Matayo 17
17
Yesu a wora ka ’de a metani ko minyo
(Koti Marako 9.2-13; Luka 9.28-36)
1A i mukök na perok buker a Yesu joŋgi Petero, ko Yakobo, ko Yoane luŋaser Yakobo, a nyömöddi lepeŋat ki i mere lojo anyen se gwon ka ’de kulye ŋutu ’bayin. 2a Yesu worani ka ’de kase i komor, a komor nanyit kobbi kobbu gwoso kolor, a boŋgwat kanyit kune kwekweji kwekweja, a gwe a nake gwoso parara. 3Mete, a Mose se ko Eliya puköki ko lepeŋat; a se gwe i Tambu ko Yesu. 4A Petero kulyani ko Yesu adi, MATAT, a na ’but i gwon nikao ni; ko do ’de ’dekan, nan de teteŋdya murugujin musala ni, nene a inot, nene a na Mose, ko nenea na Eliya.
5 #
Sul 22.2; Sau 2.7; Yis 42.1; Mat 3.17; 12.18; Mar 1.11; Luk 3.22;
Nyö 18.15
#
2 Pet 1.17, 18 A nagon nye nyuŋ jajambu nu, a ’diko na kokobbu muŋge lepeŋat, a gworo lo kuuiŋina ’dikijadi, Ŋilo apilili liŋ loruro lo nyanyara, logon nan a lyöŋgi parik lo; yiŋge ta kulya kanyit. 6A na yiŋge ŋutu kanyit kajujumuk kine kulya nu, a se iŋge kujöno parik, a ’dorone kak rupu. 7A Yesu poŋdi ko lepepat ni, a taŋdi lepeŋat, a kulyani adi, ŋine ta ki, ko kujonö ta. 8A se ko ’biluŋdye kusik kase ki a tine met lele ŋuto kwöŋ ama tuŋ a Yesu.
9A na luluruŋdye se kak i mere nu, a Yesu saŋi lepeŋat adi, An ta ko tukökin ta lele ŋuto kine kulya na met ta kine tojo nan Ŋuro lo ŋuto a toŋiyu i twan.
10 #
Mal 4.5
A ŋutu kajujumuk pije lepeŋ adi, Ko nyo katodinok ti Saresi ti Mose kulya adi Eliya ködyö lo po a kokwe?
11A nye waddi adi, Eliya ’diri popo, a nye mo teteŋdi go liŋ. 12#Mat 11.14Ama nan takiŋdya ta adi, Eliya aje ’beron po a ŋutu tine den lepeŋ, ama kölumbö a se iŋge konakin lepeŋ arabat gwoso na ’deggi se na. Nyena köti nan Ŋuro lo ŋuto mo ŋoŋoŋga kase i könisi. 13a kirut ŋutu kajujumuk iŋge kurun adi nye jambu ko se i kulya ti Yoane Kabatisanit.
Yesu a toke ’ya ŋuro lo gwon ko lomerya
(Köti Marako 9.14-29; Luka 9.37-43)
14A nagon se aje yitwe ko ŋutu kulo ni nu, a lele ŋuto poŋdi ko Yesu ni, a rugwuŋökine ko lepeŋ i komor, 15kulya adi, Pon duma, wone konyen ko ŋuro liŋ, kogwon lepeŋ a moka ko lomerya, lepeŋ ŋoŋoga parik; i kunie diŋitan nye ’do ’dorotu i kimaŋ ko i pioŋ. 16A nan iŋge jakin ŋutu kulök kajujumuk, ama a se tine bulö toke ’ya lepeŋ. 17A Yesu waddi adi, Ta ŋutu ti na toberon logon ’bak yupet ko a karenyak, diŋit ŋornan nagon nan si ’da ko ta? Diŋit ŋornan nagon nan dara ko kulya kasu? Jo ta ŋilo ŋuro köyö ni.
18A Yesu riŋge lepeŋ, a mulökötyo loron poŋdi kaŋo ko lepeŋ i mugun, a ŋuro lo iŋge tokela i ŋinu diŋit gwak.
19A ŋutu kajujumuk poŋdi ko Yesu ni a lwön, a pije lepeŋ adi, Ko nyo yi ti bulö riköddu ŋilo mulökötyo kaŋo?
20 #
Mat 21.21; Mar 11.23; 1 Kor 13.2 A nye waddi lepeŋat adi, Ta ti bulö riköddu kogwon ta gwon ko yupet a na ’dit. Kogwon ’diri nan takiŋdya ta adi ko ta gwon ko yupet nagon a duma gwoso nyomotti lo kiteta, ta bubulö kulya ko lo mere adi, Mijörö kaŋo ni tojo ko yu, a nye ködyö mijörö mijörö. Nene ŋo ’bayin nagon ta mo ti bulö koŋdya. [ 21Ama mulökötyo gwoso ŋilo ti po kaŋo, ama tuŋ ko ŋutu a kwakwaddu ko a miŋdya.]
Yesu köti a jambu kulya ti tatua nanyit
(Köti Marako 9.30-32; Luka 9.43-45)
22A na wöröri se i pirit na geleŋ Galilaya nu, a Yesu kulyani ko se adi, Nan Ŋuro lo ŋuto mo papaki ko ŋutu i könisi, 23a se mo tatuje nan, a nan mo toŋiyuni toŋiyu i lor tomusala lonyit. A se delyani delya parik.
Ropa na gurut ti Kadi na Ŋun
24 #
Yuö 30.13; 38.26 A se ko ’dure Kaperanauma, a kapepenak ti gurut nagon a saraki ropaki i Kadi na ŋun kulo iti ko Petero yu, a pije adi, Katodinönit losu ti ropakiŋdya gurut i Kadi na Ŋun le?
25A Petero ruŋge adi, iŋkoi, lepeŋ roropakiŋdya. A nye ko lupöni kadi, a kokwe nagon nye a ko nyuŋ jambu nu, a Yesu pije lepeŋ adi. Simona, yeyeet inot a nyo? Moran ti kak pepeŋdya gurut ti usur kode dakesi ti kak ko ko ŋa? Se pepeŋdya i ŋutu kase kode i Lwaka? 26A Petero waddi adi, Lepeŋat pepeŋdya i Lwaka. A Yesu kulyani ko lepeŋ adi, Nyenagon ŋutu kase ti robba. 27Ama ti yi gwe ti köpuggö kulo ŋutu, nyena iti, gubaddi jabada i tör, a kirut ’dumuŋdye sumuti toŋgeleŋ logon do a ’bitun kaŋo lo, ko ŋane kutuk nanyit a do de ryeji gurusutot.#17.27 gurusutotKutuk na Giriki luŋgu a sekele.Kweja adi gurut na roparikin kita na ŋuto i perok iŋwan ’Dumu nye ko tiki lepeŋat a ropet nagon nan se ko do lo ropakiŋdya.
Currently Selected:
Matayo 17: BBE
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.
Matayo 17
17
Yesu a wora ka ’de a metani ko minyo
(Koti Marako 9.2-13; Luka 9.28-36)
1A i mukök na perok buker a Yesu joŋgi Petero, ko Yakobo, ko Yoane luŋaser Yakobo, a nyömöddi lepeŋat ki i mere lojo anyen se gwon ka ’de kulye ŋutu ’bayin. 2a Yesu worani ka ’de kase i komor, a komor nanyit kobbi kobbu gwoso kolor, a boŋgwat kanyit kune kwekweji kwekweja, a gwe a nake gwoso parara. 3Mete, a Mose se ko Eliya puköki ko lepeŋat; a se gwe i Tambu ko Yesu. 4A Petero kulyani ko Yesu adi, MATAT, a na ’but i gwon nikao ni; ko do ’de ’dekan, nan de teteŋdya murugujin musala ni, nene a inot, nene a na Mose, ko nenea na Eliya.
5 #
Sul 22.2; Sau 2.7; Yis 42.1; Mat 3.17; 12.18; Mar 1.11; Luk 3.22;
Nyö 18.15
#
2 Pet 1.17, 18 A nagon nye nyuŋ jajambu nu, a ’diko na kokobbu muŋge lepeŋat, a gworo lo kuuiŋina ’dikijadi, Ŋilo apilili liŋ loruro lo nyanyara, logon nan a lyöŋgi parik lo; yiŋge ta kulya kanyit. 6A na yiŋge ŋutu kanyit kajujumuk kine kulya nu, a se iŋge kujöno parik, a ’dorone kak rupu. 7A Yesu poŋdi ko lepepat ni, a taŋdi lepeŋat, a kulyani adi, ŋine ta ki, ko kujonö ta. 8A se ko ’biluŋdye kusik kase ki a tine met lele ŋuto kwöŋ ama tuŋ a Yesu.
9A na luluruŋdye se kak i mere nu, a Yesu saŋi lepeŋat adi, An ta ko tukökin ta lele ŋuto kine kulya na met ta kine tojo nan Ŋuro lo ŋuto a toŋiyu i twan.
10 #
Mal 4.5
A ŋutu kajujumuk pije lepeŋ adi, Ko nyo katodinok ti Saresi ti Mose kulya adi Eliya ködyö lo po a kokwe?
11A nye waddi adi, Eliya ’diri popo, a nye mo teteŋdi go liŋ. 12#Mat 11.14Ama nan takiŋdya ta adi, Eliya aje ’beron po a ŋutu tine den lepeŋ, ama kölumbö a se iŋge konakin lepeŋ arabat gwoso na ’deggi se na. Nyena köti nan Ŋuro lo ŋuto mo ŋoŋoŋga kase i könisi. 13a kirut ŋutu kajujumuk iŋge kurun adi nye jambu ko se i kulya ti Yoane Kabatisanit.
Yesu a toke ’ya ŋuro lo gwon ko lomerya
(Köti Marako 9.14-29; Luka 9.37-43)
14A nagon se aje yitwe ko ŋutu kulo ni nu, a lele ŋuto poŋdi ko Yesu ni, a rugwuŋökine ko lepeŋ i komor, 15kulya adi, Pon duma, wone konyen ko ŋuro liŋ, kogwon lepeŋ a moka ko lomerya, lepeŋ ŋoŋoga parik; i kunie diŋitan nye ’do ’dorotu i kimaŋ ko i pioŋ. 16A nan iŋge jakin ŋutu kulök kajujumuk, ama a se tine bulö toke ’ya lepeŋ. 17A Yesu waddi adi, Ta ŋutu ti na toberon logon ’bak yupet ko a karenyak, diŋit ŋornan nagon nan si ’da ko ta? Diŋit ŋornan nagon nan dara ko kulya kasu? Jo ta ŋilo ŋuro köyö ni.
18A Yesu riŋge lepeŋ, a mulökötyo loron poŋdi kaŋo ko lepeŋ i mugun, a ŋuro lo iŋge tokela i ŋinu diŋit gwak.
19A ŋutu kajujumuk poŋdi ko Yesu ni a lwön, a pije lepeŋ adi, Ko nyo yi ti bulö riköddu ŋilo mulökötyo kaŋo?
20 #
Mat 21.21; Mar 11.23; 1 Kor 13.2 A nye waddi lepeŋat adi, Ta ti bulö riköddu kogwon ta gwon ko yupet a na ’dit. Kogwon ’diri nan takiŋdya ta adi ko ta gwon ko yupet nagon a duma gwoso nyomotti lo kiteta, ta bubulö kulya ko lo mere adi, Mijörö kaŋo ni tojo ko yu, a nye ködyö mijörö mijörö. Nene ŋo ’bayin nagon ta mo ti bulö koŋdya. [ 21Ama mulökötyo gwoso ŋilo ti po kaŋo, ama tuŋ ko ŋutu a kwakwaddu ko a miŋdya.]
Yesu köti a jambu kulya ti tatua nanyit
(Köti Marako 9.30-32; Luka 9.43-45)
22A na wöröri se i pirit na geleŋ Galilaya nu, a Yesu kulyani ko se adi, Nan Ŋuro lo ŋuto mo papaki ko ŋutu i könisi, 23a se mo tatuje nan, a nan mo toŋiyuni toŋiyu i lor tomusala lonyit. A se delyani delya parik.
Ropa na gurut ti Kadi na Ŋun
24 #
Yuö 30.13; 38.26 A se ko ’dure Kaperanauma, a kapepenak ti gurut nagon a saraki ropaki i Kadi na ŋun kulo iti ko Petero yu, a pije adi, Katodinönit losu ti ropakiŋdya gurut i Kadi na Ŋun le?
25A Petero ruŋge adi, iŋkoi, lepeŋ roropakiŋdya. A nye ko lupöni kadi, a kokwe nagon nye a ko nyuŋ jambu nu, a Yesu pije lepeŋ adi. Simona, yeyeet inot a nyo? Moran ti kak pepeŋdya gurut ti usur kode dakesi ti kak ko ko ŋa? Se pepeŋdya i ŋutu kase kode i Lwaka? 26A Petero waddi adi, Lepeŋat pepeŋdya i Lwaka. A Yesu kulyani ko lepeŋ adi, Nyenagon ŋutu kase ti robba. 27Ama ti yi gwe ti köpuggö kulo ŋutu, nyena iti, gubaddi jabada i tör, a kirut ’dumuŋdye sumuti toŋgeleŋ logon do a ’bitun kaŋo lo, ko ŋane kutuk nanyit a do de ryeji gurusutot.#17.27 gurusutotKutuk na Giriki luŋgu a sekele.Kweja adi gurut na roparikin kita na ŋuto i perok iŋwan ’Dumu nye ko tiki lepeŋat a ropet nagon nan se ko do lo ropakiŋdya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.