Matayo 21
21
Yesu a lupö Yerusalema ko todumalan
(Köti Marako 11.1-11; Luka 19.28-40; Yoane 12.12-19)
1A nagon se gwe nyona ko ’durökin Yerusalema nu, a se poŋdi Betepage, a ’dure i Mere lo Jeitun, a Yesu ’deke soŋdu ŋutu kanyit kajujumuk murek ŋerot, 2a yökije se adi, Iti ta i tur lo gwon kasu ŋerot lu, a ’de ’de ta de ryeji kaine a munuki kak, se ko kolojityo; yokone ta se ko jo ta se köyö ni. 3A ko lele ŋuto a kulya ko ta ko nene ŋo, ruŋge ta adi, nan MATAT ’de ’dekan se, a ŋilo ŋuto de rukökiŋdye ta ’de ’de i joŋdya. 4Kine kulya pokin anyen ŋo na jam nebi köju kunu kokona, adi,
5 #
Jak 9.9
Taki ta köji na Siöna adi, Mete ta, Mor losu ŋilo popo kasu ni,
a lokoyok i si ’da ’e i kaine, i kolojityo tore lo kaine.
6Nyena a ŋutu kajujumuk kulo iti tu, a koŋdi gwoso na sarakiŋdye Yesu se nu.
7A se joŋdi kaine se ko kolojityo, a se peddi boŋgwat kase i loki na lepeŋat, a Yesu si ’dakine kata. 8A ŋutu jore parik peddi boŋgwat kase i kiko, a kulye tutukuŋdye kenia ti kaden, a peddi se i kiko.
9 #
Sau 118.25, 26 A ŋutu jore logon tu kanyit ŋerot, se ko se lo kipuŋdyö lepeŋ kulo woŋe parik adi, ösana i Ŋuro lo Dawidi! Ŋuto lo po i karin ti MATAT lo, ti ’boriani ’boria! ösana i piritön ti ki yu!
10A Yesu ko tulöddi Yerusalema, a ŋutu liŋ ti köji dyadyaŋgi dyadyaŋgu. A se pije adi, Ŋilö a ŋa? 11A ŋutu kulo waddi adi, Ŋilo a nebi Yesu lo po Najareta na Galilaya.
Yesu a toke ’ya Kadi na Ŋun
(Köli Marako 11.15-19; Luka 19.45-48; Yoane 2.13-22)
12A Yesu lupöni i Kadi na Ŋun, a riŋge ŋutu liŋ kaŋo logon tugwöŋu ko logon gwögwörö i Kadi na Ŋun lukata; a nye sösöpuŋge misajin ti ŋutu lo löpuggö gurut se ko si ’daesi ti katugwörök ti gureki. 13#Yis 56.7; Yer 7.11a nye kulyani ko se adi, A wurö adi, Kadi nio mo luŋu a kadi kwakwaset; ama ta aje kon nye a pirit ’danaet na karyakak.
14A ŋutu mo ’dokeno se ko ŋodeki poŋdi ko lepeŋ ni i Kadi na Ŋun, a nye toke ’yi se. 15a kiŋanejin temejik se ko katodinök ti Saresi ti Mose iŋge woran na meddi se lepeŋ i koŋdya na ŋo sörösi, ko na meddi se ŋwajik i woŋoro ki i Kadi na Ŋun adi, ösana i Ŋuro lo Dawidi! 16#Sau 8.2A se pije lepeŋ adi, Do a yiŋ ko kilo ŋwajik kulya adi nyo? A Yesu waddi se adi, lye, nan a yiŋ; ta kwöŋ a ko keŋdya le adi, Ŋun a tiŋdu pupuresi na ’but bia parik i kutusen ti ŋwajik lo ’di ’dik ko i kutusen ti lupudiet lo nönöggu? 17A nye kö ’yi se, a iti kaŋo köji kata a iti Betania, a dotoni nyu.
Ki ’bi a lömo
(Köti Marako 11.12-14, 20-26)
18A i ko ’bure, na yitwene Yesu bot i köji nu, a nye gwe ko magor. 19A nye meddi ki ’bi i merete lo kiko, a iti nyin, a nye gwe a ko ryö nene ŋo kata ama ka ’de koropo. A nye kulyani ko ŋilu ki ’bi adi, Ti do gwe ti radan ludweki köti kwöŋ! A ’de ’de ki ’bi lo teteyone teteyon. 20a na meddi ŋutu kajujumuk nu, a se söŋi söŋu, a totopine ko ’börik adi, Lo ki ’bi teteyon ’de ’de sona ada? 21#Mat 17.20; 1 Kor 13.2A Yesu waddi lepeŋat adi, ’Diri nan takiŋdya ta adi ko ta gwon ko yupet a tine dyadya ’yu, a ta mo bulöni bulö koŋdya ŋo nagon aje konaki ŋilu ki ’bi na, ama bia parik ko ta kulya ko lo mere adi, Gwunyu mugun kaŋo ko gubara mugun i tör, a kine ŋo mo konani kona. 22Ko ta gwon ko yupet ta mo wuwu ŋo liŋ nagon ta a piyun i kwakwaddu nasu kine.
Yesu a piya adi nye koŋdya kine ŋoko kido niŋa
(Köti Marako 11.27-33; Luka 20.1-8)
23A Yesu lupöni i Kadi na Ŋun, a na todiŋdye nye nu, a koanejin temejik se ko ŋutu temejik ti jur poŋdi ko lepeŋ ni, a se pije lepeŋ adi, Do ryö kido ya nagon do koŋdi kine ŋo? Ŋa lo tiŋdu do kido anyen koŋdi se? 24a Yesu waddi lepeŋat adi, Nan köti gwon ko piyet nagon nan pije ta; ko ta a nyoŋ nan, a nan de takiŋdye ta ko nan koŋdya kine ŋo ko nan riŋit. 25Ŋiŋa batisimo nagon Yoane babatiddye na po ya? Po ki kode po ko ŋutu? Ama a lepeŋat rerenyani ko ’börik adi, Koyi de ruggö adi, Ŋina batisimo po ki, a nye de pije yi adi, Ko sona, nyo ta ti yuŋ Yoane? 26Ama koyi de ruggö adi, Ŋina batisimö po ko ŋutu, yi kukujönö ŋutu, kogwon ŋutu liŋ a yuŋ adi Yoane a nebi. 27A kirut a lepeŋat renyakiŋdye Yesu adi, Yi ti den. A nye kulyani ko se adi, A ma ’di nan lo köti tine tukökin ta kö nan köŋdya kine ŋö ko kido niŋa.
Lilim lo ŋwajik murek
28Nyena ta yeyeju nyo? Lele ŋuto gwon ko ŋwajik lyan murek. A nye iti ko ŋuro kayu yu, a kulyani adi, Ŋuro liŋ, iti i kita i lo lor i luköbi na kaden ti binyo. 29a ŋuro lo renyani adi, Nan ti ’bön. Ama i mukök a nye löpuŋge yeyeesi kanyit, a iti tu. 30a ŋuto lo iti ko loponi lo yu, a kulyani gwoso na dika na. A loponi lo ruŋge adi, Nan tutu pon baba. Ama a tine ko tu. 31I kilo ŋwajik murek lon logon aje koŋdya ŋo nagon monye ’de ’dekan? A se waddi adi, Ŋuro kayu lo logon aje koŋdya. A Yesu kulyani ko se adi, ’Diri nan takiŋdya ta adi, Kapepenak ti usur se ko kalupejin lupö i Tumatyan na Ŋun kasu ŋerot.
32 #
Luk 3.12; 7.29, 30 Kogwon Yoane aje po i kwekiŋdya na ta na gwiliŋit lo rigwo ko ta ködyö gwolor ada, a ta tine ’bön yubbö lepeŋ; ama a kölumbö kapepenak ti usur se ko kalupejin iŋge yuŋ lepeŋ. Ma ’di ködyö ta aje met kine kulya, a i mukök a ta tine löpuggö töilyet anyen yuyuŋ lepeŋ.
Lilim lo kakuruk ti luköbi na binyo
(Köti Marako 12.1-12; Luka 20.9-19)
33 #
Yis 5.1, 2 Yiŋge ta lele lilim malo. Monye kak kata logon a ’yuddu kaden ti binyo i luköbi, a rikije rikija ko mariŋ, a ’boggi dili ryoket na ludweki ti binyo i lukata nanyit, a tetenakiŋdye taka, a nye sarakiŋdye ko kulye kakuruk i könisi, a nye iti i lele jur. 34a diŋit na ’butun ko gwe nyona, a nye soŋdi kölipönök kanyit ko kakuruk yu anyen jakiŋdya nye ludweki. 35a kakuruk kulo morgi kölipönök kanyit, a ’biddye lele, a tatuje lele, a gugubuje lele ko ŋurupö. 36Köti a nye soŋdi kulye kölipönök lwölwöŋ ti kokwe kulu, a se köti konakiŋdye lepeŋat jojo. 37a i mukök a nye soŋdi ŋuro lonyit ko lepeŋat yu, kulya adi, Lepeŋat ŋona de twötwö ŋuro liŋ. 38Ama a kakuruk kulo ko meddi ŋuro, a se tokulyaki ko ’börik adi, Malo ŋuto logon mo ruddya luköbi na monye lo. Po ta, ti yi tatune ta tatu lepeŋ, anyen joŋga na luköbi a nikaŋ.
39A se morgi lepeŋ, a gubaddi lepeŋ kaŋo i luköbi na kaden ti binyo, a tatuje lepeŋ. 40Nyena ko monye luköbi na kaden ti binyo a po, lepeŋ mo konakin kilo kakuruk nyo? 41A se waddi adi. Lepeŋ mo tatatu kilo ŋutu lorok ko twan naron, a mo sarakiŋdye ŋinu luköbi ko kulye kakuruk logon mo tiŋdu nye ludweki i diŋitan kase.
42 #
Sau 118.22, 23 A Yesu pije lepeŋat adi, Ta ŋona a ko ken kulya ti Ŋun na wurö kune le? Adi:
Ŋurupit logon ka ’dukök a renya lo aje wora a ŋurupit tutuŋet lo goŋet lo kadi.
Ŋina ŋo MATAT lo kita a yi mete a ŋo sörit!
43Nyenagon nan takiŋdya ta adi, Tumatyan na Ŋun mo ’du ’dumaji kaŋo kasu, a mo tikine i jur logon ŋutu kanyit raradan ludweki kanyit. [ 44Ŋutu liŋ logon a ’doro i ŋilo ŋurupit kulo mo giginya ka ’de ka ’de, ama ŋuto logon ŋilo ŋurupit a muju lepeŋ lo mo pasakani pasaka.]
45A kiŋanejin temejik se ko Parusijin ko yiŋge lilimön kanyit, a se iŋge kurun adi nye jambu kilo lilimön i kulya kase.
46Nyena a se ga ’yi kiko logon morgi Yesu, ama a se kujönöni lodir lo ŋutu, kogwon ŋutu kulo a yuŋ adi lepeŋ logon a nebi.
Currently Selected:
Matayo 21: BBE
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.
