Isaías 66

Dios Yayata mana respitaqkuna imanö kayänanpaq kanqan

1 Dios Yayam nin:

<<Ciëlum trönü.#Sal. 11.4; Mat. 5.34; 23.22.

Patsam chakï jarukunan.#Mat. 5.35.

Tsaynö kaykaptinqa ¿maychöraq wajï shäritsiyankiman?

¿Maychöraq jamaykunäpaq ruratsiyankiman?

2Kikïmi ciëluta y patsatapis kamashkä.

Kamashqa kaptïmi llapan tsaykunapis kaykan.#Hech. 7.49-50.

Noqa Dios Yayam nï.

<<Noqam qollmi shonqukunata llakipar yanapä.

Paykunam jutsata rurar alläpa llakikuyan.

Ninqäkunata wiyarmi mantsakur cumpliyan.

3Peru wakin kaq runakunam sïqa jutsa rurayta mana dëjar kikinkuna munayanqannö kawayan.

Tsaymi noqapaq töruta waykayanqanpis runa majinta wañutsiyanqannö melanaypaq kaykan.

Üshata altarchö waykayanqanpis allqu pishtashqanömi kaykan.

Tsaki mikuy ofrendankunata apayämunqanpis kuchipa yawarnin wiñashqanömi kaykan.

Adorayämar inciensiuta qoshnïtsiyanqanmi ïdulukunapaq qoshnïtsiyanqannö kaykan.

4Paykunatam mas mantsaypaq desgraciakunawan castigashaq.

Qayaykaptïpis manam contestayämashqatsu.

Willakuptïpis manam chaskiyashqatsu.

Rikaykaptïmi jutsata rurayashqa.

Mana munanqäkunatam rurayashqa>>.#Isa. 65.12; Jer. 7.13.

5 Dios Yayata cäsuqkuna, kanan niyäshunqaykita shumaq tantiyakuyay.

Paymi niyäshunki:

<<Noqaman confiakayämunqaykipitam wakin kaq marka majikikuna chikiyäshunki.

Tsaymi asipar niyäshunki:

<Kushishqa kawayanqaykita rikäyänaqpaq mä kanan Dios Yaya yanapayäshuy>.

Tsaynö nir manakaqman churayäshunqaykipitam kikinkuna penqakur umpuräyanqa.

6Contraykikuna kayanqanpitam mana llakipar castigashaq.

Markapita y templupitapis tsay runakuna qayaraykachäyanqanmi wiyakämunqa>>.

Mushuq Jerusalén kananpaq ninqan

7<<Qeshyaq warmipis manaraq höranchömi qeshyakushqa.

Qeshyakunanpaq manaraq tsaripukurmi ollqu wamrata qeshyakushqa.#Apoc. 12.5.

8¿Pillaqa wiyashqatsuraq imayllapis tsaynö kanqanta?

¿Pillaqa rikashqatsuraq imayllapis tsaynö päsanqanta?

¿Juk junaqllachö runakuna miranmantsuraq juk nación kayanqanyaq?

¿Juk yuriyllachö yuriyanmantsuraq juk nación junta?

Tsaynö kaptinpis Siónmi sïqa nanakur tsaripukunqan höra atska wamrakunata qeshyakunqa.#66.8 Siónqa Jerusalén markam. Sión qeshyakunqan wamrakunaqa mushuq Jerusalénchö täkuyänanpaq kaqkunam kayan.

9Mirayänanpaq kamaykarqa ¿manatsuraq qeshyakuyänanpaqpis yanapashaq?

Wamrayuq kayänanpaq kamaykarqa ¿wamra yurinanta amatsämantsuraq?#66.9 Dios Yayam tsaynö nirqan mushuq Jerusalénchö kuyanqan runankuna täkuyänanpaq kanqanta musyatsir.

Noqa Diosnikikunam tsaynö nï.

10<<¡Jerusalénta kuyaqkuna, Jerusalénwan kushikuyay!

¡Jerusalénpaq waqaqkuna, llapayki kushikuyay!

11Jerusalénmi imayka mamaykinö pachayki junta alli allillata qarashunki.

Wamra chuchur kushikunqannömi tranquïlu kawakur kushikuyanki>>.

12 Dios Yayam nin:

<<Noqa yanapaptïmi Jerusalénchö imaypis tranquïlu kawakuy kanqa.

Maytsay nacionkunam mayu jeqaqnöraq riquëzankunata apayämunqa.

Jerusalén marka mamaykinö karmi alli allillata qarashurniki marqaräshunki.

Millqaninman jamaykatsishurnikim alläpa kuyashunki.

13Wawanta maman shoqaqnömi qamkunatapis Jerusalénchö shoqayäshayki>>.

14Tsayta rikarmi alläpa kushikuyanki.

Tamya witsay qewa lloqllunqannöraqmi qamkunapis tsaychö täkur sänu kawakuyanki.

Serviqninkunatam Dios Yaya tsaychö yanapanqa.

Peru chikiqninkunatam sïqa rabyar castiganqa.

15<<Lunyaykaq nina rurinchömi Dios Yaya shamunqa.

Carrëtankunapis shukukuynöraqmi shayämunqa.

Tsaynö shamunqa alläpa rabyar runakunata ninawan castigananpaqmi.

16Ninawan y espädawan castigarmi llapan runakunata Dios Yaya juzganqa.

Tsaynö castigaptinmi atskaq runakuna wañuyanqa>>.

17 Dios Yayam nin:

<<Wakikim alli armakuskir ïdulukunata adorayänaykipaq llallinakurraq huertakunaman aywayanki.

Tsaynöllam kuchi aytsata, ukush aytsata y mana mikuna kaq wätapa aytsantapis mikuykäyanki.

Tsaynö kayanqaykipitam llapayki ushakäyanki.

Karu nacionkunachö willakuyänanpaq ninqan

18<<Noqam musyä imata rurayanqaykitapis y imata yarpäyanqaykitapis. Tsaymi tiempu chämunqana llapan nación runakuna ima idiömata parlayaptinpis juk patsallaman qorimunäpaq. Paykuna shamurmi poderösu kanqäta rikäyämanqa. 19Poderösu kanqäta rikäyänanpaqmi tsaychö señalta rurashaq.

<<Kawaykar quëdaqkunatam juklä nacionkunaman kachashaq. Tsaymi chäyanqa Tarsisman, Libiaman y Lidiaman. Lidia nacionchö täkuqkunam flëchawan flëchayta alli yachayan. Tsaynöllam chäyanqa Tubalman y Javánman. Wakintanam kachashaq lamar kuchunchö karu nacionkunaman. Tsay nacionkunachö täkuq runakunaqa manam ni imaypis wiyayashqatsu noqapaq parlaqta ni rikäyashqatsu poderösu kanqäta. Tsay nacionkunachömi poderösu salvakuq kanqäta willakuyanqa.

20<<Kachanqä runakunam noqapaq ofrendata apamuqnö Israel majinkunata maytsaypita pushayämunqa. Tsaymi bestiankunawan, carrëtankunawan, andasninkunawan, mulankunawan y camëllunkunawanpis shayämunqa. Sagrädu lömächö Jerusalénmanmi chätsiyämunqa. Limpiu puyñukunawan#66.20 Wakin runakunaqa uyllukunawan niyan. tsaki mikuy ofrendata templüman apamuqnömi apayämunqa. Noqa Dios Yayam nï.

21<<Paykunapitam wakinta akrashaq sacerdötikuna y levitakuna kayänanpaq. Noqa Dios Yayam nï>>.

Diosta adoraqkuna y contran shäriqkuna imanö kayänanpaq ninqan

22Mastam Dios Yaya nin: <<Apellïduykita apayänanpaqmi qamkunapita miraqkuna imaypis kayanqa. Mushuq ciëluwan mushuq patsa imaypis kananpaq kanqannömi#Isa. 65.17; 2Ped. 3.13; Apoc. 21.1. paykunapis mana ushakaypa kayanqa.#Jer. 31.36. 23Cada llullu killachö y cada jamay junaqchömi llapan runakuna templüman shamur adorayämanqa. Noqa Dios Yayam nï.

24<<Templupita yarqurmi conträ shäriq runakunapa ayankuna mashtaraykaqta rikäyanqa. Tsay ayakunata mikuq kurukuna manam wañuyanqatsu. Tsaynöllam tsay ayakunata rupaq ninapis wañunqatsu.#Mar. 9.48. Tsayta rikarmi pïmaypis mantsakäyanqa>>.

Currently Selected:

Isaías 66: qxn

Highlight

Copy

Compare