Matayo 15
15
Keriat ti merenyejin
(Köti Marako 7.1-13)
1A kirut kulye Parusijin se ko A katodinok ti Saresi ti Mose ŋine ŋien Yerusalema a poŋdi ko Yesu ni, a pije adi, 2Ko nyo ŋutu kulök logon a kajujumuk köŋu keriat ti merenyejin? Lepeŋat a ko lalaju könisi kase a kokwe na nyesi se kinyo na. 3A nye köti pije lepeŋat adi, Nyo ta köti köŋu Saresi ti Ŋun kogwon kulya ti keriat kasu?
4 #
Yuö 20.12; Nyö 5.16;
Yuö 21.17; Lew 20.9 Kogwonŋtin a kulya adi, Bule bu munyi se ko ŋuti, köti adi, Ŋuto logon jambu ko monye kode ko ŋote arabat lo ti nye ’diri ködyö tatuani tatua.
5Ama ta kulya adi, Ko lele ŋuto a kulya ko monye lonyit kode ko ŋote nanyit adi, ŋo nagon nan ködyö parakiŋdye ta kune a gelaki Ŋun, a nye ködyö tine bu ’ya monye kode ŋote.
6Nyena ta a tu ’baka ’yu kulyaet lo Ŋun kogwon kulya ti keriat kasu.
7Ta kamumulukak! Yisaya a ’beron keju kulya kasu a gwak, adi Ŋun lo kulya adi,
8 #
Yis 29.13
Kulo ŋutu bu ’ya nan ko kutusen kase kana,
ama toilyet kase gwon pajo köyö.
9Lepeŋat dulaki kak i twöju na nan ko kana,
a se todiŋdye saresi ti ŋutu gwoso se a todinesi na po köyö.
Ŋo na toluddya ŋuto
(Köti Marako 7.14-23)
10A Yesu lupundye ŋutu kulo kanyit ni, a takiŋdye se adi, Yiŋe ta yiŋ, ko kuru ta kurun kine kulya, 11adi, ŋo nagon lupö ko ŋuto i kutuk na ti toluddya, ama ŋo na lupe kaŋo kanyit i kutuk na nye na toluddya lepeŋ.
12Nyena a kajujumuk kulo poŋdi ko Yesu ni, a pije adi, Do ŋona a den adi Parusijin aje woran ko ŋo na jam do kine? 13A nye waddi adi, ŋo liŋ logon Baba lo gwon ki lu a ko ’yut kulo mo gwugwu-nyo kaŋo. 14#Luk 6.39Kölöki ta lepeŋat ka ’de. Lepeŋat a kanyömök mo ’dokeno. Nyena ko ŋuto mo ’doke jiköddu lele mo’doke, se liŋ murek mo ’dororo i dili.
15Ama a Petero kulyani adi, Tokuruki yi ŋilo lilim. 16A nye pije adi, Ta köti nyuŋ a ko kurun le? 17Ta a ko den adi ŋo na lupö i kutuk a yeŋgi i pele kune mo ’doŋoki mu ’diŋ le? 18#Mat 12.34Ama ŋo na lupe kaŋo i kutuk kune po i töili, nyena kine ŋo se na toluddya ŋuto.
19Kogwon yeyeesi narok, ko tatuja, ko lubbö, ko towutön, ko koko ’ya, ko ’burönö, ko jamaddu na karin ti ŋutu arabat po ko ŋuto i toili kata yu.
20Kine ŋo se na toluddya ŋuto, ama nyesu ko konisi logon a ko lala ti bulö toluddya ŋuto.
Yupet na Ŋuto na Kanana
(Köti Marako 7.24-30)
21A Yesu ŋine ŋien i nu pirit a iti i kak na Turo ko na Sidona. 22Mete, aŋuto na Kanana na ŋinu kak poŋdi po, a gwine gwien adi, Pon duma liŋ, ŋuro lo Dawidi, wone konyen ko nan. ŋuro nio gwon ko mulökötyo loron logon totomi lepeŋ parik. 23Ama a Yesu gwe a ko wat lepeŋ ko lele kulyaet asut. A ŋutu kanyit kajujumuk lo poŋdi, a mo ’yi parik adi, Sonyoro lepeŋ bot, kogwon lepeŋ gwigwiun kayaŋ i mukok.
24A nye waddi adi, Nan tuŋ a sunyue i yidin ti kotumit na Yisaraele nagon a likin kune. 25a ŋuto na poŋdi po a dulakiŋdye komor nanyit kak ko lepeŋ i komor, a mamaŋdi adi, Pon matat, paraki nan. 26a Yesu waddi adi, ’Bayin a na ’but i ’dumuŋdya na kinyo lo lupudiet anyen gubaki ’dioŋjin.
27Ama a ŋuto na waddi adi, lye pon duma liŋ, ma ’di ’diŋojin nyenyesu tupesi ti kinyojin logon a do ’do kak i misa nase komonye. 28A kirut Yesu waddi lepeŋ adi, Do oma ŋuto, yupet inot a duma; ŋo nagon do ’de ’depi na de kokonaki do. A i ŋinu diŋit gwak a ŋuro nanyit iŋge tokela.
Yesu a toke ’ya ŋutu jore parik
29A Yesu kö ’yi ŋinu pirit, a Iwoŋöddi nyona ko tör na Galilaya, a nye kije ki i mere, a si ’dani nyu. 30a ŋutu jore parik iti ko lepeŋ yu, joŋga ŋutu ŋodeki, ko mo ’dokeno, ko mumutön, ko logon a babatatu, se ko kulye jore, a tiŋdi se kak kanyit i mokosi, a nye toke ’yi se.
31A ŋutu soŋi soŋu parik na meddi se mumuton i jambu, ko lo babatatu i tokela, ko ŋodeki i wörö, ko mo ’dokeno i meddya; a so pupurje Ŋun lo Yisaraele.
Yesu a tunyeju ŋutu alipan iŋwan
(Köti Marako 8.1-10)
32A Yesu lupundye ŋutu kanyit logon a kajujumuk kulo kanyit ni, a kulyani adi, Konyen kwe wowon lodir lo ŋutu, kogwon yi aje si ’da i pirit na geleŋ ko perok musala, ŋo lo nyenyei gwe ’bayin. Nan ti ’bön soŋdu lepeŋat ko magor an se dosakiŋdya i kiko.
33A ŋutu kanyit kajujumuk kulo pije lepeŋ adi, Yi de ryö ambatajin jore ya ni i yöbu nagon jujukin tunyeji ŋutu jore parik gwoso kulo? 34a Yesu pije lepeŋat adi, Ta gwon ko ambatajin muda? A se waddi adi, Yi gwon ko ambatajin buryo se ko somot ku ’dik na ’dik ’dik. 35a nye saŋi lodir lo ŋutu anyen si ’da kak, 36a kirut nye ’dumuŋdye ambatajin buryo kune se ko somot, a tiŋdi Ŋun tinate, a nye pipiŋdye pipiŋdya, a tiŋdi ŋutu kanyit kajujumuk kulo, a se kökorakiŋdye ŋutu. 37a se liŋ nyesi nyesu, a iŋge yimöno, a lepeŋat iŋge ’du ’dumun kupöjin dumalak buryo ti ambatajin na pipinya na pituŋdyö nagon a ko nyei. 38a ŋutu lyan logon a nyesu kulo gwe a alipan iŋwan, wat ŋutu wate se ko ŋwajik. 39Nyena a Yesu torekiŋdye ŋutu kulo, a nye kije i ki ’bo kata, a iti i kak na Magadan.
Currently Selected:
Matayo 15: BBE
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.
Matayo 15
15
Keriat ti merenyejin
(Köti Marako 7.1-13)
1A kirut kulye Parusijin se ko A katodinok ti Saresi ti Mose ŋine ŋien Yerusalema a poŋdi ko Yesu ni, a pije adi, 2Ko nyo ŋutu kulök logon a kajujumuk köŋu keriat ti merenyejin? Lepeŋat a ko lalaju könisi kase a kokwe na nyesi se kinyo na. 3A nye köti pije lepeŋat adi, Nyo ta köti köŋu Saresi ti Ŋun kogwon kulya ti keriat kasu?
4 #
Yuö 20.12; Nyö 5.16;
Yuö 21.17; Lew 20.9 Kogwonŋtin a kulya adi, Bule bu munyi se ko ŋuti, köti adi, Ŋuto logon jambu ko monye kode ko ŋote arabat lo ti nye ’diri ködyö tatuani tatua.
5Ama ta kulya adi, Ko lele ŋuto a kulya ko monye lonyit kode ko ŋote nanyit adi, ŋo nagon nan ködyö parakiŋdye ta kune a gelaki Ŋun, a nye ködyö tine bu ’ya monye kode ŋote.
6Nyena ta a tu ’baka ’yu kulyaet lo Ŋun kogwon kulya ti keriat kasu.
7Ta kamumulukak! Yisaya a ’beron keju kulya kasu a gwak, adi Ŋun lo kulya adi,
8 #
Yis 29.13
Kulo ŋutu bu ’ya nan ko kutusen kase kana,
ama toilyet kase gwon pajo köyö.
9Lepeŋat dulaki kak i twöju na nan ko kana,
a se todiŋdye saresi ti ŋutu gwoso se a todinesi na po köyö.
Ŋo na toluddya ŋuto
(Köti Marako 7.14-23)
10A Yesu lupundye ŋutu kulo kanyit ni, a takiŋdye se adi, Yiŋe ta yiŋ, ko kuru ta kurun kine kulya, 11adi, ŋo nagon lupö ko ŋuto i kutuk na ti toluddya, ama ŋo na lupe kaŋo kanyit i kutuk na nye na toluddya lepeŋ.
12Nyena a kajujumuk kulo poŋdi ko Yesu ni, a pije adi, Do ŋona a den adi Parusijin aje woran ko ŋo na jam do kine? 13A nye waddi adi, ŋo liŋ logon Baba lo gwon ki lu a ko ’yut kulo mo gwugwu-nyo kaŋo. 14#Luk 6.39Kölöki ta lepeŋat ka ’de. Lepeŋat a kanyömök mo ’dokeno. Nyena ko ŋuto mo ’doke jiköddu lele mo’doke, se liŋ murek mo ’dororo i dili.
15Ama a Petero kulyani adi, Tokuruki yi ŋilo lilim. 16A nye pije adi, Ta köti nyuŋ a ko kurun le? 17Ta a ko den adi ŋo na lupö i kutuk a yeŋgi i pele kune mo ’doŋoki mu ’diŋ le? 18#Mat 12.34Ama ŋo na lupe kaŋo i kutuk kune po i töili, nyena kine ŋo se na toluddya ŋuto.
19Kogwon yeyeesi narok, ko tatuja, ko lubbö, ko towutön, ko koko ’ya, ko ’burönö, ko jamaddu na karin ti ŋutu arabat po ko ŋuto i toili kata yu.
20Kine ŋo se na toluddya ŋuto, ama nyesu ko konisi logon a ko lala ti bulö toluddya ŋuto.
Yupet na Ŋuto na Kanana
(Köti Marako 7.24-30)
21A Yesu ŋine ŋien i nu pirit a iti i kak na Turo ko na Sidona. 22Mete, aŋuto na Kanana na ŋinu kak poŋdi po, a gwine gwien adi, Pon duma liŋ, ŋuro lo Dawidi, wone konyen ko nan. ŋuro nio gwon ko mulökötyo loron logon totomi lepeŋ parik. 23Ama a Yesu gwe a ko wat lepeŋ ko lele kulyaet asut. A ŋutu kanyit kajujumuk lo poŋdi, a mo ’yi parik adi, Sonyoro lepeŋ bot, kogwon lepeŋ gwigwiun kayaŋ i mukok.
24A nye waddi adi, Nan tuŋ a sunyue i yidin ti kotumit na Yisaraele nagon a likin kune. 25a ŋuto na poŋdi po a dulakiŋdye komor nanyit kak ko lepeŋ i komor, a mamaŋdi adi, Pon matat, paraki nan. 26a Yesu waddi adi, ’Bayin a na ’but i ’dumuŋdya na kinyo lo lupudiet anyen gubaki ’dioŋjin.
27Ama a ŋuto na waddi adi, lye pon duma liŋ, ma ’di ’diŋojin nyenyesu tupesi ti kinyojin logon a do ’do kak i misa nase komonye. 28A kirut Yesu waddi lepeŋ adi, Do oma ŋuto, yupet inot a duma; ŋo nagon do ’de ’depi na de kokonaki do. A i ŋinu diŋit gwak a ŋuro nanyit iŋge tokela.
Yesu a toke ’ya ŋutu jore parik
29A Yesu kö ’yi ŋinu pirit, a Iwoŋöddi nyona ko tör na Galilaya, a nye kije ki i mere, a si ’dani nyu. 30a ŋutu jore parik iti ko lepeŋ yu, joŋga ŋutu ŋodeki, ko mo ’dokeno, ko mumutön, ko logon a babatatu, se ko kulye jore, a tiŋdi se kak kanyit i mokosi, a nye toke ’yi se.
31A ŋutu soŋi soŋu parik na meddi se mumuton i jambu, ko lo babatatu i tokela, ko ŋodeki i wörö, ko mo ’dokeno i meddya; a so pupurje Ŋun lo Yisaraele.
Yesu a tunyeju ŋutu alipan iŋwan
(Köti Marako 8.1-10)
32A Yesu lupundye ŋutu kanyit logon a kajujumuk kulo kanyit ni, a kulyani adi, Konyen kwe wowon lodir lo ŋutu, kogwon yi aje si ’da i pirit na geleŋ ko perok musala, ŋo lo nyenyei gwe ’bayin. Nan ti ’bön soŋdu lepeŋat ko magor an se dosakiŋdya i kiko.
33A ŋutu kanyit kajujumuk kulo pije lepeŋ adi, Yi de ryö ambatajin jore ya ni i yöbu nagon jujukin tunyeji ŋutu jore parik gwoso kulo? 34a Yesu pije lepeŋat adi, Ta gwon ko ambatajin muda? A se waddi adi, Yi gwon ko ambatajin buryo se ko somot ku ’dik na ’dik ’dik. 35a nye saŋi lodir lo ŋutu anyen si ’da kak, 36a kirut nye ’dumuŋdye ambatajin buryo kune se ko somot, a tiŋdi Ŋun tinate, a nye pipiŋdye pipiŋdya, a tiŋdi ŋutu kanyit kajujumuk kulo, a se kökorakiŋdye ŋutu. 37a se liŋ nyesi nyesu, a iŋge yimöno, a lepeŋat iŋge ’du ’dumun kupöjin dumalak buryo ti ambatajin na pipinya na pituŋdyö nagon a ko nyei. 38a ŋutu lyan logon a nyesu kulo gwe a alipan iŋwan, wat ŋutu wate se ko ŋwajik. 39Nyena a Yesu torekiŋdye ŋutu kulo, a nye kije i ki ’bo kata, a iti i kak na Magadan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.