JINGKHEIÑ 17
17
U diengduh u Aaron
1Bad U Trai u kren ha u Moses, u da ong, 2“To kren ha ki khun Israel, to shim ruh na uwei uwei baroh na ki, ïa uwei u diengduh katba kum ka ïing ki kpa jong ki, na ki rangbah jong ki baroh, katba kum ka ïing ki kpa jong ki, khat-ar tylli ki diengduh: to men thoh ruh ïa ka kyrteng jong uwei uwei baroh u briew ha u diengduh jong u. 3Bad ha u diengduh u Lebi, men thoh ïa ka kyrteng u Aaron: namar uwei u diengduh un long na ka bynta u rangbah ka ïing ki kpa jong ki. 4Bad men buh noh ïa ki ha Ka Tabernakl ka jingïaseng ha khmat ka jingphla, ha kaba ngan ïashem bad phi. 5Te kan jia, ba u diengduh jong uta u briew ïa uba ngan jied un phuh, bad ngan pynduh na khmat jong nga ïa ki jingkhñium jong ki khun Israel, ïa kiba ki la ïakren khñium ïa phi.” 6Bad u Moses u la kren ha ki khun Israel, te ki rangbah jong ki baroh, ki la ai ha u mar uwei uwei u diengduh, ïa uwei na ka bynta uwei u rangbah, katba kum ka ïing ki kpa jong ki, khat-ar tylli ki diengduh: bad u diengduh u Aaron, u la don hapdeng kita ki diengduh jong ki. 7Te u Moses u la buh noh ïa kita ki diengduh ha khmat U Trai ha Ka Tabernakl ka jingphla.
8 #
Heb. 9:4. Te ha kaba lashai, u Moses u la leit hapoh Ka Tabernakl ka jingphla; bad ha khmih, u diengduh u Aaron uba na ka bynta ka ïing u Lebi u la phuh, bad u la mih shylluit, bad u la phuh syntiew, u la sei ruh da ki soh Khyllam. 9Bad u Moses u la pynmih shabar ïa kita ki diengduh baroh na khmat U Trai ha ki khun Israel baroh: te ki la ïakhmih thuh, bad uwei uwei baroh u la shim ïa la u jong u diengduh. 10Te U Trai u la ong ha u Moses, “To wallam biang ïa uta u diengduh jong u Aaron ha khmat ka jingphla, ban ri ïa u, ïa ka ban long ka dak pyrshah ïa kine ki khun ba ïaleh pyrshah; khnang ïa ka ban pynduh na khmat jong nga ïa ki jingkhñium jong ki, ba kin ym ïap shuh.” 11Bad u Moses u la leh kumta; kumba u la hukum U Trai, kumta u la leh keiñ.
12Te ki khun Israel ki la kren ha u Moses, ki da ong, “Ha khmih, ngi ïap; ngi ïap duh, ngi ïap duh baroh keiñ. 13Uno uno ruh uba kham wan hajan, uba kham wan hajan Ka Tabernakl U Trai, un ïap noh: yn pynjot noh ïa ngi da kaba ïap?”
Currently Selected:
JINGKHEIÑ 17: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
