MATEU 2
2
Kwiza cavaka-mangana
1 #
Luka 2.4-7. Jino omu alingile Yesu hanasemuka lyehi kuMbetelema kuYuleya hamakumbi aze amwangana Helote, kumana, kuYelusalema kwejile vaka-mangana vakufuma kumusamuko.
2Vapwile nakwihula ngwavo, #Yele. 23.5; Zeka. 9.9; Mako 15.2; Yowa. 1.49.Mwangana wavaYuleya ou nasemuka ali kulihi? ngwavo, Mwomwo #Kula. 24.17.tanganyika yenyi twamumwene kumusamuko, kaha tuneza mangana ngwetu, tumulemese.
3Mwangana Helote hakucivwa alinyengele cikuma, na vaka-Yelusalema vosena ngoco nawa.
4Kahomu alingile hanavakungulula lyehi vapilixitu vavalemu vosena navaka-kusoneka javatu vavaIsalele, avehwile ngwenyi, Kulixitu mwakasemukila kulihi?
5Vakivo vamulwezele ngwavo, #Yowa. 7.42.KuMbetelema kaYuleya, mwomwo mukiko muvasoneka kuli kapolofweto ngwavo,
6 #
Mika 5.2. Nayove Mbetelema, kulifuci lyaYuta,
Kawexi umundende muli vanguvulu javaYutako,
Mwomwo muli ove namukalovoka Nguvulu,
Ikiye mwakafunganga vatu jami vaIsalele.
7Haze vene Helote omu alingile hanavasanyikila lyehi vaze Vaka-mangana kupenge, avehwile kanawa mwaka wakusoloka cayauze tanganyika.
8Kaha avatumine kuMbetelema, avambile ngwenyi, Yenu mukamwihwojole kanawa uze mwana, kahomu namukamuwana, mwize mungulweze, mangana nayami nawa ngukaye ngukamulemese.
9Jino vakivo hakwivwa mazu amwangana Vakatukile. Kaha kumana, tanganyika uze vamwene lyehi kumusamuko avatwaminyinyinengako palanga nomu ahetele kuze apwile uze mwana, himwemana helu.
10Hakumumona uze tanganyika vawahililile nakuwahilila cacinene cikumakuma.
11Hakwingila muzuvo vamumwene uze mwana nanaye Maliya, kaha valimbilile hamavu, vamulemesele. Vakasunwine muvikumba vyavo, Vamuhanyine mawana, ulu #2.11:Vyamavumba amwaza.#Kuso. 18.3.nalavona namila.
12Kaha Kalunga avalotesele nakuvahuhumuna ngwenyi, Kanda naukinduluka ceka kuli Heloteko. Xikaho vafumine kuze, vayile mujila yeka kulifuci lyavo.
Navajiha vakemba
13Jino omu valingile vakivo hivanafumu lyehi kuze, kumana, kuli Yosefwe kwasolokele kangelo kaYehova hakumulotesa, amwambile ngwenyi, Katuka, uvatwale ou mwana nanaye, ucinyine kuEjipitu, kaha Ukatwamenga kuze palanga nomu nangukakulweza, mwomwo Helote mwasaka kumutalatala mwana ngwenyi, amunongese, xikaho.
14Ikiye akatukile, avatwalile uze mwana nanaye naufuku, afumine kuze nakuya kuEjipitu.
15Kaha atwaminenga kuze palanga nakukufwa caHelote, mangana muze ahanjikile Yehova muli kapolofweto mulumbunuke ngwenyi, #Hoze. 11.1; Kulo. 4.22-23.Ngwamusanyikile Mwanami afume muEjipitu.
16Haze vene Helote hakumona ngwenyi, Vaze vaka-mangana vanangusaula, akwacile matoto cikuma, atumine maswalale nakujiha vana vamalunga vosena vaze vapwile kuMbetelema nakulifuci lyosena lize lyahatako, nava vakuheta mumyaka yivali nava vapwile kanda vacihete mumyaka yivali, nge kutesa nakuximbula kana ehwile kuli vaze vakamangana.
17Haze vene numba mulumbunuke muze vahanjikile muli kapolofweto Yelemiya ngwavo,
18 #
Yele. 31.15. KuLama kwevwakanyine lizu,
Kwapwile kulila masoji najimbimbi jajivulu,
Lakele mwalila vana venyi,
Kaha kasakile kumuvendejekako, mwomwo vauci, xikaho.
19Oloze omu alingile Helote hanafu lyehi, kumana, kuli Yosefwe kuEjipitu kwasolokele ceka kangelo kaYehova hakumulotesa, amwambile ngwenyi,
20Katuka, uvatwale ou mwana nanaye uyenga kulifuci lyaIsalele, mwomwo vaze vasakilenga ngwavo, vamujihe mwana vanafu lyehi, xikaho.
21Kaha akatukile, avatwalile uze mwana nanaye, ahetele mulifuci lyaIsalele.
22Oloze hakwivwa ngwavo, Alekelau naswane hali ise Helote nakupwa mwangana mulifuci lyaYuleya, evwile woma wakuya kuze. Kaha Kalunga amulotesele nakumuhuhumuna, xikaho afumine kuze ayile kulifuci lyaNgalileya.
23Kaha hakuheta kuze atwaminenga mwimbo vavuluka ngwavo, #Luka 1.26.Nazaleta, mangana muze vahanjikile muli vapolofweto mulumbunuke ngwavo, Navakamuvuluka ngwavo, Ikiye #Isa. 11.1; Mako 1.24.wakuNazaleta.
Currently Selected:
MATEU 2: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.