MATEU 1
1
Cisemwa caYesu Kulixitu
(Luka 3.23-38)
1Ou ukiko mukanda wacisemwa caYesu Kulixitu #Samwe. 2, 7.12-16; Samu 89.3-4; Isa. 11.1; Luka 1.32; Loma 1.3.mwanaNdavici #Kupu. 22.18; Ngale. 3.16.mwanaApalahama.
2Apalahama asemene Isaka, Isaka asemene Yakova, Yakova asemene Yuta navandumbwenyi,
3 #
Lute 4.18-22; Miji. 1, 2.1-15. Yuta asemene Peleze naZela kuli Tamale, Peleze asemene Hezelone, Hezelone asemene Lame,
4Lame asemene Aminatave, Aminatave asemene Naxone, Naxone asemene Salamone,
5Salamone asemene Mbowaze kuli Lahave, Mbowaze asemene Ovete kuli Lute, Ovete asemene Yese,
6Yese asemene mwangana Ndavici.
Mwangana Ndavici #Samwe. 2, 11.27; 12.24.asemene Solomone kuli uze apwile pwevo lyaUliya,
7Solomone asemene Lehovowame, Lehovowame asemene Aviya, Aviya asemene Asa,
8Asa asemene Yehoxafwate, Yehoxafwate asemene Yolame, Yolame asemene Ujiya,
9Ujiya asemene Yotame, Yotame asemene Ahaze, Ahaze asemene Hezekiya,
10Hezekiya asemene Manase, Manase asemene Amone, Amone asemene Yoxiya,
11Yoxiya asemene Yekonyiya navandumbwenyi, kafwe #Vamya. 2, 24.14-15; Yele. 27.20.haze hakuvatundwila kuMbavilone.
12Omu valingile hivanavatundwila lyehi kuMbavilone, Yekonyiya asemene Xeyalacele, Xeyalacele asemene Zeluvavele,
13Zeluvavele asemene Avyute, Avyute asemene Elyakime, Elyakime asemene Azole,
14Azole asemene Satoke, Satoke asemene Akime, Akime asemene Elyute,
15Elyute asemene Eleyaza, Eleyaza asemene Matane, Matane asemene Yakova,
16Yakova asemene uze lunga lyaMaliya Yosefwe, Maliya uze asemene Yesu, Ou vavuluka ngwavo, #1.16:Nge ngwavo, Ou vawavisa. Tala Samu 2.2.Kulixitu.
17Ngoco kusemunwina cosena kufumisa kuli Apalahama nakuneha kuli Ndavici vasemunwinyine likumi nakawana. Kufumisa kuli Ndavici nakuneha haze hakuvatundwila kuMbavilone vasemunwinyine nawa likumi nakawana. Kufumisa haze hakuvatundwila kuMbavilone nakuneha kuli Kulixitu vasemunwinyine nawa likumi nakawana.
Kusemuka caYesu Kulixitu
(Luka 2.1-7)
18Kaha jino, #Luka 1.26-38.kusemuka caYesu Kulixitu capwile ngana. Omu apwile naye Maliya hivanamuhuhu lyehi kuli Yosefwe, ximbu vapwile kanda vacilipandame, vamumwene hali najimo lyakuli Xipilitu wajila.
19Jino lunga lyenyi Yosefwe, mwomwo apwile muka-kwoloka, kaha kazangile kumwivwisa sonyi kumeso avatuko, xikaho ajinyine kumutumbikila kupenge.
20Oloze ximbu apwile nakuxinganyeka vyumevi, kumana, kuli ikiye kwasolokele kangelo kaYehova hakumulotesa, amwambile ngwenyi, Ove Yosefwe mwanaNdavici, kanda wivwa woma wakumumbata pwevo lyove Maliyako, mwomwo eli lijimo kana nemita linapu lyakuli Xipilitu wajila, xikaho.
21Mwakasema mwana walunga, kaha #Luka 2.21.Ukamuluka lijina lyenyi ngwove, Ikiye YESU, mwomwo #Yowa. 1.29; Vili. 13.23.Ikiye vene Uze mwakalwila vatu jenyi kumilonga yavo yaxili, xikaho.
22Jino vyuma vyosenevi vinasoloka mangana muze ahanjikile Yehova muli kapolofweto mulumbunuke ngwenyi,
23 #
Isa. 7.14. Tala, mwanapwevo ou acili kanda alimone nalunga mwakemita lijimo, mwakasema mwana walunga,
Kaha mwana navakamuluka lijina lyenyi ngwavo, Ikiye Emanwele,
kulyalumuna linapu nge ngwavo, Kalunga tuli nenyi hamwe.
24Yosefwe hakuhinduka kutulo twenyi alingile nge muze vamulwezele kuli uze kangelo kaYehova, amumbacile pwevo lyenyi.
25Oloze kalimwenenga nenyiko, kuvangilomu alingile hanaseme lyehi mwanenyi walunga. Kaha Yosefwe amulukile mwana lijina lyenyi ngwenyi, Ikiye Yesu.
Currently Selected:
MATEU 1: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.