JINGKHEIÑ 29
29
1 #
Eks. 23:16; 34:22; Leb. 23:23-25. “Bad ha u bnai u bahynñiew, ha ka sngi ka banyngkong uta u bnai, kan long ka jingïaseng ka bakyntang ha phi; wat trei ei ei ruh ka kam shakri satia: kan long ka sngi ïa ka ban put ki ronsing ha phi. 2Te phin ainguh da ka jingainguh thang, ban long ka jingiw baiwbih ha U Trai; ïa uwei u masi lyngraw, ïa uwei u langbrot, bad ïa hynñiew tylli ki khun langbrot kiba shi snem ki bajanai bha: 3Ka jingainguh bam jong ki ruh kan long u 'purew ba la ïakhleh bad ka umphniang, lai bynta na kaba shiphew, ïa uwei u masi dab, ar bynta na kaba shiphew, ïa uwei u langbrot, 4bad shi bynta na kaba shiphew, ïa uwei uwei u khun langbrot na kita ki hynñiew tylli ki khun langbrot: 5bad uwei u khun blang, ban long ki jingkñia sait pop, ïa ka ban pynlong ïa ka jingpynïasuk na ka bynta jong phi: 6nalor ka jingainguh thang ka jong u bnai, bad ka jingainguh bam jong ka, bad ka jingainguh thang kaba ha la ka sngi, bad ka jingainguh bam jong ka, bad ki jingainguh dih jong ki de, ha la ki rukom rukom, namar ka jingiw baiwbih, ban long ka jingkñia kaba da ka ding ha U Trai.”
7 #
Leb. 16:29-34; 23:26-32. “Bad ha ka sngi bashiphew une u bnai bahynñiew, kan long ka jingïaseng ka bakyntang ha phi; te phin pynshitom ïa la ki mynsiem; wat trei shuh ïa ka kam ei ei ruh ha ka: 8hynrei, phin ainguh da ka jingainguh thang ha U Trai ban long ka jingiw baiwbih: ïa uwei u masi lyngraw, ïa uwei u langbrot, bad hynñiew tylli ki khun langbrot kiba shi snem; to ai phin ïoh ïa ki, ki bajanai bha keiñ: 9te ka jingainguh bam jong ki, kan long u 'purew ba la ïakhleh bad ka umphniang, lai bynta na kaba shiphew, ïa uwei u masi dab, ar bynta na kaba shiphew, ïa uwei u langbrot, 10bad shi bynta na kaba shiphew, ïa uwei uwei u khun langbrot na kita ki hynñiew tylli ki khun langbrot: 11uwei u khun blang, ban long ka jingkñia sait pop; nalor kata ka jingkñia sait pop ka jingpynïasuk, bad kata ka jingainguh thang kaba ha la ka sngi, bad ka jingainguh bam jong ka, bad ki jingainguh dih jong ki de.
12 #
Eks. 23:16; 34:22; Leb. 23:33-36; Deu. 16:13-15. “Bad ha ka sngi ka bakhatsan jong uta u bnai bahynñiew, kan long ka jingïaseng ka bakyntang ha phi; wat trei ei ei ka kam shakri satia: hynrei phin ïarakhe Ka Jingkhawai Niam ha U Trai, hynñiew sngi: 13te phin ainguh da ka jingainguh thang, ka jingkñia kaba da ka ding, ban long ka jingiw baiwbih ha U Trai; khatlai tylli ki masi lyngraw, ar tylli ki 'lang shynrang, khatsaw tylli ki khun langbrot kiba shi snem; ai kin long ki bajanai bha keiñ: 14bad ka jingainguh bam jong ki, kan long u 'purew ba la ïakhleh bad ka umphniang, lai bynta na kaba shiphew, ïa uwei uwei u masi na kita ki khatlai tylli ki masi lyngraw, ar bynta na kaba shiphew, ïa uwei uwei u langbrot na kita ki ar tylli ki langbrot shynrang, 15bad shi bynta na kaba shiphew, ïa uwei uwei u khun langbrot na kita ki khatsaw tylli ki khun langbrot: 16bad uwei u khun blang, ban long ka jingkñia sait pop; nalor kata ka jingainguh thang kaba ha la ka sngi, ka jingainguh bam jong ka, bad ka jingainguh dih jong ka.”
17“Bad ha ka sngi ka ba-ar, phin ainguh ïa khat-ar tylli ki masi lyngraw, ïa ar tylli ki lang shynrang, ïa khatsaw tylli ki khun langbrot kiba shi snem ki bajanai bha: 18te ka jingainguh bam jong ki, bad ki jingainguh dih jong ki, kin long katba shong ka jingkheiñ jong ki, ïa ki masi lyngraw, ïa ki 'lang shynrang, bad ïa ki khun langbrot de, katba kum ka rukom jong ki: 19bad uwei u khun blang, ban long ka jingkñia sait pop; nalor kata ka jingainguh thang kaba ha la ka sngi, bad ka jingainguh bam jong ka, bad ki jingainguh dih jong ki de.”
20“Bad ha ka sngi ka balai, khatwei tylli ki masi lyngraw, ar tylli ki lang shynrang, bad khatsaw tylli ki khun langbrot kiba shi snem ki bajanai bha; 21te ki jingainguh bam jong ki, bad ki jingainguh dih jong ki, kin long katba shong ka jingkheiñ jong ki, ïa ki masi lyngraw, ïa ki 'lang shynrang, bad ïa ki khun langbrot, katba kum ka rukom: 22bad uwei u blang, ban long ka jingkñia sait pop; nalor kata ka jingainguh thang kaba ha la ka sngi, bad ka jingainguh bam jong ka, bad ka jingainguh dih jong ka de.”
23“Bad ha ka sngi ka basaw, shiphew tylli ki masi lyngraw, ar tylli ki lang shynrang, khatsaw tylli ki khun langbrot ba shi snem ki bajanai bha: 24ka jingainguh bam jong ki, bad ki jingainguh dih jong ki, kin long katba shong ka jingkheiñ jong ki, ïa ki masi lyngraw, ïa ki 'lang shynrang, bad ïa ki khun langbrot, katba kum ka rukom: 25bad uwei u khun blang, ban long ka jingkñia sait pop; nalor kata ka jingainguh thang kaba ha la ka sngi, ka jingainguh bam jong ka, bad ka jingainguh dih jong ka de.”
26“Bad ha ka sngi ka basan, khyndai tylli ki masi lyngraw, ar tylli ki 'lang shynrang, bad khatsaw tylli ki khun langbrot ba shi snem ki bajanai bha: 27bad ka jingainguh bam jong ki, bad ki jingainguh dih jong ki, kin long katba shong ka jingkheiñ jong ki, ïa ki masi lyngraw, ïa ki 'lang shynrang, bad ïa ki khun langbrot de, katba kum ka rukom: 28bad uwei u blang, ban long ka jingkñia sait pop; nalor kata ka jingainguh thang kaba ha la ka sngi, bad ka jingainguh bam jong ka, bad ka jingainguh dih jong ka.”
29“Te ha ka sngi ka bahynriew, phra tylli ki masi lyngraw, ar tylli ki lang shynrang, bad khatsaw tylli ki khun langbrot ba shi snem ki bajanai bha: 30bad ka jingainguh bam jong ki, bad ki jingainguh dih jong ki, kin long katba shong ka jingkheiñ jong ki, ïa ki masi lyngraw, ïa ki langbrot shynrang, bad ïa ki khun langbrot, katba kum ka rukom: 31bad uwei u blang, ban long ka jingkñia sait pop; nalor kata ka jingainguh thang kaba ha la ka sngi, ka jingainguh bam jong ka, bad ka jingainguh dih jong ka.”
32“Te ha ka sngi ka bahynñiew, hynñiew tylli ki masi lyngraw, ar tylli ki 'lang shynrang, bad khatsaw tylli ki khun langbrot ba shi snem ki bajanai bha: 33bad ka jingainguh bam jong ki, bad ki jingainguh dih jong ki, kin long katba shong ka jingkheiñ jong ki, ïa ki masi lyngraw, ïa ki 'lang shynrang, bad ïa ki khun langbrot, katba kum ka rukom: 34bad uwei u blang, ban long ka jingkñia sait pop; nalor kata ka jingainguh thang kaba ha la ka sngi, bad ka jingainguh bam jong ka, bad ka jingainguh dih jong ka.”
35“Te ha ka sngi ka baphra, kan long Ka Jingkhawai Niam ka bakyntang ha phi: wat trei ei ei ruh ka kam shakri ha ka: 36hynrei, phin ainguh da ka jingainguh thang, ka jingkñia kaba da ka ding, ban long ka jingiw baiwbih ha U Trai: uwei u masi lyngraw, uwei u langbrot, bad hynñiew tylli ki khun langbrot ba shi snem ki bajanai bha: 37ka jingainguh bam jong ki, bad ki jingainguh dih jong ki, kin long katba shong ka jingkheiñ jong ki, ïa u masi lyngraw, ïa u langbrot, bad ïa ki khun langbrot, katba kum ka rukom: 38bad uwei u blang, ban long ka jingkñia sait pop; nalor kata ka jingainguh thang kaba ha la ka sngi, bad ka jingainguh bam jong ka, bad ka jingainguh dih jong ka.”
39“Ïa kine phin ainguh keiñ ha U Trai ha kita Ki Jingkhawai Niam jong phi, nalor ki jingkular skhem jong phi, bad ki jingainguh sngewbha jong phi, ban long ki jingainguh thang jong phi, bad ki jingainguh bam jong phi, bad ki jingainguh dih jong phi, bad ki jingainguh pynïasuk jong phi.”
40Bad u Moses u la ïathuh ha ki khun Israel ïa baroh kat kiba u la hukum U Trai ïa u Moses.
Currently Selected:
JINGKHEIÑ 29: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
