ABAROMA 16

Amashesio ka Paulo khubandu abahukhane

1Enzenya okhumumanyia omukhaana wefwe Fibi, oukhalabanilanga ikanisa yili Kengerea. 2Mumwinjisie muliira elia Omwami shinga abakristo bakhoyile khandi mumuhelesie obukhoonyi bwosi bwosi obwa yenya okhurula khwinywe; shichila omwene yakhonyilenje abandu abanji kata siesi.

3 # Ebikh. 18:2 Muushesilie Pirisila nende Akula, abakhalabani bashianje mumilimo chia Yesu Kristo. 4Bo bafuchilila kata okhufwa khulwa isie. Ebakhupilanga orio muno, ne shiendi isie sienyene ta, habula nende boosi abetsikanisa tsia abamahanga. 5Amashiesio kandi khubeikanisa abakhung'anilanga munzu yabwe khulwa okhusaaya.

Amashiesio khumwitsa wanje omuheelwa Epaineto, owali omundu wambeli mumbeka tsia Asia okhusuubila mu Kristo. 6Amashesio khu Mariamu, owamukhalabanila inywe obutinyu muno. 7Amashesio khu Anderoniko nende Yunia, Abayahudi bashianje abali mumbohe halala ninasi. Abo bamanyikha khubarume khandi bekhola abakristo isie neshili.

8Amashesio kanje khu Ambiliato, omwitsa wanje omuheelwa mu Omwami. 9Amashesio khu Urubano, omukhalabani washefwe mubukhalabani bwa Kristo, nende khu Sitakisi, omwitsa wanje omuheelwa. 10Amashesio khu Apele, owa obusuubilibwe khu Kristo bwamanyikha obulayi. Amashesio khu abeinzu ya Aristobulo. 11Amashesio khu Herodioni, omuyahudi washianje, nende abashiefwe mu Kristo abeinzu ya Narikisi. 12Amashesio kanje khu Turifena nende Turifosa abakhalabani mubukhalabani obwa Omwami. Muushesilie Perezisi, oukhalabananga muno mu Omwami. 13#Mrk. 15:21Eruma amashiesio khu Rufu, omukhalabani wamanyikha mubukhalabani obwa Omwami, nende khunyinamwana, owaninda obulayi shinga omwanawe. 14Amashesio kanje khu Asingirito, Fulegoni, Hereme, Pataroba, Herema nende abasuubili bashiefwe bandi boosi abasanganga ninabo. 15Amashesio khu Filologo nende Julia, khu Nerea nende omukhaana wabwe, khu Olimba nende khubasuubili boosi abasanganga ninabo.

16Mushiesianie abeene khubeene amashiesio kobusangaafu. Abeikanisa ya Kristo boosi bamushesiye.

Amebaalo kokhuhelelesia

17Baana befwe emusaaya, mubuule abo boosi abareeranga obukabukhani nende ebisichirasio, nibafukula amechesio aka mwechesibwa. Mwiyahule okhurula khubo. 18Okhuba abakholanga amakhuwa kario shibakhalabanilanga Kristo Omwami wefwe ta, habula bakhalabanilanga tsinda tsiabwe abeene. Bekhoonyelanga amakhuwa kabwe kokhukaatilisia nende akokhulaha khulwa okhukaatia amapaaro kabateshele. 19Okhuba buli mundu wamala okhuhulila shinga olwa muli abahulili khu Injiili, ne niko akachilanga nimwikhoyela muno. Enzenya mbu, mubetsenje abachesi khu akali amalayi, ne abasilu khu akali amabi. 20Naye Nyasaye, ouli eshinoko shiomulembe, nasenachile Setani lwangu hasi wamakulu kenywe.

Obukoosia obwa Omwami wefwe Yesu bube ninenywe.

21 # Ebikh. 16:1 Timotseyo, omukhalabani washianje, amurumilanga amashiesioke, khandi Lukio, Yasoni nende Sisipatero Abayahudi bashianje boosi bamushesiiye. 22Isie Teretio, owahandichila Paulo ibarwa yino, emurumile amashiesio ka Kristo. 23#Ebikh. 19:29; 1 Abakor. 1:14; 2 Tim. 4:20Gayo, owanzinjisia khandi owa abeikanisa ya Kristo bakhukhaanilanga munzuye amurumila amashiesioke. Erasito, omubiishi welitookho, halala nende Kwarito omwana wefwe bamurumiila amashiesio. [ 24Obukoosia obwa Omwami wefwe Yesu Kristo bube ninenywe mwesi. Amina.]

Amasaayo kokhuhelelesia akokhwitsoomia

25Leshe khuhaane oluyali khu Nyasaye! Niye ounyala okhumuralisia mubusuubili bwenywe, okhulondana nende Amakhuwa Amalayi aka eyaalanga, khu Yesu Kristo, nende mubufimbuli bwelibiso eliabiswa khulwa ebisoni nebisoni. 26Nebutswa, bulano obwatoto bubakaalwe habulafu okhubirira mumahandiko kabalakusi. Khandi okhubirira mwilako elia Nyasaye oweinziayo, bwamanyisibwe mumahanga koosi, mbu boosi babusuubile nende okhubuloonda. 27Nyasaye yenyene ouli omwene omuchesi, aheebwe oluyali okhubirira mu Yesu Kristo obushia nobushia! Amina.

Currently Selected:

ABAROMA 16: OLUDC

Highlight

Copy