Popular Bible Verses from Isaías 6

Share

Tsaypitanam DIOS YAYA parlamuqta wiyarqä: <<Willakuq aywananpaq ¿pillataraq mandashaq? ¿Pillaraq willakuqnintsik kanqa?>> Tsaymi nirqä: <<Taytay, kaychömi kaykä. Noqam aywashaq>>.

Paykunam juknin juknin niyarqan: <<¡Santu, santu, santu! ¡Llapanta mandaq DIOS YAYAM santu! ¡Paypa poderninqa maytsaychömi!>>

Tsaymi alläpa mantsakar nirqä: <<¡Ay taytallay, tayta! ¡Kananqa wañushaqchi! ¡Llutankunata parlaq kaykar y manakaqkunata parlaq runakunawan tallukaykarmi mandakuq Reyta rikaykushkä! ¡Paymi llapanta mandaq DIOS YAYA!>>

Rey Uzías wañunqan watachömi Dios Yayata rikarqä ciëluchö kuyakuypaq trönunchö jamaykämuqta. Tsay trönunpitam llatapanpa puntan templu junta karqan.

Tsay shanshata shimïman töpatsirmi nimarqan: <<Kay shansha shimikita töpaptinmi tukuyläya jutsaykipita perdonashqana kanki>>.

Jamaykämunqan jananpam serafín angelkuna kaykäyarqan. Tsay serafín angelkunam cada ünu soqta riprayuq kayarqan. Ishkay riprankunawanmi qaqllankunata tsapakuyarqan. Ishkaywanmi chakinkunata tsapakuyarqan. Ishkay kaqwannam päriyarqan.

Tsaynö parlaykaptïmi juk ángel serafín noqa kaqman pärimurqan. Paymi altarpita jipimunqan rawraykaq shanshata tenäzawan apamurqan.

Tsaynö niptïmi nimarqan: <<Aywar tsay runakunata niy: <Mayjina wiyarpis manam tantiyayankitsu. Mayjina rikarpis manam cuentata qokuyankitsu>.

<<Tsay runakunapa shonqunkunata chukruyätsiy. Rinrinkunatapis upayätsiy. Ñawinkunatapis qaprayätsiy. Tsaynöpam mana rikar, mana wiyar, mana tantiyar jutsankunata dëjayanqatsu. Tsaynö kayaptinmi noqapis kutikätsishaqtsu>>.