Isaías 12
12
Dios Yayata agradëcikur alabayanqan
1Tsay witsaymi Dios Yayata alabar niyanki:
<<Dios Yaya, qamtam agradëcikur alabayäshayki.
Alläpa rabyatsishqa kayaptiqpis rabyaynikim päsashqana.
Kananmi sïqa kushikarkatsiyämanki>>.
2Dios Yayam salvayämaqnï.
Tsaymi payman confiakamur imapitapis mantsakuyätsu.
Dios Yayam imaypis valoratsiman.
Paytam imaypis alabä.#Éxo. 15.2; Sal. 118.14.
3Pukyupita chuya yakuta upyar kushikuqnömi salvayäshunqaykipita kushikuyanki.
4Tsay junaqmi niyanki: <<Dios Yayata agradëcikur alabashun.
Pay salvamanqantsikta maytsay markakunachö willakushun.
Llapanpita mas poderösu kanqanta willakushun.
5Salmukunata cantar Dios Yayata alabashun.
Mantsakaypaq ruranqankunata maytsaychö willakushun.#Sal. 105.1-2.
6 Siónchö täkuqkuna, kushikur cantashun.
Israel runakunapa santu Diosninmi poderninwan yanapamashkantsik>>.
Currently Selected:
Isaías 12: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
