Amós 6
6
Israel y Judá nacionkuna castigashqa kayänanpaq ninqan
1¡Allaw Siónchö tranquïlu täkuq autoridäkuna!
¡Allaw Samaria lömachö kushishqa täkuq yachayyuq runakuna!
Qamkuna alli yachayyuq kayanqaykita yarparmi Israel majikikuna tantiyatsiyänaykipaq shayämun.
2Calne markaman aywar paykunata ima päsanqanta rikäyay.
Hamat markaman aywar paykunatapis ima päsanqanta musyayay.
Filistea nacionchö kaykaq Gat markata ima päsanqantapis rikäyay.
Tsay markakunachö täkuq runakunapita ¿mas alli pelyaq kayanqaykitaku yarpäyanki?
Markaykikunapis tsay markakunapita ¿mas jatun y mas atskaq runakuna kayanqantaku yarpäyanki?
3Qamkunam yarpäyanki ni ima desgraciakunapis mana päsayäshunaykipaq kanqanta.
Tsaynö yarparpis mana allikunata rurarmi desgraciakunaman shikwaykäyanki.
4Qamkunaqa kuyakuypaq marfilpita rurashqa cämachömi jitaraykäyanki.
Üshakunatawan wera mallwa törukunata mikurmi jamaraykäyanki.
5Arpakunata töcarmi waqay waqayta cantar mushuq cantukunata cantaykäyanki.
Instrumentukunatapis Davidnöraqmi tukuyläyata ruraykäyanki.#1Crón. 23.5; Neh. 12.36.
6Jatusaq väsukunawanmi vïnutapis upyaykäyanki.
Allin kaq perfümikunatam jichakuyanki.
Qamkunataqa manam ni ima importakuyäshunkitsu Israel nación ushakänan kaptinpis.
7Tsaynö kaykaqtam qamkunataraq puntata juklä markaman prësu apayäshunki.
Apayäshuptikim fiesta ruraypis kanqanatsu.
8Llapanta mandaq Dios Yayam kikinpa shutinchö jurar nin:
<<Jacobpita miraq runakuna allish tukuyaptinmi alläpa rabyakü.
Palaciunkunata rikaytapis manam munätsu.
Markankunatawan llapan imaykankunatapis contrankunapa makinmanmi churashaq.
9Tsaynöpam juk wajichö chunka runakuna kawaykar quëdaqkunapis wañuyanqa.
10Wañuq runakunapa ayankunata qoriskir waykayänanpaqmi mayqan ayllunllapis aywanqa.
Wajiman chaykur pillatapis rurichö rikaykurmi tapunqa: <¿Tsaychö pillaqa qamwan kaykanku?>
Tsaymi ruripita nimunqa: <Manam pipis kaychö kannatsu>.
Mastam nimunqa: <Upälla kakuy. Cuidädutaq Dios Yayapa shutinta parlashwan.
Shutinta parlashqaqa masmi castigamäshun.
11 Dios Yayam permïtinqa jatusaq y taksha wajikunapis juchur ushakäyänanpaq> >>.
12¿Pillaqa bestian montashqa qaqakunapa aywanmantsuraq?
¿Pillaqa törukunawan lamarchö yapyanmantsuraq?
Tsay yarpaykuna upa yarpay kanqannömi qamkunapis mana tantiyakuq kaykäyanki.
¿Imanirtan mana allikunata rurar Dios Yayapa leyninkunata venënumannö tikraykätsiyanki?
Runakunata kushitsiyänaykipa rantin ¿imanirtan mana allikunata rurar llakikuyman churaykäyanki?
13Qamkunaqa manakaqkunata aläbakurmi nikäyanki:
<<Kikintsikpa kallpantsikwanmi poderyuq kaykantsik>>.
14Llapanta mandaq Dios Yayam nin:
<<Israel runakuna, shumaq wiyayämay.
Noqam juklä nación runakunata pushamushaq entëru Hamatpa mujunninpita Arabá pampayaq poderninchö katsiyäshunaykipaq>>.
Currently Selected:
Amós 6: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
