Hebreos 4

Dios Yaya prometinqan jamayman yaykunapaq kanqan

1Unay Israel runakunata jamayman yaykatsinanpaq prometinqannöllam noqantsiktapis Dios Yaya jamayman yaykatsimänapaq nimantsik.#4.1 Unay Israel runakunata jamayman yaykatsinanpaq nirqa nacionninman yaykur Dios Yayawan alli kawayänanpaq kanqantam nin. Noqantsikta jamayman yaykatsimänapaq kanqanta nirqa Dios Yayapa puntanchö alli kawanapaq kanqantam nin. Tsaynö prometiykämashqaqa paqtataq payta mana cäsur tsay jamayman yaykushwantsu.

2Unay Israel runakuna Dios Yayapa willakuyninta musyayanqannömi noqantsikpis musyantsik. Tsay runakunaqa musyaykarpis mana creyiyanqanpitam Dios Yaya prometinqan jamayman yaykuyarqantsu. 3Peru noqantsikmi sïqa payman creyikur prometimanqantsik jamayman yaykushun. Mana creyiqkunapaqmi Dios Yaya nirqan: <<Rabyarmi jurar nirqä: <Paykunaqa prometinqä jamayman manam yaykuyanqatsu> >>.#Sal. 95.11.

Mana creyiqkuna Dios Yaya prometinqan jamayman mana yaykuyaptinpis kay patsata kamanqanpitam tsay jamayman yaykunapaq alistashqa kaykan. 4Alistashqa kanqantam musyantsik qanchis kaq junaqpaq palabranchö niptin: <<Llapanta kamar ushaskirmi qanchis kaq junaqchö Dios Yaya jamarqan>>.#Gén. 2.2.

5Mastam nin: <<Paykunaqa prometinqä jamayman manam yaykuyanqatsu>>.#Sal. 95.11.

6Tsay ninqannöllam unay Israel runakuna Dios Yayapa willakuyninta chaskishqa kaykarpis mana cäsukuq kar tsay jamayman yaykuyarqantsu. Tsaynö kaptinpis tsay jamay kaykanraqmi yaykunapaq. 7Tsay jamayman yaykunapaqmi Dios Yaya tantiyatsiptin David nirqan: <<Dios Yaya ninqanta kanan junaq wiyaykarqa chukru shonqu ama kayaytsu>>.#Sal. 95.7-8.

8Israel runakunata Canaánman pusharpis Josué manam paykunata jamayman yaykatsirqantsu.#Deut. 31.7; Jos. 22.4. Yaykatsishqa kaptinqa Dios Yaya manam yapay parlanmantsu karqan. 9Tsaymi Dios Yayaman creyikuq runakunapaqqa kaykanraq jamayman yaykuyänanpaq. 10Kay patsata kamar ushaskir Dios Yaya jamanqannömi noqantsikpis tsay jamayman yaykur llapan ñakaykunapita jamashun. 11Tsaynö kaykaptinqa Dios Yaya alistanqan jamayman yaykunapaq yarpachakushun. Israel runakunanö mana cäsukuq karqa noqantsikpis manam yaykushuntsu.

12Dios Yayapa palabranqa kawaq karmi poderyuq kaykan. Ishkanläpa alli afilashqa espädapitapis mas fïlu karmi#Isa. 49.2; Efe. 6.17. shonquntsikmanpis, yarpaynintsikmanpis y toqshuntsikmanpis chan imanö kanqantsikta tantiyatsimänapaq. 13Llapan kamanqankuna rikänanllachö kaptinmi Dios Yayapita tsinkakuyta puëdintsiktsu. Imata rurashqapis paymi rikaykämantsik. Imanö kawanqantsikpitam cuentata mañamäshun.

Mandakuq sacerdöti Jesucristo kanqan

14Dios Yayapa Tsurin Jesucristo gloriachö mandakuq sacerdöti kaykaptinqa payman imaypis creyikushun. 15Kay patsachö kaptinmi mandakuq sacerdötintsik Jesucristuta noqantsiktanö Satanás tukuynöpa tentarqan. Tsaynö tentaptinpis manam jutsata rurarqantsu. Tsaymi noqantsiktapis Satanás tentamashqa llakipämarnintsik Jesucristo yanapamantsik. 16Imaypis yanapamänapaq kaykaptinqa llakipäkuq Dios Yayata mana mantsapaypa mañakushun. Payta mañakurqa trönunchö paywan parlaykaqnömi kaykantsik. Dios Yayata mañakushqaqa ima ñakaychö kashqapis paymi llakipämarnintsik yanapamäshun.

Currently Selected:

Hebreos 4: qxn

Highlight

Copy

Compare