JINGKHEIÑ 24
24
1Te haba u Balaam u la ïohi ba U Trai u la sngewbha ban kyrkhu ïa ki Israel, um shym la leit shuh ïa ka ban wad ïa ki jingkhan jingluh, kumba mynshuwa, hynrei, u la thew ïa la ka khmat sha ka ri khlaw. 2U Balaam u la khmied ruh ïa la ki khmat, bad u la ïohi ïa ki Israel ba ki da ïashong dara katba kum ki jaid jong ki; te U Mynsiem U Blei u la wan ha u. 3Bad u la shim ïa la ka pharshi, bad u la ong,
“U Balaam u khun u Beor
u la ong,
bad uta u briew uba la khap
ïa la ki khmat u la ong:
4u nongsngew ïa ki jingong
U Blei u la ong,
uba la ïohi ïa ka jingithuhpaw
jong U Balah Baroh,
uba la hap ha ka jingi-rngai,
hynrei, haba ki dang peit
ki khmat jong u:
5katno ki itynnad ki ïingjaiñ
jong me,
ko Jakob, ki tabernakl jong me,
ko Israel!
6La pynphriang kyrhai ïa ki
kum ki ri them,
kum ki kper harud ka wah,
kum ki dieng Aloes
ïa kiba u la thung U Trai,
bad kum ki dieng Kedar
hajan ki umtuid.
7Un theh ki um na ki khiew
jong u baroh,
bad u symbai jong u
un long ha bun ki um,
bad u syiem jong u
un long kham ha khlieh
ïa u Agag,
bad yn pynkyntiew
ïa ka hima jong u.
8U Blei u la pynmih noh ïa u
na Ijipt;
u don ka bor kum ka jong
u kynda:
un bam duh noh
ïa ki jaid bynriew
ki nongshun jong u,
un pynkheiñ lwet ruh
ïa ki shyieng jong ki,
bad un pynpei lyngba ïa ki
da ki khnam jong u.
9 #
Jen. 12:3; 49:9. U dem, u thiah kum u sing,
bad kum u sing uba heh keiñ;
uei u ban pynkhih ïa u?
Suk uta uba kyrkhu ïa me,
bad kordit ïa uta uba tim noh
ïa me.”
Ka jingïathuhlypa u Balaam
10Te ka jingbitar u Balak ka la meh lep pyrshah ïa u Balaam, bad u la thab kti: bad u Balak u la ong ha u Balaam, “Nga la khot ïa me ban tim ïa ki nongshun jong nga, te, ha khmih, da kaba kyrkhu me la kyrkhu ïa ki, kine lai sien. 11Mynta te, namar kata, to phet noh sha la ka shnong: nga la ong ba ngan kyntiew ïa me sha ka burom bakhraw; hynrei, ha khmih, U Trai u la khang noh ïa me na ka burom.” 12Bad u Balaam u la ong ha u Balak, “Nga la kren ne em ha ki nonglam-ktien jong me ïa kiba me la phah ha nga, da kaba ong, 13‘Lada u Balak un da ai ha nga ka rupa, bad ka ksiar, ba-dap ha ïing jong u, ngan ym lah ban ryngkang ïa ka ktien U Trai, ban leh ïa ka babha, lane ïa ka basniew na la ka jong ka jingmut; ngan kren tang ïa kaba U Trai un ong?’ 14Mynta te, ha khmih, ngan sa leit noh sha la ki jong ki briew: to ale te, bad ngan ïathuh ïa me ïa kaba kine ki briew kin leh ïa ki briew jong me ha kita ki sngi ki bakhatduh.” 15Bad u la shim ïa la ka pharshi, bad u la ong,
“U Balaam u khun u Beor
u la ong,
bad uta u briew uba la khap
ïa la ki khmat, u la ong:
16U nongsngew ïa ki jingong
U Blei, u la kren,
uba tip ïa ka jingtip jong
U Bahakhlieh Tam,
bad uba la ïohi
ïa ka jingithuhpaw
U Balah Baroh,
uba la hap ha ka jingi-rngai,
hynrei, haba ki dang peit
ki khmat jong u:
17Nga ïohi ïa u,
hynrei, ym mynta:
nga ïoh khmih ïa u,
hynrei, ym najan:
u khlur un wan noh
na u Jakob,
bad u dieng synshar
un mih noh na u Israel,
u ban shoh lwet ïa ki Moab
baroh sawdong,
bad u ban pynjot noh
ïa ki khun baroh u Sheth.
18U Edom un long
ka bynta trai,
u Seir ruh un long
ka bynta trai
ïa ki nongshun jong u;
te u Israel un nang
leh khraw bor.
19Uwei na u Jakob un synshar,
bad un pynjot noh ruh
ïa kaba dang sah
na ka nongbah.”
20Te haba u la khmih ha u Amalek, u la shim ïa la ka pharshi, bad u la ong,
“U banyngkong
na ki jaid bynriew
u long u Amalek;
hynrei, ka bakut jong u
kan long ba un ïap duh
noh junom.”
21U la khmih ha ki Ken ruh, te u la shim ïa la ka pharshi, bad u la ong,
“Ka jaka shongneh jong me
kaba skhem,
bad me buh ïa la ka skum
ha uta u mawsiang.
22Pynban, ïa u Ken
yn pynduh noh,
ha ban da u Asshur
un ïalam mraw ïa me.”
23Bad u la shim ïa la ka pharshi, bad u la ong,
“Waw uei u ban im haba U Blei
u leh ïa kane?
24Kin wan ki lieng lama ruh
na ki rud ka Kittim,
bad kin ïa-pynshitom
ïa u Asshur,
bad kin ïa-pynshitom ruh
ïa u Eber,
te u hi ruh un ïap duh
noh junom.”
25Te u Balaam u la ïeng joit, bad u la leit wan noh ruh sha la ka jaka: bad u Balak ruh u la leit noh.
Currently Selected:
JINGKHEIÑ 24: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
