Oseas 3

Warminwan Oseas amistanqan

1 Dios Yayam yapay nimarqan: <<Warmiki juk ollqukunawan lluta purikushqa kaptinpis paywan amistay. Tsaymi Israel runakuna musyayanqa ollqunta mana respitaq warminö kaykäyaptinpis paykunata imaypis kuyanqäta. Juk dioskunata adorar päsasyuq biscöchukunata kushishqa mikupakuyaptinpis paykunataqa kuyämi>>.

2Tsaynö nimaptinmi warmïta entregamänanpaq pägakurqä chunka pitsqa siclo qellayta#Éxo. 21.32; Lev. 27.4. y kimsa pachak kimsa chunka (330) kïlu cebädata. 3Amistaskirmi nirqä: <<Kananmi sïqa noqallapana warmï kar juk ollqukunawanqa purikunkinatsu. Peru amistashqana kaykarpis manam puñushunraqtsu, sinöqa atska junaq päsaskiptinraqmi puñushun>>.

4Tsaynömi Israel runakunapapis atska wata mandakuqnin rey ni autoridäninkunapis kanqatsu. Dios Yayapaq sacrificiutapis manam waykayanqatsu ni juk diosta adorar shuytu rumitapis ichïtsiyanqatsu. Manam ni sacerdötinkunapis ni wajinkunachö ïdulunkunapis kanqanatsu. 5Tsaypitanam Israel runakuna perdonta mañakur Dios Yayata ashiyanqa. Tsaynöllam Davidpa castanpita mandakuq reytapis cäsuyanqa. Shamuq watakunachömi Dios Yayapita mantsakur bendicionninta kushishqa chaskiyanqa.

Currently Selected:

Oseas 3: qxn

Highlight

Copy

Compare