Isaías 6

Isaíasta Dios Yaya qayanqan

1Rey Uzías wañunqan watachömi Dios Yayata rikarqä ciëluchö kuyakuypaq trönunchö jamaykämuqta. Tsay trönunpitam llatapanpa puntan templu junta karqan. 2Jamaykämunqan jananpam serafín angelkuna kaykäyarqan. Tsay serafín angelkunam cada ünu soqta riprayuq kayarqan. Ishkay riprankunawanmi qaqllankunata tsapakuyarqan. Ishkaywanmi chakinkunata tsapakuyarqan. Ishkay kaqwannam päriyarqan. 3Paykunam juknin juknin niyarqan:

<<¡Santu, santu, santu!#Apoc. 4.8.

¡Llapanta mandaq Dios Yayam santu!

¡Paypa poderninqa maytsaychömi!>>

4Tsaynö niyanqan wiyakämuptinmi templupa punkunkunapis tsuktsukyarqan y qoshnipis templuman juntaskirqan.#Apoc. 15.8. 5Tsaymi alläpa mantsakar nirqä:

<<¡Ay taytallay, tayta! ¡Kananqa wañushaqchi!

¡Llutankunata parlaq kaykar y manakaqkunata parlaq runakunawan tallukaykarmi mandakuq Reyta rikaykushkä!

¡Paymi llapanta mandaq Dios Yaya!>>#Éxo. 33.20.

6Tsaynö parlaykaptïmi juk ángel serafín noqa kaqman pärimurqan. Paymi altarpita jipimunqan rawraykaq shanshata tenäzawan apamurqan. 7Tsay shanshata shimïman töpatsirmi nimarqan: <<Kay shansha shimikita töpaptinmi tukuyläya jutsaykipita perdonashqana kanki>>.

8Tsaypitanam Dios Yaya parlamuqta wiyarqä: <<Willakuq aywananpaq ¿pillataraq mandashaq? ¿Pillaraq willakuqnintsik kanqa?>>

Tsaymi nirqä: <<Taytay, kaychömi kaykä. Noqam aywashaq>>.

9Tsaynö niptïmi nimarqan:

<<Aywar tsay runakunata niy:

<Mayjina wiyarpis manam tantiyayankitsu.

Mayjina rikarpis manam cuentata qokuyankitsu>.

10<<Tsay runakunapa shonqunkunata chukruyätsiy.

Rinrinkunatapis upayätsiy.

Ñawinkunatapis qaprayätsiy.

Tsaynöpam mana rikar, mana wiyar, mana tantiyar jutsankunata dëjayanqatsu.#6.10a Tsay ninqanqa kaynö ninanmi: Willakuptikim runakunapa yarpayninpis kanqatsu. Rinrinkunapis upayashqanömi kanqa. Ñawinkunapis qaprayashqanömi kanqa. Tsaynöpam mana rikaqnö y mana wiyaqnö kar tantiyayanqatsu arrepentikuyänanpaq.

Tsaynö kayaptinmi noqapis kutikätsishaqtsu>>.#6.10b Manam qeshyayllapita kutikätsinanpaqtsu nin, sinöqa ñakaykunapita, llakikuykunapita y jutsa ruraykunapita salvananpaqmi nin.#Eze. 12.2; Mat. 13.14-15; Mar. 4.12; Luc. 8.10; Juan 12.40; Hech. 28.26-27.

11Tsaynö nimaptinmi tapurqä: <<Dios Yaya, ¿imayyaqtan tsaynö willakushaq?>>

Tsaymi nimarqan: <<Tsaynö willakunki markakuna ushakäyaptin ni juk runallapis wajinchö mana täkuyanqanyaq y chakrakunapis tsunya tikranqanyaq. 12Tsaynölla willakunki runakunata jukläman prësu apatsinqäyaq y kay nación jankat tsunyanqanyaq.

13<<Kay nacionchö cada chunka runakunapita jukllayllapis quëdaptinqa yapaymi ushakätsishaq. Tsaynö kaptinpis roble jachata y encina jachata walluyaptin troncun quëdanqannöllam noqa akranqä runakuna wallkaqllapis quëdayanqa. Troncunpita tseqllimuqnömi juk ishkay kawaykar quëdaqkunapita yapay mirayanqa. Tsay runakunam cäsuyämanqa>>.

Currently Selected:

Isaías 6: qxn

Highlight

Copy

Compare