Matayo 23
23
Yesu a kunyaŋu ŋutu i kulya ti katodinok ti Saresi ti Mose se ko Parusijin
(Köti Marako 12.38-40; Luka 11.37-54; 20.45-47)
1A kirut Yesu kulyani ko lodir lo ŋutu se ko ŋutu kanyit kajujumuk kulo adi, 2Katodinök ti Saresi se ko Parusijin ruddya todiŋdyö ko Mose i pirit. 3Nyenagon ŋo nagon lepeŋat a sarakin ta kine kone ta koŋ ko ’depe ta ’dep; ama ko koŋdya ta gwoso na koŋdi lepeŋat na, kogwon lepeŋat jajambu a tine kon ŋo na jam se kune. 4Lepeŋat toŋa ŋo logon pömöni i ’doko, a sopakiŋdye se ko ŋutu i gelya, ama lepeŋat ko ’börik ti ’bön yökiŋdyö kak ma ’di ko morin kase. 5#Mat 6.1; Nyö 6.8; Ken 15.38Ŋo liŋ na kon se kine kona anyen ŋutu memet. Kogwon se teteŋdya rijikijin kase logon gwon ko kulyaesi ti Ŋun i lukata nase a dumalak parik, a teteŋdi boŋgwat kase ko swalya#23.5Swalya Lepeŋat jupu swalya anyen toyiyikindyo borik i twoju na Ŋun ko usok. (Kendi Kenet 15.37-41) a lojo parik; 6a nyaŋi si ’da i piritön ti ŋutu lo kukwön i rorweki, ko si ’daesi ti ŋerot i kadijik momoresi, 7a nyare nyar romarikin i piritön gwöriesi, a nyare nyar ŋutu i luŋgu na se a Katodinök. 8Ta ködyo ti luŋu a Katodinök, kogwon ta gwon ko Katodinönit geleŋ, a ta liŋ gwe a luŋasirik. 9Ta ködyö ti luŋgu lele ŋuto i kak ni a monye losu, kogwon ta gwon ko Monye geleŋ ki yu. 10Ta ködyö ti luŋu a katojumuk, kogwon ta gwon ko Katojumunit geleŋ logon a Masia. 11#Mat 20.26, 27; Mar 9.35; 10.43, 44; Luk 22.26Ko ŋuto logon ’dekan gwon a duma kasu kiden ti lepeŋ ködyö gwe a ’dupiet losu; 12#Luk 14.11; 18.14ŋuto logon toduma ’yu mugun lo mo toto ’dita, ama nye lo to ’diddya mugun lo mo totodumala.
13Wöidiö, ta katodinök ti Saresi ti Mose se ko Parusijin, kamumulukak! Kogwon ta a kinun ŋutu kaŋo i Tumatyan na Ki; ta ko ’börik a ko lupö nyin, a tine rukökiŋdyö ŋutu i lupö lukata logon ’de ’dekan lupö kilo. [ 14Wöidiö, ta katodinök ti Saresi se ko Parusijin, kamumulukak! Kogwon ta nyesu ŋo ti karu ’bejin, kölumbö a ta kwakwaddi diŋit a najo mumulugga. Nyenagön ko ŋina kwe ta mo ririŋa bia parik.]
15Wöidiö, ta katodinök ti Saresi se ko Parusijin, kamumulukak! Kogwon ta wöröji i tör ko i kak anyen löpukuŋdyö ma ’di ŋuto geleŋ i keri losu; a ko lepeŋ a löpukuŋdyö kasu ni, a ta kölumbö koŋdi lepeŋ a ŋuto lo Geena lwölwöŋ ta daŋin murek.
16Wöidiö, ta kanyömök mo ’dokeno! Ta kulya adi, Ko lele ŋuto a milyeju ’diŋdya Kadi na Ŋun, ŋina a ŋo kana; ama ko nye milyeju ’diŋdya dakap na Kadi na Ŋun, a milye lonyit morgi lepeŋ. 17Ta ŋutu lu ’böŋ ko a mo ’dokeno! Nan nagon lwölwöŋgu parik, dakap kode Kadi na Ŋun nagon tiŋdu dakap i gwon a nake na rurwan? 18Köti ta kulya adi, Ko ŋuto a milyeju ’diŋdya pirit ’yuret na rubaŋgajin, ŋina a ŋo kana; ama ko nye milyeju ’diŋdya ’doket na gwon i loki na ’yuret na rubaŋga na, a milye lonyit morgi lepeŋ.
19Ta ’diri a mo ’dokeno! Nan nagon lwölwöŋgu parik, ’doket kode ’yuret na rubaŋga nagon tiŋdu ’doket i gwon a nake na rurwan? 20Ŋuto lo milyeju ’diŋdya pirit ’yuret na rubaŋgajin lo kweja adi lepeŋ a milyeju ko ’yuret na rubaŋga se ko ŋo liŋ na gwon i loki nanyit kune. 21Köti nye lo milyeju ’diŋdya Kadi na Ŋun lo kweja adi lepeŋ a milyeju ko Kadi na Ŋun se ko Ŋun logon gwolor i lukata nanyit lo. 22#Yis 66.1; Mat 5.34Köti nye lo milyeju ’diŋdya ki lo kweja adi lepeŋ a milyeju ko si ’daet na Ŋun, se ko Monye si ’daet.
23 #
Lew 27.30
Wöidiö, ta katodinök ti Saresi ti Mose se ko Parusijin, kamumulukak! Kogwon ta ’dogga ko swöt topuökit lo nana, #23.23nana, nabat, kuminKilo ŋo musala a ŋo logon to ’busarikin kinyo (Kendi Luka 11.42) ko lo nabat, ko lo kumin, ama ta a kölökiŋdyö saresi lo pömöni, kweja adi, ’duŋgö na rigwo, kowon na konyen se ko yupet. Kine ŋo a se nagon ta ködyö kökon, a gwe ti kölökin kunie a ko kona. 24Ta kanyömök mo ’dokeno! Ta tiyaddu kimurte, ama a ta wilöddi kamilo adi gut!
25Wöidiö, ta katodinök ti Saresi ti Mose se ko Parusijin, kamumulukak! Kogwon ta lalaju kaŋo na kopojin ko na saan ŋin, ama kasu lukata ta a jore ko ryaggu ko i koŋdya na ŋo a ’döri. 26Do Parusityo mo ’doke! A kokwe lalane lala lukata na kopo se ko na saani, anyen kaŋo nanyit köti böŋö gwon a nake.
27 #
Kon 23.3
Wöidiö, ta katodinök ti Saresi ti Mose se ko Parusijin, kamumulukak! Kogwon ta gwon gwoso gulömö nagon a buyala a nakwe, a metani kaŋo kwekwelen, ama i lukata nase a jore ko kuyu ti ŋutu se ko ŋo liŋ na ’burön.
28Nyena köti ŋutu met ta kaŋo a ŋutu ti löti lo rigwo, ama kasu lukata taajoreko mumulukesi se ko toronjin.
29Wöidiö, ta katodinök ti Saresi ti Mose se ko Parusijin, kamumulukak! Kogwon ta gweja gulömö ti nebijin, a tokweleŋdi gulömö ti ŋutu ti löti lo rigwo, 30a kulyani adi, Koyi köju ködyö a si ’da i diŋit na merenyejin kaŋ, a yi ködyö kwöŋ tine morakiŋdya i ’bukuŋdyö na rima ti nebijin. 31Nyena ta ko ’börik lo tökoŋu kulya kasu arabat adi, ta a nyakwariat ti ŋutu logon aje tatuja nebijin. 32Nyenagon tutuŋöddi ta ŋo nagon merenyejin kasu köju a kölökin kunu. 33#Mat 3.7; 12.34; Luk 3.7Ta munuö, ta torela ti munuö katatuak, ta rwöddu ada i ’duŋöki i Geena? 34Nyenagon nan mo susunyukin ta nebijin, ko ŋutu lokoŋ, se ko katodinök ti Saresi. Ta mo tatatu kulye kase a ’bikikiŋdye i ködini na görö; ta mo ’bi ’bit kulye kase kasu i kadijik momoresi ko kurubasi logon a kwara, a sasaŋdi se suluja i nene köji tojo ko nene; 35#Sul 4.8; 2 Dek 24.20, 21anyen rima liŋ ti ŋutu logon ’bak kulya, logon a tatua i na kak kulo böŋö ropaki kasu i kusik, suluja i ’bukwe na rima ti Ebele lo ’bak kulya lo tojo i ’bukwe na rima ti Takaria, ŋuro lo Barakia, logon ta aje tatukin i kiden na pirit nake na rurwan se ko na pirit ’yuret na rubaŋgajin.
36’Diri nan takiŋdya ta adi, kine ŋo liŋ mo kokonaki i ŋutu ti na toberon.
Yesu gwi ko Yerusalema
(Koti Luka 13.34-35)
37A, Yerusalema, Yerusalema, ŋutu kulök a katatuak ti nebijin, a gugubuje ŋutu logon a sunyuki do kilo ko ŋurupö! Diŋitan muda nagon nan ’de ’dekan sukuŋdyö ŋwajik kulök köyö ni i pirit na geleŋ gwoso sukuri nagon sukuŋdyö torela kanyit i köpukön na, ama a ta tine ’bön! 38#Yer 22.5Mete ta, kadi nasu a kölöki ta a murwö. 39#Sau 118.26Nyena nan takiŋdya ta adi, ta mo ti met nan köti tojo ko diŋit a po nagon ta kulyari adi, Ti nye lo po i karin ti MATAT lo ’boriani ’boria.
Currently Selected:
Matayo 23: BBE
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.
