ISAÏAH 39
39
U Hesekaïah u pdiang ïa ki nongrah khubor na u syiem ka Babilon
(2 Syiem. 20:12-19; 2 Khrn. 32:27-31)
1 #
2 Syiem. 20:12-19; 2 Khrn. 32:31. Ha kata ka por, u Merodak-baladan u khun u Baladan, u syiem ka Babilon, u la phah shithi bad ka jingai sngewbha sha u Hesekaïah: namar u la ïohsngew ba u la lah pang, bad ba u la koit. 2Te u Hesekaïah u la sngewbha ïa ki, bad u la pyni ha ki ïa ka ïing kiei kiei kiba kordor jong u, ka rupa, bad ka ksiar, bad ki musla, bad ka jingsleh bakordor, bad ka ïing ka jingkieng atiar jong u baroh, bad kiei kiei baroh ba la shem ha ki jingkynshew jong u: ym shym la don ei ei ruh ha ka ïing jong u lymne ha ka hima jong u baroh ba u Hesekaïah um shym la pyni ha ki. 3Te la wan u Isaïah u nongïathuhlypa ha u Syiem Hesekaïah bad u la ong ha u, “Ki la ong aïu kine ki briew? bad nangno ki la wan sha me?” Te u Hesekaïah u la ong, “Ki la wan sha nga na ka ri ba jngai, na Babilon keiñ.” 4Te u la ong, “Ki la ïohi aïu ha ka ïing jong me?” Bad u Hesekaïah u la ïathuh, “Ki la ïohi ïa kiei kiei baroh kiba ha ka ïing jong nga; ym shym la don ei ei ruh hapdeng ki jingkynshew jong nga ba ngam shym la pyni ha ki.”
5Te U Isaïah u la ong ha u Hesekaïah, “To sngap ïa ka ktien U Trai ki paid. 6‘Ha khmih, ki sngi kin wan ba kiei kiei baroh kat kaba don ha ka ïingsyiem jong me, bad ïa kita baroh ba ki kpa jong me ki la kynshew haduh kane ka sngi, yn sa rong noh sha Babilon; yn ym iehnoh ei ei ruh,’ ong U Trai. 7#Dan. 1:1-7; 2 Syiem. 24:10-16; 2 Khrn. 36:10.‘Bad ïa ki khun shynrang jong me ki ban mih na me, kiba men pynkha, kin shim noh; te kin long ki ïunukh ha ka ïingpaki u syiem ka Babilon.’ ” 8Te u Hesekaïah u la ong ha u Isaïah, “Ka babha kata ka ktien U Trai kaba me la kren.” U la ong ruh de, “Naba ka jingsuk bad jingshisha kin long ha ki sngi jong nga.”
Currently Selected:
ISAÏAH 39: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India