Hebreos 9

Unay kaq pactu imanö kanqan

1Unay kaq pactuchömi Sagrädu Carpata imanö rurayänanpaq y tsaychö imanö adorayänanpaq runakunata Dios Yaya tantiyatsirqan. 2Tsaymi Sagrädu Carpata#9.2 Jerusalénchö templupis Sagrädu Carpa rurashqanömi karqan. Tsaymi kay capïtuluchö Sagrädu Carpapaq parlarqa Jerusalénchö templupaqpis parlan. ishkay cuartuyuqta rurayarqan. Punta kaq cuartuchömi karqan candelëru,#Éxo. 25.31-40. Dios Yayapaq churayanqan tanta y tanta churakuna mësa.#Éxo. 25.23-30. Tsay cuartupa shutinmi karqan Lugar Santu. 3Ruri kaq cuartupa shutinmi Lugar Santïsimu karqan. Tsay ishkan cuartukunam rakta cortïnawan rakishqa karqan.#Éxo. 26.31-33.

4Lugar Santïsimuchömi inciensiuta qoshnïtsiyänanpaq qoripita rurashqa altar karqan.#Éxo. 30.1-6. Tsaynöllam tsaychö Pactu Babul#Éxo. 25.10-16. karqan. Tsay babulmi jananpa rurinpa qoriwan enchapashqa karqan. Tsaychömi qoripita rurashqa tazón wiñararqan. Tsay tazonchömi maná niyanqan mikuy#Éxo. 16.33. churararqan. Tsaynöllam tsay babulchö wiñararqan Aarónpa tseqllimuq tukrun#Núm. 17.8-10. y parara rumikunachö qellqashqa pactupis.#Éxo. 25.16; Deut. 10.3-5. 5Tsay babulpa tsapanan jananchömi kayarqan qoripita rurashqa chipakyaq querubinkuna. Tsay querubinkunam babul jananchö riprankuna kichashqa kayarqan.#Éxo. 25.18-22. Tsaykunapaq tantiyatsiyänaqpaq masraqmi kan.

6Sagrädu Carpata ruraskiyaptinmi leykuna ninqannö llapanta rurayänanpaq punta kaq cuartuman sacerdötikuna waran waran yaykuyaq.#Éxo. 27.20-21; Lev. 24.8. 7Peru Lugar Santïsimumanmi sïqa mandakuq sacerdötilla watachö juk kuti yaykuq. Wätapa yawarninta aparkurmi kikinpa jutsanpita y runakunapis mana tantiyakur jutsata rurayanqanpita perdonta mañakunanpaq yaykuq.#Lev. 16.2-34. 8Lugar Santïsimuman mandakuq sacerdötilla yaykuptinmi Espíritu Santu tantiyatsimantsik Sagrädu Carpa kaykanqanyaq#9.8 Sagrädu Carpa kaykanqanyaq ninanqa unay kaq pactu kanqanyaq ninanmi. Dios Yayapa puntanman mana chänapaq kanqanta.

9Tsaynö kaykaptinqa shumaq tantiyakushun: Tsaki mikuy ofrendakunata y wätakunata altarchö sacerdötikuna waykayaptinpis manam tsaykunawanqa runakuna perdonta tariyantsu. 10Unay kaq pactuchömi qellqashqa kaykan imata mikunapaq imata mana mikunapaqpis,#Lev. 11.2-25. imata upyanapaq imata mana upyanapaqpis#Núm. 6.2-3. y tukuynöpa purificäkunapaqpis.#Lev. 15.8; Núm. 19.13. Tsaykunatam runakuna cumpliyänan karqan Dios Yaya mushuq pactuta ruranqanyaqlla.

Mushuq pactu imanö kanqan

11Mushuq pactuchöqa Jesucristunam mandakuq sacerdöti. Payqa manam kay patsachö templumantsu yaykurqan, sinöqa kikin Dios Yaya ruranqan ciëluchö kaykaq templumanmi. 12Ciëluchö Lugar Santïsimuman yaykunanpaqqa manam kay patsachö sacerdötikuna rurayanqannö chïvupa y becërrupa yawarninta aparkur wata watatsu yaykurqan, sinöqa kikinpa yawarninta jicharmi juk kutilla yaykurqan. Tsaynöpam imayyaqpis salvashqa kanapaq rantimashkantsik.

13Törukunapa y chïvukunapa yawarninwan runakunata tsaqtsuyaptin y ternërata rupatsiyanqan uchpata yakuman wiñarkur tsaqtsuyaptinmi janallanpa runakuna purificashqa kayaq.#Núm. 19.1-22. 14Peru Jesucristo yawarninta cruzchö jichashqa kaptinmi janantsikllapatsu purificashqa kantsik, sinöqa shonquntsikpis mana allikunata ruranqantsikpitam purificashqana kaykan. Tsaynö purificashqa karmi imayyaqpis kawaq Dios Yayata servintsik. Jesucristuqa Espíritu Santupa poderninwan Dios Yaya munanqan sacrificiunö kar noqantsik rayku wañuptinmi tsaynö purificashqa kantsik.

15Tsaymi Dios Yaya mushuq pactuta cumplinanpaq Jesucristo garantiantsik. Paymi wañurqan unay kaq pactuta mana cumplinqantsikpita perdonashqa kanapaq. Tsaynöpam llapanpis Dios Yaya qayanqan kaqkunaqa prometinqan herenciata chaskiyanqa.

16Dios Yaya ruranqan pactum testamentunö. Testamentupis testakuq runa wañuptinraqmi välin. 17Testakuq manaraq wañuptinqa testamentu manam välinraqtsu. Peru wañuskiptinmi sïqa välin.

18Tsaynöllam punta kaq pactu välinanpaqqa wätakunapa yawarninta jichayarqan. 19Tsaymi runakuna qorikäyaptin leykunachö llapan mandamientukunata Moisés liyipuskir becërrukunapa y chïvukunapa yawarninta qorirqan. Tsay yawarman yakuta yaparkurmi hisöpu jachapa rämankunata puka jïluwan juk qeruman watarqan. Tsayta yawarman tullpurkurmi qellqashqa leykunata y llapan runakunata tsaqtsur 20nirqan: <<Kay yawarqa noqantsikwan Dios Yaya pactuta ruranqan yawarmi>>.#Éxo. 24.3-8; Zac. 9.11; Mat. 26.28.

21Tsaynöllam Sagrädu Carpatapis y llapan manëjunkunatapis tsay yawarllawan Moisés tsaqtsurqan.

22 Moisés qellqanqan leykunachömi nin purificashqa kananpaqqa yawarwanraq imapis tsaqtsushqa kananpaq. Yawarta mana jichaptinqa manam runakunata jutsankunapita Dios Yaya perdonantsu.#Lev. 17.11. 23Tsaymi ciëluchö templunö Sagrädu Carpatapis y llapan manëjunkunatapis wätapa yawarninwanraq purificarqan. Peru ciëluchö templutam sïqa mas väliq yawarwan purificarqan.

Jesucristo wañunqanpita Dios Yaya perdonamanqantsik

24Ciëluchö templunö kaptinpis Jesucristo manam runa ruranqan templumantsu yaykurqan, sinöqa ciëlumanmi. Kananmi Dios Yayapa puntanchö noqantsikpaq mañakuykan. 25Tsayman yaykunanpaq juk kutillam kikinpa yawarninta jichar wañurqan. Kay patsachö mandakuq sacerdötiqa wätakunapa yawarninta aparkur wata watam Lugar Santïsimuman yaykun. 26Paykunanölla rurarqa kay patsata kamanqanpita kananyaqqa Jesucristo ayka kutiraq wañunman karqan. Peru atska kuti wañunqanpa rantinmi juk kutilla wañurqan. Jutsantsikpita perdonashqa kanapaqmi kay ultimu tiempuchö sacrificiunö kikin wañurqan.

27Tsaynöllam llapan runakunapis juk kutilla wañuyan y tsaypitanam juzgashqa kayanqa.#Apoc. 20.11-13. 28Jesucristupis juk kutillam atskaq runakunapa jutsankunapita wañurqan. Kay patsaman kutimurqa manam runakunapa jutsankunapita yapay wañunanpaqtsu kutimunqa, sinöqa payta shuyaqkunata salvananpaqmi.

Currently Selected:

Hebreos 9: qxn

Highlight

Copy

Compare