Eclesiastés 2
2
Shonquntsik munanqannö kawanqantsik manakaqllapaq kanqan
1Tsaynöllam yarpayllächö nirqä: <<Tsaypunqa mä kushikunäpaq shonqü munanqanta imatapis rurashaq>>.
Peru tsaynö yarpachakur kawanqäpis manakaqllapaqmi. 2Tsaymi kushikunqä y gustüllata ruranqäpis manakaqllapaq kanqanta tantiyarqä.
3Tsaynöllam alli ruraykuna y mana alli ruraykuna imanö kanqantapis musyanäpaq mana tantiyakuq runanö vïnuta upyarqä. Tsaynö upyarqä alli o mana alli kanqantapis tantiyanäpaqmi.
4Tsaynöllam imayka obrata ruratsishkä. Palaciukunatapis shäritsishkä.#1Rey. 7.1-12. Üvatapis maytsikatam plantatsishkä. 5Huertata ruraskirmi tukuyläya waytakunatapis plantatsishkä. Tsaynöllam tukuyläya frütakunatapis plantatsishkä. 6Plantäkunata parqutsinäpaqmi jatusaq pözukunatapis ruratsishkä.
7Maytsikaq servimaqnïkunatam ollquta y warmitapis rantirqä. Podernïchö yuriq serviqnïkunam kayashqa. Jerusalénchö täkuq unay runakunapa wäkankunapita y üshankunapitapis mas atskam wäkäkuna y üshäkunapis kashqa. 8Wakin kaq reykunapata y wakin kaq provinciakunapatam qorintapis qellaynintapis muntun muntun impuestuta cobrar qorishkä. Cantapämaqkunapis atskaqmi warmipis ollqupis kayashqa. Gustükunallata rurarmi atskaq warmitapis katsishkä.#1Rey. 9.28; 10.10-27; 2Crón. 9.22-27.
9Jerusalénchö täkuq unay runakunapitapis mas reqishqa y rïcum kashkä.#1Crón. 29.25. Imaypis tantiyakuqmi kashkä. 10Imatapis shonqü munanqantam llapantapis kushishqa rurashkä. Tsay kushikunqämi pägü kashqa llapan ruranqäkunapita. 11Tsaynö kaptinpis yarpachakurmi tantiyakurqä kay patsachö alläpa sufrir ruranqantsikkuna manakaqllapaq kanqanta. Tsaymi ruranqantsikman confiakurqa wayrata achkuyta munaqnölla kaykantsik.
Yachayyuq y mana yachayyuq runapis ushakaqlla kanqan
12Musyanqäpita mastaqa rantï yaykuq rey manam ni imatapis musyanqatsu. Tsaymi yachayyuq kay y mana yachayyuq kay imanö kanqanta tantiyatsinäpaq yarpachakurqä.
13Yarpachakurmi tantiyarqä tutapaypita aktsi mas alli kanqannö tantiyakuq kay mas alli kanqanta. 14Yachayyuq runam imatapis tantiyan. Peru mana yachayyuq runam sïqa tutapäpukushqanö kar ni imatapis tantiyantsu.
Tsaynö kaptinpis tantiyarqämi yachayyuq y mana yachayyuq runapis iwallla ushakäyanqanta. 15Tsaymi yarpachakur nirqä: Mana yachayyuq runanölla noqapis wañunäpaq kaykaptinqa yachayyuq kanqäpis ¿imapaqtan välin? Tsaymi tantiyarqä yachayyuq kaypis manakaqllapaq kanqanta. 16Wañuskiptinmi yachayyuqta y mana yachayyuqtapis qonqaskiyanqa. Yachayyuq runa y mana yachayyuq runapis ushakaqllam kayan. 17Tsayta tantiyarmi alläpa llakikur ni imanakaytapis puëdirqätsu. Tsaykunata tantiyayta munar wayrata achkuyta munaqnöllam kaykantsik.
Arunqantsikpis ushakaqlla kanqan
18Tsaynöllam tantiyashkä wañukuptï rantï yaykuq rey llapan ruratsinqäkunata probichananpaq kanqanta. Tsayta tantiyarmi alläpa llakikushkä. 19Kay patsachö tsayläya sufrir y shumaq tantiyakuskir ruranqäkunata manijananpaqqa ¿yachayyuq runatsuraq o mana yachayyuq runatsuraq kanqa? Alli tantiyakushqaqa kay vïdachö llapan ruranqantsikpis manakaqllapaqmi kaykan.
20Kay patsachö alläpa sufrir ruranqäkuna ushakaqlla kanqanta tantiyarmi shonqüpis nanayparaq llakikurqan. 21Alli yarpachakur arunqantsiktapis wañukurqa mana yanapamaqnintsikkunapaqmi dëjaskintsik. Peru tsaypis manakaqllapaq y mana allim kaykan.
22-23Runaqa waran waran alläpa yarpachakurllam kawan. Alläpa sufrirmi arun. Abësis puñuytapis manam puëdintsu. Kay patsachö alläpa sufrir arunqanpita ¿imatatan jipin? Tsaynö arunqantsikpis manakaqllapaqmi.#Job 5.7; 14.1.
24Tsaynö kaykaptinqa kawanqantsikyaq arunqantsikta kushishqa mikushun y upyashun. Kushishqa kawanapaqmi Dios Yaya kamamashkantsik. 25Dios Yaya mana yanapamashqaqa manam pipis kushishqa kawanmantsu.
26Dios Yayam kuyanqan kaqta yanapan tantiyakuq kananpaq, yachayyuq kananpaq y kushishqa kawananpaq.#Job 32.8; Prov. 2.6. Peru jutsa ruraq runatam sïqa dëjaskin. Tsaymi tsay runaqa arun Dios Yaya munanqannö kawaq runa probichananllapaq.#Job 27.16-17; Prov. 13.22. Mayjina arurpis wayrata achkuyta munaqnöllam kaykan.
Currently Selected:
Eclesiastés 2: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Eclesiastés 2
2
Shonquntsik munanqannö kawanqantsik manakaqllapaq kanqan
1Tsaynöllam yarpayllächö nirqä: <<Tsaypunqa mä kushikunäpaq shonqü munanqanta imatapis rurashaq>>.
Peru tsaynö yarpachakur kawanqäpis manakaqllapaqmi. 2Tsaymi kushikunqä y gustüllata ruranqäpis manakaqllapaq kanqanta tantiyarqä.
3Tsaynöllam alli ruraykuna y mana alli ruraykuna imanö kanqantapis musyanäpaq mana tantiyakuq runanö vïnuta upyarqä. Tsaynö upyarqä alli o mana alli kanqantapis tantiyanäpaqmi.
4Tsaynöllam imayka obrata ruratsishkä. Palaciukunatapis shäritsishkä.#1Rey. 7.1-12. Üvatapis maytsikatam plantatsishkä. 5Huertata ruraskirmi tukuyläya waytakunatapis plantatsishkä. Tsaynöllam tukuyläya frütakunatapis plantatsishkä. 6Plantäkunata parqutsinäpaqmi jatusaq pözukunatapis ruratsishkä.
7Maytsikaq servimaqnïkunatam ollquta y warmitapis rantirqä. Podernïchö yuriq serviqnïkunam kayashqa. Jerusalénchö täkuq unay runakunapa wäkankunapita y üshankunapitapis mas atskam wäkäkuna y üshäkunapis kashqa. 8Wakin kaq reykunapata y wakin kaq provinciakunapatam qorintapis qellaynintapis muntun muntun impuestuta cobrar qorishkä. Cantapämaqkunapis atskaqmi warmipis ollqupis kayashqa. Gustükunallata rurarmi atskaq warmitapis katsishkä.#1Rey. 9.28; 10.10-27; 2Crón. 9.22-27.
9Jerusalénchö täkuq unay runakunapitapis mas reqishqa y rïcum kashkä.#1Crón. 29.25. Imaypis tantiyakuqmi kashkä. 10Imatapis shonqü munanqantam llapantapis kushishqa rurashkä. Tsay kushikunqämi pägü kashqa llapan ruranqäkunapita. 11Tsaynö kaptinpis yarpachakurmi tantiyakurqä kay patsachö alläpa sufrir ruranqantsikkuna manakaqllapaq kanqanta. Tsaymi ruranqantsikman confiakurqa wayrata achkuyta munaqnölla kaykantsik.
Yachayyuq y mana yachayyuq runapis ushakaqlla kanqan
12Musyanqäpita mastaqa rantï yaykuq rey manam ni imatapis musyanqatsu. Tsaymi yachayyuq kay y mana yachayyuq kay imanö kanqanta tantiyatsinäpaq yarpachakurqä.
13Yarpachakurmi tantiyarqä tutapaypita aktsi mas alli kanqannö tantiyakuq kay mas alli kanqanta. 14Yachayyuq runam imatapis tantiyan. Peru mana yachayyuq runam sïqa tutapäpukushqanö kar ni imatapis tantiyantsu.
Tsaynö kaptinpis tantiyarqämi yachayyuq y mana yachayyuq runapis iwallla ushakäyanqanta. 15Tsaymi yarpachakur nirqä: Mana yachayyuq runanölla noqapis wañunäpaq kaykaptinqa yachayyuq kanqäpis ¿imapaqtan välin? Tsaymi tantiyarqä yachayyuq kaypis manakaqllapaq kanqanta. 16Wañuskiptinmi yachayyuqta y mana yachayyuqtapis qonqaskiyanqa. Yachayyuq runa y mana yachayyuq runapis ushakaqllam kayan. 17Tsayta tantiyarmi alläpa llakikur ni imanakaytapis puëdirqätsu. Tsaykunata tantiyayta munar wayrata achkuyta munaqnöllam kaykantsik.
Arunqantsikpis ushakaqlla kanqan
18Tsaynöllam tantiyashkä wañukuptï rantï yaykuq rey llapan ruratsinqäkunata probichananpaq kanqanta. Tsayta tantiyarmi alläpa llakikushkä. 19Kay patsachö tsayläya sufrir y shumaq tantiyakuskir ruranqäkunata manijananpaqqa ¿yachayyuq runatsuraq o mana yachayyuq runatsuraq kanqa? Alli tantiyakushqaqa kay vïdachö llapan ruranqantsikpis manakaqllapaqmi kaykan.
20Kay patsachö alläpa sufrir ruranqäkuna ushakaqlla kanqanta tantiyarmi shonqüpis nanayparaq llakikurqan. 21Alli yarpachakur arunqantsiktapis wañukurqa mana yanapamaqnintsikkunapaqmi dëjaskintsik. Peru tsaypis manakaqllapaq y mana allim kaykan.
22-23Runaqa waran waran alläpa yarpachakurllam kawan. Alläpa sufrirmi arun. Abësis puñuytapis manam puëdintsu. Kay patsachö alläpa sufrir arunqanpita ¿imatatan jipin? Tsaynö arunqantsikpis manakaqllapaqmi.#Job 5.7; 14.1.
24Tsaynö kaykaptinqa kawanqantsikyaq arunqantsikta kushishqa mikushun y upyashun. Kushishqa kawanapaqmi Dios Yaya kamamashkantsik. 25Dios Yaya mana yanapamashqaqa manam pipis kushishqa kawanmantsu.
26Dios Yayam kuyanqan kaqta yanapan tantiyakuq kananpaq, yachayyuq kananpaq y kushishqa kawananpaq.#Job 32.8; Prov. 2.6. Peru jutsa ruraq runatam sïqa dëjaskin. Tsaymi tsay runaqa arun Dios Yaya munanqannö kawaq runa probichananllapaq.#Job 27.16-17; Prov. 13.22. Mayjina arurpis wayrata achkuyta munaqnöllam kaykan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.