Jeremías 1

1Kaychömi qellqashqa kaykan Hilcíaspa tsurin Jeremías willakunqan. Jeremíasqa sacerdöti castam karqan. Paymi Benjamín partichö Anatot markapita karqan.#1Rey. 2.26-27. 2Amónpa tsurin Josías#2Rey. 22.3—23.27; 2Crón. 34.8—35.19. chunka kimsa watana Judá nacionpa mandakuqnin rey kaykaptinmi#1.2 Tsay wata karqan 627 a. C. Jeremíasta Dios Yaya revelarqan willakuyninta willakunanpaq.

3Tsaynöllam Josíaspa tsurin Joacim#2Rey. 23.36—24.7; 2Crón. 36.5-8. Judá nacionpa mandakuqnin rey kanqan witsaypis Jeremíasta Dios Yaya revelarqan. Tsaypitanam atska kuti revelarqan Josíaspa jukaq tsurin Sedequías#2Rey. 24.18—25.21; 2Crón. 36.11-21. chunka juk wata Judá nacionpa mandakuqnin rey kanqan witsaypis. Tsay watam pitsqa kaq killachö#1.3 Tsay killam karqan pullan agostupita pullan setiembriyaq, wata 586 a. C. juklä nacionpita soldädukuna shamur rey Sedequíasta y Jerusalénchö täkuq runakunata prësu apayarqan.

Willakunanpaq Jeremíasta Dios Yaya revelanqan

4 Dios Yayam nimarqan: 5<<Mamaykipa pachanchö manaraq kamarnikim reqirqaq. Tsaynöllam manaraq yuriptiki akrarqaq maytsay nación runakunapaq profëta kanaykipaq>>.#Isa. 49.1; Gál. 1.15.

6Tsaynö nimaptinmi nirqä: <<¡Ay, Dios Yaya! Noqaqa jövinllaraq karmi parlaytapis yachätsu>>.

7Peru Dios Yayam nimarqan: <<Jövinllaraq kanqaykiwan ama tsapakuytsu. Maytsaypapis mandanqaqman aywarmi llapan ninqaqkunata willakunki. 8Imayka peligrupitapis salvanaqpaqmi qamwan kaykäshaq. Ama pipitapis mantsakuytsu>>.

Tsaynömi Dios Yaya nimarqan. 9Tsaypitanam shimïta yataykamur Dios Yaya nimarqan: <<Noqam willakuynïta shimikiman churashkä. 10Kanan junaqmi qamta churaq maytsay markakunachö y nacionkunachö ima päsananpaq kanqanta willakunaykipaq. Willakunqaykinöllam wakin kaq nacionkuna ushakäyanqa y wakin kaq nacionkuna mas poderyuq tikrayanqa>>.

11 Dios Yayanam tapumarqan: <<Jeremías, ¿imatatan rikaykanki?>>

Tsaymi nirqä: <<Taytay, almendru jachapa rämantam rikaykä>>.

12 Dios Yayanam nimarqan: <<Awmi, almendru jacham kaykan. Tsaynöllam noqapis alcäbu#1.12 Hebreo idiömachömi almendru niyänanpaq shaqea niyan y alcäbu niyänanpaq shoqea niyan. Ishkan palabra tsaynölla kaptinmi almendru jachata rikätsir Jeremíasta Dios Yaya tantiyatsirqan alcäbu kanqanta. kaykäshaq imata willakunaykipaqpis ninqallaqta willakunqaykita cumplinäpaq>>.#Isa. 55.10-11; Eze. 12.28.

13Yapaymi Dios Yaya nimarqan: <<Kananqa ¿imatatan rikaykanki?>>

Tsaymi nirqä: <<Norti kaqlächö manka timpur chasuykaqtam rikaykä>>.

14 Dios Yayam nimarqan: <<Tsay rikanqaykinöllam norti kaqläpita mantsakaypaq ñakaykuna kay nacionchö täkuq runakunaman shamunqa. 15Noqa Dios Yayam nï: Norti kaqlä nacionkunachö täkuq runakunatam qayamushaq. Paykuna shamurmi Jerusalén yaykuna punkukunaman trönunkunata churayanqa. Markapa murällanta juchuskatsirmi atacaq yaykuyanqa. Tsaynöllam Judá nacionchö wakin kaq markakunatapis atacayanqa.

16<<Tsay markakunachö täkuq runakunapa jutsankunapitam tsaynö castigashaq. Paykunam qonqaskayämar juklä nación runakuna adorayanqan dioskunapaq inciensiuta qoshnïtsiyan. Tsaynöllam kikinkuna rurayanqan ïdulukunata adorayan.

Jeremías willakunanpaq Dios Yaya ninqan

17<<Jeremías, tsay runakunaman aywar llapan ninqaqta mana mantsakur willay. Paykunapita ama mantsakuytsu. Mantsakuptikiqa paykunapa puntankunachömi mas peor mantsakätsishayki.

18<<Qamtam churaq alli corralashqa markanö, fiërru paradornö y broncipita perqanö kay nacionchö kanaykipaq.#Jer. 15.20. Tsaymi mana mantsakur willanki Judá nacionpa mandakuqnin reykunata, autoridäninkunata, sacerdötinkunata y pïmay runakunatapis. 19Noqam qamwan kaykäshaq imayka peligrupitapis tsapänaqpaq. Tsaymi paykuna contrayki shärirpis venciyäshunkitsu. Noqa Dios Yayam nï>>.

Currently Selected:

Jeremías 1: qxn

Highlight

Copy

Compare