Yuörö 22
22
Saresi i kulya ti robba
1Ko lele ŋuto a koko ’ya dwöt kode köbilityo, a ’duŋge nye kode a tugwöŋi nye, a nye ködyö ropakiŋdye dwönin mukanat kogwon dwöt geleŋ, a robbi köbilu Iŋwan kogwon köbilityo geleŋ. 2Ko kolanit a rye i ’beleŋoddu lukata a iŋge gwutöji kak i twan, a putet lo rima kanyit mo gwe ’bayin; 3ama ko kolor a ’bunyökin ŋilo kolanit, a nye iŋge gwutöji kak i twan, a putet lo rima kanyit ködyö gwe kata. Kolanit ködyö rorobba, a ko nye ’bak nene ŋo, a ti nye tugwöröni tugwö-rö kogwon koko ’ya nanyit. 4A ko turu ’buti lo kokolaji lo a rye jörun kanyit i könin, kode nye a dwöt, kode a kaine, kode a köbilityo, a ti lepeŋ robbi daŋin murek.
5A ko ŋuto a tiŋdu melesen kode luköbi na binyo i nyei, kode a kölöddu turu ’buti nanyit, a nu turu ’buti nyesi i melesen na lele ŋuto, a ti monye turu ’buti robbi ko kinyojin lo ’but ti melesen nanyit, se ko ludweki lo ’but ti luköbi nanyit na binyo.
6A ko kimaŋ a ’yuraki a morgi kikwa, anyen kusik ti ’bolot logon a ŋera kode ’bolot logon nyuŋ gwo ’dan ki, kode luŋa melesen a ’yura, ti nye logon a ’yurakiŋdya ŋina kimaŋ lo robbi robba ’bura.
7A ko ŋuto a tiŋdu marate lonyit gurut kode tito i ’debba, a ko se a kokolaji kaŋo ko lu ŋuto kadi, nyena a ko kolanit lo a rye, a ti lepeŋ robbi daŋin murek. 8Ama ko kolanit lo a ko rye, a ti monye kadi lo poŋdi nyona ko ŋun ni, anyen kwekiŋdya kode könin lonyit a ’bo tito ti marate lonyit.
9Ko toroŋdya kata i kulya ti dwöt, kode kaine, kode köbilityo, kode boŋgwat, kode nan ŋo na likin nagon lele ŋuto a kulya adi, Na ŋo a nio na, a putet lo kilo Ŋutu ködyö yeŋuŋdye ko ŋun i komor; a nye logon ŋun a ’duŋökin putet lo ropakiŋdye marate lonyit daŋin murek.
10A ko ŋuto a tiŋdu marate lonyit kaine, kode dwöt, kode köbilityo, kode nene turu ’buti i ’debba; ko a twan, kode a böŋöji, kode a meyaji kaŋo lele ŋuto a ko met, 11a milye logon ’dinyari MATAT lo gwe ’bayin kase kiden se murek, kode lu ŋuto lo ’de ’debba lo a ko ’bo ’yu toro ’bo ti marate lonyit; a ti lu monye toro ’bo yupe yuŋ milye lo, a lu ŋuto tine ropakiŋdya. 12Ama ko kokolaji ko lepeŋ yu, a nye ködyö robbi monye kilo toro ’bo. 13A ko gworoŋ lo koja, a ti ŋina turu ’buti joŋani i kweya; a ŋuto lo ’debba lo tine robba ŋo na koa na.
14A ko lele ŋuto a kuŋö nene ŋo ko marate lonyit, a ŋina ŋo iŋge böŋöji kode a twan monye ’bayin kata, a ŋuto lo kuröddu lo ködyö robbi robba.
15Ama ko lu monye gwon kata, a ŋuto lo kuröddu lo tine robba; ko nye a ŋo lo ropaki i kita, kine kulya gwon i ropaki nanyit.
Saresi i kulya ti gwiliŋit ko i kulya ti keri
16 #
Nyö 22.28, 29 A ko ŋuto a mumulugga nene ’diet nagon a ko yema, a iŋge dotori lepeŋ, a ti nye ropakiŋdye toro ’bo anyen ŋina ŋuro gwon a nakwan nanyit. 17A ko monye ŋuro a renya asut i tiŋdu na lu ŋuto ŋina ŋuro a nakwan, a lu ŋuto ködyö robbi gurut lalaesi jojo gwoso gurut lunyesi ti ŋuro ’diet.
18 #
Nyö 18.10, 11 Ti do gwe ti rukökin nene kamö-nyönit i gwon jörun.
19 #
Lew 18.23; 20.15, 16; Nyö 27.21 Ko ŋa lo doto ko turu ’buti a ti lepeŋ tatuani tatua.
20 #
Nyö 17.2-7
ŋuto logon ’duŋökiŋdyö iele ŋun rubaŋga lo lepeŋ tutukara asut, ake lepeŋ ’duŋökiŋdyö MATAT.
21 #
Yuö 23.9; Lew 19.33, 34; Nyö 24.17, 18; 27.19 Do ködyö ti konakiŋdya lwakatyo lo si ’da kasu kiden lo arabat, kode rudakin lepeŋ kak, kogwon ta köju a lwaka i jur lo Ejipeto. 22Ti do gwe ti yöyoŋgu nene karu ’be kode kikiji.
23Ko do a yöyöŋgu lepeŋat a se gwiu köyö ni, a nan mo yiŋge gwiesi kase;
24a woran nio mo tulene tule, a nan mo tatuje ta ko baŋdu, a wate kasu mo gwe a karu ’bejin, a ŋwajik kasu mo gwe a kikijikö.
25 #
Lew 25.35-38; Nyö 15.7-11; 23.19, 20 Ko lele lo Ŋutu kwe logon a lomeri lo diŋö ko do lo a kuröddu gurut konut, ti do gwe ti buŋö lepeŋ, ko ti do gwe ti luŋgu ko wöli. 26#Nyö 24.10-13 ko ködyö do a joŋga boŋgo na marate ilot gwoso togwoet, do kodyö nyokökin lepeŋ bot a kolor a ko nyuŋ ’doro; 27kogwon ŋina a boŋgo nanyit geleŋ nagon nye muŋge mugun; lepeŋ ködyö doto ko nyo? A mo gwe sona ko nye a gwiun köyö ni, a nan mo yiŋge yiŋga kogwon nan wowon konyen ko Ŋutu.
28 #
Kon 23.5
Do ködyö ti lömbu ŋun, kode moru kasaranit lo Ŋutu kasu.
29Do ködyö ti jaran wukiŋdya ’dokesi i ludweki kulök lojore ko i binyo kunök najore. Do ködyö tikin nan kayu lo ŋwajik kulök lulyan. 30Do ködyö koŋdya jojo ko dwönin kulök se ko yidin kunök; turu ’buti ködyö mönuŋdyö ko ŋote perok buryo, ama i lor tobudök lonyit a do tiŋdi nan lepeŋ.
31 #
Lew 17.15
Ta ködyö geluŋdya ’börik a Ŋutu kwe loke; nyenagon ta ködyö ti nyesu lokore na koa ko gwuruŋin; ama ta ködyö gubakin ’dioŋin.
Currently Selected:
Yuörö 22: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Yuörö 22
22
Saresi i kulya ti robba
1Ko lele ŋuto a koko ’ya dwöt kode köbilityo, a ’duŋge nye kode a tugwöŋi nye, a nye ködyö ropakiŋdye dwönin mukanat kogwon dwöt geleŋ, a robbi köbilu Iŋwan kogwon köbilityo geleŋ. 2Ko kolanit a rye i ’beleŋoddu lukata a iŋge gwutöji kak i twan, a putet lo rima kanyit mo gwe ’bayin; 3ama ko kolor a ’bunyökin ŋilo kolanit, a nye iŋge gwutöji kak i twan, a putet lo rima kanyit ködyö gwe kata. Kolanit ködyö rorobba, a ko nye ’bak nene ŋo, a ti nye tugwöröni tugwö-rö kogwon koko ’ya nanyit. 4A ko turu ’buti lo kokolaji lo a rye jörun kanyit i könin, kode nye a dwöt, kode a kaine, kode a köbilityo, a ti lepeŋ robbi daŋin murek.
5A ko ŋuto a tiŋdu melesen kode luköbi na binyo i nyei, kode a kölöddu turu ’buti nanyit, a nu turu ’buti nyesi i melesen na lele ŋuto, a ti monye turu ’buti robbi ko kinyojin lo ’but ti melesen nanyit, se ko ludweki lo ’but ti luköbi nanyit na binyo.
6A ko kimaŋ a ’yuraki a morgi kikwa, anyen kusik ti ’bolot logon a ŋera kode ’bolot logon nyuŋ gwo ’dan ki, kode luŋa melesen a ’yura, ti nye logon a ’yurakiŋdya ŋina kimaŋ lo robbi robba ’bura.
7A ko ŋuto a tiŋdu marate lonyit gurut kode tito i ’debba, a ko se a kokolaji kaŋo ko lu ŋuto kadi, nyena a ko kolanit lo a rye, a ti lepeŋ robbi daŋin murek. 8Ama ko kolanit lo a ko rye, a ti monye kadi lo poŋdi nyona ko ŋun ni, anyen kwekiŋdya kode könin lonyit a ’bo tito ti marate lonyit.
9Ko toroŋdya kata i kulya ti dwöt, kode kaine, kode köbilityo, kode boŋgwat, kode nan ŋo na likin nagon lele ŋuto a kulya adi, Na ŋo a nio na, a putet lo kilo Ŋutu ködyö yeŋuŋdye ko ŋun i komor; a nye logon ŋun a ’duŋökin putet lo ropakiŋdye marate lonyit daŋin murek.
10A ko ŋuto a tiŋdu marate lonyit kaine, kode dwöt, kode köbilityo, kode nene turu ’buti i ’debba; ko a twan, kode a böŋöji, kode a meyaji kaŋo lele ŋuto a ko met, 11a milye logon ’dinyari MATAT lo gwe ’bayin kase kiden se murek, kode lu ŋuto lo ’de ’debba lo a ko ’bo ’yu toro ’bo ti marate lonyit; a ti lu monye toro ’bo yupe yuŋ milye lo, a lu ŋuto tine ropakiŋdya. 12Ama ko kokolaji ko lepeŋ yu, a nye ködyö robbi monye kilo toro ’bo. 13A ko gworoŋ lo koja, a ti ŋina turu ’buti joŋani i kweya; a ŋuto lo ’debba lo tine robba ŋo na koa na.
14A ko lele ŋuto a kuŋö nene ŋo ko marate lonyit, a ŋina ŋo iŋge böŋöji kode a twan monye ’bayin kata, a ŋuto lo kuröddu lo ködyö robbi robba.
15Ama ko lu monye gwon kata, a ŋuto lo kuröddu lo tine robba; ko nye a ŋo lo ropaki i kita, kine kulya gwon i ropaki nanyit.
Saresi i kulya ti gwiliŋit ko i kulya ti keri
16 #
Nyö 22.28, 29 A ko ŋuto a mumulugga nene ’diet nagon a ko yema, a iŋge dotori lepeŋ, a ti nye ropakiŋdye toro ’bo anyen ŋina ŋuro gwon a nakwan nanyit. 17A ko monye ŋuro a renya asut i tiŋdu na lu ŋuto ŋina ŋuro a nakwan, a lu ŋuto ködyö robbi gurut lalaesi jojo gwoso gurut lunyesi ti ŋuro ’diet.
18 #
Nyö 18.10, 11 Ti do gwe ti rukökin nene kamö-nyönit i gwon jörun.
19 #
Lew 18.23; 20.15, 16; Nyö 27.21 Ko ŋa lo doto ko turu ’buti a ti lepeŋ tatuani tatua.
20 #
Nyö 17.2-7
ŋuto logon ’duŋökiŋdyö iele ŋun rubaŋga lo lepeŋ tutukara asut, ake lepeŋ ’duŋökiŋdyö MATAT.
21 #
Yuö 23.9; Lew 19.33, 34; Nyö 24.17, 18; 27.19 Do ködyö ti konakiŋdya lwakatyo lo si ’da kasu kiden lo arabat, kode rudakin lepeŋ kak, kogwon ta köju a lwaka i jur lo Ejipeto. 22Ti do gwe ti yöyoŋgu nene karu ’be kode kikiji.
23Ko do a yöyöŋgu lepeŋat a se gwiu köyö ni, a nan mo yiŋge gwiesi kase;
24a woran nio mo tulene tule, a nan mo tatuje ta ko baŋdu, a wate kasu mo gwe a karu ’bejin, a ŋwajik kasu mo gwe a kikijikö.
25 #
Lew 25.35-38; Nyö 15.7-11; 23.19, 20 Ko lele lo Ŋutu kwe logon a lomeri lo diŋö ko do lo a kuröddu gurut konut, ti do gwe ti buŋö lepeŋ, ko ti do gwe ti luŋgu ko wöli. 26#Nyö 24.10-13 ko ködyö do a joŋga boŋgo na marate ilot gwoso togwoet, do kodyö nyokökin lepeŋ bot a kolor a ko nyuŋ ’doro; 27kogwon ŋina a boŋgo nanyit geleŋ nagon nye muŋge mugun; lepeŋ ködyö doto ko nyo? A mo gwe sona ko nye a gwiun köyö ni, a nan mo yiŋge yiŋga kogwon nan wowon konyen ko Ŋutu.
28 #
Kon 23.5
Do ködyö ti lömbu ŋun, kode moru kasaranit lo Ŋutu kasu.
29Do ködyö ti jaran wukiŋdya ’dokesi i ludweki kulök lojore ko i binyo kunök najore. Do ködyö tikin nan kayu lo ŋwajik kulök lulyan. 30Do ködyö koŋdya jojo ko dwönin kulök se ko yidin kunök; turu ’buti ködyö mönuŋdyö ko ŋote perok buryo, ama i lor tobudök lonyit a do tiŋdi nan lepeŋ.
31 #
Lew 17.15
Ta ködyö geluŋdya ’börik a Ŋutu kwe loke; nyenagon ta ködyö ti nyesu lokore na koa ko gwuruŋin; ama ta ködyö gubakin ’dioŋin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.