Joroma 3

1Pi mano, bero nyo do kame Ngayudaya tie kede? Arabo kony me kepere en nyo? 2Ateteni tie tot atota i yore dedede. Me agege, Rubanga ogeno Iyudayan kede kope mege. 3Do ka mogo kikom gi obedo jo kalikame genere, iparo be pi gin bedo jo kalikame genere kwanyo genere ka Rubanga? 4#Sabuli 51.4 Likame kamano. Rubanga bino bedo kede ateni akadi bed bala jo dedede dok joangalo, bala kame kowandiko kede be,

“Me wek kop kame in iwaco nyut ateni nin;

kede iloi pido kame kotie pidi.”

5Do ka tim wa kalikame tie kede ateni tie pi nyuto ateni ka Rubanga, owac do benyo? Mam do be Rubanga likame tie kede ateni be pien eketo lilo mere i kom wa? (Ango gira atie yamo bala dano adana.) 6Likame kamano. Pien ka koto tie kamanono, koto Rubanga ngolo kop ne jo me piny benyo?

7Do ka angalo nango mio ateni ka Rubanga meede di ko kelo ne en deyo, pinyo komio pwodi kongolo na kop bala ango ngadubo? 8Doko pinyo kame mio likame otimunu gikame rac tetekeny oudunu gikaber? Pien jo mogo odubo nyinga be ango awaco kamanono. Ka kongolo kop olo gi, udo ongolo i ateni.

Likame tie Dano Opoore

9Nan do benyo? Mam do wan Iyudayan obeco kato jo kalikame Iyudayan? Li akadi acel; pien ango atieko nyuto be, jo dedede, Iyudayan karacel kede Jogurik tie i twer me dub, 10#Sabuli 14.1-3; 53.1-3 bala kame kowandiko be,

“Likame tie ngat kopoore, likame tie akadi acel moro da;

11likame tie ngat kame niang,

arabo kame mo Rubanga.

12Jo dedede otieko parao tenge,

gin dedede kony gi otieko doko li;

likame tie ngat kame timo gikaber, likame tie akadi acel.

13 # Sabuli 5.9; 140.3 Dog gi cal bala ates kame twolo;

kitio kede leb gi me yamo kope me angalo,

kope kame wok ki dog gi cal bala kwir me twol.

14 # Sabuli 10.7 Dog gi opong kede ilam kede kope me cuny akec.

15 # Isaya 59.7-8 Tien gi dwir pi ot onyo remo me jo;

16kakame kibeo iye kidudubo, doko kikelo iye can.

17Pwodi likame kingeo yongayo kame kelo mulem,

18 # Sabuli 36.1 doko da likame kilworo Rubanga i kuo gi.”

19Nan do wan ongeo be, gi dedede kame Iswil waco udo etie waco ne jo kame Iswil nono mako, tetekeny jo dedede bed abongo kacungo me pido, di Rubanga ko bino ngolo kop ne jo dedede. 20#Sabuli 143.2; Jogalatia 2.16Pien likame dano moro bino bedo ngat kopoore i nyim Rubanga be pien etimo gikame Iswil mito; Iswil tic mere en mino jo ngeno dub gi.

Epone kame Rubanga mio kede Jo doko Jo Kopoore

21Do nan kotieko nyuto epone kame Rubanga mio kede jo doko jo kopoore abongo Iswil; Iswil ka Musa kede inabin da ojurao kop noni. 22#Jogalatia 2.16Rubanga mio jo bedo di kipoore pi yei Yesu Kirisito. Etimo man ne jo dedede kame yei Yesu Kirisito, abongo apokapoka. 23Bala kame jo dedede otieko dubo kede di likame kiko twero udo deyo ka Rubanga, 24nan gin do kidoko jo kopoore pi kisa mere kame obedo giamia, i alako kame tie i Yesu Kirisito. 25Rubanga bin oyero Yesu Kirisito tetekeny pi to mere, edok giayala kame remo mere mio kosasiro jo ki dub gi kame kiyei en. Rubanga otimo kaman pi nyuto poore mere, pien i kare asek, pi dire mere, likame en eko timo gimoro i kom dub kame jo oudo timo; 26doko Rubanga otimo kaman da pi nyuto i kare kanataman be, en kikome epoore, kede be, en emio ngat kame yei Yesu Kirisito doko ngat kopoore.

27Nan do nyo kame wan owakerenu iye? Likame tie gimoro. Nan do owakerenu pi tien kop nyo? Pinyo, mam pi timo gikame Iswil mito? Li, do pi bedo kede yei. 28Pien wan ongeo be dano bedo ngat kopoore pi yei, do weko pi timo gikame Iswil mito. 29Arabo iparunu be Rubanga obedo Rubanga me Iyudayan kenekene? Mam ebedo Rubanga me jo kalikame Iyudayan da? Ebo, en Rubanga me jo kalikame Iyudayan da. 30#Iswilia 6.4; Jogalatia 3.20Bala kame Rubanga tie acel, ebino mino jo kame kokepo bedo jo kopoore pi yei, kede jo kalikame kokepo ebino mino gida kibedo jo kopoore pi yei acel nono. 31Pi mano, mam udo owekunu do lubo Iswil ka Musa pi yei noni? Li gire, wan omio Iswil bedo kakare.

Currently Selected:

Joroma 3: BILKDC13

Highlight

Copy

Compare