2 Corintios 10
10
Pablo defendikunqan
1Jesucristo llakipäyäshunqayki raykum noqa Pablo rugayaq.#10.1 Pablo imata rugakunqanta musyanaykipaq liyinki versïculu 2. Wakikish manakaqman churayämar nikäyanki: <<Noqantsik kaqchö Pablo karqa mantsaq mantsaqllam parlapämantsik. Peru juklächö karmi sïqa ollqutupäkur cartanchö qellqamun>>.
2Tsaynöllash wakikiqa nikäyanki Diosta mana cäsuq runanö kanqäta. Tsaymi conträ mana parlayänaykipaq rugayaq. Tsaynölla conträ parlayaptikiqa shamuykurmi piñapäyäshayki.
3Runalla karpis manam runakunanötsu guërrata rurayä.#10.3 Guërrata rurayänanpaq parlarmi Satanásta y llutan yachatsikuqkunata pärapuyänanpaq parlan. 4Noqakunapa armäkunaqa manam runakuna üsayanqan armakunatsu, sinöqa Dios Yaya alistapäyämanqan armakunam.#10.4 Tsay armakunaqa kaykan Diospa palabran (Rom. 1.16; 1Cor. 1.18; Efe. 6.17), Dios munanqannö kawanqantsik (2Cor. 6.6-7) y Espíritu Santuwan Dios Yaya yanapamanqantsikmi (2Cor. 3.18). Tsay armakunawanmi contrankunata wañutsiq soldädunö kä. 5Tsaynöpam runakuna yachaq tukur Dios Yayapa willakuyninta mana cäsuyänaykipaq ima tsapata churayaptinpis tantiyatsiyaq Jesucristuta cäsuyänaykipaq y yarpäyanqaykikunapis pay munanqannö kananpaq. 6Tsaymi favornï kayaptiki noqa shamuykur qamkunachö conträ parlaqkunata piñapäshaq.
7Imanö kawayanqaykita shumaq tantiyakuyay. Mayqaykipis rasunpa Jesucristupa willakuqnin karqa tantiyayankimanmi noqakunapis paypa willakuqnin kayanqäta. 8Willakuqnin kanäpaq Dios Yaya churamashqa kaptinmi#Hech. 22.21. corrigiyänaqpaq poderyuq kä. Corrigiyarnikipis manam manakaqman churayänaqpaqtsu corrigiyaq, sinöqa qamkunata animatsiyarniki alli yachatsiyänaqpaqmi. Poderyuq kanqäpita alläpa aläbakunqäta wakin kaqkuna niyaptinpis manam penqakushaqtsu.
9Tsaymi mantsakätsiyaynikita munar cartakamunqäta yarpäyankimantsu. 10Wakinkunash conträ shärir niyan: <<Pabluqa cartanllachömi mantsaypaq piñapämantsik. Peru kikin kaychö karqa manam shumaq parlaytapis puëdintsu>>.
11Tsaynö niqkuna shumaq tantiyakuyätsun: Cartächö ninqänöllam qamkuna kaqman chaykamurpis piñapäyäshayki.
12Tsay allish tukur aläbakuqkunanöqa kayämanraqku. Paykunaqa kikinkunapa favornin parlarmi upanö kaykäyan. 13Tsaynöllam Dios Yaya mana kachanqan kaqman chaykur willakuyanqanpita aläbakuyan. Noqakunaqa manam paykunanötsu kayä, sinöqa Dios Yaya kachayämanqan kaqllachömi willakuyä. Tsaykunallachö willakurmi qamkuna kaqmanpis chaykamur willakuyashkä.#Gál. 2.7-9.
14Musyayanqaykinömi wakinpita mas puntata qamkunata Jesucristupa willakuyninta willayashkaq. Qamkunaman puntata mana chämushqa karqa corrigiyänaqpaq manam poderyuqtsu kayäman. 15Juk runa willakunqanchö willakuyanqäpita aläbakuyanqäpa rantinmi juk markaman aywar wakin mana Israel runakunatapis willakuyta munaykäyä. Tsaynö munarpis Dios Yayaman shumaq creyikuyänaykipaq tantiyatsiyanqaqta chaskiyaptikiraqmi juklächöpis willakuyäshaq.
16Tsaymi juk markakunamanpis aywar pipis manaraq willakuyanqanchö willakuyäshaq. Tsaynöpam jukkuna willakuyanqankunamanqa mëtikurnin aläbakur niyäshaqtsu: <<Noqakunam paykunata alli willakuyta willayashkä>>.
17Dios Yayapa palabranmi nin: <<Pipis aläbakunqanpa rantin Dios Yayata alabatsun>>.#Jer. 9.24.
18Aläbakuqkunataqa manam pipis alli rikantsu, sinöqa Dios Yaya alli rikanqan kaqtam alli rikäyan.
Currently Selected:
2 Corintios 10: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
