Kenet 2
2
Temejik ti kötumitön ko merajin kase
1A MATAT jambi ko Mose ko Arona adi, 2ŋutu ti Yisaraele ködyö ’beggu kemialan kase a kötumitön ko beretan kase, se ko kweyesi ti kötumitön ti merenyejin kase; a se ’bikikiŋdye kemialan kase i swötön liŋ komora kemia torumet. 3A ŋutu logon ’beggu i swöt lo ’yure lo nyeruŋdye kolor lo ködyö gwe a ŋutu ti beret na Yuda gwoso i teŋon kase, a matat lo ŋutu ti Yuda gwe a Nasona ŋuro lo Aminadaba. 4A kenet na ŋutu ti teŋ nanyit gwe a alipan merya buryo wot iŋwan ko miajin buker. 5A ŋutu logon ’beggu kemialan kase diŋö ko lepeŋ kulo ködyö gwe a kötumit na Yisakar, a matat lo ŋutu ti Yisakar gwe a Netanele ŋuro lo Suar. 6A kenet na ŋutu ti teŋ nanyit gwe a alipan merya mukanat wot iŋwan ko miajin iŋwan.
7A kirut gwe a kötumit na Jebulun, a matat lo ŋutu ti Jebulun gwe a Eliaba ŋuro lo Kelon, 8a kenet na ŋutu ti teŋ nanyit gwe a alipan merya mukanat wot buryo ko miajin iŋwan. 9A kenet na ŋutu liŋ ti mera na Yuda gwoso i teŋon kase gwe a alipan mia geleŋ ko merya budök wot buker ko miajin iŋwan. A kilo ködyö lo yuörö koŋa a kokwe.
10A i swöt lo loki ködyö gwe a beret na mera na Rubena gwoso i teŋon kase, a matat lo ŋutu ti Rubena gwe a Elisur ŋuro lo Sedeyur. 11A kenet na ŋutu ti teŋ nanyit gwe a alipan merya iŋwan wot buker ko miajin mukanat. 12A ŋutu logon ’beggu kemialan kase diŋö ko lepeŋ kulo ködyö gwe a kötumit na Simeona, a matat lo ŋutu ti Simeona gwe a Salumiele ŋuro lo Surisadai, 13a kenet na ŋutu ti teŋ nanyit gwe a alipan merya mukanat wot buŋwan ko miajin musala. 14A kirut gwe a kötumit na Gada, a matat lo ŋutu ti Gada gwe a Elayasap ŋuro lo Ruele, 15a kenet na ŋutu ti teŋ nanyit gwe a alipan merya iŋwan wot mukanat ko miajin buker ko merya mukanat. 16A kenet na ŋutu liŋ ti mera na Rubena gwoso i teŋon kase gwe a alipan mia geleŋ ko merya mukanat wot geleŋ ko miajin iŋwan ko merya mukanat. A kilo ködyö lo yuörö koŋa a tomurek. 17A kirut kemia torumet ködyö toyuöjine ŋerot, se ko mera na Lewijin i kiden na merajin; a se kodyö yuörö gwoso na ’bikikiŋdye se kemialan kase nu, ŋutu liŋ kase i piritön, beret ko beret. 18A i swöt lo tokotyao ködyö gwe a beret na mera na Epuraima gwoso i teŋon kase, a matat lo ŋutu ti Epuraima gwe a Elisama ŋuro lo Amiuda. 19A kenet na ŋutu ti teŋ nanyit gwe a alipan merya iŋwan ko miajin mukanat. 20A ŋutu logon ’beggu kemialan kase diŋö ko lepeŋ kulo ködyö gwe a kötumit na Manase, a matat lo ŋutu ti Manase gwe a Gamaliele ŋuro lo Pedasur, 21a kenet na ŋutu ti teŋ nanyit gwe a alipan merya musala wot murek ko miajin murek. 22A kirut gwe a kötumit na Benyamina, a matat lo ŋutu ti Benyamina gwe a Abidan ŋuro lo Gideoni, 23a kenet na ŋutu ti teŋ nanyit gwe a alipan merya musala wot mukanat ko miajin iŋwan. 24a kenet na ŋutu liŋ ti mera na Epuraima gwoso i teŋon kase gwe a ŋutu alipan mia geleŋ ko budök ko mia geleŋ. A kilo ködyö lo yuörö koŋa a tomusala.
25A i swöt lo lobot ködyö gwe a beret na mera na Dan gwoso i teŋon kase, a matat lo ŋutu ti Dan gwe a Akiyejer ŋuro lo Amisadai. 26A kenet na ŋutu ti teŋ nanyit gwe a alipan merya buker wot murek ko miajin buryo. 27A ŋutu logon ’beggu kemialan kase diŋö ko lepeŋ kulo ködyö gwe a kötumit na Aser, a matat lo ŋutu ti Aser gwe a Pagiele ŋuro lo Okran, 28a kenet na ŋutu ti teŋ nanyit gwe a alipan merya iŋwan wot geleŋ ko miajin mukanat. 29A kirut gwe a kötumit na Napatali, a matat lo ŋutu ti Napatali gwe a Akira ŋuro lo Enan, 30a kenet na ŋutu ti teŋ nanyit gwe a alipan merya mukanat wot musala ko miajin iŋwan.
31A kenet na ŋutu liŋ ti mera na Dan gwe a alipan mia geleŋ ko merya mukanat wot buryo ko miajin buker. A kilo ködyö lo yuörö koŋa a ti ’dutet, beret ko beret.
32Kilo a ŋutu ti Yisaraele gwoso i kenet na kötumitön ti merenyejin kase; a ŋutu liŋ lo gwon i merajin logon a kena a teŋon teŋon kulo gwe a alipan miajin buker ko musala ko miajin mukanat ko merya mukanat. 33Ama Lewijin a ko kena i kiden na ŋutu ti Yisaraele, gwoso na saŋi MATAT Mose nu.
34Nyena a ŋutu ti Yisaraele koŋdi gwoso i ŋo liŋ na sarakin MATAT Mose kunu, kweja adi se a ’bikikiŋdyö kemialan kase sona ko beresi kase nyona, a se yuöro koŋa sona, ŋutu liŋ geleŋ geleŋ gwoso i midijik kase, ko gwoso i kötumitön ti merenyejin kase.
Bari Bible © United Bible Societies, 1979.