Yuörö 20
20
Saresi puök
(Köti Nyökit 5.1-21)
1A ŋun jambi kilo kulyaesi liŋ adi, 2Nan logon a MATAT ŋun ilot logon a joŋdya do kaŋo i jur lo Ejipeto i pirit na to ’dupien.
3Do ködyö ti gwon ko kulye ŋunyen kwöŋ, ama nan ka ’de.
4 #
Yuö 34.17; Lew 19.4; 26.1; Nyö 4.15-18; 27.15 Do ködyö ti tetenakiŋdya mugun nene nyömue na gigiru a gwuluet na ŋo ti ki yu, kode ŋo ti kak ni, kode ŋo ti pioŋ lukata; 5#Yuö 34.6, 7; Ken 14.18; Nyö 7.9, 10 do ködyö ti rugwuŋöki kase i komor, do ködyö ti twöju se; kogwon nan MATAT ŋun ilot gwon a ŋun logon a kayinönit. Nan tiŋdu toronjin kase monye ko torela i kusik tojo ko nyakwariat tomusala ko toiŋwan ti Ŋutu logon maman nan kilo;
6ama nan nyaŋu Ŋutu ko nyaŋu nagon ti ’duddyö kwöŋ, kweja adi nan nyaŋu Ŋutu aliŋan logon nyanyar nan ko ’de ’deŋ saresi kwe kilo.
7 #
Lew 19.12
Do kodyö ti ’diŋdya karin ti MATAT ŋun ilot kana, kogwon MATAT ti jaran i ’duŋökiŋdyö na putet i ŋuto logon ’diŋdya karin kanyit kana lo. 8#Yuö 16.23-30; 31.12-14 Yeyene yeye i ’debba na lor lo sabata a loke. 9#Yuö 23.12; 31.15; 34.21; 35.2; Lew 23.3 Do ködyö kita perok buker, a do koŋdi kita inot liŋ, 10ama lor toburyo a sabata lo MATAT ŋun ilot; i ŋilo lor do ködyö ti koŋdya nene kita kwöŋ, do ko ŋuro ilot, ko ŋuro inot, ko köliŋönit ilot, ko koliŋönit inot, ko toro ’bo kunök, se ko ŋuto logon si ’da a lepetyo konut i ’baŋ lo; 11#Sul 2.1-3; Yuö 31.17 kogwon i perok buker MATAT a gweja ko ki ko kak, ko törön ti ’balaŋ, ko ŋo liŋ lo gwon kata yu kulo, a i lor toburyo a nye yuke yukan; nyenagon a MATAT ’boroji lor lo sabata a geluŋdye lepeŋ a loke.
12 #
Nyö 27.16; Mat 15.4; 19.19; Mar 7.10; 10.19; Luk 18.20; Epe 6.2;
Epe 6.3
Bule bu munyi se ko ŋuti, anyen do si ’da kiŋajin jore i jur logon MATAT ŋun ilot titin do lo.
13 #
Sul 9.6; Lew 24.17; Mat 5.21; 19.18; Mar 10.19; Luk 18.20; Rom 13.9; Yak 2.11 Do ködyö ti tatuja ŋuto.
14 #
Lew 20.10; Mat 5.27; 19.18; Mar 10.19; Luk 18.20; Rom 13.9; Yak 2.11 Do ködyö ti lubbö.
15 #
Lew 19.11; Mat 19.18; Mar 10.19; Luk 18.20; Rom 13.9 Do ködyö ti koko ’ya.
16 #
Yuö 23.1; Mat 19.18; Mar 10.19; Luk 18.20 Do ködyö ti lipikiŋdyö marate ilot.
17 #
Rom 7.7; 13.9 Do ködyö ti be ’ya kadi na marate ilot; do ködyö ti be ’ya narakwan na marate ilot, kode köliŋönit lonyit, kode köliŋönit nanyit, kode dwöt lonyit, kode kaine nanyit, kode nene ŋo na gwon ko marate ilot.
Ŋutu kukujonö
(Köti Nyökit 5.22-33)
18 #
Eb 12.18, 19 A Ŋutu liŋ ko yiŋge pepejatu na kipya lo ki, a meddi meme ’dekta na ki, a yiŋge kuta na tore, a meddi puriörö na mere, a se böŋdi böŋdu adi gwagwa, a gwo ’de pajo. 19A se kulyani ko Mose adi, Bia ti do jambi koyi, a yi de yiŋge yiŋga, ama ti ŋun gwe ti jambu koyi an yi twatwa. 20A Mose kulyani ko Ŋutu kulo adi, Ko kujönö ta; kogwon ŋun a po ni i temba na ta, anyen ta ködyö yeŋon kujönö lepeŋ, anyen ta gwon ti toroŋdya. 21A Ŋutu kulo gwo ’de gwo ’dan pajo, ama a Mose miju nyona i mudwe logon adi ’dii lo gwoŋdi ŋun kata lu.
Saresi i kulya ti piritön ’yuresi ti rubaŋgajin
22A MATAT kulyani ko Mose adi, Takiŋdye Ŋutu ti Yisaraele adi, Ta ko ’börik aje met adi nan a jambu ko ta ki yu. 23Ta ködyö ti teteŋdya punyen logon a pödo kode punyen logon a dakap anyen kwakwasa ko nan i pirit na geleŋ; ta kodyö kwöŋ ti tetenakiŋdya ’borik po gwoso kine. 24Ta ködyö tetenakiŋdya nan pirit na rubaŋgajin nagon gweya ko liŋo, a ta ’yuŋe rubaŋgajin lo ’yura ’buluŋ i loki nanyit, ko rubaŋgajin kasu ti taliŋ, kweja adi yidin kasu ko dwönin kasu. Nan mo popo i ’boroja na ta i piritön liŋ nagon nan tiŋdu Ŋutu i yeyeju na karin kwe kata kunu. 25#Nyö 27.5-7; Yos 8.31A ko ta a tetenakiŋdya nan pirit ’yuret na rubaŋgajin ko ŋurupö, a ta tine gweja nye ko ŋurupö lo tuturu; kogwon ko ta a kitari nye ko witiot, a ta aje tolut nye i kulya ti keri,
26Köti ta ti kiyaddu ki i kiyesi tojo i pirit nio ’yuret na rubaŋgajin, an mugunya kasu limuö kine ko meta kata.
Currently Selected:
Yuörö 20: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Yuörö 20
20
Saresi puök
(Köti Nyökit 5.1-21)
1A ŋun jambi kilo kulyaesi liŋ adi, 2Nan logon a MATAT ŋun ilot logon a joŋdya do kaŋo i jur lo Ejipeto i pirit na to ’dupien.
3Do ködyö ti gwon ko kulye ŋunyen kwöŋ, ama nan ka ’de.
4 #
Yuö 34.17; Lew 19.4; 26.1; Nyö 4.15-18; 27.15 Do ködyö ti tetenakiŋdya mugun nene nyömue na gigiru a gwuluet na ŋo ti ki yu, kode ŋo ti kak ni, kode ŋo ti pioŋ lukata; 5#Yuö 34.6, 7; Ken 14.18; Nyö 7.9, 10 do ködyö ti rugwuŋöki kase i komor, do ködyö ti twöju se; kogwon nan MATAT ŋun ilot gwon a ŋun logon a kayinönit. Nan tiŋdu toronjin kase monye ko torela i kusik tojo ko nyakwariat tomusala ko toiŋwan ti Ŋutu logon maman nan kilo;
6ama nan nyaŋu Ŋutu ko nyaŋu nagon ti ’duddyö kwöŋ, kweja adi nan nyaŋu Ŋutu aliŋan logon nyanyar nan ko ’de ’deŋ saresi kwe kilo.
7 #
Lew 19.12
Do kodyö ti ’diŋdya karin ti MATAT ŋun ilot kana, kogwon MATAT ti jaran i ’duŋökiŋdyö na putet i ŋuto logon ’diŋdya karin kanyit kana lo. 8#Yuö 16.23-30; 31.12-14 Yeyene yeye i ’debba na lor lo sabata a loke. 9#Yuö 23.12; 31.15; 34.21; 35.2; Lew 23.3 Do ködyö kita perok buker, a do koŋdi kita inot liŋ, 10ama lor toburyo a sabata lo MATAT ŋun ilot; i ŋilo lor do ködyö ti koŋdya nene kita kwöŋ, do ko ŋuro ilot, ko ŋuro inot, ko köliŋönit ilot, ko koliŋönit inot, ko toro ’bo kunök, se ko ŋuto logon si ’da a lepetyo konut i ’baŋ lo; 11#Sul 2.1-3; Yuö 31.17 kogwon i perok buker MATAT a gweja ko ki ko kak, ko törön ti ’balaŋ, ko ŋo liŋ lo gwon kata yu kulo, a i lor toburyo a nye yuke yukan; nyenagon a MATAT ’boroji lor lo sabata a geluŋdye lepeŋ a loke.
12 #
Nyö 27.16; Mat 15.4; 19.19; Mar 7.10; 10.19; Luk 18.20; Epe 6.2;
Epe 6.3
Bule bu munyi se ko ŋuti, anyen do si ’da kiŋajin jore i jur logon MATAT ŋun ilot titin do lo.
13 #
Sul 9.6; Lew 24.17; Mat 5.21; 19.18; Mar 10.19; Luk 18.20; Rom 13.9; Yak 2.11 Do ködyö ti tatuja ŋuto.
14 #
Lew 20.10; Mat 5.27; 19.18; Mar 10.19; Luk 18.20; Rom 13.9; Yak 2.11 Do ködyö ti lubbö.
15 #
Lew 19.11; Mat 19.18; Mar 10.19; Luk 18.20; Rom 13.9 Do ködyö ti koko ’ya.
16 #
Yuö 23.1; Mat 19.18; Mar 10.19; Luk 18.20 Do ködyö ti lipikiŋdyö marate ilot.
17 #
Rom 7.7; 13.9 Do ködyö ti be ’ya kadi na marate ilot; do ködyö ti be ’ya narakwan na marate ilot, kode köliŋönit lonyit, kode köliŋönit nanyit, kode dwöt lonyit, kode kaine nanyit, kode nene ŋo na gwon ko marate ilot.
Ŋutu kukujonö
(Köti Nyökit 5.22-33)
18 #
Eb 12.18, 19 A Ŋutu liŋ ko yiŋge pepejatu na kipya lo ki, a meddi meme ’dekta na ki, a yiŋge kuta na tore, a meddi puriörö na mere, a se böŋdi böŋdu adi gwagwa, a gwo ’de pajo. 19A se kulyani ko Mose adi, Bia ti do jambi koyi, a yi de yiŋge yiŋga, ama ti ŋun gwe ti jambu koyi an yi twatwa. 20A Mose kulyani ko Ŋutu kulo adi, Ko kujönö ta; kogwon ŋun a po ni i temba na ta, anyen ta ködyö yeŋon kujönö lepeŋ, anyen ta gwon ti toroŋdya. 21A Ŋutu kulo gwo ’de gwo ’dan pajo, ama a Mose miju nyona i mudwe logon adi ’dii lo gwoŋdi ŋun kata lu.
Saresi i kulya ti piritön ’yuresi ti rubaŋgajin
22A MATAT kulyani ko Mose adi, Takiŋdye Ŋutu ti Yisaraele adi, Ta ko ’börik aje met adi nan a jambu ko ta ki yu. 23Ta ködyö ti teteŋdya punyen logon a pödo kode punyen logon a dakap anyen kwakwasa ko nan i pirit na geleŋ; ta kodyö kwöŋ ti tetenakiŋdya ’borik po gwoso kine. 24Ta ködyö tetenakiŋdya nan pirit na rubaŋgajin nagon gweya ko liŋo, a ta ’yuŋe rubaŋgajin lo ’yura ’buluŋ i loki nanyit, ko rubaŋgajin kasu ti taliŋ, kweja adi yidin kasu ko dwönin kasu. Nan mo popo i ’boroja na ta i piritön liŋ nagon nan tiŋdu Ŋutu i yeyeju na karin kwe kata kunu. 25#Nyö 27.5-7; Yos 8.31A ko ta a tetenakiŋdya nan pirit ’yuret na rubaŋgajin ko ŋurupö, a ta tine gweja nye ko ŋurupö lo tuturu; kogwon ko ta a kitari nye ko witiot, a ta aje tolut nye i kulya ti keri,
26Köti ta ti kiyaddu ki i kiyesi tojo i pirit nio ’yuret na rubaŋgajin, an mugunya kasu limuö kine ko meta kata.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.