JINGKHEIÑ 26
26
Kaba kheiñ ïa ki Israel ha Moab
1Ka la jia ruh, hadien kata kaba ïapthem, ba u la kren U Trai ha u Moses, bad ha u Eleasar u khun u Aaron lyngdoh, u da ong, 2“To shim ïa ka jingkheiñ ïa u paidbah baroh ki khun Israel, naduh uba arphew snem ka rta bad tam, ha ka ïing ki kpa jong ki, uwei uwei baroh kat uba lah ban leit ïaleh thma ha Israel.” 3Te u Moses, bad u Eleasar lyngdoh, ki la kren ha ki pyntha ka ri Moab hajan ka Jordan, ha marpyrshah ka Jerikho, ki da ong, 4“To ñiew ïa ki briew, naduh uba arphew snem ka rta bad tam;” kumba u la hukum U Trai ïa u Moses, bad ïa ki khun Israel, kiba la mih noh na ka ri Ijipt.
5 #
Jkñ. 1:22-46. U Reuben, u khun nyngkong u Israel: ki khun u Reuben; na u Hanokh la mih ka ïing ki Hanokh; na u Phalu, ka ïing ki Phalu; 6na u Hesron, ka ïing ki Hesron; na u Karmi, ka ïing ki Karmi. 7Kine ki kur ki Reuben: te kita ïa kiba la ñiew na ki, ki la long sawphew lai hajar hynñiewspah laiphew. 8Te ki khun shynrang u Phalu: u Eliab. 9Bad ki khun shynrang u Eliab: u Nemuel, bad u Dathan, bad u Abiram. Kine ki long uta u Dathan, bad uta u Abiram, kiba la donnam hapdeng uta u paidlang, bad kiba la ïaleh pyrshah ïa u Moses, bad pyrshah ïa u Aaron, ha ka jingïalang u Korah, haba ki la ïaleh pyrshah ïa U Trai: 10bad ka khyndew ka la ang ïa la ka shyntur, bad ka la nguid tylli noh ïa ki, lem bad u Korah ruh, haba uta u paidbah u la ïap; ha ka por ba ka ding ka la bam duh ïa arspah sanphew ngut ki briew, te ki la jia long ka dak. 11Hynrei, ki khun u Korah kim shym la ïap.
12Ki khun shynrang u Simeon katba kum ki ïing jong ki: na u Nemuel, ka ïing ki Nemuel; na u Jamin, ka ïing ki Jamin; na u Jakhin, ka ïing ki Jakhin; 13na u Serah, ka ïing ki Serah; na u Shaul, ka ïing ki Shaul. 14Kine ki ïing ki Simeon, arphew ar hajar arspah.
15Ki khun u Gad katba kum ki ïing jong ki: na u Sephon, ka ïing ki Sephon; na u Haggi, ka ïing ki Haggi; na u Shuni, ka ïing ki Shuni; 16na u Osni, ka ïing ki Osni; na u Eri, ka ïing ki Eri; 17na u Arod, ka ïing ki Arodi; na u Areli, ka ïing ki Areli. 18Kine ki ïing ki khun u Gad kumba la ñiew ïa ki, sawphew hajar sanspah.
19Ki khun shynrang u Judah: u Err, bad u Onan; te u Err, bad u Onan, ki la ïap ha ka ri Kanaan. 20Te ki khun shynrang u Judah katba kum ki ïing jong ki, ki la long: na u Shelah, ka ïing ki Shelah; na u Phares, ka ïing ki Phares; na u Serah, ka ïing ki Serah. 21Te ki khun shynrang u Phares ki la long: na u Hesron, ka ïing ki Hesron; na u Hamul, ka ïing ki Hamul. 22Kine ki ïing ki Judah kumba la ñiew ïa ki, hynñiewphew hynriew hajar sanspah.
23Na ki khun shynrang u Issakhar katba kum ki ïing jong ki: na u Tola, ka ïing ki Tola; na u Puah, ka ïing ki Puah; 24na u Jashub, ka ïing ki Jashub; na u Shimron, ka ïing ki Shimron. 25Kine ki ïing ki Issakhar kumba la ñiew ïa ki, hynriewphew saw hajar laispah.
26Ki khun shynrang u Sabulon, katba kum ki ïing jong ki: na u Sered, ka ïing ki Sered; na u Elon, ka ïing ki Elon; na u Jahlil, ka ïing ki Jahlil. 27Kine ki ïing ki Sabulon kumba la ñiew ïa ki, hynriewphew hajar sanspah.
28Ki khun shynrang u Joseph katba kum ki ïing jong ki: u Manasseh, bad u Ephraim. 29Ki khun shynrang u Manasseh: na u Makhir, ka ïing ki Makhir; u Makhir te u la pynkha ïa u Gilead; na u Gilead, ka ïing ki Gilead. 30Kine ki khun shynrang u Gilead: na u Jeeser, ka ïing ki Jeeser; na u Helek, ka ïing ki Helek; 31bad na u Asriel, ka ïing ki Asriel; bad na u Shekhem, ka ïing ki Shekhem; 32bad na u Shemida, ka ïing ki Shemida; bad na u Hepher, ka ïing ki Hepher. 33Bad u Selophehad u khun u Hepher, um shym la don ki khun shynrang, tang ki khun kynthei: te ki kyrteng ki khun kynthei ki jong u Selophehad ki la long “ka Mahlah”, “ka Noah”, “ka Hoglah”, “ka Milkah”, bad “ka Tirsah”. 34Kine ki ïing ki Manasseh: bad kita ïa kiba la ñiew na ki, ki la long sanphew ar hajar hynñiewspah.
35Kine ki khun shynrang u Ephraim katba kum ki ïing jong ki: na u Shuthelah, ka ïing ki Shuthelah; na u Bekher, ka ïing ki Bekher; na u Tahan, ka ïing ki Tahan. 36Bad kine ki khun shynrang u Shuthelah: na u Eran, ka ïing ki Eran. 37Kine ki ïing ki khun shynrang u Ephraim katba kum kita ïa kiba la ñiew ha ki, laiphew ar hajar sanspah. Kine ki khun shynrang u Joseph katba kum ki ïing jong ki.
38Ki khun shynrang u Benjamin katba kum ki ïing jong ki: na u Bela, ka ïing ki Bela; na u Ashbel, ka ïing ki Ashbel; na u Ahiram, ka ïing ki Ahiram; 39na u Shupham, ka ïing ki Shupham; na u Hupham, ka ïing ki Hupham. 40Te ki khun shynrang u Bela ki la long u Ard, bad u Naaman: na u Ard, ka ïing ki Ardi; na u Naaman, ka ïing ki Naaman. 41Kine ki khun shynrang u Benjamin katba kum ki ïing jong ki: te kita ïa kiba la ñiew na ki, ki la long sawphew san hajar hynriewspah.
42Kine ki khun shynrang u Dan katba kum ki ïing jong ki: na u Shuham, ka ïing ki Shuham. Kine ki ïing ki Dan katba kum ki ïing jong ki. 43Baroh ki ïing ki Shuham, katba kum kita ïa kiba la ñiew na ki, ki la long hynriewphew saw hajar sawspah.
44Ki khun shynrang u Asher katba kum ki ïing jong ki: na u Jimnah, ka ïing ki Jimnah; na u Jesui, ka ïing ki Jesui; na u Beriah, ka ïing ki Beriah. 45Na ki khun shynrang u Beriah: na u Heber, ka ïing ki Heber; na u Malkhiel, ka ïing ki Malkhiel. 46Bad ka kyrteng ka khun ka jong u Asher, ka la long “ka Sara.” 47Kine ki ïing ki khun shynrang u Asher katba kum kita ïa kiba la ñiew ha ki, sanphew lai hajar sawspah.
48Ki khun shynrang u Naphtali katba kum ki ïing jong ki: na u Jahsil, ka ïing ki Jahsil; na u Guni, ka ïing ki Guni; 49na u Jeser, ka ïing ki Jeser; na u Shillem, ka ïing ki Shillem. 50Kine ki ïing ki Naphtali katba kum ki ïing jong ki: te kita ïa kiba la ñiew ha ki, ki la long sawphew san hajar sawspah.
51Kine keiñ ki la long ïa kiba la ñiew na ki khun Israel, hynriewspah hajar bad shi hajar hynñiewspah laiphew.
Ka rukom ka jingïasam bynta ïa ka khyndew
52 #
Jkñ. 34:13; Jos. 14:1,2. Bad U Trai u la kren ha u Moses, U da ong, 53“Ha kine yn pynïasam ïa ka khyndew ban long ka jingïoh pateng katba shong ka jingkheiñ ki kyrteng jong ki. 54Ha kiba bun, men ai ïa ka bynta pateng kaba kham khraw, bad ha kiba khyndiat, men kham pynduna ïa ka bynta pateng: ha uwei uwei baroh, yn ai ïa ka bynta pateng katba shong kita ïa kiba la kheiñ jong u. 55Pynban, ïa ka khyndew yn sam da ka jingkhalai: katba kum ki kyrteng jong ki jaid ki kpa jong ki, kin ïoh bynta pateng. 56Katba hap kata ka jingkhalai, yn sam ïa ka bynta pateng jong u hapdeng kiba bun bad kiba khyndiat.”
Ka ïing ki Lebi
57 #
Jkñ. 1:47-49. Te kine, ki long kita ïa kiba la kheiñ na ki Lebi katba kum ki ïing jong ki: na u Gershon, ka ïing ki Gershon; na u Kohath, ka ïing ki Kohath; na u Merari, ka ïing ki Merari. 58Kine ki ïing ki Lebi: ka ïing jong ki Libni, ka ïing jong ki Hebron, ka ïing jong ki Mahli, ka ïing jong ki Mushi, ka ïing jong ki Korah. Te u Kohath u la pynkha ïa u Amram. 59Bad ka kyrteng ka tnga u Amram ka la long “ka Jokhebed”, ka khun u Lebi, ïa kaba la kha ha u Lebi ha ka ri Ijipt: ka te ka la kha ha u Amram ïa u Aaron, bad ïa u Moses, bad ïa ka Miriam ka hynmen jong ki. 60#Jkñ. 3:2.Te ha u Aaron la kha ïa u Nadab, bad ïa u Abihu, ïa u Eleasar, bad ïa u Ithamar. 61#Leb. 10:1,2; Jkñ. 3:4.Te u Nadab, bad u Abihu ki la ïap, mynba ki la ainguh da ka ding bakhyllah ha khmat U Trai. 62Te kita ïa kiba la ñiew na ki, ki la long arphew lai hajar, ki shynrang baroh, naduh uba shi bnai ka rta bad tam: namar ym shym la ñiew ïa ki hapdeng ki khun Israel, namar ba ym shym la lah ai ïa ka bynta pateng ha ki hapdeng ki khun Israel.
Tang u Joshua bad u Kaleb kiba lait im
63Kine ki long kita ïa kiba la ñiew da u Moses, bad u Eleasar lyngdoh; kiba la ñiew ïa ki khun Israel ha ki pyntha ka ri Moab, hajan ka Jordan, ha marpyrshah ka Jerikho. 64#Jkñ. 14:26-35.Hynrei, hapdeng kine, ym don uwei na kita ïa kiba la ñiew u Moses, bad u Aaron lyngdoh; kiba la ñiew ïa ki khun Israel ha ka ri khlaw Sinai. 65Naba U Trai u la lah ong shaphang jong ki, “Da kaba ïap kin ïap shisha ha kata ka ri khlaw.” Te lait na u Kaleb u khun u Jephunneh, bad u Joshua u khun u Nun, ym don uwei na ki, ïa uba la pynsah.
Currently Selected:
JINGKHEIÑ 26: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
