Hebreos 3

Moiséspitapis Jesucristo mas poderösu kanqan

1Wawqikuna y panikuna, gloriaman chäyänaykipaq Dios Yaya qayaykäyäshuptikiqa creyikunqantsik Jesucristo pï kanqantapis shumaq tantiyakuyay. Paymi apostolnintsik y mandakuq sacerdötintsik kaykan. 2Dios Yayapa wajinta#3.2 Dios Yayapa wajinpaq parlarqa Dios Yayaman creyikuqkunapaqmi parlaykan. rikar Moisés cumplinqannömi#Núm. 12.7. Jesucristupis llapanta cumplirqan. 3Musyanqantsiknömi waji kuyakuypaq kaptinpis wajitatsu aläbantsik, sinöqa waji ruraqtam. Tsaynöllam Moiséstatsu alabantsik, sinöqa Jesucristutam. 4Wajipis runa ruratsiptinraqmi kan. Tsaynöllam Dios Yaya kamaptinraq llapan imaykapis kan.

5Dios Yayapa wajinta Moisés alli rikarpis servikuqnöllam karqan. Tsaynö karmi shamuq watakunachö Dios Yaya tantiyatsimänapaq kaqkunata qellqarqan. 6Peru Jesucristum sïqa Dios Yayapa Tsurin kar wajipa ämun. Payman creyikur ninqankunata imaypis cumplirmi paypa wajin kantsik.

Dios Yayata cäsukur kawakunapaq ninqan

7Tsaymi Espíritu Santu ninqanta shumaq tantiyakuyay. Paymi nin:

<<Dios Yaya ninqanta kanan junaq wiyaykarqa 8desiertuchö pruëba kaptin unay aylluykikuna chukru shonqu kayanqannö ama kayaytsu.

9Tsaychömi chusku chunka (40) wata yanapanqäta rikaykarpis paykunaqa munayanqanta ruratsiyämayta munayarqan.

10Tsaymi alläpa rabyar nirqä:

<Kay runakunaqa oqrakashqanömi kayan.

Yätsinqätapis manam cäsukuyantsu>.

11Tsaynö rabyarmi jurar nirqä:

<Paykunaqa prometinqä jamayman manam yaykuyanqatsu> >>.#Deut. 12.9-10; Sal. 95.7-11.

12Wawqikuna y panikuna, cuidädutaq qamkunapis chukru shonqu y mana creyikuq kar imayyaqpis kawaq Dios Yayapita witikuyankiman. 13Tsaypa rantinqa waran waran juknin jukninwan animatsinakur Dios Yaya munanqannö kawakuyay. Tsaynöpam jutsa ruray mana engañashuptiki shonquykikuna chukruyanqatsu.

14Wañunqantsikyaq Dios Yayaman creyikur pay munanqannö kawakurmi Jesucristo herenciata chaskinqannö noqantsikpis herenciata chaskishun. 15Dios Yayapa palabranmi nin: <<Dios Yaya ninqanta kanan junaq wiyaykarqa unay aylluykikuna chukru shonqu kayanqannö ama kayaytsu>>.#Sal. 95.7-8.

16Tantiyakuyay. ¿Pikunatan Dios Yaya ninqanta wiyaykarpis contran shäriyarqan? ¿Manaku paykuna Egiptupita Moisés jipimunqan Israel runakuna kayarqan? 17¿Pikunatan chusku chunka (40) wata Dios Yayata rabyatsiyarqan? ¿Manaku paykuna desiertuchö Dios Yaya ushakätsinqan jutsa ruraq runakuna kayarqan? 18¿Pikunatatan Dios Yaya jurar nirqan prometinqan jamayman mana yaykuyänanpaq?#Núm. 14.1-35. ¿Manaku payta mana cäsuq runakuna kayarqan? 19Paykunaqa mana creyiyanqanpitam yaykuyarqantsu.

Currently Selected:

Hebreos 3: qxn

Highlight

Copy

Compare