JINGKHEIÑ 28
28
Ka jingainguh thang kaba ha la ka sngi
(Eks. 29:38-46)
1Te U Trai u la kren ha u Moses, u da ong; 2“To hukum ïa ki khun Israel, to ong ruh ïa ki, ‘Ïa ka jingainguh jong nga, ïa ka jingbam jong nga, ïa ki jingkñia kiba da ka ding, ban long ka jingiw baiwbih ha nga, to phin sumar ban ainguh ha nga ha ka aïom ïa kaba la buh.’ 3#Eks. 29:38-42.Men ong ruh ha ki, ‘Kata ka jingkñia kaba da ka ding ïa kaba phin ainguh ha U Trai, ka dei kane: ar tylli ki khun langbrot kiba shi snem kiba khlem thohbria, ha la ka sngi, ban long ka jingainguh thang baïailong. 4Ïa uwei u khun langbrot men ainguh mynstep, bad ïa uta uwei pat u khun langbrot de men ainguh janmiet; 5bad ban long ka jingainguh bam, shi bynta na kaba shiphew na ka shi ephah u 'purew, ïa kaba la khleh bad shi pawa hin ka umphniang ba la tylliat. 6Kane ka long ka jingainguh thang kaba khlem da pud, ïa kaba la buh ha u lum Sinai, ban long ka jingiw baiwbih, ka jingkñia keiñ kaba da ka ding ha U Trai. 7Te ka jingainguh dih jong ka, kan long shi pawa hin, lem bad uwei uwei u khun langbrot: men pyntheh ha ka jaka kyntang ïa ka Waiñ ka babha, ban long ka jingainguh dih ha U Trai. 8Bad ïa uta uwei pat u khun langbrot, men ainguh janmiet: kum kata ka jingainguh bam mynstep, bad kata ka jingainguh dih jong ka, men ainguh ïa ka, ban long ka jingkñia kaba da ka ding, ka jingiw baiwbih keiñ ha U Trai.’ ”
Ka jingainguh ha ka sngi Sabbaton bad ha ki bnai thymmai
9 #
Mat. 12:5. “Te ha ka sngi Sabbaton, ar tylli ki khun langbrot ki bajanai bha kiba shi snem, bad ar bynta na kaba shiphew u 'purew, ba la ïakhleh bad ka umphniang, ban long ka jingainguh bam, lem bad ka jingainguh dih jong ka: 10Kane te ka jingainguh thang man ka Sabbaton, nalor kata ka jingainguh thang kaba khlem da pud, bad ka jingainguh dih jong ka.”
11“Ha kaba sdang ki bnai jong phi ruh, phin ainguh ïa ka ban long ka jingainguh thang ha U Trai; da ar tylli ki masi lyngraw, bad uwei u langbrot, bad hynñiew tylli ki bajanai bha ki khun langbrot kiba shi snem; 12bad lai bynta na kaba shiphew u 'purew, ba la ïakhleh bad ka umphniang, ban long ka jingainguh bam lem bad uwei uwei u masi lyngraw; bad ar bynta na kaba shiphew u 'purew, ba la ïakhleh bad ka umphniang, ban long ka jingainguh bam, lem bad uwei uwei u langbrot; 13bad shi bynta na kaba shiphew u 'purew, ba la ïakhleh bad ka umphniang, ban long ka jingainguh bam, lem bad uwei uwei u khun langbrot; ïa ka ban long ka jingainguh thang baiwbih, namar ka jingkñia kaba da ka ding ha U Trai. 14Te ki jingainguh dih jong ki, kin long shiteng hin ka Waiñ ïa uwei uwei u masi lyngraw, bad shi bynta na kaba lai hin ïa uwei uwei u langbrot, bad shi pawa hin ïa uwei uwei u khun langbrot: kane ka long ka jingainguh thang jong uwei uwei u bnai lyngba ïa ki bnai jong ka snem. 15Bad nalor kata ka jingainguh thang kaba khlem da pud, yn ainguh da uwei u khun blang, lem bad ka jingainguh dih jong ka, ban long ka jingkñia sait pop ha U Trai.”
Ki jingainguh ha ki Jingkhawai Niam
(Leb. 23:1-44)
16 #
Eks. 12:1-14,21-27; Leb. 23:5; Deu. 16:1,2,5-7. “Te ha ka bakhatsaw sngi na u bnai banyngkong, ka long Ka Niam Ka Jinglait ka jong U Trai. 17#Eks. 12:15-20; 23:15; 34:18; Leb. 23:6-8; Deu. 16:3,4,8.Bad ha ka bakhatsan sngi na une u bnai kan long Ka Jingkhawai Niam: hynñiew sngi yn bam ïa U Kpu Bakhlem Thiat. 18Ha ka sngi banyngkong, kan long ka jingïaseng ka bakyntang, phi wat trei ïa ka kam shakri satia: 19Hynrei, phin ainguh da ka jingkñia kaba da ka ding, ban long ka jingainguh thang ha U Trai; ai ar tylli ki masi lyngraw, bad ïa uwei u langbrot, bad hynñiew tylli ki khun langbrot kiba shi snem: ïa kine phi dei ban ïoh ki bajanai bha: 20Te ka jingainguh bam jong ki kan long u 'purew ba la ïakhleh da ka umphniang; lai bynta na kaba shiphew, phin ainguh bad uwei u masi lyngraw, bad ar bynta na kaba shiphew, ïa uwei u langbrot; 21shi bynta na kaba shiphew, phin ainguh bad uwei uwei u khun langbrot, na kita ki hynñiew tylli ki khun langbrot: 22bad uwei u blang, ban long ka jingkñia sait pop, ïa ka ban pynlong ka jingpynïasuk na ka bynta jong phi. 23Ïa kine, phin ainguh keiñ nalor kata ka jingainguh thang mynstep, kaba long ka jingainguh thang kaba khlem da pud. 24Da kane ka rukom, phin ainguh ha la ka sngi, baroh hynñiew sngi, da ka jingkñia bam kaba da ka ding, ka jingiw baiwbih ha U Trai: nalor kata ka jingainguh thang kaba khlem da pud, phin ainguh ïa ka, lem bad ka jingainguh dih jong ka. 25Te ha ka sngi bahynñiew, kan long ha phi ka jingïaseng ka bakyntang; phi wat trei ïa ka kam shakri satia.”
26 #
Eks. 23:16; 34:22; Leb. 23:15-21; Deu. 16:9-12. “Bad ha ka sngi ki soh nyngkong jong phi ruh, haba phi ainguh da ka jingainguh bam ka bathymmai ha U Trai ynda la lah ki taïew jong phi, kan long ka jingïaseng ka bakyntang ha phi; phi wat trei ïa ka kam shakri satia: 27hynrei, phin ainguh da ar tylli ki masi lyngraw, uwei u langbrot, bad hynñiew tylli ki khun langbrot kiba shi snem, ban long ka jingainguh thang baiwbih ha U Trai; 28te ka jingainguh bam jong ki kaba da u 'purew ïa kaba la ïakhleh bad ka umphniang, kan long lai bynta na kaba shiphew, ïa uwei uwei u masi lyngraw, ar bynta na kaba shiphew, ïa uwei uwei u langbrot, 29shi bynta na kaba shiphew, ïa uwei uwei u khun langbrot na kita ki hynñiew tylli ki khun langbrot; 30uwei u khun blang, ïa ka ban pynlong ïa ka jingpynïasuk na ka bynta jong phi. 31Nalor kata ka jingainguh thang kaba khlem da pud, bad ka jingainguh bam jong ka, phin ainguh da kine (ai ba phin ïoh da ki bajanai bha keiñ), lem bad ki jingainguh dih jong ki.”
Currently Selected:
JINGKHEIÑ 28: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
