KULAVA 36
36
Luximbi lwakuvuluka malo avaswana vamapwevo
1Jino vamyata jajitanga javakakuluka vakutanga yavana vaNgileyate mwanaMakile mwanaManase, ava vakujitanga javana vaYosefwe vapandamine, vahanjikile kumeso aMose nakumeso avakakulitulaho, vamyata jajitanga javakakuluka javana vaIsalele,
2Vavambile ngwavo, Yehova amulwezele mwata wetu kuhana lifuci kuli vana vaIsalele hakusakula natutacikijilo, kupwa uswana wavo. #27.5, 6.Kaha vamulwezele mwata wetu kuli Yehova ngwavo, akahane uswana wandumbwetu Zelofwehate kuli vana venyi vamapwevo.
3Jino kaci nge navakasomboka kuli malunga vakumiyaci yavana vaIsalele yeka, uswana wavo hinavakaufumisa kuuswana wavakakuluka jetu, nakuuhakila kuuswana wamuyaci uze navakasambukila. Ngoco hinavakaufumisa kucazano causwana wetu.
4Kahomu nakukapwa #Levi 25.10.yovele yavana vaIsalele, kaha uswana wavo hinavakauhakilako kuuswana wamuyaci uze navakasambukila, ngoco uswana wavo hinavakaufumisa kuuswana wamuyaci wavakakuluka jetu.
5Mose avalwezele vana vaIsalele nge omu lyayile lizu lyaYehova ngwenyi, Muyaci wavana vaYosefwe vanahanjika kanawa.
6Eci cikiko cuma nalweze Yehova hali vana vaZelofwehate vamapwevo ngwenyi, Vakasomboke kuli vexovo vanamono vamwaza, oloze vakasomboke kuli vaka-tanga yamuyaci wasevo kaha.
7Ngoco kakwexi uswana wavana vaIsalele umwe naukafuma kumuyaci umwe nakusambukila kumuyaci wekako. Mwomwo vana vaIsalele vakakacilenga mutu himutu kuuswana wamuyaci wavakakuluka jenyi.
8Kaha pwevo hipwevo, uze nahete uswana kumuyaci himuyaci wavana vaIsalele, akapwe pwevo lyalunga wakutanga yamuyaci waise, mangana vana vaIsalele vakahete mutu himutu uswana wavakakuluka jenyi.
9Ngoco kakwexi uswana wavana vaIsalele umwe naukafuma kumuyaci umwe nakusambukila kumuyaci wekako. Mwomwo vaka-miyaci yavana vaIsalele vakakacilenga ou kuuswana wenyi ou kuuswana wenyi.
10Nge omu valwezele Mose kuli Yehova, mukiko muvalingile vana vaZelofwehate.
11Mwomwo #26.33.Mala naCiliza naHongola naMilika naNowa, vana vaZelofwehate, vasombokele kuli vana vavandumbwasevo.
12Vasombokele kuli vaka-jitanga javana vaManase mwanaYosefwe, kaha uswana wavo watwaminenga kumuyaci watanga yasevo.
13Eji jikiko jiximbi namazu akuyula, evi avalwezele Yehova vana vaIsalele muli Mose kuvyana vyaMowave kuYotau kuYeliko.
Currently Selected:
KULAVA 36: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
