Isaías 11
11
Davidpita miraq runa mandamaqnintsik kananpaq ninqan
1Chapanpita jacha tseqllimuqnömi mandamaqnintsik yurinqa.
Paymi Isaípita#11.1 Wakin traduccionkunachöqa Jesépita niyanmi. miraq kanqa.#1Sam. 16.1-13; Apoc. 5.5; 22.16.
2 Dios Yayapa Espïritunmi paychö kanqa.
Paymi tantiyakuq y yachayyuq kanqa,
yätsikuq y poderösu kanqa,
musyaq y Dios Yayapita mantsakuq kanqa.
3 Dios Yayapita mantsakurmi pay munanqannölla kawakunqa.
Payqa manam pitapis rikayllanpitatsu juzganqa.
Tsaynöllam ninshi ninshillawantsu pitapis <<jutsayuqmi kanki>> ninqatsu.
4Ayllunnaqkunapa favorninmi shärinqa.
Waktsakunatam entëru nacionnintsikchö respitatsinqa.
Parlanqanllawanmi runakunapis wañuyanqa.
Mana alli runakunatam pükaskiqnölla ushakätsinqa.#2Tes. 2.8.
5Tseqllanta alli watarkurmi Dios Yaya munanqannölla imaypis mandakur rasun kaqkunallata ruranqa.#Efe. 6.14.
6Tsay witsaymi üshawan atuqpis paqta puriyanqa.
Tigriwan cabrapis paqtam puñuyanqa.
Becërruwan leonpis tranquïlum puriyanqa.
Tsaykunatam wamrallana mitsikunqapis.
7Wäkapis ösuwan paqtam qewata mikuyanqa.
Wawankunapis tallukashqam montunaräyanqa.
Leonpis törunömi qewallatana mikunqa.
8Cobra niyanqan culebrapa#11.8 Cobraqa alläpa venenösu culebram. qeshunchömi chuchuykaq wamrapis pukllanqa.
Tsayraq waqtsashqa wamra culebrapa qeshunman makinta jatiptinpis manam imananqatsu.
9Dios Yaya mandakunqan entëru sagrädu lömachö mananam ni pipis llutankunata rurayanqanatsu ni pitapis sufritsiyanqanatsu.#Isa. 65.25.
Lamar yaku junta kanqannömi Dios Yayata reqiqkunapis kay patsachö junta kayanqa.#Hab. 2.14.
10Tsay witsaymi Isaípita miraq runata Dios Yaya churanqa llapan nación runakunata mandananpaq.#Rut 4.17; Rom. 15.12.
Payta reqiyänanpaqmi maytsay marka runakuna aywayta munayanqa.
Pay täkunqan nacionpaqmi pïmaypis parlayanqa.
Juklä nacionpita Israel runakunata kutitsimunanpaq ninqan
11Tsay witsaymi juklä nacionkunachö witsikashqa kaykäyaptin kuyanqan runankunata Dios Yaya yapay qorimunqa.
Paymi kutitsimunqa#11.11 Juklä nacionchö yurishqa kaptinpis unay castankuna Israel runakuna kayaptinmi Israel nacionman kutitsinanpaq kanqanta nirqan. Asiriapita, Egiptupita, Patruspita, Etiopíapita, Elampita, Sinarpita, Hamatpita y lamar kuchunchö kaq nacionkunapitapis.
12Maytsay nacionkunapita Israel runakuna kutiyämunanpaqmi bandërata jawiyanqa.
Maytsaychö mashtakashqa kaykaqtam Judá runakunata qorimunqa.
13Nacionninkunaman kutimurmi Efraín#11.13 Efraín runakunaqa Judápita rakikaq norti kaqlächö täkuq Israel runakunam kayarqan. runakuna Judá runakunawan chikinakuyanqanatsu.
Judá runakunata chikiqkunam llapan ushakäyanqa.
Judá runakunapis manam Efraín runakunata rabyapäyanqanatsu.
14Tsaymi Judá runakunawan Efraín runakuna aywar rupay jeqanan kaqlächö Filistea nacionta atacayanqa.
Rupay yarqamunan kaqlächö täkuqkunata venciskirmi imaykankunatapis apakuyanqa.
Edom nacionta y Moab naciontam poderninkunachö katsiyanqa.
Amón nación runakunapis paykuna niyanqantam rurayanqa.
15Nacionninkunaman kutiyämunanpaqmi Puka Lamarta päsayämunanpaq Dios Yaya nänitanö pullanpa kichapanqa.
Éufrates mayuta päsayänanpaqmi mayu jananpa makinta lamkanqa.
Makinta lamkarmi alläpa wayrätsimurnin tsay mayuta qanchisman rakinqa.
Tsaypam llanqinkunatapis mana jipiyllapa päsayanqa.#Apoc. 16.12.
16Asiriachö täkuq Israel runakunapis jatun nänipam kutiyämunqa.
Egiptupita yarqamur jatun nänipa shayämunqannömi kutiyämunqa.#Éxo. 14.21-22.
Currently Selected:
Isaías 11: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
