Oseas 9
9
Israel runakunata qarqunanpaq ninqan
1Israel runakuna, mañösa warmi ollqunta dëjaqnömi qamkunapis Dios Yayata dëjayashkanki.
Cosëchaykikuna alli kananta munarmi juk diosman creyikuykäyanki.
Prostitüta warmi pägu rayku juk runawan puñunqannömi qamkunapis kaykäyanki.
Tsaynö kaykarqa cosëchata qoriyanqaykipita ama kushikuyaytsu.
Wakin nación runakunanöqa kushikuypita ama saltaykachäyaytsu.
2Mikuyänaykipaq trïgupis ni upyayänaykipaq vïnupis manam paqtanqatsu.
3 Dios Yaya entregayäshunqayki nacionchö täkuyanqaykipa rantinmi Egiptuman kutiyanki.#9.3 Egiptuman kutiyanki nirqa unay aylluykikuna Egiptuchö ñakayanqannömi qamkunapis juk nacionchö ñakayanki ninanmi.
Asiriachöna täkurmi mana mikuyänaykipaq kaq impüru mikuykunata mikuyanki.
4Tsaychöqa Dios Yayapaq vïnuta manam altarman wiñäyankinatsu.
Sacrificiuta waykayaptikipis manam chaskiyäshunkinatsu.
Ayata yataq runa impüru kanqannömi mikuynikikunapis impüru kanqa.
Tsay mikuyta pipis mikurqa impürum kanqa.
Manam Dios Yayapa templunman apayänaykipaqtsu kanqa, sinöqa kikikikuna mikuyänaykillapaqmi.
5Tsaynö kaykaptinqa ¡imatatan rurayanki Dios Yayata adorar fiestata rurayanqayki junaq!
6Asiria runakuna mana ushakätsiyäshunaykipaq qeshpir aywakurmi Egiptuchöna täkuyanki.
Wajikikunapita apurädu yarqurmi qellaynikikunatapis dëjaskir aywayanki.
Qellaynikikuna kanqanchöpis shinwällam juntanqa.
Wajikikunachöpis kashakunallanam wiñanqa.
Egiptuchö wañuyaptikim juklä Menfis markachö pampayäshunki.
Profëtakuna willakuyanqanta Israel runakuna mana chaskiyanqan
7Israel runakunata Dios Yaya castigananpaq junaqkuna chämushqanam.#Luc. 21.22.
Jutsata rurayanqaykimanmi juzgayäshunki.
Alläpa ñakarraqmi Dios Yaya castigaykäyäshunqaykita musyayanki.
Qamkunam nikäyanki profëtakuna upa mana tantiyakuq kayanqanta.
Tsaynöllam nikäyanki Dios Yayapa willakuqninkunaqa löcu kayanqanta.
Peru tsaynö nikäyanki alläpa jutsasapa y chiki karmi.
8Kikin Dios Yayam profëtakunata churashqa Israelchö rikachakuqnö kayänanpaq.#Jer. 6.17; Eze. 3.16-21; 33.7-9.
Peru qamkunaqa mana alliman ishkiyänanpaqmi trampata churaqnö kaykäyanki.
Profëtakunata chikirmi Dios Yayapa templunchöpis contran shäriykäyanki.
9Gabaachö unay runakuna jutsata rurayanqannömi#Jue. 19.22-26. qamkunapis jutsasapa kaykäyanki.
Tsaynö kayanqaykitam Dios Yaya yarparaykan.
Tsaymi llapan jutsaykikunapita castigayäshunki.
Israel runakunapa wamrankuna ñakayänanpaq ninqan
10 Dios Yayam nin:
<<Desiertuchö üvata tariskir kushikuqnömi unay Israel runakunata tariskir kushikurqä.
Unay aylluykikunaqa punta poquq hïgusnö kushikuypaqmi kayarqan.
Peru Baal-peor partiman chaykurmi sïqa tsaychö adorayanqan diosta adorar alläpa penqakuypaq kayarqan.#Núm. 25.1-5.
Adorayanqan dios mana väliq kanqannömi paykunapis mana väliq kayarqan.
11<<Imayka pishqu illaqpita pärir aywaqnömi noqapis paykunata dëjaskir aywakushaq.
Tsaymi warmikunapis qeshyaq kayanqanatsu ni wawankunapis kanqanatsu.
12Wamrankuna yuriqtapis chipyatmi ushakätsishaq.
¡Allaw! Paykunata dëjaskiptï llakipaypaqmi ñakayanqa.
13Israel naciontam rikashkä kuyakuypaq Tiro markatanö.
Peru tsaynö kaykarpis mana cäsuyämarmi tsurinkunata castïguman apaqnö kaykäyan.
Castigaptïmi tsurinkunapis wañutsishqa kayanqa>>.
14Dios Yaya, jutsata rurayanqanman Israel runakunata castigay.
Warminkunapis qolluq kayätsun.
Wamrankuna yuriptinpis lichinkuna ama katsuntsu.
15 Dios Yayam nin:
<<Gilgalchömi jutsa rurayta qallayarqan.#1Sam. 13.8-15; 15.10-23.
Tsaychömi Israel runakuna rabyatsiyämarqan.
Tsaynöllam jutsata ruraptin wajinpita pitapis qarqunqannö noqapis nacionnïpita qarqushaq.
Autoridäninkunapis mana cäsuyämaptinmi Israel runakunata kuyashaqnatsu.
16Efraín runakunaqa qarwatashqa jachanömi kaykäyan.
Jawan tsakishqa jacha manana wayunqannömi paykunapa wamrankunapis kanqanatsu.
Wamrankuna kaptinpis llapantam wañutsishaq>>.
17Efraín runakuna mana cäsukuq kayaptinmi Dios Yaya dëjanqa.
Nacionninkunapita qarqushqa karmi wakläpa kayläpa purikur kayanqa.#Deut. 28.64-65.
Currently Selected:
Oseas 9: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Oseas 9
9
Israel runakunata qarqunanpaq ninqan
1Israel runakuna, mañösa warmi ollqunta dëjaqnömi qamkunapis Dios Yayata dëjayashkanki.
Cosëchaykikuna alli kananta munarmi juk diosman creyikuykäyanki.
Prostitüta warmi pägu rayku juk runawan puñunqannömi qamkunapis kaykäyanki.
Tsaynö kaykarqa cosëchata qoriyanqaykipita ama kushikuyaytsu.
Wakin nación runakunanöqa kushikuypita ama saltaykachäyaytsu.
2Mikuyänaykipaq trïgupis ni upyayänaykipaq vïnupis manam paqtanqatsu.
3 Dios Yaya entregayäshunqayki nacionchö täkuyanqaykipa rantinmi Egiptuman kutiyanki.#9.3 Egiptuman kutiyanki nirqa unay aylluykikuna Egiptuchö ñakayanqannömi qamkunapis juk nacionchö ñakayanki ninanmi.
Asiriachöna täkurmi mana mikuyänaykipaq kaq impüru mikuykunata mikuyanki.
4Tsaychöqa Dios Yayapaq vïnuta manam altarman wiñäyankinatsu.
Sacrificiuta waykayaptikipis manam chaskiyäshunkinatsu.
Ayata yataq runa impüru kanqannömi mikuynikikunapis impüru kanqa.
Tsay mikuyta pipis mikurqa impürum kanqa.
Manam Dios Yayapa templunman apayänaykipaqtsu kanqa, sinöqa kikikikuna mikuyänaykillapaqmi.
5Tsaynö kaykaptinqa ¡imatatan rurayanki Dios Yayata adorar fiestata rurayanqayki junaq!
6Asiria runakuna mana ushakätsiyäshunaykipaq qeshpir aywakurmi Egiptuchöna täkuyanki.
Wajikikunapita apurädu yarqurmi qellaynikikunatapis dëjaskir aywayanki.
Qellaynikikuna kanqanchöpis shinwällam juntanqa.
Wajikikunachöpis kashakunallanam wiñanqa.
Egiptuchö wañuyaptikim juklä Menfis markachö pampayäshunki.
Profëtakuna willakuyanqanta Israel runakuna mana chaskiyanqan
7Israel runakunata Dios Yaya castigananpaq junaqkuna chämushqanam.#Luc. 21.22.
Jutsata rurayanqaykimanmi juzgayäshunki.
Alläpa ñakarraqmi Dios Yaya castigaykäyäshunqaykita musyayanki.
Qamkunam nikäyanki profëtakuna upa mana tantiyakuq kayanqanta.
Tsaynöllam nikäyanki Dios Yayapa willakuqninkunaqa löcu kayanqanta.
Peru tsaynö nikäyanki alläpa jutsasapa y chiki karmi.
8Kikin Dios Yayam profëtakunata churashqa Israelchö rikachakuqnö kayänanpaq.#Jer. 6.17; Eze. 3.16-21; 33.7-9.
Peru qamkunaqa mana alliman ishkiyänanpaqmi trampata churaqnö kaykäyanki.
Profëtakunata chikirmi Dios Yayapa templunchöpis contran shäriykäyanki.
9Gabaachö unay runakuna jutsata rurayanqannömi#Jue. 19.22-26. qamkunapis jutsasapa kaykäyanki.
Tsaynö kayanqaykitam Dios Yaya yarparaykan.
Tsaymi llapan jutsaykikunapita castigayäshunki.
Israel runakunapa wamrankuna ñakayänanpaq ninqan
10 Dios Yayam nin:
<<Desiertuchö üvata tariskir kushikuqnömi unay Israel runakunata tariskir kushikurqä.
Unay aylluykikunaqa punta poquq hïgusnö kushikuypaqmi kayarqan.
Peru Baal-peor partiman chaykurmi sïqa tsaychö adorayanqan diosta adorar alläpa penqakuypaq kayarqan.#Núm. 25.1-5.
Adorayanqan dios mana väliq kanqannömi paykunapis mana väliq kayarqan.
11<<Imayka pishqu illaqpita pärir aywaqnömi noqapis paykunata dëjaskir aywakushaq.
Tsaymi warmikunapis qeshyaq kayanqanatsu ni wawankunapis kanqanatsu.
12Wamrankuna yuriqtapis chipyatmi ushakätsishaq.
¡Allaw! Paykunata dëjaskiptï llakipaypaqmi ñakayanqa.
13Israel naciontam rikashkä kuyakuypaq Tiro markatanö.
Peru tsaynö kaykarpis mana cäsuyämarmi tsurinkunata castïguman apaqnö kaykäyan.
Castigaptïmi tsurinkunapis wañutsishqa kayanqa>>.
14Dios Yaya, jutsata rurayanqanman Israel runakunata castigay.
Warminkunapis qolluq kayätsun.
Wamrankuna yuriptinpis lichinkuna ama katsuntsu.
15 Dios Yayam nin:
<<Gilgalchömi jutsa rurayta qallayarqan.#1Sam. 13.8-15; 15.10-23.
Tsaychömi Israel runakuna rabyatsiyämarqan.
Tsaynöllam jutsata ruraptin wajinpita pitapis qarqunqannö noqapis nacionnïpita qarqushaq.
Autoridäninkunapis mana cäsuyämaptinmi Israel runakunata kuyashaqnatsu.
16Efraín runakunaqa qarwatashqa jachanömi kaykäyan.
Jawan tsakishqa jacha manana wayunqannömi paykunapa wamrankunapis kanqanatsu.
Wamrankuna kaptinpis llapantam wañutsishaq>>.
17Efraín runakuna mana cäsukuq kayaptinmi Dios Yaya dëjanqa.
Nacionninkunapita qarqushqa karmi wakläpa kayläpa purikur kayanqa.#Deut. 28.64-65.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.