Matayo 16
16
ŋutu pija kweyet
(Köti Marako 8.11-13; Luka 12.54-56)
1 #
Mat 12.38; Luk 11.16 A Parusijin se ko Sadokejin lopoŋdi, a se pije Yesu anyen kwekiŋdya se kweyet na po ki, möŋu lepeŋ. 2A nye waddi adi, I sömukö ta kulya adi, Kak mo gwon a nake kogwon ki a nator. 3A i ko ’bure a ta kulyani adi, I lo lor kudu ’do ’don, kogwon ki a nator ko ’di ’dikto. Ta deden gwulu ’yu ki, ama ta ti bulö gwulu ’yu kweyesi ti kune diŋitan. 4#Mat 12.39; Luk 11.29Toberon na ŋutu lorok logon a paju Ŋun kulo gaga ’yu kweyet, ama kweyet mo ti kweki lepeŋat, ka ’de kweyet na nebi Yona. Nyena a nye kö ’yi lepeŋat a iti tu.
Kape ti Parusijin se ko ti Sadokejin
(Köti Marako 8.14-21)
5A nagon ŋutu kanyit kajujumuk aje lwöpöddu i nu pele na tör, a se iŋge böŋo i joŋga na ambatajin. 6#Luk 12.1A Yesu kulyani ko se adi, Kunyar ta, meddi ta ’bura kogwon kape ti Parusijin se ko ti Sadokejin. 7A se tokulyaki ko ’börik adi, Lepeŋ a jambu kine kulya kogwon yi a ko joŋdya ambatajin. 8Ama a Yesu iŋge den ŋo na jam se kune, a pije lepeŋat adi, Ta ŋutu logon ko yupet a na ’dit, ko nyo ta tokulyakin ko ’börik adi, Yi ’bak ambatajin? 9#Mat 14.17-21Ta a ko nyuŋ gwulu kine kulya le? Ta ŋona a böŋö ambatajin mukanat nagon kokoraki i ŋutu alipan mukanat kune le? Ta a ’du ’dumun kupöjin muda? 10#Mat 15.34-38Ta ŋona a böŋö ambatajin buryo nagon kökoraki i ŋutu alipan iŋwan kune le? Ta a ’du ’dumun kupöjin muda? 11Ada lolöŋ nagon ta ti kurun adi nan ti jambu ko ta i kulya ti ambatajin? Kunyar ta kape ti Parusijin se ko ti Sadokejin. 12Nyena a se iŋge kurun adi lepeŋ ti kunyaŋu se i kulya ti kape ti ambata, ama lepeŋ kunyaŋu se i kulya ti todinesi ti Parusijin se ko ti Sadokejin.
Petero a tuggö adi Yesu a Masia
(Köti Marako 8.27-30; Luka 9.18-21)
13A Yesu ko ’dure i kak na Kaisaria Pilipo, a nye pije ŋutu kanyit kajujumuk kulo adi, Ŋutu jambu adi, Nan Ŋuro lo ŋuto a ŋa? 14#Mat 14.1, 2; Mar 6.14, 15; Luk 9.7, 8A se waddi adi, Kulye ŋutu kulya adi do a Yoane Kabatisanit, kulye adi, do a Eliya, kulye adi, do a Yeremia, kode a lele lo nebijin. 15A nye köti pije lepeŋat adi, Ama ta ko ’börik kulya adi nan a ŋa? 16#Yoa 6.68, 69A Simona Petero waddi adi, Do a Masia, Ŋuro lo Ŋun lo gwon jörun. 17a Yesu nyobbi adi, Simona ŋuro lo Yona, do ’diri a kalyöŋönit! Kogwon ŋuto lo na kak a ko kwekin do kine kulya, ama tuŋ Baba lo gwon ki lu nye lo kwekiŋdya do. 18Nyena nan takiŋdya do adi, Do a Petero lurutat, a nan mo gweyuŋdye kanisa nio i ŋilo lurutat, a riŋitön ti twan mo tine te ’ya ŋina momoret na kayupok. 19#Mat 18.18; Yoa 20.23a nan mo tiŋdi do ŋaesi ti Tumatyan na Ki, ko do mo toŋa nyo i kak ni, ki yu a mo torani tora, ko do laggu nyo i kak ni, ki yu a mo lakani laka. 20a kirut nye kukuji ŋutu kanyit kajujumuk parik adi, An ta tukökin lele ŋuto adi nan a Masia.
Yesu a jambu kulya ti tatua nanyit
(Köti Marako 8.31—9.1; Luka 9.22-27)
21Suluja i ŋinu diŋit, a Yesu suluje kwekiŋdya ŋutu kanyit kajujumuk adi nye ködyö agu tutu Yerusalema i ŋoŋga na ŋo jore ko ŋutu temejik i könisi, ko i kiŋanejin temejik, ko i katodinok ti Saresi ti Mose, a se mo tatuje lepeŋ, a i lor tomusala lonyit a nye mo toŋiyuni toŋiyu i twan. 22a Petero joŋgi lepeŋ a swöt, a suluje ririŋga lepeŋ adi, Ti kine kulya gwe pajo ko do pon MATAT! Se ti bulö pokin konut kwöŋ. 23Ama a Yesu wöriŋöni wöriŋö, a kulyani ko Petero adi, Iŋgo Satani, kölöki nan! Do gwon köyö a kopuket, kogwon do ti yeyeju gwoso na yeyeji Ŋun na, ama do yeyeju gwoso na yeyeji ŋutu na.
24 #
Mat 10.38; Luk 14.27 A kirut Yesu kulyani ko ŋutu kanyit kajujumuk kulo adi, Ko ŋuto logon ’de ’dekan gwon a kakeponit liŋ a ti nye paji mugun, ko ti nye ’dumuŋdye ködini nanyit na görö a kepoddi nan.
25 #
Mat 10.39; Luk 17.33; Yoa 12.25 Kogwon ko ŋuto logon ’dek Iwoggu ru nanyit, a ŋilo ŋuto mo tolikiŋdye ru nanyit, ama ŋuto logon tolikiŋdyö ru nanyit kogwon kulya kwe lo mo ryoryo lepeŋ. 26Kogwon ’bulit a nyo i ŋuto logon a ryeju ŋo liŋ ti kak a kanyit, a tolikiŋdye ru nanyit gwak? Kode ŋuto ködyö tiŋdu nyo anyen dakuŋdya ru nanyit? 27#Mat 25.31; Sau 62.12; Rom 2.6Kogwon nan Ŋuro lo ŋuto mo popo ko malaikajin kwe i pirit na geleŋ i minyo lo Baba, a kirut a nan mo ropakiŋdye ŋutu liŋ gwoso i konesi kase. 28’Diri nan takiŋdya ta adi, Kulye ŋutu kata i kulo ŋutu logon gwogwo ’dan ni kulo, logon mo ti waŋ twan a kokwe na meddi se nan Ŋuro lo ŋuto i po i tumatyan nio nu.
Currently Selected:
Matayo 16: BBE
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.
Matayo 16
16
ŋutu pija kweyet
(Köti Marako 8.11-13; Luka 12.54-56)
1 #
Mat 12.38; Luk 11.16 A Parusijin se ko Sadokejin lopoŋdi, a se pije Yesu anyen kwekiŋdya se kweyet na po ki, möŋu lepeŋ. 2A nye waddi adi, I sömukö ta kulya adi, Kak mo gwon a nake kogwon ki a nator. 3A i ko ’bure a ta kulyani adi, I lo lor kudu ’do ’don, kogwon ki a nator ko ’di ’dikto. Ta deden gwulu ’yu ki, ama ta ti bulö gwulu ’yu kweyesi ti kune diŋitan. 4#Mat 12.39; Luk 11.29Toberon na ŋutu lorok logon a paju Ŋun kulo gaga ’yu kweyet, ama kweyet mo ti kweki lepeŋat, ka ’de kweyet na nebi Yona. Nyena a nye kö ’yi lepeŋat a iti tu.
Kape ti Parusijin se ko ti Sadokejin
(Köti Marako 8.14-21)
5A nagon ŋutu kanyit kajujumuk aje lwöpöddu i nu pele na tör, a se iŋge böŋo i joŋga na ambatajin. 6#Luk 12.1A Yesu kulyani ko se adi, Kunyar ta, meddi ta ’bura kogwon kape ti Parusijin se ko ti Sadokejin. 7A se tokulyaki ko ’börik adi, Lepeŋ a jambu kine kulya kogwon yi a ko joŋdya ambatajin. 8Ama a Yesu iŋge den ŋo na jam se kune, a pije lepeŋat adi, Ta ŋutu logon ko yupet a na ’dit, ko nyo ta tokulyakin ko ’börik adi, Yi ’bak ambatajin? 9#Mat 14.17-21Ta a ko nyuŋ gwulu kine kulya le? Ta ŋona a böŋö ambatajin mukanat nagon kokoraki i ŋutu alipan mukanat kune le? Ta a ’du ’dumun kupöjin muda? 10#Mat 15.34-38Ta ŋona a böŋö ambatajin buryo nagon kökoraki i ŋutu alipan iŋwan kune le? Ta a ’du ’dumun kupöjin muda? 11Ada lolöŋ nagon ta ti kurun adi nan ti jambu ko ta i kulya ti ambatajin? Kunyar ta kape ti Parusijin se ko ti Sadokejin. 12Nyena a se iŋge kurun adi lepeŋ ti kunyaŋu se i kulya ti kape ti ambata, ama lepeŋ kunyaŋu se i kulya ti todinesi ti Parusijin se ko ti Sadokejin.
Petero a tuggö adi Yesu a Masia
(Köti Marako 8.27-30; Luka 9.18-21)
13A Yesu ko ’dure i kak na Kaisaria Pilipo, a nye pije ŋutu kanyit kajujumuk kulo adi, Ŋutu jambu adi, Nan Ŋuro lo ŋuto a ŋa? 14#Mat 14.1, 2; Mar 6.14, 15; Luk 9.7, 8A se waddi adi, Kulye ŋutu kulya adi do a Yoane Kabatisanit, kulye adi, do a Eliya, kulye adi, do a Yeremia, kode a lele lo nebijin. 15A nye köti pije lepeŋat adi, Ama ta ko ’börik kulya adi nan a ŋa? 16#Yoa 6.68, 69A Simona Petero waddi adi, Do a Masia, Ŋuro lo Ŋun lo gwon jörun. 17a Yesu nyobbi adi, Simona ŋuro lo Yona, do ’diri a kalyöŋönit! Kogwon ŋuto lo na kak a ko kwekin do kine kulya, ama tuŋ Baba lo gwon ki lu nye lo kwekiŋdya do. 18Nyena nan takiŋdya do adi, Do a Petero lurutat, a nan mo gweyuŋdye kanisa nio i ŋilo lurutat, a riŋitön ti twan mo tine te ’ya ŋina momoret na kayupok. 19#Mat 18.18; Yoa 20.23a nan mo tiŋdi do ŋaesi ti Tumatyan na Ki, ko do mo toŋa nyo i kak ni, ki yu a mo torani tora, ko do laggu nyo i kak ni, ki yu a mo lakani laka. 20a kirut nye kukuji ŋutu kanyit kajujumuk parik adi, An ta tukökin lele ŋuto adi nan a Masia.
Yesu a jambu kulya ti tatua nanyit
(Köti Marako 8.31—9.1; Luka 9.22-27)
21Suluja i ŋinu diŋit, a Yesu suluje kwekiŋdya ŋutu kanyit kajujumuk adi nye ködyö agu tutu Yerusalema i ŋoŋga na ŋo jore ko ŋutu temejik i könisi, ko i kiŋanejin temejik, ko i katodinok ti Saresi ti Mose, a se mo tatuje lepeŋ, a i lor tomusala lonyit a nye mo toŋiyuni toŋiyu i twan. 22a Petero joŋgi lepeŋ a swöt, a suluje ririŋga lepeŋ adi, Ti kine kulya gwe pajo ko do pon MATAT! Se ti bulö pokin konut kwöŋ. 23Ama a Yesu wöriŋöni wöriŋö, a kulyani ko Petero adi, Iŋgo Satani, kölöki nan! Do gwon köyö a kopuket, kogwon do ti yeyeju gwoso na yeyeji Ŋun na, ama do yeyeju gwoso na yeyeji ŋutu na.
24 #
Mat 10.38; Luk 14.27 A kirut Yesu kulyani ko ŋutu kanyit kajujumuk kulo adi, Ko ŋuto logon ’de ’dekan gwon a kakeponit liŋ a ti nye paji mugun, ko ti nye ’dumuŋdye ködini nanyit na görö a kepoddi nan.
25 #
Mat 10.39; Luk 17.33; Yoa 12.25 Kogwon ko ŋuto logon ’dek Iwoggu ru nanyit, a ŋilo ŋuto mo tolikiŋdye ru nanyit, ama ŋuto logon tolikiŋdyö ru nanyit kogwon kulya kwe lo mo ryoryo lepeŋ. 26Kogwon ’bulit a nyo i ŋuto logon a ryeju ŋo liŋ ti kak a kanyit, a tolikiŋdye ru nanyit gwak? Kode ŋuto ködyö tiŋdu nyo anyen dakuŋdya ru nanyit? 27#Mat 25.31; Sau 62.12; Rom 2.6Kogwon nan Ŋuro lo ŋuto mo popo ko malaikajin kwe i pirit na geleŋ i minyo lo Baba, a kirut a nan mo ropakiŋdye ŋutu liŋ gwoso i konesi kase. 28’Diri nan takiŋdya ta adi, Kulye ŋutu kata i kulo ŋutu logon gwogwo ’dan ni kulo, logon mo ti waŋ twan a kokwe na meddi se nan Ŋuro lo ŋuto i po i tumatyan nio nu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.