ABAROMA 13

Akakhoyile okhukholelwa Abaruchi

1 # Obuch. 6:3 Buli mundu okhuula ahelesinjia abaruchi oluyali, okhuba obunyali bwokhuruka abandu bularulanga khu Nyasaye. Nabo abarukanga bahebwa obunyali okhurula khu Nyasaye. 2Omundu yesi oukhaya okhuhulila oburuchi buliho, aba akhayanga okhuhulila Nyasaye, ne yesi oukhola ario yekhalachilanga omwene eshiina. 3Okhuba abaruchi shibarisinjia abakholanga amalayi ta, habula abakholanga amabi. Kho wenya okhubula oburi khumuruchi? Kho khola amalayi, naye alakhwitsoomia. 4Okhuba omuruchi nomukhalabani wa Nyasaye, oukhalabananga khulwa obulayibwo iwe omwene. Nebutswa nokhola amabi, okhuula omurie, shichila obunyalibwe bwokhuhaana eshinyasio buliho. Nomukhalabani wa Nyasaye oureranga eshinyasio shia Nyasaye khumundu oukholanga amabi. 5Niko akachila okhuula muhelesie abaruchi oluyali, mulabahelesia butswa oluyali khulwa liruma lia Nyasaye ta, habula shichila mbu nakakhoyile okhukholwa kario.

6 # Mat. 22:21; Mrk. 12:17; Luka 20:25 Niko akachila khandi nimurunganga obushuru, okhuba abaruchi bakholelanga Nyasaye, olwa baba nibakhola emilimo chiabwe. 7Mubarunje boosi ebibakwanila, mbu obushuru khubakwanila obushuru, oluyali khubakwanila okhuhebwa oluyali.

Akakhoyile okhukholela owashio

8Mulaba nelikofi khu owashio yesi yesi ta, likofi lia muli ninalio lionyene nokhuheelana abeene khubeene, okhuba ouheela owashie aba ahesinjia amalako. 9#Okhur. 20:14; Okhuk. 5:18; Okhur. 20:13; Okhuk. 5:17; Okhur. 20:15; Okhuk. 5:19; Okhur. 20:17; Okhuk. 5:21; Abal. 19:18Amalako kano mbu, “Shiolaheyanga ta, shioleranga omundu ta, shioleeba ta, shiolekoombanga eshindu shiowashio ta,” ako koosi nende akandi koosi akameetwakhwo kalimasibungwa mwilako elala lino mbu, “Oheelenje owashio shinga olwa wiheela omwene.” 10Noba niwaheela owashio, shionyala okhumukholela amabi ta, khulweshio, obuheeli, nokhuhulila amalako koosi.

11Mukhoyile okhukhola ako shichila mumanyile mbu ebise biulile ebiokhubuukha okhurula mundoolo. Okhuba ebise biokhuhonibwa bili ahambi bulano okhushilakhwo shinga biali olwa khwasuubila olwambeli. 12Eshilo shihwetsanga, nashio eshiteere shili ahambi. Kho khuleshe okhukhola amakhuwa keshilima, ne khwifwale ebimanulwa biobulafu. 13Chende khwichendelesie mushiloonyo, shinga abandu abamenya mubulafu bweshiteere, mulelaasia noho okhumeela, noho okhuheya, noho okhukhola akeshifwabwi, noho okhusoolana noho okhutiilwa neshikhalikhali tawe. 14Habula mwifwale Omwami Yesu Kristo, ne mulahelesiakhwo omubili obwiyangu bwokhukhola obwikombi bwakwo obubi tawe.

Currently Selected:

ABAROMA 13: OLUDC

Highlight

Copy