ABAROMA 15
15
Muchamisinjie abandu, mulechamisia abeene tawe
1Ifwe abakhuli nobusuubili buhela, khukhoyile okhukhoonya abalemu mubusuubili khulwa okhwituukha emisiko chiabwe. Khulechamisia abeene tawe. 2Habula fwesi okhuula khuchamisie abashiefwe khulwa okhubakholela amalayi, mbu khubombashe mubusuubili. 3#Tsits. 69:9Okhuba Kristo shiyayechamisia omwene ta, habula Amahandiko kaboolanga kari, “Akabakhunyeka iwe koosi, kali khwisie.” 4#1 Mak. 12:9; 2 Mak. 15:9Buli shindu eshiahandikwa mumahandiko amatakatifu shiahandikwa khulwa okhwechesia ifwe, mbu khube nobunaayi okhubirira mubwisimilisi nende obutinyilisi bwa Amahandiko kakhuboolelanga. 5Ne Nyasaye, ouli eshinoko shiobwisimilisi nende obutinyilisi, akhoya wamunyalila okhumenya mukhurecheresania abeene khubene nimuloonda aka Yesu Kristo, 6mbu mwesi, nomwoyo mulala, mwitsoomie Nyasaye, Samwana Omwami wefwe Yesu Kristo.
Injiili khubabdu boosi
7Mwinjisaninjie abeene khubeene, shinga Kristo yamwinjisia khulwa oluyali lwa Nyasaye. 8Okhuba emuboolela mbu, Kristo yakhalabanila Abayahudi khulwa okhumanyisia obwatoto bwa Nyasaye, kho mbu obusuubisie bwa Nyasaye yasuubisia abakuuka buusibwe. 9#2 Sam. 22:50; Tsits. 18:49Khandi mbu Abamahanga bahaane oluyali khu Nyasaye khulwa tsimbabasitsie. Shinga Amahandiko kaboolanga mbu;
“Khulweshio ndalakhwitsoomia mubamahanga,
ndalemba tsinyimbo ninditsoomia eliiralio.”
10 #
Okhuk. 32:43
Khandi kaboolanga mbu;
“Mwikhoye inywe abamahanga,
mutsaatsahale halala nabandube!”
11 #
Tsits. 117:1
Khandi kaboola kari,
“Inywe amahanga koosi mwitsoomie Omwami,
inywe abandu boosi mumwitsoomie!”
12 #
Isa. 11:10
Naye Isaya yaboola ari,
“Owomulwibulo lwa Yese alilolekha,
naye aliruka abamahanga,
nabo abamahanga balinaayila muye.”
13Nyasaye, ouli eshinoko shiobunaayi, amwitsusia nobusangafu bwosi, nende omulembe okhubirira mubusuubili bwenywe muye, kho mbu khulwobunyali bwa Roho Omutakatifu obunaayi bwenywe bumeeteshe.
Eshifune shichila Paulo nahandika neitswoni
14Baana befwe, isie mwene emanyile obulayi mbu, muli nobukoosia. Khandi muli nobumanyilisi bwosi, khandi mbu munyala okhwechesania abeene khubeene. 15Nebutswa ehamundichiile ibarwa yino neitswoni khumakhuwa kandi okhumwitsusia. Endi neitswoni khulwa okhubela obukoosia bwa Nyasaye yambelesia, 16okhuba omukhalabani wa Kristo Yesu, okhukhalabanila abamahanga. Ekhalabananga shinga omwisaaliisi, neyaala Injiili ya Nyasaye mbu, abamahanga babe omusango okufuchililwa imbeli wa Nyasaye, okuhaanilwe khuye nende Roho Omutakatifu. 17Khulweshio, enyala okhwiyitsialila obukhalabani bwanje bwekholelanga Nyasaye mu Kristo Yesu. 18Emboola netswoni khu aka Kristo yakhola okhubirira mwisie khulwa okhukhola abamahanga okhuhulila Nyasaye. Yakholile kano okhubirira mumakhuwa nende mubikhole, 19khulwa obunyali bwa akamakana, akokhuhuchisia, nende khulwa obunyali bwa Roho Omutakatifu. Ne shinga ndachenda okhurula Yerusalemu okhuula Iluriko, ndayala mubwitsulu Injiili ya Kristo. 20Aka ndikombanga buli lwosi nokhuyaala Injiili buli habundu aha eliira lia Kristo lishili okhurumbulwakhwo, kho mbu endeshe okhumbakha khumushinji kwomundu undi yombokha. 21#Isa. 52:15Shinga olwa Amahandiko kaboolanga mbu,
“Abo abalaboolelwakhwo amakhuwake ta, balamulola,
abo abalahulilakhwo amakhuwake ta, balamanyilisia.”
Paulo yerechekha okhucheniha Roma
22 #
Abaro. 1:13
Kho kano niko akachila nindikalilwa akhandi akhanji okhumucheniha. 23Nebutswa bulano olwa emalile emilimo chianje mutsingongo tsino, khandi shichila ndekomba khulwa oluhono olurambi okhumucheniha, 24bulano enzenya okhwitsa. Ndikomba okhumulola olwa nembe nendi khuluchendo lwanje lwokhutsia Sipania, mana mukhoonye okhutsiayo olwa nembe nemalile okhusangala khulwa okhumulolakhwo khulweshise shitiiti. 25#1 Abakor. 16:1-4Nebutswa, bulano enzitsanga Yerusalemu khulwa okhukhalabanila abakristo bebweneyo. 26Okhuba abakristo aba Makedonia nende Akayia bachamile okhuhaana ebihaanwa khulwa okhukhoonya abamanani bali mubakristo aba Yerusalemu. 27#1 Abakor. 9:11Abene nibo abachamile okhukhola bario, nebutswa obwatoto buli mbu, bakhoyile okhukhoonya abamanani abo, shichila Abayahudi bakabana tsikhabi tsiabwe tsieshiroho nende Abamahanga. Kho Abamahanga bakhoyile okhwikhoonyela tsikhabi tsiabwe tsiemiandu okhukhoonya Abayahudi. 28Olwa ndalaba nemalile omulimo kuno, nebahelesiye amapesa koosi akabasololelwa, ndalatsia Sipania mana emuchenihe nendi khuluchendo olwo. 29Olwa nemucheniye, emanyile mbu, nandiitse netsikhabi tsia Kristo mubwitsulu.
30Bulano emusaaya baana befwe khulwa Omwami wefwe Yesu Kristo, khandi khulwa obuheeli bwa Roho ahaananga mbu, musanjilane ninasi nimusaayila obutinyu khu Nyasaye. 31Saaye mbu, abandu bali Yudea abalasuubilanga mu Kristo ta, baleshe okhusaalisia, khandi mbu emilimo chianje Yerusalemu chifuchililwe nobusaangaali mubandu ba Nyasaye abali ebweneyo. 32Kho nikhuba nikhuli okhwenya khwa Nyasaye, ndalamwitsila ninditsule obusangafu, mana okhumucheniha khwanje khulasangasia nende okhuukhola okhuhuluukha ninenywe. 33Nyasaye, ouli eshinoko shiomulembe, abetsenje ninenywe mwesi. Amina.
Currently Selected:
ABAROMA 15: OLUDC
Highlight
Share
Copy
Want to have your highlights saved across all your devices? Sign up or sign in
