JINGKHEIÑ 1
1
Kaba kheiñ ïa ki paidbah Israel baroh ha ka ri khlaw Sinai
1 #
Jkñ. 26:1-51. Te U Trai u la kren ha u Moses ha ka ri khlaw Sinai, ha Ka Tabernakl jong ka jingïaseng, ha ka sngi ka banyngkong jong u bnai u ba-ar, ha ka snem ka ba-ar hadien ba ki la ïamih noh na ka ri Ijipt, u da ong, 2“To phin shim ka jingkheiñ ïa u paidlang ki khun Israel baroh, katba kum ki kur jong ki, na ka ïing ki kpa jong ki, lem bad ka jingkheiñ ki kyrteng, u shynrang baroh uwei pa uwei; 3naduh kiba arphew snem ka rta bad tam, baroh kat kiba lah ïaleit mih ban ïaleh thma ha Israel, ma me bad u Aaron phin ïakheiñ ïa ki katba kum ki paidïapom jong ki. 4Lem bad phi ruh, un long uwei u briew na kawei pa kawei ka jaid; uwei uwei baroh un long u rangbah na ka ïing ki kpa jong u. 5Kine te ki long ki kyrteng kita ki rangbah, ki ban ïeng lem bad phi: na ka jaid Reuben — u Elisur u khun u Shedeur. 6Na ka jaid Simeon — u Shelumiel u khun u Surishaddai. 7Na ka jaid Judah — u Nahshon u khun u Amminadab. 8Na ka jaid Issakhar — u Nethaniil u khun u Suar. 9Na ka jaid Sabulon — u Eliab u khun u Helon. 10Na ki khun u Joseph; na ka jaid Ephraim — u Elishama u khun u Ammihud; na ka jaid Manasseh — u Gamaliel u khun u Pedahsur. 11Na ka jaid Benjamin — u Abidan u khun u Gideoni. 12Na ka jaid Dan — u Ahieser u khun u Ammishaddai. 13Na ka jaid Asher — u Pagiel u khun u Okran. 14Na ka jaid Gad — u Eliasaph u khun u Deuel. 15Na ka jaid Naphtali — u Ahira u khun u Enan.” 16Kine ki long kita kiba la ju donnam keiñ na uta u paidlang, ki rangbah jong ki jaid ki kpa jong ki, ki rangbah ki hajar ha Israel.
17Te u Moses bad u Aaron ki la shim ïa kine ki rangbah ïa kiba la ïathuh ïa ki kyrteng jong ki: 18ki la ïalum lang ruh ïa uta u paidlang baroh ha ka sngi banyngkong u bnai u ba-ar, ki la ïa-pynpaw ruh ïa ki jinghiar pateng jong ki katba kum ki kur jong ki, na ka ïing ki kpa jong ki, katba kum ka jingkheiñ ïa ki kyrteng jong ki, naduh arphew snem ka rta bad tam, uwei pa uwei. 19Kumba u la hukum U Trai ha u Moses, kumta u la kheiñ ïa ki ha ka ri khlaw Sinai.
20Bad ki khun u Reuben, uba la kha nyngkong jong u Israel, ki jingkha pateng jong ki, katba kum ki kur jong ki, na ka ïing ki kpa jong ki, kat ka jingkheiñ ki kyrteng jong ki, uwei pa uwei u shynrang baroh naduh arphew snem ka rta bad tam, baroh kat kiba lah ïaleit mih ban ïaleh thma; 21kita ïa kiba la kheiñ na ki, na ka jaid Reuben, ki la long sawphew hynriew hajar sanspah.
22Na ki khun u Simeon, ki jingkha pateng jong ki, katba kum ki kur jong ki, na ka ïing ki kpa jong ki, kita ïa kiba la kheiñ kat ka jingkheiñ ki kyrteng jong ki, uwei pa uwei u shynrang baroh naduh arphew snem ka rta bad tam, baroh kat kiba lah ïaleit mih ban ïaleh thma; 23ka jingkheiñ jong kita kiba na ka jaid Simeon, ka la long sanphew khyndai hajar laispah.
24Na ki khun u Gad, ki jingkha pateng jong ki, katba kum ki kur jong ki, na ka ïing ki kpa jong ki, kat ka jingkheiñ ïa ki kyrteng jong ki, naduh arphew snem ka rta bad tam, baroh kat kiba lah ïaleit mih ban ïaleh thma; 25ka jingkheiñ ïa kita kiba na ka jaid Gad, ka la long sawphew san hajar hynriewspah sanphew.
26Na ki khun u Judah, ki jingkha pateng jong ki, katba kum ki kur jong ki, na ka ïing ki kpa jong ki, kat ka jingkheiñ ïa ki kyrteng jong ki, naduh arphew snem ka rta bad tam, baroh kat kiba lah ïaleit mih ban ïaleh thma; 27ka jingkheiñ ïa kita kiba na ka jaid Judah, ka la long hynñiewphew saw hajar hynriewspah.
28Na ki khun u Issakhar, ki jingkha pateng jong ki, katba kum ki kur jong ki, na ka ïing ki kpa jong ki, kat ka jingkheiñ ïa ki kyrteng jong ki, naduh arphew snem ka rta bad tam, baroh kat kiba lah ïaleit mih ban ïaleh thma; 29ka jingkheiñ ïa kita kiba na ka jaid Issakhar, ka la long sanphew saw hajar sawspah.
30Na ki khun u Sabulon, na ka jingkha pateng jong ki, katba kum ki kur jong ki, na ka ïing ki kpa jong ki, kat ka jingkheiñ ïa ki kyrteng jong ki, naduh arphew snem ka rta bad tam, baroh kat kiba lah ïaleit mih ban ïaleh thma; 31ka jingkheiñ ïa kita kiba na ka jaid Sabulon, ka la long sanphew hynñiew hajar sawspah.
32Na ki khun u Joseph, na ki khun u Ephraim, ki jingkha pateng jong ki, katba kum ki kur jong ki, na ka ïing ki kpa jong ki, kat ka jingkheiñ ïa ki kyrteng jong ki, naduh arphew snem ka rta bad tam, baroh kat kiba lah ïaleit mih ban ïaleh thma; 33ka jingkheiñ ïa kita kiba na ka jaid Ephraim, ka la long sawphew hajar sanspah.
34Na ki khun u Manasseh, ki jingkha pateng jong ki, katba kum ki kur jong ki, na ka ïing ki kpa jong ki, kat ka jingkheiñ ïa ki kyrteng jong ki, naduh arphew snem ka rta bad tam, baroh kat kiba lah ïaleit mih ban ïaleh thma; 35ka jingkheiñ ïa kita kiba na ka jaid Manasseh, ka la long laiphew ar hajar arspah. 36Na ki khun u Benjamin, ki jingkha pateng jong ki, katba kum ki kur jong ki, na ka ïing ki kpa jong ki, kat ka jingkheiñ ïa ki kyrteng jong ki, naduh arphew snem ka rta bad tam, baroh kat kiba lah ïaleit mih ban ïaleh thma; 37ka jingkheiñ ïa kita kiba na ka jaid Benjamin, ka la long laiphew san hajar sawspah.
38Na ki khun u Dan, ki jingkha pateng jong ki, katba kum ki kur jong ki, na ka ïing ki kpa jong ki, kat ka jingkheiñ ïa ki kyrteng jong ki, naduh arphew snem ka rta bad tam, baroh kat kiba lah ïaleit mih ban ïaleh thma; 39ka jingkheiñ ïa kita kiba na ka jaid Dan, ka la long hynriewphew ar hajar hynñiewspah.
40Na ki khun u Asher, ki jingkha pateng jong ki, katba kum ki kur jong ki, na ka ïing ki kpa jong ki, kat ka jingkheiñ ïa ki kyrteng jong ki, naduh arphew snem ka rta bad tam, baroh kat kiba lah ïaleit mih ban ïaleh thma; 41ka jingkheiñ ïa kita kiba na ka jaid Asher, ka la long sawphew wei hajar sanspah.
42Na ki khun u Naphtali, ki jingkha pateng jong ki, katba kum ki kur jong ki, na ka ïing ki kpa jong ki, kat ka jingkheiñ ïa ki kyrteng jong ki naduh arphew snem ka rta bad tam, baroh kat kiba lah ïaleit mih ban ïaleh thma; 43ka jingkheiñ ïa kita kiba na ka jaid Naphtali, ka la long sanphew lai hajar sawspah.
44Kine ki long kita ïa kiba la kheiñ, ïa kiba la kheiñ u Moses bad u Aaron bad ki rangbah ki Israel, kita ki khat-ar ngut keiñ: uwei uwei u la long na ka bynta ka ïing ki kpa jong u. 45Kumta, kita baroh kat kiba la kheiñ na ki khun Israel, katba kum ki ïing ki kpa jong ki, naduh arphew snem ka rta bad tam, baroh ha Israel kat kiba lah ïaleit mih ban ïaleh thma; 46kita keiñ ïa kiba la kheiñ baroh ki la long hynriewspah lai hajar bad sanspah sanphew.
Kaba thung ïa ki Lebi ïa ka ban shakri ïa U Trai
47 #
Jkñ. 2:33. Hynrei, ïa ki Lebi na ka jaid ki kpa jong ki ym shym la kheiñ hapdeng jong ki. 48Namar ba U la lah kren U Trai ha u Moses, U da ong, 49“Hynrei, wat kheiñ ïa ka jaid Lebi, wat shim ruh ïa ka jingkheiñ ïa ki hapdeng ki khun Israel: 50#Jkñ. 3:5-8,21-37; 4:1-33; 8:19; 18:3,4,23.hynrei, men thung ïa ki Lebi halor Ka Tabernakl ka jingphla, bad halor kiei kiei baroh ki jingbuh jong ka, bad halor kiei kiei baroh kat kiba dei ïa ka: ki keiñ kin ïabah ïa kata Ka Tabernakl, bad ïa kita baroh ki jingbuh jong ka; kin shakri ruh ïa ka, bad kin ïashong baroh sawdong ïa kata Ka Tabernakl. 51Te haba kan sa mih Ka Tabernakl, kita ki Lebi kin ïalied noh ïa ka: haba kan sah noh ruh Ka Tabernakl, ki Lebi kin pynïeng ïa ka: te ïa u nongwei uba nud ban wan hajan yn pynïap ïa u. 52Bad ki khun Israel kin ïashong dara, uwei uwei baroh ha la ka jong ka jaka shong dara, bad uwei uwei baroh hapoh la ka jong ka lama, ha ki paidbah jong ki. 53Hynrei, ki Lebi kin ïashong dara baroh sawdong Ka Tabernakl ka jingphla, ba ka jingbitar kan ym long halor u paidbah ki khun Israel: ki Lebi ruh kin ïa-ap ïa Ka Tabernakl ka jingphla.”
54Bad ki khun Israel ki la leh baroh kat kumba la hukum U Trai ïa u Moses, kumta ki la leh.
Currently Selected:
JINGKHEIÑ 1: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
