Jeremías 19
19
Pakishqa puyñuman iwalatsinqan
1 Dios Yayam nimarqan: <<Puyñu#19.1 Wakin runakunaqa uyllu niyan. rantiq ayway. Tsaypita juk ishkay mayor runakunata y mayor sacerdötikunata qayaskatsir 2Ben-Hinom raqraman pushay. Markapita yarqunki Manka Ruraq niyanqan punkupa. Noqa ninqaqta tsaychö paykunata willanki.
3<<Willar ninki: <Judá nacionpa mandakuqnin rey y Jerusalénchö täkuq runakuna, llapayki wiyayämay. Israel runakunata kuyaq y llapanta mandaq Dios Yayam nin: Kay nación runakunata castigaptïmi alläpa ñakayanqa. Tsaynö ñakayanqanta wiyaq kaqmi alläpa mantsakäyanqa. 4Tsaynömi castigayäshayki adorayämanqaykipa rantin juk dioskunata adorar inciensiuta qoshnïtsiyanqaykipita. Tsay dioskunataqa unay castaykikuna ni mandayaqniki reykunapis manam ni imay adorayashqatsu. Juk dioskunata adorarmi kay raqrata manakaqman churayashkanki.
<< <Tsaypa jananmanmi jutsannaqkunatapis kaychö wañutsiyashkanki. 5Baalta adorar tsurikikunata waykayänaykipaqmi altarkunatapis kaychö perqayashkanki. Tsaynö rurayänaykipaq manam mandayashkaqtsu ni nishkätsu ni yarpayllapis yarpashkätsu.
6<< <Mastam Dios Yaya nin: Castigayänaq junaq chämuptin kay raqrata manam Tofet shutiwannatsu ni Ben-Hinom shutiwantsu reqiyanqa, sinöqa Wañutsinakuy Raqra shutiwanmi reqiyanqa.#Lev. 18.21; Isa. 57.5; Jer. 7.31-32; 32.35.
7<< <Noqam pantatsishkä Judá runakuna y Jerusalén runakuna yarpäyanqanta. Contrankuna wañutsiyaptinmi ayankunatapis wiskulkuna y chucaru wätakuna mikuyanqa. 8Kay marka ushakanqanmi alläpa mantsakaypaq kanqa. Tsaynö castiganqäta rikarmi llapan tsaypa päsaqkuna äyakashqa rikaräyanqa.
9<< <Contraykikuna entërupa kunchawaskir tsaparäyäshuptikim mikuypis jankat ushakanqa. Tsaymi permïtishaq runa majikikunata y tsurikikunata ollquta y warmitapis mikuyänaykipaq#Deut. 28.53-57; Eze. 5.10.>.
10<<Jeremías, tsaynö willakuyta ushaskir rantinqayki puyñuta pushanqayki runakunapa puntanchö pakinki. 11Tsaypita ninki: <Llapanta mandaq Dios Yayam nin: Tsay puyñutanömi Judá runakunata y Jerusalén runakunata ushakätsishaq. Ñutushqa puyñuta mana allitsaqnömi paykunatapis ni pï allitsayta puëdinqatsu. Wañuqkunata pampayänanpaq patsa mana jäkuptinmi Tofetmanna pampayanqa. 12Tofetchö ayakuna jitaranqannömi kay markachöpis jitaräyanqa.
<< <Tsaynömi kay markata y kay markachö täkuqkunatapis ushakätsishaq. 13Jerusalénchö kaykaq wajikunachö y Judá nacionpa mandakuqnin reykunapa palaciunkunachöpis ayakuna jitaräyaptinmi Tofetnö taqra tikranqa. Paykunatam tsaynö castigashaq tsay wajikuna jananchö#19.13 Tsay witsaymi Israel nacionchö wajita qatayanqanpa rantin teranti jananman tsaqllaskir qetäwan lashtayaq. Tsay jananchömi awakuyaq, aqakuyaq y trïgutapis akrakuyaq. y tsay palaciukuna jananchö qoyllurkunata adorayanqanpita y inciensiukunata qoshnïtsir juk dioskunapaq vïnuta wiñäyanqanpita> >>.
14 Dios Yayapa shutinchö willakuskirmi Tofetpita templuman Jeremías kutirqan. Templupa patiunman ichiykurmi runakunata nirqan: 15<<Israel runakunata kuyaq y llapanta mandaq Dios Yayam nin: <Qamkuna niyanqaqta cäsukuyta mana munayaptikim willakatsinqänölla kay markachö y cercan markakunachö täkuqkunatapis castigashaq> >>.
Currently Selected:
Jeremías 19: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
