Eclesiastés 3
3
Llapanpaq tiemputa Dios Yaya churanqan
1Kay patsachöqa llapanpis tiempuyuqllam.
2Tiempu kanmi yurinapaq y wañunapaqpis.
Tiempu kanmi murunapaq y cosechanapaqpis.
3Tiempu kanmi wañutsinapaq y jampinapaqpis.
Tiempu kanmi juchutsinapaq y shäritsinapaqpis.
4Tiempu kanmi waqanapaq y kushikunapaqpis.
Tiempu kanmi lütunapaq y fiestata ruranapaqpis.
5Tiempu kanmi rumikunata witsinapaq#2Rey. 3.19, 25. y qorimunapaqpis.
Tiempu kanmi abrazanakunapaq y mana abrazanakunapaqpis.
6Tiempu kanmi ashinapaq y oqranapaqpis.
Tiempu kanmi churakunapaq y jitarinapaqpis.
7Tiempu kanmi rachinapaq y remendanapaqpis.
Tiempu kanmi upälla kakunapaq y parlanapaqpis.
8Tiempu kanmi kuyanapaq y chikinapaqpis.
Tiempu kanmi guërrata ruranapaq y mana ruranapaqpis.
9Mayjina arurpis ¿imatatan runa jipin? 10Tsaynö kaptinpis noqam tantiyashkä runa arur kawananpaq Dios Yaya permïtinqanta. 11Paymi llapantapis tiempullanchö permïtin.
Tsaynöllam mana ushakaq kaway kanqanta tantiyanapaq Dios Yaya permïtishqa. Peru manam tantiyayta puëdintsiktsu qallananpita ushananyaq Dios Yaya imata ruranqantapis.#Isa. 55.8-9; Rom. 11.33.
12Tsaynö kaptinpis noqam tantiyashkä allita rurar kushishqa kawanqantsik mas alli kanqanta. 13Tsaynöllam tantiyashkä arunqantsikpita mikur y upyar kushishqa kawanapaq Dios Yaya munanqanta.
14Tsaynöllam tantiyashkä Dios Yaya llapan kamanqankuna imaypis tsaynölla kanqanta.#Sal. 33.11. Kamanqankunamanqa manam ni imatapis yapantsiktsu ni tsaypita manam imatapis jipintsiktsu. Paypita mantsakunapaqmi Dios Yaya llapantapis tsaynö kamashqa.
15Kanan päsanqannömi unaypis päsarqan.
Unay päsanqankunapis yapaymi päsanqa.
Punta kanqannö yapay kananpaqmi Dios Yaya permïtin.
Kay patsachö mana allikuna kanqan
16Kay patsachömi rikashkä autoridäkuna alli justiciata rurayanqanpa rantin chaskipakur jutsannaq runapa contran shäriqta. 17Tsaymi shonqullächö nirqä: <<Llapanpis tiempuyuqlla kaykaptinqa tiempu chämunqam alli ruraq runata y mana alli ruraq runatapis Dios Yaya juzgananpaq>>.#Mat. 16.27; Rom. 2.6-10; 2Tes. 1.6-9.
18Tsaynöllam shonqullächö yarparqä: <<Dios Yayam runakunata tantiyatsin wätanölla kayanqanta. 19Runapapis y wätapapis tsayllam destïnun.#Sal. 49.12, 20. Llapan kawaqkunam wañuqlla kayan. Runapis wätapis ushakaqllam kayan>>.
20Wañurqa llapantsikmi ushakäshun.
Llapantsiktam allpallapita ruramashkantsik.
Wañurqa llapantsikpis allpallamanmi kutishun.#Gén. 3.19; Job 34.15.
21¿Piraq musyan runapa alman ciëluman aywanqanta y wätapa alman patsa rurinman yaykunqanta? 22¿Piraq musyan shamuq watakunachö imanö kananpaq kanqanta? Tsaymi runapaqqa mas alli arunqanwan kushishqa kawakunqan. Tsaynö kushishqa kawakunqanmi pägun.
Currently Selected:
Eclesiastés 3: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Eclesiastés 3
3
Llapanpaq tiemputa Dios Yaya churanqan
1Kay patsachöqa llapanpis tiempuyuqllam.
2Tiempu kanmi yurinapaq y wañunapaqpis.
Tiempu kanmi murunapaq y cosechanapaqpis.
3Tiempu kanmi wañutsinapaq y jampinapaqpis.
Tiempu kanmi juchutsinapaq y shäritsinapaqpis.
4Tiempu kanmi waqanapaq y kushikunapaqpis.
Tiempu kanmi lütunapaq y fiestata ruranapaqpis.
5Tiempu kanmi rumikunata witsinapaq#2Rey. 3.19, 25. y qorimunapaqpis.
Tiempu kanmi abrazanakunapaq y mana abrazanakunapaqpis.
6Tiempu kanmi ashinapaq y oqranapaqpis.
Tiempu kanmi churakunapaq y jitarinapaqpis.
7Tiempu kanmi rachinapaq y remendanapaqpis.
Tiempu kanmi upälla kakunapaq y parlanapaqpis.
8Tiempu kanmi kuyanapaq y chikinapaqpis.
Tiempu kanmi guërrata ruranapaq y mana ruranapaqpis.
9Mayjina arurpis ¿imatatan runa jipin? 10Tsaynö kaptinpis noqam tantiyashkä runa arur kawananpaq Dios Yaya permïtinqanta. 11Paymi llapantapis tiempullanchö permïtin.
Tsaynöllam mana ushakaq kaway kanqanta tantiyanapaq Dios Yaya permïtishqa. Peru manam tantiyayta puëdintsiktsu qallananpita ushananyaq Dios Yaya imata ruranqantapis.#Isa. 55.8-9; Rom. 11.33.
12Tsaynö kaptinpis noqam tantiyashkä allita rurar kushishqa kawanqantsik mas alli kanqanta. 13Tsaynöllam tantiyashkä arunqantsikpita mikur y upyar kushishqa kawanapaq Dios Yaya munanqanta.
14Tsaynöllam tantiyashkä Dios Yaya llapan kamanqankuna imaypis tsaynölla kanqanta.#Sal. 33.11. Kamanqankunamanqa manam ni imatapis yapantsiktsu ni tsaypita manam imatapis jipintsiktsu. Paypita mantsakunapaqmi Dios Yaya llapantapis tsaynö kamashqa.
15Kanan päsanqannömi unaypis päsarqan.
Unay päsanqankunapis yapaymi päsanqa.
Punta kanqannö yapay kananpaqmi Dios Yaya permïtin.
Kay patsachö mana allikuna kanqan
16Kay patsachömi rikashkä autoridäkuna alli justiciata rurayanqanpa rantin chaskipakur jutsannaq runapa contran shäriqta. 17Tsaymi shonqullächö nirqä: <<Llapanpis tiempuyuqlla kaykaptinqa tiempu chämunqam alli ruraq runata y mana alli ruraq runatapis Dios Yaya juzgananpaq>>.#Mat. 16.27; Rom. 2.6-10; 2Tes. 1.6-9.
18Tsaynöllam shonqullächö yarparqä: <<Dios Yayam runakunata tantiyatsin wätanölla kayanqanta. 19Runapapis y wätapapis tsayllam destïnun.#Sal. 49.12, 20. Llapan kawaqkunam wañuqlla kayan. Runapis wätapis ushakaqllam kayan>>.
20Wañurqa llapantsikmi ushakäshun.
Llapantsiktam allpallapita ruramashkantsik.
Wañurqa llapantsikpis allpallamanmi kutishun.#Gén. 3.19; Job 34.15.
21¿Piraq musyan runapa alman ciëluman aywanqanta y wätapa alman patsa rurinman yaykunqanta? 22¿Piraq musyan shamuq watakunachö imanö kananpaq kanqanta? Tsaymi runapaqqa mas alli arunqanwan kushishqa kawakunqan. Tsaynö kushishqa kawakunqanmi pägun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.