Shumaq tantiyakur yätsiyanqaqnö kawakuyay. Cäsuyämaptikim kay nacionnikikunachö imaypis tranquïlu kawakuyänaykipaq yanapayäshayki. 4Ama creyiyaytsu yapay yapay niyäshuptiki: <<¡Dios Yayapa templun kaychö kaykaptinqa imaypis tsapämäshunmi!>>
5<< <Kay nacionnikikunachö imaypis tranquïlu kawakuyänaykipaq mana alli ruraykunata jaqiskir allikunallatana rurayay. Runa majikikunawan alli rikänakuyay. 6Juklä runakunata, waktsakunata y viüdakunata ama sufritsiyaytsu. Alli ruraq runakunata ama wañutsiyaytsu. Juk dioskunatapis ama adorayaytsu. Juk dioskunata adorayaptikim desgracia päsayäshunki. 7Yätsiyanqaqnö kawakuyaptikim kay nacionnikikunachö tranquïlu kawakuyänaykipaq imaypis yanapayäshayki. Kay naciontam unay castaykikunata entregarqä imayyaqpis täkuyänanpaq.
8<< <Llullatsiyäshunqaykita creyirmi yarpäyanki kaychö templü kanqanpita imaypis mana castigayänaqpaq kanqanta. Tsaynö ama creyiyaytsu. 9Qamkunam suwakuykäyanki, runa majikita wañuykätsiyanki, jukpa warminwan kakuykäyanki, llullakur juraykäyanki y inciensiutapis Baalpaq qoshniykätsiyanki. Tsaynöllam wakin kaq dioskunatapis adoraykäyanki. Tsay dioskunataqa manam imaypis unay castaykikuna adorayashqatsu.
10<< <Tsaynö ruraykarpis penqakuynikikuna manam kantsu templüman shamuykur shutïta parlar adorayämänaykipaq. Qamkunam yarpäyanki mana allita ruraskir kay templuman shayämuptiki mana castigayänaqpaq kanqanta. 11Adorayämänayki templu ¿suwakunapa machaynin kanqantaku yarpäyanki?#Mat. 21.13; Mar. 11.17; Luc. 19.46. Llapan imayka rurayanqaykitam rikashkä. Noqa Dios Yayam nï.
12<< <Maski Silo markaman#7.12 Jerusalénchö templuta manaraq shäritsiyaptinmi Dios Yayata adorayänanpaq Silo markachö Tinkuna Carpata puntata shäritsiyarqan. Tsay markatam filisteo runakuna ushakätsiyarqan. Tsaypaq masta musyanaykipaq liyinki Jos. 18.1; 1Sam. 4.1-11; Sal. 78.60; Jer. 26.6. aywayay imanö kanqanta rikäyämunaykipaq. Tsay markachö täkunäpaq akrashqa kaykarpis tsaychö täkuq runakuna rabyatsiyämar jutsata rurayaptinmi ushakätsishkä. 13Qamkunapis <<mana alli ruraykunata jaqiyay>> niyaptiqpis manam cäsuyämankitsu. Yapay yapay parlapäyaptiqpis manam wiyayämankitsu. Tsaynö kayanqaykipitam#Isa. 65.12; 66.4. 14Silo markata ushakätsinqänö kay confiakuyanqayki templutapis ushakätsishaq. Tsaynömi ushakätsishaq kaychö adorayämänaykipaq qamkunata y unay castaykikunata entregashqa kaykarpis. 15Efraín runakunata nacionninkunapita qarqunqänömi qamkunatapis puntäpita juklä nacionman qarquyäshayki>.
Ïdulukunata Judá runakuna adorayanqan
16<<Jeremías, kay runakunapaq ama mañakamaytsu. Yapay yapay rugakamaptikipis manam wiyashaykitsu. 17¿Manaku rikanki Judá markakunachö y Jerusalén cällikunachö imanö rabyatsiyämanqanta? 18Ciëluchö kaykaq reina niyanqan diösapaq#Jer. 44.15-26. mikuyta rurayänanpaqmi wamrakuna yantata qoriyan. Taytankunam ninata tsaritsiyan. Warmikunanam tantata masarayan. Juklä runakuna adorayanqan wakin dioskunapaqpis vïnutam wiñäyan. Tsaykunata rurarmi alläpa rabyatsiyäman. 19Tsaynö rabyatsiyämarmi kikinkuna mas penqakuychö kaykäyan.
20<<Tsaymi nï: Alläpa rabyashqa karmi kay templuta ushakätsishaq. Nina lunyar imaykatapis ushanqannömi runakunata, wätakunata, jachakunata y mikuykunatapis jankat ushakätsishaq>>.
Sacrificiuta waykayanqanpa rantin cäsuyänanta Dios Yaya munanqan
21Israel runakunata kuyaq y llapanta mandaq Dios Yayam nin: <<Waykana sacrificiuta noqapaq waykayanqaykita manam chaskishaqnatsu. ¡Tsay aytsataqa wakin sacrificiutanö qamkunalla mikuyay! 22Unay castaykikunata Egiptupita jipimur manam mandarqätsu waykana sacrificiuta ni ima sacrificiutapis altarchö waykayänanpaq.#Sal. 51.16-19; Amós 5.22-24. 23Tsaypa rantinmi nirqä: <Ninqäta cäsuyämaptikim Diosnikikuna kashaq. Qamkunam kuyanqä runakuna kayanki. Munanqänö kawayaptikim llapan rurayanqaykipis alli kanqa>.#Éxo. 15.26; 19.5; Lev. 26.3-12; Jer. 11.4.
24<<Peru tsaynö niptïpis ninqäkunata mana wiyakurmi cäsuyämashqatsu, sinöqa shonqunkuna munanqanta rurarmi mana allikunata rurayashqa. Munanqänö kawayanqanpa rantinmi jaqiyämashqa.
25<<Tsaynöllam unay castaykikunata Egiptupita jipimunqä junaqpita kananyaq servimaqnï profëtakunata qamkunaman imaypis kachamushkä. 26Peru mana cäsuyämarmi unay castaykikunapitapis mas peor mana cäsukuq tikrayashkanki.
Ïduluta adorayanqanpita Dios Yaya rabyakunqan
27<<Jeremías, mana cäsuyäshunayki kaptinpis llapan ninqaqkunata willakuy. 28Willakur ninki: <Kay nación runakunaqa kuyanqan Dios Yaya ninqanta manam yanqallapis cäsuyantsu. Plëtuptinpis manam chaskiyantsu. Dios Yaya munanqannö kawayänanpaq äniyanqantapis manam cumpliyantsu. Cumpliyänanpaqqa manam parlayllapis parlayannatsu. 29¡Llakikur aqtsaykikunata rutuyay! ¡Tsunya jirkakunachö waqakuypaqta cantayay! Dios Yayam alläpa rabyar jaqiyäshushkanki. Manam rikaytapis munashunkinatsu> >>.
30 Dios Yayam nin: <<Judá runakunam adorayämänan templüta manakaqman churar mana väliq ïdulunkunata churayashqa. Tsaynö jutsata rurarmi alläpa rabyatsiyämashqa. 31Tsaynöllam Ben-Hinom raqra Tofet niyanqanchö altarkunata perqayashqa#2Rey. 23.10; Isa. 57.5; Jer. 32.35. ollquta y warmitapis tsurinkunata rupatsiyänanpaq.#Lev. 18.21; Jer. 19.5. Tsayta rurayänanpaq manam nirqätsu ni yarpayllapis yarparqätsu>>.
32Tsaymi Dios Yaya nin: <<Castiganä junaq chämuptin tsay raqrata manam Tofet shutiwantsu ni Ben-Hinom shutiwantsu reqiyanqa, sinöqa Wañutsinakuy Raqra shutiwanmi reqiyanqa.#Jer. 19.6. Ayakunata pampayänanpaq patsa mana jäkuptinmi Tofetman pampayanqa. 33Tofetchöpis sitiu mana kaptinmi pampakunallachöna ayakuna jitaräyanqa. Tsay ayakunatam wiskulkunawan chucaru wätakuna mikuyanqa. Wajakunanpaqpis manam ni pï kanqatsu.
34<<Tsaynö castigaptïmi kay entëru nación tsunya tikranqa. Tsaymi Judá nación markakunachö y Jerusalén cällikunachö runakuna kushikuyanqan ni asikuyanqanpis wiyakanqanatsu. Casaray fiesta manana kaptinmi jövinwan jipashpis kushikur cantapänakuyanqanatsu>>.#Jer. 16.9; 25.10; Apoc. 18.23.
Currently Selected:
Jeremías 7: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
