KULAVA 1
1
Navavalava vaIsalele kuXinai
1Yehova ahanjikile kuli Mose mupambo yaXinai mumbalaka yakuliwanyina halikumbi lyakakweji wamucivali lyakulivanga, hamwaka wamucivali kufumisa haze valovokele mulifuci lyaEjipitu, ngwenyi,
2Lavenu lizavu lyavana vaIsalele lyosena, mwaya jitanga javo, kujizuvo javakakuluka javo, mukuvula camajinavo, malunga vosena kumitwe yavo,
3kufumisa kuli ava vamyaka makumi avali nakusambula, vosena vaze vakulovoka kujita muli vaIsalele. Ove naAlone muvalava kumayongomenavo.
4Kaha hamwe nayenu hapwe mutu umwe kumuyaci, mutu umwe kumuyaci, mutu himutu mwata kuzuvo yavakakuluka jenyi.
5Awa akiko majina amalunga vaze navemana nayenu. Ou waLuvene, ikiye Elizule mwanaXeteule.
6Ou waXimeyone, ikiye Xelumyele mwanaZulixatai.
7Ou WaYuta, ikiye Naxone mwanaAminatave.
8Ou waIsakale, ikiye Netanele mwanaZuwale.
9Ou waZevulune, ikiye Elyave mwanaHelone.
10Ava vavana vaYosefwe. Ou waEfwalime, ikiye Elixama mwanaAmihute. Ou waManase, ikiye Ngamalyele mwanaPetazule.
11Ou waMbenjamine, ikiye Avitane mwanaNgiteyonyi.
12Ou waNdane, ikiye Ahyezele mwanaAmixatai.
13Ou waAxele, ikiye Pangiyele mwanaOkolane.
14Ou waNgate, ikiye Elyasafwe mwanaNduwele.
15Ou waNafwatale, ikiye Ahila mwanaEnane.
16Ava vakivo vene vaze vasanyikile kulizavu, vaka-kulitulaho kumiyaci yavakakuluka javo, vakivo vapwile vamyata jamakombakaji avaIsalele.
17Ngoco vaMose naAlone vayile namalungava vanavuluka lyehi hamajinavo,
18vakungulwile lizavu lyosena hamwe halikumbi lyakakweji wamucivali lyakulivanga. Kaha vambulwile visemwa vyavo mwaya jitanga javo, kujizuvo javakakuluka javo, mukuvula camajinavo, kufumisa kuli ava vamyaka makumi avali nakusambula, kumitwe yavo.
19Nge omu valwezele Mose kuli Yehova, mukiko mwavalavilile mupambo yaXinai.
20Vana vaLuvene, twatwa yaIsalele, kusemunwina cavo, mwaya jitanga javo, kujizuvo javakakuluka javo, mukuvula camajinavo, kumitwe yavo, malunga vosena, kufumisa kuli ava vamyaka makumi avali nakusambula, vosena vaze vakulovoka kujita,
21ava valavile vahali vakivo vakumuyaci waLuvene vapwile #1.21:46, 500.tununu tuwana namakombakaji atanu nalimwe namakulukaji atanu.
22Ava vahali vana vaXimeyone, kusemunwina cavo, mwaya jitanga javo, kujizuvo javakakuluka javo, ava valavile vahali vakivo, mukuvula camajinavo, kumitwe yavo, malunga vosena, kufumisa kuli ava vamyaka makumi avali nakusambula, vosena vaze vakulovoka kujita,
23ava valavile vahali vakivo vakumuyaci waXimeyone vapwile #1.23:59, 300.tununu tutanu namakombakaji atanu naawana namakulukaji atatu.
24Ava vahali vana vaNgate, kusemunwina cavo, mwaya jitanga javo, kujizuvo javakakuluka javo, mukuvula camajinavo, kufumisa kuli ava vamyaka makumi avali nakusambula, vosena vaze vakulovoka kujita,
25ava valavile vahali vakivo vakumuyaci waNgate vapwile #1.25:45, 650.tununu tuwana namakombakaji atanu namakulukaji atanu nalimwe namakumi atanu.
26Ava vahali vana vaYuta, kusemunwina cavo, mwaya jitanga javo, kujizuvo javakakuluka javo, mukuvula camajinavo, kufumisa kuli ava vamyaka makumi avali nakusambula, vosena vaze vakulovoka kujita,
27ava valavile vahali vakivo vakumuyaci WaYuta vapwile #1.27:74, 600.tununu tutanu natuvali namakombakaji awana namakulukaji atanu nalimwe.
28Ava vahali vana vaIsakale, kusemunwina cavo, mwaya jitanga javo, kujizuvo javakakuluka javo, mukuvula camajinavo, kufumisa kuli ava vamyaka makumi avali nakusambula, vosena vaze vakulovoka kujita,
29ava valavile vahali vakivo vakumuyaci waIsakale vapwile #1.29:54, 400.tununu tutanu namakombakaji awana namakulukaji awana.
30Ava vahali vana vaZevulune, kusemunwina cavo, mwaya jitanga javo, kujizuvo javakakuluka javo, mukuvula camajinavo, kufumisa kuli ava vamyaka makumi avali nakusambula, vosena vaze vakulovoka kujita,
31ava valavile vahali vakivo vakumuyaci waZevulune vapwile #1.31:57, 400.tununu tutanu namakombakaji atanu naavali namakulukaji awana.
32Ava vahali vana vaYosefwe, vahali vana vaEfwalime, kusemunwina cavo, mwaya jitanga javo, kujizuvo javakakuluka javo, mukuvula camajinavo, kufumisa kuli ava vamyaka makumi avali nakusambula, vosena vaze vakulovoka kujita,
33ava valavile vahali vakivo vakumuyaci waEfwalime vapwile #1.33:40, 500.tununu tuwana namakulukaji atanu.
34Ava vahali vana vaManase, kusemunwina cavo, mwaya jitanga javo, kujizuvo javakakuluka javo, mukuvula camajinavo, kufumisa kuli ava vamyaka makumi avali nakusambula, vosena vaze vakulovoka kujita,
35ava valavile vahali vakivo vakumuyaci waManase vapwile #1.35:32, 200.tununu tutatu namakombakaji avali namakulukaji avali.
36Ava vahali vana vaMbenjamine, kusemunwina cavo, mwaya jitanga javo, kujizuvo javakakuluka javo, mukuvula camajinavo, kufumisa kuli ava vamyaka makumi avali nakusambula, vosena vaze vakulovoka kujita,
37ava valavile vahali vakivo vakumuyaci waMbenjamine vapwile #1.37:35, 400.atununu tutatu namakombakaji atanu namakulukaji awana.
38Ava vahali vana vaNdane, kusemunwina cavo, mwaya jitanga javo, kujizuvo javakakuluka javo, mukuvula camajinavo, kufumisa kuli ava vamyaka makumi avali nakusambula, vosena vaze vakulovoka kujita,
39ava valavile vahali vakivo vakumuyaci waNdane vapwile #1.39:62, 700.tununu tutanu nakamwe namakombakaji avali namakulukaji atanu naavali.
40Ava vahali vana vaAxele, kusemunwina cavo, mwaya jitanga javo, kujizuvo javakakuluka javo, mukuvula camajinavo, kufumisa kuli ava vamyaka makumi avali nakusambula, vosena vaze vakulovoka kujita,
41ava valavile vahali vakivo vakumuyaci waAxele vapwile #1.41:41, 500.tununu tuwana nalikombakaji limwe namakulukaji atanu.
42Ava vahali vana vaNafwatale, kusemunwina cavo, mwaya jitanga javo, kujizuvo javakakuluka javo, mukuvula camajinavo, kufumisa kuli ava vamyaka makumi avali nakusambula, vosena vaze vakulovoka kujita,
43ava valavile vahali vakivo vakumuyaci waNafwatale vapwile #1.43:53, 400.tununu tutanu namakombakaji atatu namakulukaji awana.
44Ava vakivo vene vaze valavile, vaze valavile kuli vaMose naAlone navaka-kulitulaho javalsalele, malunga likumi navavali, mutu himutu apwile hazuvo yavakakuluka jenyi.
45Ngoco vosena vaze valavile vahali vana vaIsalele, kujizuvo javakakuluka javo, kufumisa kuli ava vamyaka makumi avali nakusambula, vosena vaze vakulovoka kujita vamuli vaIsalele,
46vosena vaze valavile vapwile #1.46:603, 550.Vihita vitanu nacimwe namakombakaji atatu namakulukaji atanu namakumi atanu.
Navavatongola vaLevi
47Oloze vaLevinyi, kumuyaci wavakakuluka javo, kavavalavilile muli vakivoko.
48Mwomwo Yehova ahanjikile kuli Mose ngwenyi,
49Oloze muyaci wavaLevinyi, kanda uvalavako, kanda usoneka kuvula cavo muli vana vaIsaleleko.
50Oloze uvatongola vaLevi kulamanga #1.50:Nge ngwenyi, Utwamo. Tavanaku yapwile Utwamo waKalunga muli vatu jenyi. Tala Kulovoka 25.8.Tavanaku yaunjiho, navyuma vyayo vyosena vize vilimo, navyuma vyayo vyosena. Vakivo vakulikenga tavanaku, navyuma vyosena vize vilimo, vavizacilenga, vatungenga cilombo cavo kutavanaku jingulwixi.
51Tavanaku hakukatuka, vaLevi vakayixiwule, kaha hakujika tavanaku, vaLevi vakayitunge. Mutu weka mwakapandamako vakamujihe.
52Kaha vana vaIsalele vatunge jimbalaka javo, mutu himutu kucilombo cenyi, mutu himutu kulipandelo lyenyi mwaya mayongomenavo.
53Oloze vaLevi vatunge cilombo cavo kutavanaku yaunjiho jingulwixi, mangana kuzeneke kupwa ndombo halizavu lyavana vaIsalele. VaLevi valamenga tavanaku yaunjiho.
54Mukiko muvalingile vana vaIsalele, nge mwosenomu valwezele Mose kuli Yehova, mukiko vene muvalingilile.
Currently Selected:
KULAVA 1: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
