Matayo 20
20
Kakitak ti luköbi na binyo
1Tumatyan na Ki gwon gwoso monye kak logon a dikara i kwökö anyen lupuŋdya ŋutu i kita kanyit i lukobi na kaden ti binyo ko ropet. 2A se iŋge torukökin i kita ko temet na gurut nagon yeŋ roparikin ŋuto i lor geleŋ kune, a nye soŋdi lepeŋat i kita kanyit i luköbi. 3A nye köti iti kaŋo i saa buŋwan, a nye meddi kulye ŋutu gwogwo ’dan i pirit gwöriet ’bak kita; 4a nye takiŋdye se adi, Ta koti, iti ta i kita i luköbi na kaden ti binyo, a nan de ropakiŋdye ta ropet na ’but. 5Nyena a se iti tu. A nye köti iti kaŋo i saa puök wot murek, ko i saa musala, a nye koŋdi jojo. 6A nye iti kaŋo nyona ko saa mukanat, a nye ryeji kulye ŋutu gwogwo ’dan kana. A nye pije lepeŋat adi, Nyo ta gwogwo ’dan ni kana tuparan liŋ? 7A se waddi lepeŋ adi, Yi gwo ’dan kana kogwon lele ŋuto a ko gwörökiŋdyö yi i kita. A nye takiŋdye se adi, Ta koti, iti ta i luköbi na kaden ti binyo. 8#Lew 19.13; Nyö 24.15A i sömukö, a monye luköbi takiŋdye yumi lonyit adi, Luŋgi kakitak ko ropaki se ropesi kase, suluja ko se lo ’dur a ti ’dutet a ’duddye ko se logon a ti kokwe. 9A ŋutu logon a gwöroki i kita i saa mukanat kulo lo poŋdi, a se liŋ geleŋ geleŋ ropakine gurut nagon roparikin ŋuto i lor geleŋ kune. 10Nyena a ŋutu lo po a kokwe kulo ko poŋdi, a se yeyeji adi se ŋona de ropaki jore, ama a se liŋ geleŋ geleŋ köti ropakine gurut nagon roparikin ŋuto i lor geleŋ kune. 11A se ko wuji, a se woŋe ko monye luköbi adi.
12Ŋutu lo po i ’dutet kulo aje kita saa geleŋ ka ’de, kölumbö a do koŋdi lepepat jojo koyi logon a nigira tuparan liŋ i sala ko kolor kulo! 13a nye waddi lele lose adi, Ju liŋ, nan a ko konakiŋdya do arabat. Yi ŋona a ko torukökin adi do ködyö kita ko gurut nagon roparikin ŋuto i lor geleŋ kune le?
14Wuji po kunök, ko iti mede. Nan ’de ’dekan tiŋdu ŋuto lo ’dutet gwoso na tiŋdi nan do na. 15Ŋona nan ti bulö koŋdya po nagon nan ’de ’dekan ko gurut kwe le? Do yulön kogwon töili liŋ a lo ’but ko ŋutu le? 16#Mat 19.30; Mar 10.31; Luk 13.30Nyena ŋutu logon a ti ’dutet mo gwe a ti kokwe, a ti kokwe mo gwe a ti ’dutet.
Yesu a nyöggu jambu daŋ tomusala i kulya ti tatua nanyit
(Koti Marako 10.32-34; Luka 18.31-34)
17A na tiri Yesu Yerusalema nu, a i kiko a nye joŋgi ŋutu kanyit kajujumuk puök wot murek kulo a swöt, a kulyani ko lepeŋat adi, 18Mete ta, yi kulo tu Yerusalema, a nan Ŋuro lo ŋuto mo pakine i konisi ti koanejin temejik se ko i könisi ti katodinok ti Saresi ti Mose. A se mo ’duŋökiŋdye nan i tatua, 19a mo pakiŋdye nan ko Lwaka i könisi anyen kwekweniarikin, ko anyen ’bi ’bitö ko kurubat logon a kwara, ko i ’bikiki i ködini na göro, a nan mo topiyuni topiyu i twan i lor tomusala lonyit.
Yakobo se ko Yoane a piyuŋdya nene ŋo
(Köti Marako 10.35-45)
20Nyena a ŋote ŋwajik ti Jebedayo se ko ŋwajik kanyit kulo poŋdi ko Yesu ni, a dulakine kak i twoju na lepeŋ, a piyuŋdye nene po ko lepeŋ. 21A Yesu pije lepeŋ. adi, Do ’dek nyo? A ŋinu ŋuto waddi lepeŋ. adi, Sarakiŋdye kulo ŋwajik kwe murek anyen böpö sisi ’da lele konut i könin lutaten ko lele konut i kadoŋe i tumatyan inot. 22Ama a Yesu waddi adi, Ta ti den po nagon ta mumulun na. Ta ŋona bubulö möju i kopo lo ŋoŋga logon nan mömöji lo? A se ruŋge adi, lye, yi bubulö. 23a nye kulyani ko se adi, Ta ’diri mo ŋoŋoŋga gwoso na ŋoŋgi nan na, ama ti gwon a kulya kwe i rukökiŋdyö na ta i si ’daki köyö i swöt lutaten kode köyö i kadoŋe, ama mo ruköki ŋutu logon kine piritön Baba aje tetenakin lepeŋat kune.
24A na yiŋge kulye kajujumuk puök kine kulya nu, a se wore woran ko kilo luŋasirik murek. 25#Luk 22.25, 26Ama a Yesu lupuŋdye lepeŋat kanyit ni a kulyani adi, Ta deden adi i kak ni kasarak tutumatyan ko ŋutu kase, a ŋutu temejik gwe ko kido saret na lepeŋat. 26#Mat 23.11; Mar 9.35; Luk 22.26Kine kulya ti gwe ti gwon sona kasu kiden; ko ŋuto logon ’de ’dekan gwon a duma kasu kiden ti nye ködyö gwe a kölipönit losu. 27Ko ŋuto logon ’dek gwon a lo kokwe kasu kiden, ti lepeŋ. ködyö gwe a ’dupiet losu; 28ma ’di gwoso nan Ŋuro lo ŋuto a po i kitakiŋdya na ŋutu, ti gwon anyen nan kikitaki; nan a po i tiŋdu na mugun nio i daggu na ŋutu jore.
Yesu a toke ’ya ŋutu mo ’dokeno murek
(Köti Marako 10.46-52; Luka 18.35-43)
29A na kö ’yi se Yeriko nu, a ŋutu jore parik kepoddi Yesu. 30Mete, a ŋutu murek logon a mo ’dokeno gwe i si ’da i merete lo kiko, a na yiŋge se adi ŋilu a Yesu lo lwöpöddu nu, a se woŋoro ki adi, Do ŋuro lo Dawidi, wone konyen koyi! 31A ŋutu kulo riŋge lepeŋat adi, Yiŋani ta taliŋ! Ama a se köti woŋoro ki bia parik adi, Pon duma, ŋuro lo Dawidi, wone konyen koyi! 32A Yesu gwo ’de gwo ’dan a luŋgi lepeŋat, a pije adi, Ta ’dek ti nan konaki ta nyo? 33a se waddi lepeŋ adi, Pon duma, böŋö pane konyen kaŋ. 34A Yesu wone konyen ko lepeŋat, a ’bo ’yi konyen kase, a ’de ’de se bulöni bulö meddya, a moraddi ko lepeŋ.
Currently Selected:
Matayo 20: BBE
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.
