KULAVA 31
31
VaIsalele navavazangamisa vaMicane
1Yehova ahanjikile kuli Mose, amwambile ngwenyi,
2 #
25.1, 16, 17. Tenda vana vaIsalele hali vaMicane. Hakukumisa, numba vakutwale kuli vausoko wove.
3Mose ahanjikile kuli vatu ngwenyi, Pakacisenu malunga muli enu vayenga kujita, mangana vayenga vakalwe navaMicane, vakasolole kutenda caYehova hali vaMicane.
4Muvatuma kujita, likombakaji kumuyaci, likombakaji kumuyaci mumiyaci yavaIsalele yosena.
5Ngoco vahandunwine likombakaji kumuyaci likombakaji kumuyaci mumakombakaji avaIsalele, vatu kanunu kamwe namakombakaji avali vanavwale lyehi vitwa vayenga kujita.
6Kaha Mose avatumine kujita, likombakaji kumuyaci likombakaji kumuyaci, vakivo naFwinehase mwanakapilixitu Eleyaza, amutumine kujita #14.44.navyuma vyamuzuvo yajila #10.2, 8, 9.najineta jakwimba cakuvatungumuna mumavoko enyi.
7Kaha valwile jita navaMicane, nge omu valwezele Mose kuli Yehova, vajihile malunga vosena.
8Vajihile vamyangana javaMicane nawa navakwavo vaze Vajihile hamwe, ou Evi, ou Lekeme, ou Zule, ou Hule, ou Leva, ava vamyangana javaMicane vatanu. NaMbalame nawa mwanaMbeyole vamujihile napoko yamukwale.
9Kaha vana vaIsalele vakwacile mapwevo javaMicane ufunge, navana vavo vavandende nawa. Kaha vimuna javo vosena namautangavo avimuna vavandende osena, navikumba vyavo vyosena, vavitambwile kupwa vyavo vyakukwata.
10Kaha membo avo osena kuze vatwaminenga kwosena, navilombo vyavo vyosena vavyocele nakakahya.
11Vatambwile vyuma vyakupukula vyosena, navakukwata vosena, navatu navimuna.
12Kaha vanehele tupinji, navimuna vakukwata, navyuma vyakupukula, kuli Mose nakuli kapilixitu Eleyaza nakulizavu lyavana vaIsalele, kucilombo kuze kuvyana vyaMowave kuYotau kuYeliko.
13Jino Mose nakapilixitu Eleyaza navaka-kulitulaho jalizavu vosena, valovokele nakuvakikilila kusali yacilombo.
14Kaha Mose atenukilile vakulwane jajita, tupitau twamakombakaji natupitau twamakulukaji, vaze vakindulukile kukulwa jita.
15Mose avambile ngwenyi, Kumana, munalame mapwevo vosena vavatonyi?
16Talenu, #25.1-9.ava vakivo vaze valingixile vana vaIsalele kuzamuka halizu lyaMbalame, nakuhengesa kuli Yehova hamulonga waPeyole, kaha ngoco musongo wacihita wejile mulizavu lyaYehova.
17Xikaho jino jihenu malunga vosena muli vana vavandende, nama pwevo vosena valimona lyehi namalunga hakusavala navo.
18Oloze vana vamapwevo vosena vaze vacili kanda valimone namalunga hakusavala navo, lilaminenuvo vavatonyi.
19Enu nawa twamenunga kusali yacilombo makumbi atanu naavali, Wexowo najihi mutu, nawexowo nawa nakwate hali umwe vanajihi. Litomesenu halikumbi lyamucitatu, nahalikumbi lyamucitanu naavali, nayenu natupinji twenu.
20Navyuma vyakuvwala vyosena nawa navyuma vyamalambu vyosena, navyuma vyakutunga namangona avapembe vyosena, navyuma vyamutondo vyosena, mukalitomeselavyo.
Navalipangilevi vanatambula kujita
21Kaha kapilixitu Eleyaza ambile kuli malunga vaka-jita, vaze vayile nakulwa, ngwenyi, Eci cikiko cilika caluximbi elu vanalweze Mose kuli Yehova ngwenyi,
22Oloze ulu napalata naunengu nafwelu naxitanyu nasumbu,
23vyexovyo vyuma vinahase kuhita mukakahya, muvihicisa mukakahya, kaha hinavitoma. Oloze vavitomese nameyaze akutomesa kukupihya. Kaha vyexovyo vyakuhona kuhita mukakahya mukavihicisa mumeya.
24Mukakosa mahinenu nawa halikumbi lyamucitanu naavali, kaha hinamutoma. Hakukumisa, numba mukahete mucilombo.
25Yehova ambile kuli Mose ngwenyi,
26Lavenu vaze vanakwate, navatu navimuna, ove nakapilixitu Eleyaza navamyata jajitanga javakakuluka jalizavu.
27Vaze vanakwate uvapanga mukaci, ava vavaka-kutacikiza kwasa jita vayanga nakulwa, ava valizavu lyosena.
28Tambula nawa mulambu waYehova kuli malunga vaka-jita valovokanga nakulwa, hamakulukaji atanu umwe, hamakulukaji atanu umwe, nakuli vatu nakuvangombe, nakuvimbulu, nakuvimuna vavandende.
29Vatambule kucimbwa cavo uvahane kuli kapilixitu Eleyaza kupwa wana waYehova wakuzundula.
30Kaha kucimbwa cavana vaIsalele utambulako umwe wakusakula hamakumi atanu, umwe hamakumi atanu, nakuli vatu nakuvangombe, nakuvimbulu, nakuvimuna vavandende, kuvimuna vosena, uvahane kuli vaLevi vaka-kulama #31.30:Tala 1.50.tavanaku yaYehova.
31Kaha Mose nakapilixitu Eleyaza valingile nge omu valwezele Mose kuli Yehova.
32Jino ava vakwacile, vakulunjika havyuma vize vatambwile vatu vakajita, vapwile mikoko #31.32:675, 000.vihita vitanu nacimwe natununu tutanu natuvali namakombakaji atanu,
33navangombe #31.33:72, 000.tununu tutanu natuvali namakombakaji avali,
34navimbulu #31.34:61, 000.tununu tutanu nakamwe nalikombakaji limwe.
35Kaha vatu vamapwevo vosena vaze vapwile kanda valimone lyehi namalunga hakusavala navo vapwile vatu #31.35:32, 000.tununu tutatu namakombakaji avali.
36Cimbwa cize capwile cazano cavaze valovokele nakulwa, kuvalava vapwile mikoko #31.36:337, 500.vihita vitatu natununu tutatu namakombakaji atanu naavali namakulukaji atanu.
37Mulambu waYehova wahamikoko wapwile makulukaji atanu nalimwe namakumi atanu naavali navatanu.
38Vangombe vapwile #31.38:36, 000.tununu tutatu namakombakaji atanu nalimwe. Mulambu waYehova wahavangombe wapwile makumi atanu naavali navavali.
39Vimbulu vapwile #31.39:30, 500.tununu tutatu namakulukaji atanu. Mulambu waYehova wahavimbulu wapwile makumi atanu nalimwe nacimbulu umwe.
40Vatu vapwile #31.40:16, 000.kanunu kamwe namakombakaji atanu nalimwe. Mulambu waYehova wahali vatu wapwile vatu makumi atatu navavali.
41Ngoco mulambu uze wawana waYehova wakuzundula Mose auhanyine kuli kapilixitu Eleyaza, nge omu valwezele Mose kuli Yehova.
42Kucimbwa cavana vaIsalele, cize apangunwine Mose kuli malunga vaze valwile
43(jino cimbwa calizavu capwile mikoko #31.43:337, 500.vihita vitatu natununu tutatu namakombakaji atanu naavali namakulukaji atanu,
44navangombe #31.44:36, 000.tununu tutatu namakombakaji atanu nalimwe,
45navimbulu #31.45:30, 500.tununu tutatu namakulukaji atanu,
46navatu #31.46:16, 000.kanunu namakombakaji atanu nalimwe),
47kucimbwa cavana vaIsalele Mose atambwile umwe wakusakula hamakumi atanu, umwe wakusakula hamakumi atanu, nahali vatu nahavimuna, avahanyine kuli vaLevi vaka-kulama tavanaku yaYehova, nge omu valwezele Mose kuli Yehova.
48Jino vakulwane vaze vapwile vamyata jamakombakaji avaka-jita, tupitau twamakombakaji natupitau twamakulukaji, vapandamine kuli Mose,
49Vambile kuli Mose ngwavo, Etu vangamba jove tunalave lyehi malunga vaka-jita vali kuli etu, kaha kakwahonene cipwe minetu umweko.
50Ngoco tunanehe wana waYehova, evi nawane mutu himutu, vyuma vyaulu, malenge akuvwala kumahinji navinunga natuzekeso natupata twakuvwala kumatwitwi namisele, nakulinga cakufwika hamyono yetu kumeso aYehova.
51Kaha Mose nakapilixitu Eleyaza vavatambwile ulu uze, vyuma vyakufula vyosena.
52Ulu wawana wakuzundula wosena uze vahanyine kuli Yehova, uze wakuli tupitau twamakombakaji nakuli tupitau twamakulukaji, wapwile #31.52:Tala 7.13.jixekele #31.52:16, 750.kanunu kamwe namakombakaji atanu nalimwe namakulukaji atanu naavali namakumi atanu.
53(Mwomwo vaka-jita valitambwilile vyuma, mutu navyenyi mutu navyenyi.)
54Kaha Mose nakapilixitu Eleyaza vatambwile ulu uze kuli tupitau twamakombakaji nakuli ava vamakulukaji, vaunehele mumbalaka yakuliwanyina, kupwa wakwanukilangaho hali vana vaIsalele kumeso j aYehova.
Currently Selected:
KULAVA 31: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
