Yuörö 21
21
Tokitaju na ’dupi
(Nyökit 15.12-18)
1Nyena kulo a saresi logon do de tikin ko lepeŋat i komor.
2 #
Lew 25.39-46
Ko do a gwöruŋdyö ’dupiet logon a Eberetyo, a nye kodyo kitakiŋdye do ko kaŋajin buker, a i kiŋa toburyo lonyit a ti nye iti a luitot ’bak robba na nene ŋo. 3A ko lepeŋ po ka ’de a ti nye Köti iti ka ’de; ama ko lepeŋ po ko nakwan, a ti nakwan moraddi ko lepeŋ i pirit na geleŋ. 4a ko duma lonyit a tiŋdu lepeŋ nakwan, a ŋina nakwan yuŋwe-kiŋdye lepeŋ ŋwajik lulyan kode nawate, a ŋina nakwan se ko ŋwajik kanyit ködyo gwe a ti duma lonyit lo, a ti ŋilo ’dupiet iti geleŋ. 5A ko ŋilo ’dupiet a jambu köke adi, Nan nyanyar duma liŋ, ko nakwan nio se ko ŋwajik kwe; nan ti tu kaŋo a luitöt, 6a kirut duma lonyit ködyö joŋdi lepeŋ ko Ŋun ni, a joŋdi lepeŋ i kötumit, kode i kaden ti kötumit; a ti duma lonyit tu ’ye swöt lo ŋilo ’dupiet ko witi tulet; a ’dupiet mo kitakiŋdye duma lonyit ŋupi ŋupi.
7A ko lele ŋuto a tugwöŋu ŋuro nanyit a ’dupiet, a nu ŋuro tine kölöji a luitöt gwoso nagon ’dupi lyan kökö-löji a lui na. 8A ko lepeŋ a ko tulyöŋgu duma lonyit logon a wuluŋdyö nye a nakwan nanyit lo, nyena ti duma lonyit ruköddi lepeŋ i dakaji; nye ’bak riŋit i tugwörökiŋdyö na lepeŋ i lwaka, kogwon ŋilo duma a mumulugga lepeŋ. 9A ko nye a wuluŋdyo lepeŋ a nakwan na ŋuro lonyit, a ti nye ködyö konaki lepeŋ gwoso nye a ŋuro nanyit.
10A ko lepeŋ a yemakiŋdya mugun nene nakwan, a ti nye ködyö gwe ti nyökuŋdyö kinyo lonyit a lo ’dit, ko boŋgwat kanyit ku ’dik, ko ti nye gwe ti kö ’yu dotori lepeŋ. 11A ko nye ti konakin ŋina nakwan kine po musala, a ti nye kölöjine a luitot ’bak robba gurut.
Saresi i kulya ti mörö ko böŋöddu
12 #
Lew 24.17
Nye logon a gwuddyö ŋuto a ŋilo ŋuto twane twan, ti nye koti tatuane tatua. 13#Ken 35.10-34; Nyö 19.1-13; Yos 20.1-9 Ama ko ŋuto a ko domba lele ŋuto, ama a ŋun tiŋdi lele ŋuto i tatua ko lepeŋ, a kirut nan mo wulökiŋdye do pirit nagon ŋilo katatuanit wökön kata. 14A ko lele ŋuto a wulökiŋdyö mugun i tatuja na marate lonyit ko mumulugga, a do ködyö piköddi lepeŋ kaŋo ma ’di nye gwon köyö i pirit ’yuret na rubaŋgajin, anyen nye tatatua.
15Ko pa lo gwuddyo monye kode ŋote, a nye kodyo tatuani tatua.
16 #
Nyö 24.7
Ko pa lo kokoladdu ŋuto a tugwöŋi lepeŋ, kode ko lu ŋuto a rye kanyit i könin, a kolanit lo kodyö tatuani tatua.
17 #
Lew 20.9; Mat 15.4; Mar 7.10 Ko pa lo momoröju monye kode ŋote, a nye ködyö tatuani tatua.
18Ko Ŋutu mömörö, a lele joŋgi lele ko ŋurupit-kode ko könin, a nye gwe a ko twan ama a roggi i dotoet, 19ko lepeŋ a ŋien ki Köti a juara kaŋo ko ture, nyena ti nye lo gwuddyö lepeŋ lo gwe ’bak kulya; ama tuŋ ti lepeŋ robbi rogga nanyit kak, ko ti nye tiŋdi lepeŋ i tokela a lo ’but.
20A ko lele ŋuto a gwuddyö ’dupiet lonyit kode ’dupiet nanyit ko ture, a twane twan kanyit i könin, a nye kodyö riŋani riŋa. 21Ama ko ’dupiet a joŋga lor geleŋ kode perok murek a i mukök a twane twan, a duma lo ŋilo ’dupiet ködyö tine riŋa, kogwon nye a gwörun lepeŋ ko gurut.
22A ko Ŋutu gwon i mörö i pirit na geleŋ, a böŋöddi ŋuto na gwon ko pele, a ŋuro poŋdi kaŋo, ama a ŋina ŋuto iŋge po ’bura, a ŋuto lo böŋöddu lo ködyo tikine i robba gwoso na ’deggi lalet lo ŋina ŋuto na; a nye ködyö robbi gwoso nagon ka ’duŋök a ’duŋö-kiŋdye nye na. 23a ko nene ŋo naron a pokin ko ŋina ŋuto, a do ködyö tiŋdi ŋuto lo böŋöddu lo i robba ru na ŋina ŋuto ko ru nanyit, 24#Lew 24.19, 20; Nyö 19.21; Mat 5.38 a ko koŋe lo böŋöji a ropani ko koŋe, a ko kele lo böŋöji a ropani ko kele, a ko könin lo böŋöji a ropani ko könin, a ko moköt lo böŋoji a ropani ko moköt,
25a ko mugun na ’yura a ropani ko ’yura, a ko a böŋöji a ’dika a ropani a ’dika, a ko a gwutöki ’dika a ropani ko gwutöki na ’dika.
26A ko ŋuto a gwuddyö koŋe lo ’dupiet lonyit, kode koŋe lo ’dupiet nanyit, a köŋi lepeŋ, a nye ködyö kölöddi ’dupiet a luitöt kogwon kulya ti koŋe lonyit. 27a ko nye a ’bilipuŋdyö kele lo ’dupiet lonyit kaŋo, kode kele lo ’dupiet nanyit, a nye ködyö kölöddi ’dupiet a luitöt kogwon kulya ti kele lonyit.
Saresi i kulya ti komonye toro ’bo
28A ko dwöt a söju ŋuto lalet kode nanakwan a twane twan, nyena a ŋilo dwot ködyö gugubani guguba ko ŋurupö, a lokore nanyit tine nyei; ama a monye dwöt mo gwe ’bak kulya.
29Ama ko dwöt a diniki sosojutu, a iŋge taki monye lonyit, ama a nye tine monoja lepeŋ, ama ko ŋilo dwöt a tatuja ŋuto lulalet kode nanakwan, a ti lu dwöt gugubani guguba ko ŋurupö, ko ti monye dwöt Köti tatuane tatua.
30A ko daket a luŋu kanyit, nyena a nye ködyö dakuŋdye ru nanyit gwoso na luŋuri ropet kanyit na. 31A ko dwöt a söju ŋuro lalet kode ŋuro nakwan, a ködyö konakine gwoso i ŋilo saret.
32A ko dwöt a söju ’dupiet lalet kode nanakwan, a monye dwöt ködyö tiŋdi duma lose pödöjin nagon temuŋdya sekelejin merya musala, a lu dwöt gugubani guguba ko ŋurupö.
33A ko ŋuto a ŋaju dili, kode a ’bogga dili a tine muk lepeŋ, a ko dwöt kode kaine a ’dororo nyin, 34a monye dili ködyö tetenakiŋdye kine kulya ’bura, a ropakiŋdye monye turu ’buti, a lu turu ’buti lo twan lo gwe a lo monye dili.
35A ko dwöt lo lele ŋuto a böŋöddu lo leŋe, a twane twan, nyena a se ködyö tugwoŋi lu dwot lo gwon jörun lo a koŋi gurut kanyit; a se Köti kökoroji lokore lo dwöt lo twan lo. 36a ko lu dwöt a dena adi nye a diniki sosojutu, a monye lonyit tine monoja lepeŋ, a nye ködyö robbi dwöt ko dwöt, a lo twan lo gwe a lonyit.
Currently Selected:
Yuörö 21: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Yuörö 21
21
Tokitaju na ’dupi
(Nyökit 15.12-18)
1Nyena kulo a saresi logon do de tikin ko lepeŋat i komor.
2 #
Lew 25.39-46
Ko do a gwöruŋdyö ’dupiet logon a Eberetyo, a nye kodyo kitakiŋdye do ko kaŋajin buker, a i kiŋa toburyo lonyit a ti nye iti a luitot ’bak robba na nene ŋo. 3A ko lepeŋ po ka ’de a ti nye Köti iti ka ’de; ama ko lepeŋ po ko nakwan, a ti nakwan moraddi ko lepeŋ i pirit na geleŋ. 4a ko duma lonyit a tiŋdu lepeŋ nakwan, a ŋina nakwan yuŋwe-kiŋdye lepeŋ ŋwajik lulyan kode nawate, a ŋina nakwan se ko ŋwajik kanyit ködyo gwe a ti duma lonyit lo, a ti ŋilo ’dupiet iti geleŋ. 5A ko ŋilo ’dupiet a jambu köke adi, Nan nyanyar duma liŋ, ko nakwan nio se ko ŋwajik kwe; nan ti tu kaŋo a luitöt, 6a kirut duma lonyit ködyö joŋdi lepeŋ ko Ŋun ni, a joŋdi lepeŋ i kötumit, kode i kaden ti kötumit; a ti duma lonyit tu ’ye swöt lo ŋilo ’dupiet ko witi tulet; a ’dupiet mo kitakiŋdye duma lonyit ŋupi ŋupi.
7A ko lele ŋuto a tugwöŋu ŋuro nanyit a ’dupiet, a nu ŋuro tine kölöji a luitöt gwoso nagon ’dupi lyan kökö-löji a lui na. 8A ko lepeŋ a ko tulyöŋgu duma lonyit logon a wuluŋdyö nye a nakwan nanyit lo, nyena ti duma lonyit ruköddi lepeŋ i dakaji; nye ’bak riŋit i tugwörökiŋdyö na lepeŋ i lwaka, kogwon ŋilo duma a mumulugga lepeŋ. 9A ko nye a wuluŋdyo lepeŋ a nakwan na ŋuro lonyit, a ti nye ködyö konaki lepeŋ gwoso nye a ŋuro nanyit.
10A ko lepeŋ a yemakiŋdya mugun nene nakwan, a ti nye ködyö gwe ti nyökuŋdyö kinyo lonyit a lo ’dit, ko boŋgwat kanyit ku ’dik, ko ti nye gwe ti kö ’yu dotori lepeŋ. 11A ko nye ti konakin ŋina nakwan kine po musala, a ti nye kölöjine a luitot ’bak robba gurut.
Saresi i kulya ti mörö ko böŋöddu
12 #
Lew 24.17
Nye logon a gwuddyö ŋuto a ŋilo ŋuto twane twan, ti nye koti tatuane tatua. 13#Ken 35.10-34; Nyö 19.1-13; Yos 20.1-9 Ama ko ŋuto a ko domba lele ŋuto, ama a ŋun tiŋdi lele ŋuto i tatua ko lepeŋ, a kirut nan mo wulökiŋdye do pirit nagon ŋilo katatuanit wökön kata. 14A ko lele ŋuto a wulökiŋdyö mugun i tatuja na marate lonyit ko mumulugga, a do ködyö piköddi lepeŋ kaŋo ma ’di nye gwon köyö i pirit ’yuret na rubaŋgajin, anyen nye tatatua.
15Ko pa lo gwuddyo monye kode ŋote, a nye kodyo tatuani tatua.
16 #
Nyö 24.7
Ko pa lo kokoladdu ŋuto a tugwöŋi lepeŋ, kode ko lu ŋuto a rye kanyit i könin, a kolanit lo kodyö tatuani tatua.
17 #
Lew 20.9; Mat 15.4; Mar 7.10 Ko pa lo momoröju monye kode ŋote, a nye ködyö tatuani tatua.
18Ko Ŋutu mömörö, a lele joŋgi lele ko ŋurupit-kode ko könin, a nye gwe a ko twan ama a roggi i dotoet, 19ko lepeŋ a ŋien ki Köti a juara kaŋo ko ture, nyena ti nye lo gwuddyö lepeŋ lo gwe ’bak kulya; ama tuŋ ti lepeŋ robbi rogga nanyit kak, ko ti nye tiŋdi lepeŋ i tokela a lo ’but.
20A ko lele ŋuto a gwuddyö ’dupiet lonyit kode ’dupiet nanyit ko ture, a twane twan kanyit i könin, a nye kodyö riŋani riŋa. 21Ama ko ’dupiet a joŋga lor geleŋ kode perok murek a i mukök a twane twan, a duma lo ŋilo ’dupiet ködyö tine riŋa, kogwon nye a gwörun lepeŋ ko gurut.
22A ko Ŋutu gwon i mörö i pirit na geleŋ, a böŋöddi ŋuto na gwon ko pele, a ŋuro poŋdi kaŋo, ama a ŋina ŋuto iŋge po ’bura, a ŋuto lo böŋöddu lo ködyo tikine i robba gwoso na ’deggi lalet lo ŋina ŋuto na; a nye ködyö robbi gwoso nagon ka ’duŋök a ’duŋö-kiŋdye nye na. 23a ko nene ŋo naron a pokin ko ŋina ŋuto, a do ködyö tiŋdi ŋuto lo böŋöddu lo i robba ru na ŋina ŋuto ko ru nanyit, 24#Lew 24.19, 20; Nyö 19.21; Mat 5.38 a ko koŋe lo böŋöji a ropani ko koŋe, a ko kele lo böŋöji a ropani ko kele, a ko könin lo böŋöji a ropani ko könin, a ko moköt lo böŋoji a ropani ko moköt,
25a ko mugun na ’yura a ropani ko ’yura, a ko a böŋöji a ’dika a ropani a ’dika, a ko a gwutöki ’dika a ropani ko gwutöki na ’dika.
26A ko ŋuto a gwuddyö koŋe lo ’dupiet lonyit, kode koŋe lo ’dupiet nanyit, a köŋi lepeŋ, a nye ködyö kölöddi ’dupiet a luitöt kogwon kulya ti koŋe lonyit. 27a ko nye a ’bilipuŋdyö kele lo ’dupiet lonyit kaŋo, kode kele lo ’dupiet nanyit, a nye ködyö kölöddi ’dupiet a luitöt kogwon kulya ti kele lonyit.
Saresi i kulya ti komonye toro ’bo
28A ko dwöt a söju ŋuto lalet kode nanakwan a twane twan, nyena a ŋilo dwot ködyö gugubani guguba ko ŋurupö, a lokore nanyit tine nyei; ama a monye dwöt mo gwe ’bak kulya.
29Ama ko dwöt a diniki sosojutu, a iŋge taki monye lonyit, ama a nye tine monoja lepeŋ, ama ko ŋilo dwöt a tatuja ŋuto lulalet kode nanakwan, a ti lu dwöt gugubani guguba ko ŋurupö, ko ti monye dwöt Köti tatuane tatua.
30A ko daket a luŋu kanyit, nyena a nye ködyö dakuŋdye ru nanyit gwoso na luŋuri ropet kanyit na. 31A ko dwöt a söju ŋuro lalet kode ŋuro nakwan, a ködyö konakine gwoso i ŋilo saret.
32A ko dwöt a söju ’dupiet lalet kode nanakwan, a monye dwöt ködyö tiŋdi duma lose pödöjin nagon temuŋdya sekelejin merya musala, a lu dwöt gugubani guguba ko ŋurupö.
33A ko ŋuto a ŋaju dili, kode a ’bogga dili a tine muk lepeŋ, a ko dwöt kode kaine a ’dororo nyin, 34a monye dili ködyö tetenakiŋdye kine kulya ’bura, a ropakiŋdye monye turu ’buti, a lu turu ’buti lo twan lo gwe a lo monye dili.
35A ko dwöt lo lele ŋuto a böŋöddu lo leŋe, a twane twan, nyena a se ködyö tugwoŋi lu dwot lo gwon jörun lo a koŋi gurut kanyit; a se Köti kökoroji lokore lo dwöt lo twan lo. 36a ko lu dwöt a dena adi nye a diniki sosojutu, a monye lonyit tine monoja lepeŋ, a nye ködyö robbi dwöt ko dwöt, a lo twan lo gwe a lonyit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.